رواية فجر جديد الفصل التاسع 9 - بقلم إيمــــان

     رواية فجر جديد الفصل التاسع 9 - بقلم إيمــــان

*     رواية فجر جديد الفصل التاسع 

عاد رفعت الى البيت وهو فى حاله شديدة من الغضب وبمجرد دخوله الفيلا اندفعت سيدة تقول له

حمدلله على السلامة يارفعت بيه

رد عليها وهو يصعد السلم بكل سرعته ازيك يا دادة

ودخل غرفته واغلق عليه الباب وجلس على سريرة ولم يدرى كم مر عليه من الوقت وهو جالس ممسكا رأسه بين يديه الى ان سمع طرقات خفيفة على الباب فقال ادخل

فتحت سيدة الباب ودخلت لتتفاجأ به على هذة الحال فقالت

انت لسه بهدومك وقاعد كده من ساعة ما جيت يابنى 

ايوة يادادة هو مر وقت طويل ولا ايه

ايوة يابنى دا انت راجع من ساعة ونص هو فى ايه ايه اللى حصل يخليك فى الحالة دى 

دا انا ما صدقت انك اليومين دول مبسوط وابتديت ترجع زى زمان ضحكتك تملى عليا الدنيا قولى بس يا حبيبى ايه اللى عامل فيك كده

طب انا حقوم اخد دش واغير هدومى تكونى عملتى كوبايتين شاى ونقعد زى زمان فى الفرندة وحقولك على كل حاجة انا فعلا محتاج اتكلم معاكى

من عينية على ما تغير حكون جيت هوا

فرد ببتسامة طبعا ما انا عرفك تموتى فى التفاصيل والحواديت

فنزلت سريعا واعدت الشاى ثم عادت اليه لتجده جالس فى الفرندة فى انتظارها فجلست وهى تقول

هااا بقه ايه الموضوع

فقص عليها رفعت كل ما حدث فى الصباح عندما وجد الشاب عند ندى وكيف تكلم معها باسلوب جاف وما شاهده فى اخر اليوم وهى تتحدث مع عم شوقى وتبكى وصارحها بأنه يشعر فى داخلة بالحزن لانه سبب بكائها

كل هذا وسيدة تسمع له بإهتمام وتركيز شديد وفى داخلها تشعر بسعادة لا توصف فقد شعرت من خلال حديثة ونبرة صوته ان قلبه على وشك ان يفتح ابوابه من جديد بعد ان كانت موصده بالف قفل وشعرت ان الله قد استجاب دعائها له بان يقابل من تستطيع كسر كل هذة الاقفال واستعادته للحياة 

وفى اثناء شرودها وجدته يصيح بها 

دادة سيدة ،دادة ايه روحتى فين

ابدا يابنى كنت مركزة معاك طب وليه ماسالتهاش مين الشاب ده ؟؟؟

لا كده كنتى مركزة بس اصل هى لما دخلت عليا كان شكلها مش مستحمل كلام دا غير انى انا كمان لسانى اتعقد كده وما كنتش عارف اتكلم نهائى

خلاص بكرة ان شاء الله وهى بتقدملك القهوة تحاول تتكلم معاها بهدوء كده وتعرف منها الحكاية بالظبط

فكرك كده يادادة طب وده مش يبقه  تدخل فى خصوصيتها

ما انت مش حتسأل يعنى خبط لزق كده شوف طريقة حلوة كده تفتح بيها الموضوع 

قولها مثلا  ان شكلها انهاردة احسن من امبارح بعد الموقف البايخ اللى حصل حتقوم هى االلى تعتذر ليك ان الشاب ده زاره فى الشركة وتشرحلك هو مين وزارها ليه من نفسها كمان

ما شاء الله يادادة دا انتى دماغك دى جبارة ومش سهله ابدا 

اماااااال

فانفجر الاثنين بالضحك وهمت هى بالانصراف وقالت له وهى تغادر

يلا بقه تصبح على خير الوقت اتاخر وانت حتقوم بدرى

اتاخر ليه هى الساعة كام دلوقت

الساعة 2

ياخبر معقول قاعدنا نرغى كل الوقت ده طب   الحق انام ودخل سريره وهو يشعر براحة كبيرة بعد حديثه الطويل مع سيدة

فى صباح اليوم التالى استيقظ رفعت فى منتهى النشاط وتناول افطاره وتوجه الى الشركة مباشرة . وفى اثناء دخوله لمكتبه تفاجأ بشوقى فى اانتظاره عند السكرتيرة

صباح الخير يا رانيا ، صباح الخير يا استاذ شوقى 

فرد الاثنان : صباح النور يا رفعت بيه

ثم هب شوقى واقفا وهو يقول : رفعت بيه ممكن اتكلم مع حضرتك فى موضوع كده

طب اتفضل معايا يا استاذ شوقى

خير يا عم شوقى فى ايه ؟؟

فى الاول انا بعتذر لحضرتك عن اللى حصل امبارح

بتعتذر عن ايه ؟؟؟

عن الشخص اللى جه زار ندى هنا امبارح ، بس والله ندى مكنش عندها اى فكرة ان الزفت ده جاى ولا تعرف هو وصل لهنا ازاى وعرف مكنها منين

فهمنى بس براحة ياعم شوقى انا مش فاهم اى حاجة منك

قلبوا على البنت المواجع حسبى الله ونعم الوكيل فيهم 

هما مين دول ؟؟؟ وفى ايه ؟؟؟؟

اهل المحروق طلقها

حرام عليك ياعم شوقى ليه كده بس

لما احكى لحضرتك الموضوع حتقول اكتر من كده

طب براحة بس ووحدة وحدة

بص حضرتك انا قولتلك ان احنا سمعنا من شهر ان طلقها ده غار مات وبعدها معرفناش حاجة عنهم ونسناهم تماما والبنت بعد ما اشتغلت روحها رجعتلها واستقرت وكلنا فرحنا انها رجعت زى الاول لحد لما اتفاجأت بأخوه داخل عليها هنا وقال جاى لها بعرض

عرض عرض ايه ده ؟؟؟؟

المحروق بعد ما مات لاقوه عامل وصية وكاتب جزء من ثروته بإسم ندى قال ايه تعويض لها

طب ماهو راجل كويس اهو

ما تصبر عليا

طيب

التعويض ده مشروط بشرط

شرط ايه ؟؟؟؟

انها عشان تحصل على الورث ده تتجوز أمير

أيه امير مين

اخوة اللى شوفته هنا امبارح يعنى البنت تخلص من نقره تقع فى دحديرة دا اخوه  ده اساسا ازفت منه دا غير انه متجوز ومخلف والجبان قال بيقولها ممكن نكتب الكتاب بس عشان المحامى يطلع على القسيمة ويسلمها ميرثها و-----------

وايه يا عم شوقى وايه

وإنه عاوز يقضى معاها يومين اصلها عجباه من زمان وبعد كده كل واحد يروح لحاله

السافل الحيوان وهى مقلتليش الكلام ده ليه وهو هنا وانا كنت مسحت بيه بلاط الشركة وخليت العمال يرموه بره زى الكلب

معرفتش تتصرف غير انها تسمع وهى

مذهوله ومفاقتش غير على صوت حضرتك لما دخلت عليهم ومصدقت تمشيه دى اول لما شفتنى فضلت تعيط ومكنتش فاهم حاجة سحبتها وروحنا على البيت وهدتها انا وام ياسر بالعافيه وفهمنا الموضوع

طب وهى عمله ايه دلوقت

الحمد لله احسن بس مقدرتش تيجى انهاردة وانا جاى استأذن حضرتك فى يومين اجازة ليها

بص هو يوم واحد كفاية وبكرة تكون هنا قبلى مش كفاية مفيش قهوة ولا غدا انهارده كمان عشان ما تفضلش تفكر كتير الشغل ليها احسن

خلاص اللى تشوفه حضرتك ، بعد اذنك بقه اروح اشوف شغلى 

اتفضل

طب انا حعمل ايه دلوقتى امرى لله اخلى صبحى يعمل القهوة وخلاص

وبدء فى العمل الى ان رن الموبايل فأخبره العمال فى موقع العمارة التى يقوم ببناءها ان هناك بعض المشاكل تواجههم وعليه حلها بنفسه فاخبرهم بأنه سيأتى على الفور

رانيا انا رايح عمارة ميامى واحتمال مرجعش على هنا لو اتاخرت ابقى اقفلى مكتبى وروحى انتى

حاضر يارفعت بيه

وعند وصوله الموقع وجدها مشكله بسيطة قام بحلها على الفور 

ثم وجد ان الوقت مازال مبكرا ولا يريد العودة الى الشركة وبعد تفكير بسيط اتصل بصديقة شادى ليسأله ان كان يمكن ان يقضى معه بعض الوقت فرحب شادى بزيارته

شادى محامى وصديق عمر لرفعت 

رن جرس الباب ففتح شادى وبمجرد ان راى رفعت اخذه بالحضن 

جلس رفعت يقص على شادى كل ما حدث له خلال الفترة التى لم يلتقوا بها فهذه عادتهم دائما عندما يتقابلا كلا منهم يقص على الاخر كل ما حدث اثناء فترة الغياب ولكن لا يدرى رفعت لما اغفل وعن قصد ان يذكر ندى او اى شىء عنها 

ثم حكى له شادى بدورة كل ما حدث له ولكنه فاجأ رفعت بسؤال لم يحسب له حساب

بس انت فيك حاجة متغيرةالمرادى

حاجة ايه دى ياشارلوك هولمز !!!!

هو انا لو اعرف كنت سئلتك

طب يعنى الحاجة دى حلوة ولا وحشة يعنى

لاااااااا دى شكلها حلوة وحلوة اوى كمان

تقصد ايه ياض

امممم مش عارف بس حاسس انك رفعت بتاع زمان اللى كان وشه بيضحك من غير اى غصبانية ضحكه من جوه القلب صافية من الاخر كده وعلى بلاطةانت بتحب ولا ايه ياض ؟؟؟؟

شادى انت بتقول ايه انت اكتر واحد عارف انى قفلت الموضوع ده نهائى

ليه بس يارفعت انت لسه صغير 

شادى انت عارف انا كنت بحب هيام اد ايه ومش حقدر انساها واقفل الموضوع ده احسن بدل ما اقوم امشى 

خلاص خلاص دا انا ما صدقت تيجى والله دانت كنت وحشنى اوى

طب مش حتغدينى ولا ايه

بص يارفعت انا بقول تقوم تمشى

فانفجر الاثنان فى الضحك

فور دخول رفعت المنزل وصعودة الى غرفته طارت فى إثرة سيدة لتطمئن على اخر الاخبار فدخلت عليه وهى تقول

اتاخرت ليه يا رفعت بيه انهاردة قلقتنى عليك

نظر لها رفعت بخبث وقال يادادة قلقتى عليا  ولا على الاخبار

اخبار. اخبار ايه بس يابنى

يادااااااادة دا انا ابنك رفعت وعجنك وخبزك

طب ولما انت عرفنى ما تقول بقه على طول ايه اللى حصل دا انا قعده على نار من الصبح 

فانفجر رفعت بالضحك

بس للاسف هى ماجتش الشركة انهاردة وانا كمان قضيت اليوم بره شوية فى شغل وشوية عند شادى

اه اه ماشى مش مهم ده المهم ايه حكاية الراجل بتاع امبارح ده

بقولك ما جتش انهاردة ما سمعتنيش ولا ايه

لا طبعا سمعت دا انا مركزة اوى بس انت عرفت ايه الحكاية وحتحكيلى يلا احكى

يخربيت كده ايه ياست انتى كنتى فى المخابرات ولا ايه 

ليه يعنى

عرفتى ازاى انى عرفت الحكاية

اصلك راجع مبسوط وهادى برغم من انك بتقول انها ماجتش الشغل معنى كده انك ارتحت من ناحية الموضوع ده

دا انتى مش سهله ابدا

وجلس رفعت وقص عليها كل ما سمعه من عم شوقى 

فصدرت منها تنهيدة طويلة وقالت :كبدى عليك يا بنتى منهم لله البعدة دول

كويس يابنى انك قولت لعم شوقى يبعتها الشغل بكرة مفيش حاجة حتسرى عنها غير الشغل

هاا ياشوقى ادينا خلصنا العشا يلا بقه قول رفعت بيه قالك ايه بخصوص ندى

ولا وان ندى اصلا ما اتعشتش بس حقول . هو عدى الاجازة بتاعت انهاردة وده عشان الظرف اللى فيه ندى لكن بكرة حتنزل الشغل

اجابت ندى على الفور : ايه الظرف اللى انا فيه هو حضرتك حكيت ليه على اللى حصل يا ابيه

طبعا عشان يعرف انك ملكيش ذنب فى ان الحيوان ده جالك االشغل وعشان هو كمان مش بيسمح بالاجازات من غير اذن الا فى الظروف الخارجة عن ارادة الموظف بس غير كده فهو صارم جدا ولا يهمه انك قربتى ولا غيره

طب انا دلوقتى ابص فى وشه ازاى

تبصى فى وشه وعينك تحطيها فى عين الطخين كمان انتى زى الفل ومفيش اى شىء يعيبك او يشينك لا سمح الله وبكرة حتكون رجلك قبل رجلى فى الشركة 

طيب خلاص اللى تشوفه يا أبيه

اهو كده الكلام

* يتـبـــــــــــــــــــــــع الفصل العاشر اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية