رواية تزوجت ولم ادري الفصل السابع بقلم نورا نور
رواية تزوجت ولم ادري الفصل السابع
هناء كانت بتسأل سامر بتقوله ايه يا سامر مسألتش على اخوك
سامر بغضب:انتى كل حاجه مالك مالك ايه يا شيخه مفيش مره تطمني عليا كل ده عشان بضحك عادى شايفه انى تمام انتى جمبى وكإنك مش جمبى كل شويه تسألى عليه بتحبيه اوى وانا لا وانا ابنك الحقيقى مش هو اصلا محسسانى انى انا اللى مش ابنك انتى ايه اتقى الله فيا حرام كدا
هناء انصدمت ودمعت وقالتله:كل ده شايله فى قلبك يا حبيبى والله ما قصدى انت حبيبى وابنى دانت روحى ومستحيل احب حد اكتر منك انا بس بسأل عليه بس لو ده بيزعلك مش هسأل تانى وقولى يابنى انا جمبك اهو وسمعاك فيك ايه
سامر دمع وحضنها وقال بحق*د:انا مبطيقه*وش كل حاجه مالك مالك ابويا بيحبه اوى وكان بيعتمد عليه فى كل حاجه وانا لا انتى كل شويه تطمني عليه وكنتى بتأكليه وانا لا كنتى بتسبينى وتقومى تنامى معاه كأنه هو ابنك وانا لا خليتونى اكر*هه مبقتش عايز اشوفه بحق*د عليه بكر*هه بكر*هه
هناء بدموع لانها هى اللى وصلت ابنها لده قالتله:بس يا حبيبى اهدى بس خلاص انا معاك اهو وانا كنت بعمل كدا عشان احسسه انه مش وحيد وانى مامته عشان مامته كانت متوفيه وهو كان خايف منى كنت عارفه انك شاطر وانك فاهم نا ليه بعمل كدا معاه بس انا اللى غلطانه يا حبيبى معلش انا اللى مفهمتكش انا اللى وصلتك لكدا خلاص انا معاك اهو ومش هسيبك ابدا وقالتله يلا عشان اقوم اعملك رز بلبن انا عارفه انك بتحبه
سامر باس ايدها وقالها:معلش انى اتعصبت عليكى مكانش قصدى انا بس كنت حاسس بكبت وطلعته واه انا بحبه ومن ايدك بالذات يلا بقا عشان جوعت
هناء بإبتسامه:هروح اهو بس اوعى يا حبيبى تعمل حاجه فى اخوك اوعى دانتوا حبايب واخوات وكويس انك قولت اللى جواك وانك فهمتنى وحقك عليا يا حبيبى
سامر بشرود:ماشى يا امى خلاص مفيش حاجه روحى يلا يا نونه عشان جعان وهى ابتسمت ومشيت وقال معلش مقدرش يا امى اقولك على اللى هعمله فيه انا بكر*هه جدا ودا من الاسباب اللى بكر*هه بسببها بس فيه اسباب كتير تانى وهخليه ين*دم كدا وضحك بشر
❤️❤️❤️اذكروا الله❤️❤️❤️
عند ايمى اتعصبت ولسه هتتكلم لقت شخص وراها بيقول:انتى
هى:انت هو حضرتك جاى عشان تقبض عليا ولا ايه مش قولتلك خلاص مفيش حاجه ولا انت عايز تراقبني عشان تنتقم منى بقا وتعرف عنى كل حاجه وتعذبنى وتتجوزنى غصب وتهددنى بإ ولسه هتكمل
عاصم بعصبيه:ايييه ايه يا بنتى راديو مش بتفصلى ايه كل ده وبعدين ايه جو الروايات اللى انتى عايشه فيه ده اتني*لى انا هبوصلك انتى ليه انتصيت فى نظرى
ايمى بعصبيه:انت ازاى تسمح لنفسك تكلمني كدا انت اصلا مين وبعدين هو انا طلبت رأيك لا وانا اصلا قمر وعارفه نفسى كويس وانت فعلا انتصيت عشان بتكدب وبس بقا
قالت للحارس:وانت كمان اوعى من وشى وزقته ودخلت
الحارس بيجرى وراها بيقولها:منفعش يا انسه يا انسه استنى
عاصم اتعصب وقال للحارس:انت ازاى تدخلها ومين دى اصلا حسابك مع مالك ودخل
ايمى قعدت تخبط على الباب جامد وبتقول:افتحى يا مايان افتحى يا حبيبتى عمل فيكى ايه هولاكو ده
فوق عند مايان ومالك سمعوها ومايان قعدت تضحك وقالت يالهوى يخربيت*ك يا ايمى هيموتنا ايه اللى جابك اما انزلها ونسيت ان مالك قاعد جمب الباب طلعت ولقته فى وشها اتخضت وقالت ااااه يالهوى انت لسه قاعد
مالك:اه انا مش هحلك ومين اللى تحت اللى بتقول عليا هولاكو دى شكلها صاحبتك انتى بتقولى اسرار بيتنا لصاحبتك
مايان:لا هفهم قاطعها وقالها:مش عايز افهم انزلى شوفيها وحسابك معايا بعدين يلا نزلت مايان بسرعه وفتحتلها وقالتلها:يالهوى ايه اللى جابك يا ايمى وبعدين ازاى تكشفى سرنا وتقولى هولاكو دانا هتنفخ منك لله
ايمى بعصبيه:انتى ايه لوك لوك لوك فى ايه اصبرى اتكلم حتى جيالك من بعيد وخايفه عليكى منه وانتى همك انى قولت هولاكو ولا ايه عملك ايه قوليلى وانا اقدم فيه بلاغ
عاصم بسخريه:شوف مين بيتكلم قال يعنى انتى اللى بتدى فرصه لغيرك يتكلم وبعدين تقدمى فى مين بلاغ دانا اللى هقدم فيكى اصبرى عليا
ايمى:وانت مالك انت انت اصلا بتدخل ما بينى وما بينها اااه دانت صاحبه بقا اه مانتوا شبه بعض صاحب حضرتك كان هيموت صحبتى ومشافتش يوم عدل معاه وانت واقف معاه حسبى الله
عاصم:ما اكيد هى عملت معاه حاجه عشان كدا هو بيوريها إنما هو مش غلطان انتى وصاحبتك اللى غلطانين
مايان اتعصبت ولسه هترد قاطعها مالك وقال:حبيبى يا صاحبى ثم انتى ضيفه عندنا متدخليش بينى وبين مراتى
مايان:ولا صاحبك يتدخل بينا
عاصم وايمى احرجوا اوى وقالها:على ما اعتقد كدا احنا نمشى بكرامتنا احسن
ايمى بإحراج:عندك حق يا اخويا احنا غلطانين يلا
مايان ومالك بصوا لبعض وضحكوا ومايان قالت:على اساس ان من شويه مكانوش بيتخانقوا
مالك بضحك:مش عارف شكلهم مجانين وسكت عن الضحك وقالها:بس تعالى هنا كدا ومسكها من قفاها وقالها صاحبتك ازاى تقول عليا هولاكو وازاى تقول انى بعذبك انتى شايفه انى بعذبك
مايان:اه طبعا بتعذبنى وأربعه وعشرين ساعه تبهدلنى وحاجه اخر ني*له
مالك مسك شعرها وقالها:بتقولى ايه سمعيني تانى وانتى بتعملى ايه واللى عملتيه فى الفيلا ده ايه انطقى
مايان بتوتر:لا لا انت فهمتنى غلط دانا كنت بهزر وبعدين هى بتقول هولاكو عشان انا اللى قولتلها كدا إنما هى متقدرش تقول كدا لا
مالك:كمان انتى اللى بتقولى عليا كدا دانتى يومك بنى خدى هنا ومسكها وقالها قدامى يلا وبيشدها من شعرها وقالها دلوقتى حالا هتنضفى الفيلا كلها وتحضرى الاكل وبعدها تغسلى الهدوم وهتباتى هنا مشوفش وشك فوق فهمتى ويا انا يا انتى فى البيت ده بسرعه ومشى
مايان بعياط مصطنع:يا ليله بختك يا يويو ما كنت كويسه فى بيتى معززه مكرمه منك لله يا عمى منك لله يلا اقوم اشوف اللى ورايا يا صغيره على الهم يا لوزه
ولسه هتروح عشان تعمل الاكل لقت الجرس بيرن
راحت تفتح لقت........
❤️❤️❤️❤️❤️اذكروا الله❤️❤️❤️
فى حته تانيه
_حضرتك احنا مراقبين كل حاجه والوضع تمام ننفذ امتى
=لا خليها بعدين مش دلوقتى لحد ما اقولك امتى واجهز
_تمام يا فندم
❤️❤️❤️❤️❤️❤️❤️❤️
عند عاصم
عاصم وهو ماشى قال: اوبس نسيت اقول لمالك على الموضوع طب اروحله ولا اعمل ايه وفجأه لقى.......
هنعرف البارت الجاى متنسوش تقولوا رأيكوا ولاف وكومنتات كتير عشان الجديد ينزل بسرعه
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية تزوجت ولم ادري" اضغط على اسم الرواية