رواية يا انا يا انتي البارت التاسع 9 بقلم ملك محمد
رواية يا انا يا انتِ الفصل التاسع 9
وقفنا بعد ماملك قررت تنتقم من ادهم وقدمت ف نفس الشركه ال هو شغال فيها وبدأت المشاغابات مابينهم وانتهى اول يوم عمل ليها هناك
نهار يوم جديد
والدتها : قومي يابت هتتأخري
وهي مغمضه عيونها : اتأخر على اي ياماما اخرجي بره وأقفلي النور لو سمحتي
بتعجب : اله هو مش مفروض انك اشتغلتي خلاص وبقى عندك شغل ومفروض تصحيله بدري
قامت مفزوعه : يلهووي انا اشتغلت خلاص وبقى عندي شغل صحيح
بصت ف المنبه وقالت بصويت وهروله
: يلهووي أتأخرت
وهي بتجري ع الحمام :منك لله ياادهم انا مليش ف المرمطه دي
والدتها بتعجب: ومال ادهم بموضوع شغلك داه
بصوت عالي : لا دا من كتر حبي ليه فبقول اسمه كتير
جهزت وخرجت بسرعه ركبت الباص وراحت ع الشركه
دخلت تتسحب بالراحه لأنها جايه متأخره وصلت لمكتبها ووقفت وهي بتقول بفرح
: الحمدلله متقفشتش
فجأة لقت المدير بيقولها : أهلا اهلا من تاني يوم شغل وجايه متأخره الهانم
بصت وراها بخوف لقت المدير وأدهم واقفين
قالت بتوتر وصوت واطي : انا اسفه مش هتتكر تاني
أدهم : لا طبعاً هنا مفيش اسف ارفدها يافندم دي بنت مهمله مفيش اي احترام لمواعيد العمل خالص
بصتله وهي بتكز ع اسنانها وقالت بإبتسامه مصطنعه: استاذ أدهم لما حضرتك بتتكلم عن الأهمال ف العمل سايب مكتبك وشغلك وواقف هنا بتعمل اي
المدير : اه صحيح ياادهم اتفضل ع مكتبك
أدهم بإرتباك : واقف علشان اعرفك غلطك والشركه دي مسؤليتنا كلنا واي حاجه غلط لازم كلنا نقفلها انتي فاكره انك تتأخري دي حاجه سهله لا طبعاً دي كارثه مش كدا يافندم قولها
المدير: ايوا فعلاً عنده حق تقدري تقولي اتأخرتي ليه
ملك بصت لأدهم بتوعد وضيق
وبعدين انفتحت بالبكاء المصطنع وقالت
: منه لله يافندم هو السبب ف كل حاجه
بتعجب : مين داه
ببكاء : حبيبي طلع بيخوني ومع مين مع البنت ال بتشتغل عنده تخيل يافندم تخيل
المدير اتلبك ف بعضه لأنه بيخون مراته مع السكرتيره وملك عارفه
قال : وعرفتي منين
ملك ببكاء مصطنع وخبث : في بنت معاه ف الشغل هي ال قالتلي كل حاجه اصل بنات الحلال كتير اوي بردو ربنا يباركلهم
أدهم بتعجب : نعم يااختي انتي هتألفي
ملك بضيق : ممكن تخلي الكائن المستفز دا يسكت يافندم
المدير : استنى ياادهم انت كملي كملي وعملتي اي
ملك : معملتش حاجه احنا بردو منرضاش الأذيه لحد انا بس ضربت كرنيه مزور بإسمه انه عضو ف داعش وحطيت الكارنيه ف جيبه وبلغت عنه امن الدوله
أدهم واقف مذهول
المدير بخوف : انتي كدا مبترضيش الأذيه لحد! كملي كملي وبعدين اي ال حصل
ملك بخبث : ولا حاجه انا لسه قاريه خبر انه مختفي قصريا ربنا يجيب اجله بالسلامه بقى
أدهم : يعني حضرتك اتأخرتي علشان كدا مش علشان كنتي نايمه لا
ملك وهي بتبص للمدير : اه طبعاً كان لازم اقوم بالمهمه دي قبل مااجي الشغل انت عارف يافندم الخيانه شئ صعب اوي تخيل كدا مدام حضرتك مكاني كانت هتعمل اي
المدير خاف واتوتر
ملك بخبث : لا انا بقولك تخيل بس
المدير بإرتباك : خلاص خلاص محصلش حاجه دي كلها ساعه ولا ساعتين تأخير
وسابهم ومشي
ادهم بذهول وهو بيكلم نفسه : دي كلها ساعه ولا ساعتين تأخير بالبساطه دي دانا كنت باخد جزا اسبوع لو اتأخرت عشر دقايق
ملك بنظرة غيظ وبرود
: دا انت مش انا
وقامت راميه شعرها ورا ضهرها وقعدت ع مكتبها
أدهم قرب منها بعصبيه : انتي اي ياشيخه انتي اي
ملك بخوف وهي قاعده ع الكرسي : خليك بعيد اصل وربنا اصوت وألم عليك الشركه
أدهم بضيق : دانا هخلص عليكي هنا
ملك : قولتلك روح قول لبابا ان كل شئ نصيب والغي موضوع الخطوبه داه وانا هسبلك الشركه وامشي
أدهم بحده : دا بعينك فاهمه
فجأه بيجي تامر وبيقول بتعجب : اي دا ملك جت
ادهم بيبعد بسرعه ويعدل بدلته ويقول : اه المصيبه شرفت
ملك بضيق: مصيبه اما تجيب اجلك ان شاء الله
تامر : انتو لسه بتناكفوا ف بعض بردو
ملك بعصبيه: يرضيك ياتامر يروح يفتن عليا ويقول للمدير اني متأخره ويجيبه لحد مكتبي كمان
تامر : لا بصراحه ميرضنيش
أدهم : بس انا يرضيني عادي
ملك بضيق: مستفز وغليظ
أدهم : مجيش حاجه جمب غلاظتك واستفزازك
تامر : بس انتو الأتنين كفايه بقى مناكفه ف بعض انتو مبتزهقوش صحيح قولولي انا كنت بمضي ورق فوق قابلت المدير بيكلم ف نفسه ع السلم هو في اي
ملك بضحك : تلاقيه بيستغفر بس اصل ذنوبه كتير
أدهم بتعجب : بت انتي ماسكه ع المدير زله علشان كدا عينك هنا مش كدا
ملك بثقه : اكيد طبعاً
تامر : طب ماتعرفينا اي هي
ملك : علشان خاطرك بس ياتامر قربوا اما اقلكوا
تامر وادهم قربو ناحيتها
ملك وهي بتبص يمين وشمال قالت بصوت خافت
: بيلبس الشراب فرده وفرده
وفضلت تضحك
تامر ضحك ع ضحكتها وقال : بصراحه سر خطير اوي
أدهم : كنت عارف ان التافهه دي عمرها ماهتقول حاجه مفيده
وسابهم ومشي
تامر شد كرسي وقعد جمبها وهو بيقول
: صحيح امبارح جيت ارن عليكي ملقتش الرقم عندي ادهولي تاني اصل شكله اتمسح
ملك طلعت رقمها وادتهوله
وقعدوا يهزروا سوا
أدهم قاعد بيبص عليهم من بعيد فجأه بتيجي سهام وتقعد على طرف المكتب وتقوله
: اي ايدهومي هو انا موحشتكش ولا اي
أدهم بضيق: ياسهام قولتلك مية مره مبحبش الطريقه دي
سهام : طب خلاص مدايقش نفسك ها قولي نتعشى سوا النهارده زي كل مره
أدهم وهو باصص على ملك وهي بتهزر مع تامر
: الواحد نفسه يمسكها يعلقها من زمارة رقبتها
بتعجب : هي مين دي
وبعدين بصت ناحية ملك وقالت
: اه الموظفه الجديد هي مدايقاك اوي كدا ليه
أدهم : شكلها لوحده بيعصبني
سهام حطت ايدها على وشه وقالت
: متركزش معاها ركز معايا انا
ادهم بصلها بإبتسامه وقال : عندك حق
سهام : ها نتعشى سوا النهارده
ملك اخدت بالها من سيهام وهي حاطه ايدها على خد أدهم وهو بيبتسلمها قالت بضيق
: انا مش هرتاح الا لما عربيه لوري محمله طوب تيجي تشيله من ع وش الأرض
تامر بتعجب: ياساتر هو مين داه
وبعدين بص ناحية ادهم
: اه تقصدي ادهم هو انتي ليه مدايقه منه كدا
بضيق: شكله لوحده بيعصبني
تامر بإبتسامه: متركزيش معاه ركزي معايا
ملك بصتله وابتسمت
تامر : هو في حاجه عايز اقولهالك بس خايف تحرجيني
ملك : لا قول اتفضل
تامر: النهارده المرتبات هتنزل ومفروض ان كل واحد ف الشركه بيعزم زميلته ع العشا حاجه كدا بنعملها من زمان
ملك : اه تمام انا اعمل اي مش فاهمه
تامر: نخرج نتعشى سوا النهارده
ملك بتردد : تمام موافقه
تامر بفرح: متشكر اوي علشان قبلتي دعوتي
وراح ع مكتبه
سهام كانت مشيت بردو ع مكتبها
أدهم بص لتامر وقاله: شكلك فرحان يعني خير
تامر : ملك وافقت نتعشى سوا النهارده
بتعجب : ازاي يعني مش فاهم
تامر : اي ال مش فاهمه بالظبط
أدهم : تتعشى معاك بصفة اي يعني
تامر : زمايل ف العمل يااخي فيها اي يعني
أدهم فك كرافتة البدله شويه ولفله بالكرسي وقال : تامر خلينا نتكلم بصراحه هو انت معجب بملك
تامر بتعجب: معجب اي يابني هو انا لسه عرفتها
وبعدين قال بإبتسامه وهو بيبصلها
: بس ممكن يعني مع الوقت دا يحصل
أدهم بذهول: انت تعجب ب دي
بتعجب: مالها دي مش فاهم ع فكره بقى احلى وألطف بنت ف الشركه هنا
بذهول : انت كويس يابني ولا فيك حاجه غلط
تامر : ع فكره انت عينك مش عارفه تشوفها كويس غير نظرتك ليها هتشوفها زي مانا شايفها
أدهم لف وشه وبصلها وسرح ف ملامحها وفضل يبص عليها وهي بتشتغل ع المكتب
_____بقلم ملك محمد_________
بعد إنتهاء العمل
بعد إنتهاء العمل
أدهم راح وقف عند مكتب ملك وقالها
: هو انتي فعلاً وافقتي تتعشي بره مع تامر النهارده
وهي بتلم حاجتها : اه في حاجه
: في زفت ع دماغك انتي ناسيه اننا مخطوبين
ملك بتبص على سهام وهي جايه ناحيتهم وبتقوله
: وياترى ياادهومي سيهام تعرف بكدا
ادهم اتلبك وبص وراه لقاها
سهام مسكت ايده وقالت : اي ياحبيبي انا خلصت مش يلا بينا
ملك بصت لإيدها وهي ماسكه ايده وقفت من ع المكتب وشدة شنطتها بعصبيه ومشيت وهي بتكلم نفسها وبتقول
: قال مخطوبين قال ومدايق اني خارجه مع تامر البيه واضح انه مش بيشوف نفسه كويس
أدهم : سهام انا قولتلك كام مره اننا مجرد اصدقاء بلاش تخلي ال قدامنا يفتكر ان بينا حاجه
شالت أيدها بحزن وقالت : اه انا اسفه
أدهم: متزعليش مني ويلا قدامي علشان اوصلك
ف المنزل
ملك ف اوضتها بتلف حوالين نفسها وبتقول
: لما هو بيحب سهام متقدملي ليه أساساً دا فعلاً واحد معندوش دم
بضيق: وانا مالي اساسا يحب ولا ميحبش مايتفلق
موبايلها بيرن ردت عليه
تامر: اي يابنتي فينك انا نص ساعه وهخرج
ملك : تصدق كنت هنسى كويس انك فكرتني انا هلبس اهوه واقابلك ف المطعم
تامر: تمام هستناكي
وقفل الفون
لبست فستان اسود هادي ورتبت شعرها وحطت ميكب خفيف وجهزت نفسها وخرجت من أوضتها
والدتها شافتها : اي خير رايحه فين
بإرتباك : لا دانا
فجأه بيرن الجرس راحت تفتح الباب لقت أدهم ف وشها
بذهول : أدهم
بإبتسامه : واضح انك جهزتي يلا بينا
بتعجب : يلا بينا فين انت بتعمل اي هنا
والدتها راحت ناحية الباب وقالت
: اهلا يابني اتفضل
وخبطت ملك ف كتفها وقالت
: مش تقولي ان خطيبك جي
أدهم : بصراحه انا كنت عازم ملك ع العشا بره وكدا ف مش هينفع ادخل علشان منتأخرش خليها وقت تاني
والدتها بفرح : اه علشان كدا جاهزه طب مش كنتو تعرفوني
ملك : لا انتي فاهمه غلط
أدهم: اخص عليكي ياملك كدا متقوليش لمامتك اننا خارجين انا اسف جدا لحضرتك
والدتها بفرح: ربنا يحميك يابني ملوش داعي اللأسف انت خطيبها بردو
ملك بتعجب: خطيب مين
أدهم : طب نستأذن من حضرتك بقى
وشدها من ايدها ومشيو
وصلو للعربيه ملك شدت ايدها من ايده وقالت
: انت بتعمل اي
: كنتي رايحه تتعشي مع تامر مش كدا
بعصبيه: وانت مالك انت مين ادالك الحق تدخل ف حياتي اساسا
فتح باب العربيه وقالها :طب اركبي ونتكلم ف الطريق
بعصبيه: لا مش هركب ولا هنتكلم وملكش دعوه بيا فاهم قال مخطوبين قال انت كدبت الكدبه وصدقتها
- تابع الفصل التالي عبر الرابط: "رواية يا انا يا انتي" اضغط على أسم الرواية