رواية لن تغفر لك البارت الثامن 8 بقلم الاء محمد
رواية لن تغفر لك الفصل الثامن 8
" قل لي كلامًا يطمئنني قل انني كل ماتحتاجه في اقصى حالات وحدتك , وانك لن تجد يدًا تحبها كما تُحب يداي".
ركان دخل اوضته من بعد متكلم مع سميحه و هو مخنوق من فكرة أن هي تكون مع حد تاني راح قاعد علي حرف السرير و جوا قلبه نار و هو بيفتكر فرح و هي في حضن خالد وهما بيرقصه و ايد خالد عليها و عيونه اللي كلها حب ليها و خاف لتكون نسيته و حبت غيره كل ده و فرح كانت شايفه ركان و عيونو فيها حاجه اول مره تشوفها و هي الندم انها تكون لواحد تاني عشان ده مكنش وعدهم لبعض راحت فرح نامت علي كتف خالد اللي كان في قمت سعاته بقربها منه
ركان مره واحده قام ماسك البرفيوم اللي فرح كانت جيبا لي في عيد ميلاده اللي هو محافظ عليه و رماها علي المرايه نزلت فتافيت وراح داخل الحمام ياخد شاور يهدي بي النار اللي في قلبه
بقلمي الاء محمد
★★★★★★★★★★★★
صباح يوم جديد دخلت تهاني اوضة فرح عشان تصحيها زي كل يوم لقيت فرح صاحيه و شكلها معيطه قربت منها بخوف واتكلمت
تهاني بقلق .. فرح مالك يا بنتي في ايه حصل حاجه
فرح .. لا رد
تهاني .. خالد عمل حاجه زعلاتك قولي يا بنتي مالك متوجعيش قلبي
اتكلمت فرح و هي بتمسح دموعها و قالت
فرح .. ركان
تهاني وشها اتغير و اتكلمت بضيقه و عصبيه وقالت .. مالو مهو محدش شاف وشه من ساعة اللي حصل ايه فكرك بيه اوعي يا فرح
تهاني قبل متتكلم فرح قطعتها و قالت
فرح .. ركان خطب و هيتجوز وسوء حظي أن يخطب اخت خالد اللي ميعرفش أن ركان ابو مالك
تهاني من الصدمه قاعدة و اتكلمت و قالت
تهاني .. ايه طب انتي هتعملي ايه دلوقتي هتقولي ل خالد أن خطيب أخته يكون هو ابو مالك ومالك ابنه
تهاني اول مقالة كدا فرح قامت و بقت تتكلم بعصبيه و هي منهاره
فرح .. متقوليش ابنه ده ابني انا هو مكنش عاوزه و ميعرفش بوجوده و لا هيعرف
تهاني بقت فرح صعبانه عليها اللي كل ما الدنيا تضحك ليها يحصل حاجه تخليها ترجع تحزن من الاول و اتكلمت و قالت
تهاني .. ربنا يصلح حالك يا بنتي و يبعد عنك كل شر يااارب استرها ملناش غيرك تقف معانا
بقلمي الاء محمد
★★★★★★★★★★★★★
صحيت سميحه اللي ناويه تروح ل محسن بيه تقنعه عشان ميوفقش علي فرح اللي مش من مستواهم و هي مقتنعه أن مهما الألقاب اتغيرت ف المقامات محفوظه و فرح لا راحت ولا جت فهي بنت البواب حتي من بعد ما بقت دكتوره عشان الطبع غلاب مع انها معشرتهاش حكمت عليها وصلت شركة الدمنهوري عشان تقابل محسن اللي أول معرف بوجودها قام استقبلها ورحب بيها
محسن .. اهلا وسهلا يا سميحه هانم ايه المفاجأة الجميله دي
سميحه .. اهلا بيك يا محسن بيه انا جايه ليك في موضوع مهم و اتمنا مترفضش
محسن .. خير يا هانم اقدر اساعدك ازاي
سميحه .. خالد ابنك انا عرفت أن هو عاوز يتجوز فرح مش كده
محسن .. حصل خالد قالي وانا مش ممانع
سميحه .. ويا ترا بقا خالد ابنك و انت تعرفو انها بنت اسماعيل البواب اللي كان قاعد في بدروم العماره بتاعتي
محسن .. خالد قالي أن هي مستواها المادي مش زينا بس مقالش أن هي بنت البواب
سميحه بخبث .. و ايه قولك بقا من بعد معرفت أن هي بنت البواب
محسن بطيبه .. قولي في ايه دي حاجه خاصه بخالد هو اللي يقرر مش انا عشان هو اللي هيعيش معاها وبعدين الشغل عمره مكان عيب دي حاجه تشرفها أن برغم أن ابوها راجل علي قد حاله قدر يعلمها و تبقا دكتورا زيها زي كنزي و ركان
سميحه بغيظ .. يعني ايه انت موافق علي اللي بيحصل ده
محسن .. انا المهم عندي سعادة ابني مش مهم هي مين و بنت مين ياام ناس مقامات و مش لقيا السعاده
سميحه من كتر غيظها قامت وقفت و طلعت برا المكتب و هي كلها غيظ و عينيها بطق شرار من فرح اللي كل متعمل حاجه عشان تبعدها عن طرقها تقرب اكتر
بقلمي الاء محمد
★★★★★★★★★★★★
صحي ركان اللي استغرب أن سميحه مش في البيت و بقا يقول يا ترا راحت فين و راح داخل خد شور و طلع لبس عشان ياخد الكوفي بتاعته قبل مينزل علي المستشفى و بعد مخلص لقا سميحه داخله واتكلم وقال
ركان .. صباح الخير يا ماما كنتي فين بدري كده
سميحه بضيق .. صباح النور و ايه كنتي فين دي انت هتحاسبني ولا ايه نسيت اني انا اللي امك
ركان بقا مستغرب طريقة سميحه اللي من ساعة ما شافة فرح و هي حالها اتغير واتكلم و قال
ركان .. مالك يا ماما في ايه حصل من ساعة ما شوفتي فرح وانتي حالك اتبدل
سميحه .. اسكت متقولش اسمها اكيد بنت اسماعيل دي سحرالكم عشان كلكم تكونو في صفها
ركان .. كلنا مين يا ماما انتي تقصدي ايه هو في حد جاب سرتها غيري
سميحه بغضب .. ايو في حماك المصون اروح اقوله انها بنت البواب يقولي دي حاجه متعبهاش بقا بنت اسماعيل تتجوز خالد الدمنهوري
ركان بصدمه .. انتي رحتي ل محسن بيه لي كده يا ماما مش هي بعدت عننا من بعد اللي حصل زمان و هو قالك ايه
سميحه .. قال ايه قال إن سعادة ابنه هي الأهم عنده سعادة ايه دي مع بنت البواب
ركان بقا حاسس ان هو قلبه مكسور عشان ابو خالد قدر يقبل فرح زي مهيأ و المهم سعادة ابنه و عمل اللي هو مقدرش يعمله زمان راح ساب أمه و نزل راح المستشفى و هو كله ندم علي حب فرح اللي هو ضايعه سميحه من بعد ما ركان نزل راحت قامت و دخلت الاوضه بتاعتها و قافلت الباب جااامد
بقلمي الاء محمد
★★★★★★★★★★★★
وصل ركان المستشفى هو و كنزي من بعد ما عدا عليها عشان ميصحش أنهم يدخلو بعد خطوبتهم المستشفى كل واحد واحده أول ما دخلو لقيو الكل في استقبالهم و مزينين المستشفى احتفالا بخطوبتهم و بقا يباركو ليهم
كنزي .. انا بجد متشكرا علي المفاجأة الحلوه دي
وراحت سلمت علي الدكاترا و الممرضين و هي مبسوطه و بعدين دخلت المكتب هي و ركان اللي كان ساكت خاالص
كنزي .. في ايه يا ركان مالك من امبارح متغير اووي كده لي
ركان .. مش متغير يا كنزي بس تعبان شويا
كنزي .. تعب ايه ده انت امبارح كنت كويس و اتغيرت فجاء زي ميكون في حاجه زعلاتك
ركان .. ولا متغير ولا حاجه مفيش قولتلك تعبان
كنزي .. ايه يا ركان انت هتتخانق معايه انا عملت حاجه زعلتك اللي يشوفك يقول انك مغصوب علي الخطوبه في ايه
ركان لما كنزي قالت كده بقا حاسس ان هو تايه و راح عليها و مسك ادها و اتكلم و قال
ركان .. حقك عليا يا كنزي انا مضغوط شويا يا حبيبتي متزعليش بقا و اضحكي
كنزي بصت في عيون ركان وقالت .. انا مش زعلانه انا مستغربك بس انت مكنتش كده
ركان بقا حاضن كنزي و بقا يفتكر
★★ فلاش باك ★★
ركان و هو قاعد مع أمه من بعد ما كنزي نزلت عشان تروح اللي سميحه عازمتها عندها علي العشاء قاعت قدام ركان واتكلمت و قالت
سميحه .. ايه رئيك في كنزي يا ركان
ركان .. كنزي دكتوره شاطره وبنت جميله
سميحه .. عندك حق و فوق ده كله بنت ناس و شكلها بتحبك
ركان .. انا و كنزي أصحاب و انا منكرش اني معجب بيها
سميحه .. افهم من كدا اني لو قولتلك اتجوزها تتجوزها فعلا
ركان .. جواز ايه اللي بتتكلمي عنه انا و كنزي مش اكتر من اصحاب انا بعتبرها اختي الصغيره
سميحه .. انت و هي مش اخوات الحمدلله يعني ينفع تتجوزو ولا انت لسه بتحبها و مش قادر يعيني
ركان بعصبيه .. متجبيش اسمها هي اختفت من حياتي زي ما انتي عاوزه
سميحه .. يعني انت كنت عوزني اقبل ب بنت اسماعيل البواب تكون مرات ابني و اتعاير بيها وانا قاعده مع صحابي في النادي اللي كل واحده منهم ابنها متجوز اللي بنت سفير و رجل اعمال ده عمره مهيحصل ابدا
ركان .. وانا عملت اللي انتي عايزاه واتخليت عنها و بقيت وا*طي في نظرها
سميحه بتمثيل .. اه انتي بتعالي صوتك عليا يا ركان عشانها اه قلبي
سميحه مثلت أن هي قلبها و جعها و قدرت تقنع ركان انو يوافق علي كنزي الدمنهوري بنت رجل الأعمال المعروف محسن بيه الدمنهوري
★★ نهاية فلاش باك ★★
ركان و هو بيكلم نفسه بندم .. حقك عليا يا كنزي سامحيني مش ب ايدي اني احبك عشان قلبي ملكها هي حتي بعد كل اللي حصل
★★★★★★★★★★★★
نزلت فرح من بعد مقرارة انها لازم تكون قويه و مفيش حاجه تأثر فيها تاني و دفنت حب ركان في قلبها اللي أول ما شفتو رجع قلبها يدق لي تاني بس هي مش هتكرر غلطها تاني زمان و ثقت في و هو اتخلي عنها و كان سبب في انها تنزل من نظر أهلها و ابوها ميثقش فيها تاني و مات و هو زعلان منها ومن ساعتها و هي مبقتش فرح اللي كانت الضحكه مبتفرقش و شها بعد منزلت تهاني قاعدة علي الكنبه في الصالون و مالك قدامها بيلعب بلعبو ويتابع الكرتون زي كل يوم و بقت تفتكر
★★ فلاش باك ★★
من بعد ما فرح ابوها عرف انها حامل من ركان و دخلت الاوضه بتاعتها قامت تهاني تفتح الباب من بعد مخبط و اول مفاتحة الباب انصدمه من اللي شافته تهاني بخضه و خوف
تهاني .. سميحه هانم خير يا هانم عاوزه حاجه
سميحه زقت تهاني من كتفها بقرف و دخلت البدروم اللي اول مره تدخله و راحت ل اسماعيل اللي هو كمان أنصدم و خاف منها عشان هو عارفها
اسماعيل .. خير يا هانم
اسماعيل قبل ميتكلم راحت سميحه نزلت بلقلم علي وش اسماعيل اللي أنصدم منها و شهقت تهاني اللي اول مره جوزها حد يعمل معاه كده اتكلمت سميحه و قالت
سميحه .. اوع تكون فاكر انت و بنتك انكو كده هتجبرو ابني أنو يتجوز بنتك تبقا بتحلم انت و هي مش ابني اللي واحده فا*جره زي بنتك اللي تضحك عليه
اسماعيل بقا حاسس بلكسره من كلام سميحه هانم اللي هو لو كان يعرف أن كل ده كان هيحصل مكنش جي هنا ولا اشتغل عندم من الاول واتكلم وقال .. انا يا هانم بعد العمر ده كله تبقا دي جزاتي
سميحه .. لما متربيش بنتك تبقا تستاهل اكتر من كدا و لما تبص لفوق لازم تنزل علي جدور رقبتك الصبح يطلع مشوفش و شك انت و بنتك
و راحت طالعه من عندهم سابت تهاني والدموع علي خدها من اللي حصل من سميحه هانم ل جوزها وهي و اقفه لا حول لها ولا قوه
★★ نهاية فلاش باك ★★
تهاني و هي بتمسح دموعها اتكلمت و قالت
تهاني .. ربنا يرحمك يا اسماعيل و ربنا ينتقم منك يا سميحه علي كل اللي حصل في بنتي منك انتي و ابنك و قامت تصلي و تدعي أن ربنا يكون في عون بنتها و يقف جمبها
بقلمي الاء محمد
تفتكرو سميحه هتعمل ايه تاني
و فرح قدرت فعلا تتخطا حب ركان
و كنزي و ركان هيكملو سوا
- تابع الفصل التالي عبر الرابط: "رواية لن تغفر لك" اضغط على اسم الرواية