رواية سكان العمارة الفصل التاسع 9 - بقلم زهرة عصام

   رواية سكان العمارة الفصل التاسع 9  بقلم زهرة عصام

رواية سكان العمارة الفصل التاسع 9 

يوسف ارجوك اعمل حاجة 

يوسف الكلام اللي اتقال صح يا حضرت الظابط و انا شاهد في القضية دي 

نورا يوسف انت بتبعني 

- خدها يا عسكري يلا 

يوسف ثواني يا حضرت الظابط ..وقف مقابلة نورا و قال انا حذرتك كتير انك متنسيش أصلك .. قولتلك من تواضع لله رفعه .. مكنتش راضي اغصب عليكي حاجة مش ضعف مني بس كنت عاوزك ترجعي من نفسك .. قبل ما ننزل قولتلك كل واحد يتحمل نتيجة افعالة صح 

قاطعته نورا قائلة أنا اسفة و الله مش هعمل كدا تاني و هبعد عن البواب و مراته و بنته بس بالله عليك اتصرف و خليهم يتنازلوا عن القضية 

يوسف انا مليش دعوه بكل دا انتي اللي اختارتي الطريق دا و انتي اللي تتحملي نتيجة اخيارك

غزل يعني اي يعني هتخلي بواب يسجن امي لا مش هسمح بكدا ابدا انت لازم تتصرف ارميله شوية فلوس خليه يتنازل عن القضية امي مش هتقعد في الحبس ساعة واحدة 

يوسف و انتي مفكره كل الناس زيك انتي و امك .. بيعبدوا الفلوس لا اصحي البواب اللي مش عاجبك دا مش بيقبل العوض و عمره ما هيبقبل يتنازل عن حقه .. أما بالنسبة لامك بقي فدا كان اختيارها اسف مش هدخل .. غير كدا احنا ملناش قعاد هنا بعد النهاردة هنعيش في شقه علي قد حالنا لاني معنتش املك شئ بسبب امك و إهمالها ثم نظر الي نورا و قال أنا حذرتك كتير و انتي اللي مسمعتيش كلامي انتي طالق يا نورا طالق .. تقدر تمشي يا حضرت الظابط

نورا لا يا يوسف لا متعملش كدا طب علشان خاطر العيال طب يا يوسف و الله انا بحبك لا يا يوسف لا متتخلاش عني أنا مستاهلش بس بالله ما تتخلي عني.. و حيات عيالك يا يوسف بالله عليك 

لم تلقي رد منه بل و الادهي قد سحبها العسكري من زراعها و غادر المكان 

يزيد بدموع يعني ماما دلوقتي هتتحبس

يوسف انت عارف انها غلطت كتير و الناس كانت بتسامحها علشان خاطري بس لما تحصل أنها تعمي الست لمجرد انها مش عاوزاها تفرح يبقي لازم تتعاقب

هنا و انت يا بابا مش هتعمل ليها حاجة انا عارفه انها غلطت جامد و كتير كمان بس هي هتفظل برضوا امنا حاول تأثر على عمو محمد و النبي يا بابا 

يوسف لا يا هنا مليش وش اطلب منه حاجة بعد كدا .. انتي شايفة امك كانت هتعمي مراته .. حطي نفسك مكانه و قوليلي هترضي تقبلي الاعتذار و تتنازلي عن المحضر 

نكست هنا رأسها أرضا و قالت الصراحة لا 

غزل هو اي اللي مش هيرضي يتنازل و انت ازاي تطلق ماما كلكم اتخايتوا عنها لي .. هو يتنازل عصب عنه و انت ترجعها تاني و هنعيش في بيتنا و هو يغور هو و مراته و بنته في ستيين الف داهية تاخدهم انا اصلا مبحبهومش

صفعة و نزلت علي وجهها جعلت جسدها يرتطم أرضا من شدتها

.....

أروي يا طنط مني ممكن تتصلي بعمو احمد نطمن على ماما

مني حاضر يا أروي .. ثم امسكت الهاتف و اتصلت بزوجها 

مني الو يا احمد 

احمد ايوة يا مني 

مني سهاد عاملة أي يا احمد طمني 

احمد هي الحمد لله كويسة بس في العمليات بتعمل عملية 

مني يعني هتيجوا النهاردة و اللي اي 

احمد مش عارف والله علي حسب ما الدكتور يقول 

مني علي خير إن شاء الله خلي بالك من نفسك و منهم يا احمد و أروي و الولاد معايا هنا متقلقوش

احمد تسلمي يا مني ربنا يبارك فيكي و يخليكي لينا يا ام البنات 

....

- نورا الاسيوطيما هو قولك فى التهمه الموجهه اليك حول محاولة التعدي على المدعوة سهاد المنياوي 

نورا انا معملتش كدا دا كله كذب هي بتتبلي عليا علشان كانت عاوزه تستلف مني فلوس و انا مرضيتش

- بس يا مدام نورا في شهود على كدا و من ضمنهم زوج حضرتك اي اقوالك في كدا 

لم تستطع أن تتفوه بكلمه واحدة و اكتفت بنزول دموعها بصمت 

- اكتب يا ابني تحبس المتهمة أربعة أيام لحين أخذ اقوال المجني عليها .. اتفضلي امضي على اقوالك .. امسكت القلم بيد مرتعشة و خطت باسمها تحت أقوالها 

- يا عسكري خذ المدام علي الحجز 

نورا بصدمة حجز 

.....

خرج الطبيب من غرفة العمليات فأسرع إليه محمد بلهفة 

محمد مراتي عاملة اي دلوقتي يا دكتور 

الدكتور هي تمام تقدروا تمشوا بكره الصبح علي ما تفوق و نطمن علي العملية 

ياسين تمام يا دكتور انا هشوف القضية يا جماعة مع رئيس المباحث 

..... 

غزل انت بتضربي انت أول مرة تعمل كدا 

يوسف و اتعودي على كدا من هنا و رايح انت مش هسيبك لحد ما تبقي نسخة تانية من امك 

غزل و مالها ماما أن شاء الله احسن من الكل و اعلي منهم كلهم .. احنا احسن من كل الناس 

يوسف يعني انتي عاجبك امك كدا .. عاوزه تبقي زيها يبقي اخرك في السجن يا غزل .. اسمعيني كويس بمزاجك غصب عنك هتتغيري و اتفضلوا يلا جهزوا حاجتكم علشان هنمشي من هنا 

يزيد اي يا بابا و هنروح فين 

يوسف انا أجرت شقة بسيطة في منطقة كويسة هنقعد فيها 

هنا تمام يا بابا هنروح أمتي 

يوسف بكره الصبح هنمشي 

.....

صخر يا شجن يا حبيبتي انا والله كويس مفياش حاجة و بعدين انا مش لسه سايبك الصبح و اتفقنا على كل حاجة 

شجن انت مش عارف يعني انت بالنسبالي اي يا صخر انت مش اخويا أنت كل حاجة ليا في الدنيا 

صخر مينفعش يا شجن .. مينفعش حياتك تبقي مقتصرة عليا لازم تختلطي بالناس اكتر من كدا .. و كمان تقربي من بابا و ماما 

شجن بابا مش فاضلنا كل حياته شغل و بس اما ماما فدي بقي عاوزه كل حاجة تطلع كويسة قدام الناس مظهر شيك و بس كل اما اجي اقولها عاوزه اتكلم معاكي تقولي بعدين .. مفيش غيرك انت اللي كنت بتسمعني 

صخر و هفضل لآخر عمري اسمع و أكون سندك اللي مش هيتخلي عندك ابدا يا شجن 

شجن ربنا يخليك ليا و يباركلي فيك يا صخر 

صخر و لا يحرمني منك يا حبيبي 

.....

نورا بصدمة حجز 

- اومال مفكرة نفسك جاية في فندق خمس نجوم اتفضلي قدامي يا ست 

نورا مهو اسمع انا مينفعش اقعد في حجز .. مش معقول انا نورا هانم هتقتدوني مع شوية شمامين و مجرمين 

امسكها من زراعها و سحبها خلفه قائلا علي الأساس انك مش منهم يعني قدامي يا ست خليني ادخلك و اروح اتعشي انا مش ناقص وجع دماغ 

نورا و النبي مش عاوزة الحجز دا خد اي حاجة بس مدخلتيش الحجز ابوس ايدك انا مظلومة مظلومة 

دفعها بقوه الي الحجز ثم اغلق الباب و قال قال للحرام احلف ادخلي يا اختي جربي قعدة البوورش يمكن تتعظي و تبطلي اذية الناس .. ثم تركها و غادر .. استدارت نورا إلي الخلف وجدت النساء من بخدها علامة تدل على الإجرام و من تنظر لها بحدة و منهم من ينظر لها بشفقة من ما سيحدث لها 

- جاية في أي يا شابة

نورا انتي بتكلميني انا 

- لا بكلم خيالك اخلصي قولي جاية في أي 

نورا ها مش جاية في حاجة .. انا مظلومة و الله اتبروا عليا و جابوني هنا 

- ضحكت بسخرية و منظر بشع قائلة شايفة كل اللي قاعد هنا دا برضوا مظلوم .. اخلصي بدل ما نعمل معاكي الصح

نورا لا انا محدش يقدر يعمل معايا حاجة .. و أن كنتي مفكراني بنت كيوت يبقي متعرفيش مين نورا اصحي يا امي 

- ما القطة طلعلها لسان اهو لا و بتغلط في مديرة المكان بت يا سمكة

سمكة نعم يا معلمة 

المعلمة الي يغلط في ام سوكة نعمل فيه أي يا بت 

سمكة نعلموه الأدب يا ام سوكة

نورا هه بتعملي كدا عشان تخوفيني يبقي برضوا متعرفنيش 

ام سوكة قوموا معاها بالواجب يا نسوان 

اجتمع حولها النساء و اخذوا يضربونها بشدة و تعالت أصوات صراخ نورا طالبه للنجدة من هؤلاء البشر

....

بصباح يوم جديد و بمكان سنزوره لاول مره 

مجهول ١ معرفتش مين اللي هيمسك القضية بتاعتنا الجديدة

مجهول ٢ عرفت هو رجل المهام الصعبة ... او الرجل المقنع اللي عامل رعب للجماعة كلها 

مجهول ١ يبقي جه لقضاه مش هيطلع منها عايش 

ضحك مجهول ٢ بشدة و قال هيحصل اللي قبله 

• تابع الفصل التالي عبر الرابط التالي: "رواية سكان العمارة" اضغط على اسم الرواية