رواية حكاية نور الفصل السادس 6 بقلم أمل سليم

   رواية حكاية نور الفصل السادس بقلم أمل سليم 

رواية حكاية نور الفصل السادس 

دخلت غيرت هدومها .. ولبست فستان سماوى رقيق واطلقت لشعرها العنان ..

وراحت خبطت على ادم ..

فتحلها وانبهر من جمالها الرقيق ..

نور اتكسفت من نظراته : جدو قالى انى لما اصحى اخبط عليك ..

ادم شدها من ايديها : مش عايزة تشوفى اوضتى ..

نور بتوتر : اه جميلة .. همشى بئا . ..

جذبها مرة أخرى إليه وقرب من وجها جداا ..

ادم : طب ايه رأيك فى صاحب الاوضة..

نور : ابعد يا ادم مينفعش كدة .. 

ادم :طب غمضى عينيك وانا ابعد .. 

نور : بجد ..

ادم : طبعا .. 

نور : ماشي .. 

غمضت عينها وهو قام بطبع قبلة رقيقة سريعة على شفتيها ..

شهقت نور وجربت على اوضتها ..

############################

فى اوضة نور ..

ابتسمت من جواها على بوسة ادم ليها لكن قررت تعاقبه عشان ميعملهاش تانى ...

#############################

تانى يوم على الفطار .. 

نور مبصتش أو اتكلمت مع ادم خالص .. وهو فسر انها زعلانة منه . ..

ادم : احم نور مش هتيجى معايا الشركة ..

نور : لأ روح انت وانا هحصلك ..

ادم : طب ما تيجى معايا طالما احنا الاتنين رايحين الشركة ..

نور : هقعد اتكلم مع جدو شوية فيها حاجة ..

ادم : لأ مفيهاش .. عن اذنك يا جدو ..

الجد : مع السلامة يا حبيبى ..

بعد ما ادم مشي ..

الجد : ادم مزعلك يا نور ..

نور : اه يا جدو وبعاقبه ..

الجد : لما تخلصى عقابك تقوليلى مزعلك ليه..

نور : حاضر يا جدو ... المهم .. جدو تعرف حد يجبلنا أجهزة تصنت صغيرة جدااا متتشافش ..

الجد : اه اعرف واحد صاحبى ليه فى الحاجات ديه ..

نور : طب ياريت يا جدو تكلمه .. 

الجد : حاضر يا نور ..

نور : عن اذنك يا جدو هقوم البس عشان اروح ورا البيه ...

الجد : هههه ماشي يا حبيبة جدو .. 

طلعت لبست ونزلت راحت الشركة .. وبعدها دخلت على مكتبه ...

نور : هستلم شغلى امتى يا ادم بيه ...

ادم : بيه !! انتى بتكلمينى انا ...

نور : هو فى حد غيرنا فى المكتب وانا مش شايفة ..

قام وراح عندها : انا اسف ..

نور : اسف ليه..

ادم : عشان ال عملته امبارح .. بس انا كان نفسي اعمل كدة اوى .. عشان خاطرى سامحينى ..

نور : مش هتعمل كدة تانى ..

ادم : ابدااا ..

نور : ماشي مسمحاك  ... ها هبتدى شغل امتى ..

ادم : من انهاردة لو عايزة ..

نور : ماشي موافقة .. فين مكتبى .. 

ادم : اهو وشاور على غرفة ادامه ...

نور : مش المفروض تكون برة ..

ادم : لأ انا هلغى البرة .. واخليه جوة عشان تفضلى ادام عينى يا قلبى ..

نور : انت بجد بتحبنى يا ادم ..

ادم وهو ينظر لها بنظرة عشق وليس حب : انا بعشقك يا قلب وروح ادم ..

#############################

فى كافيه ..

مشيرة : احنا هنفضل ساكتين للبت ديه لغاية مايتجوزها ..

حسام بنظرة توعد : سيبيه يتجوزها ..

مشيرة : انت بتفكر فى ايه ..

حسام : بفكر احرق قلبه .. 

مشيرة : احنا المهم عندنا الفلوس ..

حسام : انا غيرت الخطة وبدل ما اخد الفلوس بس .. هاخد الفلوس بطريقتى وكمان احرق قلبه ..

مشيرة : انت ناوى على ايه ..

حسام : هتعرفى اكيد بس مش دلوقتى ...

#############################

فى الفيلا ....

الجد : ايه اخبار الشغل يا نور ..

نور : تمام يا جدو ..

ادم : ديه طلعت شاطرة اوى يا جدو ..

الجد : طبعا مش حفيدة الجارحى ..

نور : طبعا يا جدو ....

ادم : الحمد لله .. هقوم اغسل ايدى ..

الجد بصوت منخفض : بعد ما ادم ينام تعالى اوضتى .. فى حاجة مهمة ..

نور : حاضر يا جدو ..

بعد شوية ....

الجد : ادم نام ..

نور : اه يا جدو .. فى ايه ..

الجد : خدى اهو أجهزة تصنيت ..

نور بفرحة : لحقت جبتها يا جدو ..

الجد : انتى مش عارفة جدك ولا ايه ...

نور : ههههه لأ طبعا الجارحى باشا ..

الجد : طبعا يا نور انا مش عايز تسجيل واحد انا عايز كذا تسجيل وكمان اى ورق تعرفى تجبيه هاتيه .. عارف انها مهمة صعبة بس مش هتعصى عليكى ..

نور : الحاجات ديه يا جدو هتخلى ادم يسامحنى لما يعرف الحقيقة فلازم اعمل كل جهدى .. 

الجد : ربنا معاكى يا نور ...

نور : ياااارب ..

############################

بعد مرور شهر ...

نور قدرت تجيب تسجيلات ل حسام ومشيرة وحازم فيه اعترافهم كله وجابت شوية ورق بردوا دليل .. وعرفت أنهم بيدبروا مصيبة ل ادم .. بس فاضل تجيب الدليل ...

#############################

نور بفرحة : مش مصدقة يا جدو .. مش مصدقة .. جبت كل حاجة تثبت أنهم متفقين على ادم ..

الجد : كنت متأكد يا روح جدو .. انك ادها .. 

نور : ربنا يخليك ليا يا جدو انت ربنا بعتلك ليا من السما والله ..

الجد : انتى نور ال نورت حياتى وحياة ادم ...

دخلت فى حضنه وباسته فى خده : بحبك اوى يا جدو...

دخل ادم بغضب مصتنع : خيانة .. خيانة .. جدى مع نور .. يا فضخيتك يا ادم ..

الجد : اه خيانة بئا وانا ال هتجوز نور .. ايه رأيك يا نور سيبك من الواد دة ..

نور : على رأيك .. انا موافقة ...

ادم : نهار اسود بتبعينى على طول ..

نور : يا بنى دة الجارحى باشا .. 

ادم : اه والله عندك حق .. 

المهم بئا نتكلم بجد .. عايزين يا جدو نحضر للفرح ..

الجد : طب ما تبتدوا ..

ادم : ها ايه رأيك يا نور ..

نور : ماشي معنديش مشكلة ..

ادم : تمام الفرح بعد اسبوعين ..

نور : على طول كدة ..

ادم : اه القاعة مش هتاخد وقت انشاء الله .. اه بصي القاعة والفستان هيبقوا مفاجأة ليكى يوم الفرح .. انا هسيبك تشترى هدومك بس ..  وننزل اى وقت نغير اوضة النوم بتاعتى على ذوقك .. 

الجد : ولو عايزة تغيرى اى حاجة فى الفيلا حبيبتى براحتك ..

نور : ربنا يخليكوا ليا بجد .. انا مش مصدقة أن ربنا رزقنى بيكوا ..

ادم : انتى تستهالى كل حاجة حلوة يا نور .. المهم موافقة ..

نور : طبعا موافقة ..

الجد : على خيرت الله ..

##############################

نور طول الاسبوعين قلقانة من سكوت حسام ومشيرة وحازم .. وغير كدة مش عارفة توصل للمصيبة ال بيدبروها ل ادم .. بس مش عارفة توصف فرحتها انها خلاص هتتجوز ادم .. ..

###########################

وجه اليوم ال هيتغير فى كل حاجة ٣٦٠ درجة ..

يوم فرح نور وادم ...

فى غرفة نور ...

سهى : اموت واعرف ازاى اسيبك مرفودة من المطعم ارجع الاقيكى متجوزة ادم عز الجارحى ..

نور : يخربيتك وطى صوتك ..

سهى : حاضر حاضر .. هو انتو كتبتوا الكتاب ولا لسه ..

نور بفرحة : اااه كتبناه امبارح ..

سهى : مبروك يا حبيبتى والله تستهالى يا نور انتى طول عمرك طيبة وتستهالى كل خير ..

نور : ربنا يخليكى ليا يا سهى .. انا اتصلت بيكى لأنى مقدرتش افرح وانتى مش موجودة معايا ..

سهى : ربنا يخلينا لبعض يا حبيبتى ...

نور : يارب ..

سهى : بس مش هيمنع انك تقوليلى كل حاجة بعد ما ترجعى من شهر العسل ..

نور : صدقينى والله هقولك على كل حاجة ..

سهى : وانا مصدقاكى ..

دخل الجد ...

الجد : حبيبة جدو .. ايه الاخبار ..

قامت بإحتضانه : جدو حبيبى .. قربت اخلص ..

الجد : اه على فكرة ادم قالى انك هتلبسي الفستان فى الفندق ..

نور : طب ما انا عملت كل حاجة هنا اشمعنا الفستان ..

الجد : مش عارف هو قالى كدة .. المهم انا مستنيكى تحت .. متتأخريش ..

نور : عيونى ..

الجد : تسلملى عيونك ..

##########################

نور مع الجد فى العربية ...

نور : جدو انا خايفة من سكوت حسام ومشيرة وبالذات حسام ..

الجد : وانا كمان بس مش عارف اعمل ايه حتى الراجل ال ببراقبهم مش عارف يوصل لحاجة ..

نور : ربنا يستر ..

############################

وصلوا الفندق وكان فندق ٧ ستار ...

طلعت نور على الجناح ال حجزه ادم عشان تجهز فيه ...

واول ما دخلت انبهرت بالفستان .. كان فى قمة الروعة ..

حتى الاكسسوارات كانت تحفة بعد ما لبست الفستان .. والتاج ال ضمن الاكسسوارات كانت زى الاميرات بالظبط ...

############################

فى غرفة ادم .. 

قاعد بيجهز وفى قمة فرحته أنه هيتجوز نور ..

وهو بيجهز جاتله رسالة على موبايله من رقم غريب ..

(( مبروك يا عريس الغفلة .. طول عمرك عبيط .. مراتك ال انت فرحان انك متجوزها .. بتمثل عليك الحب والعشق مقابل الفلوس .. ولو مش مصدقنى اسمع الڤويس دة )) ..

فتح الڤويس وكان عبارة عن اول مقابلة ما بين حسام ومشيرة وحازم ونور وهما بيتفقوا .. بس ملعوب فى صوت حسام ومشيرة وحازم عشان ميبنش أنه صوتهم ..

ادم قاعد مصدوم .. مش قادر يصدق مش قادر ينطق ..

معقول كنتى بتمثلى عليا الحب يا نور عشان فلوس .. قدرتى تخدعينى بالحب  ... اعمل ايه اروح اقتلك واخلص ولا اطلقك .. لأ كل دة هيريحك .. انا هتفنن فى تعذيبك يا نور .. وحيات حبى ليكى لأحوله لعذاب .. 

ااااااااااه يااااارب ...

###########################

فى جناح نور  .....

الجد : بسم الله ما شاء الله أميرة وافقة ادامى ..

نور : بجد حلوة يا جدو ..

الجد : قمر يا روح جدو .. يلا عشان اسلمك لعريسك ..

نور : يلا يا حسن جدو فى الدنيا ..

#########################

ادم واقف فى اخر السلم راسم ابتسامة وراها جرح كبير ...

انبهر بشكلها ال زى الاميرات .. حاول يشوف فى عينيها نظرة تمثيل لكن حاسس انها بتبصله بكل الحب .. لكن بيكدب نفسه .. 

خدها من ايد جده وباس رأسها ..

ادم : مبروك يا قلبى ..

نور : الله يبارك فيك يا حياتى ..

دخلوا القاعة ورقصوا اول رقصة سلو ..

ادم منبهر بجمالها وبيسرح ويضمها اكتر ليه .. ولحظات ويفتكر التسجيل يبعد عنها براحة .. 

وراحوا أعدوا فى المكان المخصص ليهم ..

والكل بيبارك والجد الجارحى ناس كتير بتباركله .. لغاية ما جيه حسام عشان يبارك ليهم ..

حسام : مبروك يا ابن عمى ..

ادم : الله يبارك فيك يا حسام ..

وجه نظره ل نور : مبروك يا نور .. 

ادم كان منشغل وهو بيسلم على حد تانى ..

حسام وطى وهمس عند ودنها : خافى على نفسك انهاردة يا نور .. الله يكون فى عونك .. ليلتك مش سعيدة ..

نور سمعت الكلام دة خافت وجسمها تلج ..

نور بتوتر : الله يبارك فيك ...

نور وجهت نظرها للجد بتقوله تعالى ..

الجد استغرب وراحلها ..

وطى عشان يسمعها : جدو ابوس ايدك اقنع ادم نبات فى الفيلا انهاردة بلاش الفندق .. ونبى يا جدو ..

الجد : مالك يا نور ايه الحصل .. ايدك متلجة كدة ليه ..

نور : لو ال فى دماغى صح يبقى لما نروح هتعرف .. بس ونبى اقنع ادم نبات الليلة فى الڤيلا ..

الجد : حاضر حاضر متقلقيش ..

راح الجارحى ل ادم : ادم حبيبى بقولك ايه رأيك انهاردة تباتوا فى الڤيلا ..

ادم : ليه يا جدى انا حاجز فى الفندق..

الجد : اصل حاسس انى تعبان شوية وخايف اتعب اكتر بليل ..

ادم : الف سلامة يا جدى .. حاضر نبات انهاردة فى الفيلا ..

الجد : ربنا يخليك يا حبيبى .. خلى بالك من نور يا ادم ..

ادم بوجع من جواها : من عنيا يا جدى ..

نور اعدة مليون فكرة بتيجى فى دماغها .. مش عارفة تعمل ايه وبتدعى أن الليلة تعدى على خير ...

خلص الفرح ...

راحوا على الفيلا ...

والجد راح اوضته ..

ادم نور دخلوا اوضتهم وقفل الباب بالمفتاح ..

نور اعدة مكسوفة وخايفة وفرحانة لكن كلام حسام مراحش من بالها ...

ادم : مبروك يا نور ..

نور : الله يبارك فيك ..

شدها جامد من أيدها : الا قوليلى يا نور انتى دلوقتى مراتى صح ..

نور : طبعا يا حبيبى ..

ادم : يعنى من حقى اعمل فيكى ال انا عايزه ..

نور برعب : اصدك ايه ..

ادم : هتفهمى دلوقتى .....

يتبع الفصل السابع اضغط هنا

• الفهرس يحتوي على جميع فصول الرواية كاملة :"رواية حكاية نور" اضغط على اسم الرواية