رواية لقيط الفصل الثامن بقلم أمل رجب
رواية لقيط الفصل الثامن
ظهر زين داخل وباين عليه الوجع
نرمين قربت منه بخوف : فى اى مالك واتأخرت لى
زين بابتسامة : كان عندى محاضرات كتير والموبايل بتاعى شحنه خلص
اسلام بقلق : طب مالك كدا
زين : مفيش يا بابا
اسلام : مفيش ازاى ومالها ملامح وشك كدا
نرمين بقلق : مالك يا روحى
زين : مفيش بس مصدع وعايز انام بس
اسلام : طيب اتغدا اول وبعدين تنام
زين:مش عايز اكل
اسلام : لا مفيش نوم من غير اكل
زين : عشان خاطرى والنبي سبنى انام
اسلام : طيب يا حبيبي يلا اطلع نام ( زين بصلهم وطلع )
نرمين بقلق : هو مالوا كدا تحس أنه موجوع
اسلام : مش عارف عموما خدى بالك منه ولو لاحظتى اى حاجه قوليلي ( بعد مرور أسبوع عند نرمين وهى مع مها )
مها : امال زين ماله
نرمين : مش عارفه عمال يقول بطنى بتوجعنى
مها بقلق : طب ما يروح يكشف
نرمين بحزن: والله يا ماما بتحايل عليه انا و اسلام مش راضي ابدا
مها بستغراب : طب لى
نرمين : مانتى عارفه يا ماما زين جبان قد اى ومش بيحب الدكتره و لا العلاج
مها : مش بمزاجه قولى لاسلام
نرمين : والله ياما ( قطع كلامهم رنة موبايلها )
نرمين : الو اى يا يوسف
ليظهر يوسف : اى يا ماما تعالى بسرعه
نرمين بقلق : لى في اى
يوسف بخوف : زين عمال يرجع ومش قادر يقف على رجله
نرمين بخوف : طيب انا جايه اهو
مها : فى اى
نرمين : زين تعبان اوى انا ماشيه يا ماما عن ازنك
مها : ابقى طمنينى
نرمين وهى متجه الى الباب : حاضر ( و مشت بعد مرور دقائق )
نرمين : يوسف اخوك مالو
يوسف بخوف : مش عارف انا جيت لقيته بيرجع ووشه متغير اوى
نرمين دخلت لزين وقربت منه وحطت أيدها على وشه : مالك يا حبيبي فيك اى يا قلب ماما
زين بتعب : انا كويس يا امى والله
نرمين بدموع : كويس ازاى وانت كدا
زين بابتسامة : والله تمام ( وغمض عينه وراح فى النوم ) خرجت نرمين وهى بتعيط شافت اسلام وهو داخل من باب الشقه
اسلام بقلق : فى اى يا حبيبتي مالك
نرمين : زين تعبان اوى ومش عارفه فيه اى
اسلام بقلق : تعبان ازاى تانى
نرمين : وشه اصفر اوى وكان بيرجع وبقالوا اسبوع بيقول أن بطنه بتوجعه اتصرف اعمل اى حاجه يا اسلام عشان خاطرى
اسلام بصلها بقلق ودخل وقرب من زين:زين
زين فتح عينه بتعب : نعم يا بابا
اسلام بخوف : مالك يا حبيبي فيك اى
زين : مالى يعنى يا بابا انا كويس اهو
اسلام : فين الكويس دا انت وشك اصفر خالص وخلصان قوم تعالى نروح للدكتور
زين بتعب : مش مهم انا كويس والله
اسلام : طب قوم عشان اطمن اكتر
زين بابتسامة تعب : اطمن انا كويس بس عندي شويه برد فى معدتى بسبب التكيف وكدا
اسلام : برد وهو البرد هيعمل كدا
زين : والله لو حسيت بأى تعب هروح للدكتور بس انا عايز انام
( اسلام بصله بقلق وسابه وخرج )
نرمين قربت منه بسرعه : ها عملت اى
اسلام : مش راضي وبيقولى برد فى معدتى بس هو شويه برد هيعملوا كدا فيه
نرمين : هو زين أصلا مناعته ضعيفة بس مش لدرجه دى
اسلام بقلق : لو الترجيع زاد قوليلي وانا هاخده للدكتور غصب عنه
نرمين : ربنا يستر ويشفيه يارب
اسلام بحزن : يارب
( بعد مرور يومين عند نرمين وهى مع مها وكانوا كلهم هناك )
مها : زين بقى عامل اى الوقت
نرمين بحزن : تعبان اوى يا ماما وجع بطنه والترجيع زاد اوى وهو مش راضي يروح يكشف انا خايفه عليه اوى يا ماما
سالى : خديه غصب عنه ما يمكن يكون. حاجه غير البرد
نرمين : مش راضي ودماغه ناشفه اوى وإسلام امبارح اتعصب عليه
ولاء : فى حقن للترجيع كويسه زياد بياخد منها لما بيتعب لو كدا اقولك اسمها
نرمين : و هو زين هيرضي ياخدها دا اكتر حاجه بيكرها الحقن والدكتره
وعد : مش برضاه طالما مش عايزه يكشف جبيله علاج ولو متحسنش خديه عند الدكتور بلليل ( نرمين بصتلها واخدت سالى وخرجت راحت البيت لقت اسلام هناك وسمعو صوت زين )
نرمين : لسه برده تعبان
اسلام : كدا كفايه انا هاخده عند الدكتور
نرمين : انا حبتله حقنه للترجيع وجبت سالى اهى تدهالو
اسلام : و زين هيرضي مانتى عارفه أنه بيخاف منها اوى
نرمين : ماليش فيه بقى ياخدها غصب عنه ( ودخلت الاوضه عند زين ظهر زين نايم على السرير ومش قادر يفتح عينه )
نرمين بدموع وحطت أيدها على وشه : زين انت صاحى
زين فتح عينه براحه : نعم يا ماما
نرمين : قوم يا حبيبي خد الحقنه دى عشان تخف شويه
زين بتعب وخوف : انا كويس يا ماما مش عايز
اسلام بحنيه وقعد جنبه : فين الكويس بس يا حبيبي دانت بقالك اسبوع تعبان عشان خاطري انا ( و بص ل سالى ) جهزيها يلا يا سالى
زين : والله مش عايز انا كويس عشان خاطرى يا بابا
اسلام : عشان خاطري انا خدها انت رافض تكشف يبقى تسمع الكلام انا اصلا غلطان انى سبتك طول الوقت دا يلا بقى يا حبيبي ( بعد عدة محاولات اخد زين الحقنه ونام )
سالى بزعل : ربنا يشفيه يارب (وبصت لاسلام ) لو صحى بنفس . التعب متسكتش عليه
اسلام : لا بإذن الله هاخد انهارده عند الدكتور ( بعد مرور ساعات صحى زين بنفس التعب )
اسلام : لا بقى كدا كتير قوم يلا معايا
زين : مش قادر عشان خاطري يا بابا ( اسلام مقاطع لزين بعصبية ) هتقول كويس اسمع بزمتك انت قادر حتى تمشي على رجلك قوم يا زين ربنا يهديك
نرمين بخوف من عصبيه جوزها على ابنها وقربت منهم بسرعه وبصت لاسلام : اهدا يا حبيبي مش كدا ( وبصت لزين) يلا بقى يا حبيبي عشان اطمن عليك عشان خاطر ماما ( زين بصلها وقام يغير فى اوضته )
( بعد مرور ساعة كان زين مع اسلام عند الدكتور ظهر زين نايم على سرير قدام الدكتور )
الدكتور: الوجع دا عندك من امتا
زين بص لاسلام بخوف ورجع بص للدكتور : بقالو 15 يوم ( اسلام بصله بصدمه و زعل )
الدكتور بصدمه : وازاى متحمل الوجع دا ( وبص لاسلام ) : هو اخد علاج
اسلام : اه اخد حقنه للترجيع
الدكتور : بس. كدا غلط
اسلام : هو لا راضي يروح لدكتره ولا راضي ياخد علاج ( وبتسأل ) هو فيه اى عنده اى
الدكتور : المرارة لازم تتشال ودى سبب الترجيع والوجع
اسلام بصدمه : اى طب هيعمل العمليه دى امتا
الدكتور : هيعمل التحاليل دى اول وياخد العلاج دا مؤقتا لحد ما يعمل العمليه ولما التحاليل تطلع أن شاء الله تجبهم وتيجى مش مهم هو يجى
( اسلام اخد زين ومشي وهو خايف عليه بعد مرور ساعة دخل زين مع اسلام الشقه )
نرمين بقلق : اى الاخبار يا اسلام
اسلام بص لزين : ادخل ارتاح يا حبيبي ( زين دخل اوضته )
نرمين بخوف : هو مالو كدا وشكلوا خلصان فى اى
اسلام بحزن : زين هيعمل عمليه
نرمين بخضه : عمليه عملية اى
اسلام بنرفزه : ابنك بقى مهمل اتحمل الوجع 15 يوم عشان ميروحش لدكتور وياخد علاج واهو الوقت لازم يشيل المرارة
نرمين بحزن : يا حبيبي يبنى طب والعمليه دى هيعملها امتا
اسلام : هو كتبله شويه تحاليل وعملها ولما النتيجة تطلع هو بقى هيحدد ميعاد العمليه ( وادالها العلاج ) العلاج دا ياخده على ما يعمل العمليه بس خدى بالك من مواعيد العلاج هى مكتوبه عندك
نرمين : حاضر متخافش يارب اشفيه يارب وعدى الايام دي على خير ( بعد مرور يومان كانت النتيجه طلعت وإسلام اخدها وراح للدكتور )
الدكتور : تمام كدا يجى أن شاء الله بكرا الساعه 10 بس يكون صايم قبلها ب 8 ساعات
اسلام بقلق : فى اى خطر عليه
الدكتور بابتسامة : انت قلقان اوى كدا لى
اسلام : مش ابنى لازم اقلق واخاف عليه
الدكتور : أن شاء الله مفيش خطر على حياته وهيبقى كويس
اسلام : يارب ( وقام وقف ) عن ازنك يا دكتور
الدكتور : اتفضل
( ومشي بعد مرور ساعة رجع اسلام البيت ودخل ل زين و قرب منه بحنيه )
اسلام : عامل اى يا حبيبي
زين بتعب : كويس يا بابا الحمدلله
نرمين : روحت للدكتور
اسلام : اه وزين هيعمل العمليه بكرا هنروح الساعه 10 ويكون صايم (و بص لزين ) متخافش انا هكون معاك و ان شاء الله هتقوم بالسلامه
زين : أن شاء الله
اسلام : يلا يا حبيبي نام الوقت وانا جنبك اهو ( و فضل جنبه لحد ما نام وسابه وخرج فى صباح يوما جديد صحى زين وخرج هو وإسلام ونرمين متجهين الى المستشفى بعد عدة دقائق وصلوا المستشفى و حصل الإجراءات اللازمة للعملية ودخل زين العمليات )
اسلام بص لنرمين وراح لها : هيبقى كويس
نرمين بعياط : انا خايفه اوى عليه
اسلام : يا حبيبتي العملية بسيطة
نرمين : بسيطه ازاى انت مش شايف اللى بيحصل اليومين دول والموت والاهمال اللى بيحصل
اسلام : يا حبيبتي دى المستشفيات الحكومية لكن هنا فى اكيد رعاية الخاصة مش زى الحكومى
نرمين بدموع : يارب يقوم بالسلامه يارب و يشفيه ( بعد مرور ساعة خرج الدكتور من غرفة العمليات وباين عليه القلق )
اسلام بخوف : خير يا دكتور ابنى حصله حاجه
( الدكتور بصله بقلق و كمل كلامه .....
يتبع الفصل التاسع اضغط هنا
- الفهرس يحتوي على جميع فصول الرواية كاملة :"رواية لقيط" اضغط على اسم الرواية