رواية عمياء سكنت روحي البارت السادس عشر 16 بقلم اسراء ابراهيم
رواية عمياء سكنت روحي الفصل السادس عشر 16
اياد كان رايح ناحية سيلا وهو فرحان انه شافها ولأن اصلا
هو جاي عشانها بس فجأة وقف مكانه و ملامحه اتحولت
لغضب ممزوج بغيرة وقبض علي ايده لدرجة انها ابيضت
لما شاف الظابط محمد بتاع الكمين واقف معاها و بيضحكو
سوا حس انه عايز يروح يخطفها ويض*رب محمد ده لمجرد
انه قرب منها لقي نفسه ماشي تجاهم وقرب من سيلا
ومسك ايديها وقالها ايه يا حبي اتأخرت عليكي معلش حقك
عليا وبص لمحمد بغضب مكتوم ، سيلا اتفاجأت باللي بيعمله
وبصت للظابط محمد باحراج واياد فاهم ده طبعا، محمد وجه
كلامه لأياد وقاله ازيك يا اياد باشا ، ببرود تمام يا محمد باشا
هو انت جيت هنا ليه احم قصدي تعرف معاذ ولا ايه ، باحراج
اه اه والده ووالدي اصدقاء ، اااه والدك ووالده طيب يلا يا
سيلا وشدها وهي مشيت معاه وهيا مش مستوعبة اللي
عمله لحد ما انتبهت ليه ونفضت ايديها منه انت اتجننت ولا
ايه وهو عشان انا سكت اول مرة في العربية يبقي خلاص
كدة عجبني الموضوع وانت هتتمادي ولا ايه ، بغضب مكتوم
وطي صوتك وانتي بتتكلمي معايا فاهمة ولا عشان انا مش
ضامن نفسي المرة الجاية ممكن اتصرف ازاي ثم انتي
واقفة تضحكي وتهزري معاه ليه هه ما اكيد عشان عاجبك
زي ما سكتي قبل كدة برضه وقولتي اهو فرصة وجاتلي،
هيا بصتله بعيون مدمعة وقالتله انت انسان مش محترم
وانا بكر*هك وانا اشرف من مليون بنت انت تعرفها
وتلاقي انت بتعمل كدة عشان كدة فاكر الناس كلها زيك
وعلي فكرة بقي محمد ده احسن منك مليون مرة مع انه
ظابط زيك بس عالاقل بيحترم كلامه معايا ومش بيجرحني
زيك وسابته ومشيت وهيا بتعيط وهو لعن نفسه علي تسرعه
دايما وانها بالطريقة دي لازم تكر*هه ،
في نفس الوقت عايدة كانت قاعدة علي الترابيزة وبتبتسم
ابتسامه مكر وح*قد وكأنها مستمتعة وبتتفرج عاللي هيحصل
دلوقتي وهو ان البوليس دخل الفيلا بقوات والناس استغربت
في ايه وعاصم راح ناحيتهم و وراه معاذ واياد واسر واحمد
عاصم اتكلم بجديه ، خير يا حضرة الظابط في ايه انتو مش
عارفين ده بيت مين ولا ايه ، طبعا عارفين يا عاصم بيه بس
انت سيد العارفين القانون فوق كل شئ ،معاذ بحدة هو في
ايه ما تتكلم علطول ، الظابط بغضب وخبس. في ان معانا
امر بالقبض علي عاصم بيه ، كلهم بصوت واحد اييييه
اياد بعملية معاك امر من النيابة ، طبعا يا اياد باشا هو احنا
هنيجي كدة من نفسنا ، والامر ده طلع بناء علي ايه ، علي ان
تم ضبط شنطة مخدرات في مكتب عاصم بيه اللي في
شركته والباقي حضرتكو تعرفوه من النيابة يلا يا عاصم بيه
لو سمحت ، معاذ بغضب انت اتجننت هو مش هيخرج من
هنا ، وكل ده والناس كلها بتتفرج عاللي بيحصل ، معااذ
خلاص انا هروح معاهم وانت شوف هتعمل ايه ، فهم معاذ
وهز راسه بألم وقاله حاضر يا عمي ، وهانم من الصدمة
رجليها خانتها وهيا واقفة وكانت هتقع وهدي وسيلا صوتو
وجريو لحقوها بسرعة واروي سامعة كل حاجة ومش فاهمة
ولا عارفة حاجة بس اكيد ده ابوها وزعلانة عليه ،
عاصم قرب من هانم وقعد قدامها ، انتي عارفة اني مش
ممكن اعمل حاجة زي دي اوعي تصدقي عني كدة يا هانم،
وهيا دموعها بتنزل قالتله انا عمري ما اصدق حاجة زي دي
انا عارفاك يا عاصم انا بس خايفة عليك احسن مترجعليش
تاني ، باس ايديها هرجعلك انتي وبنتي متقلقيش ومسح
دموعها وقام ، وعايدة سامعة وشايفة كل كلامهم وهتتجنن
من الغيظ والغل ، وعاصم راح لاروي وحط ايده علي كتفها
وقالها اوعي تصدقي عني كدة يا بنتي انا الحمد لله عشت
عمري كله بالحلال ، ابتسمت اروي من بين دموعها وقالتله
انا اه مكنتش عايشة مع حضرتك بس احساسي بيقؤلي انك
احسن اب في الدنيا وانك مستحيل تعمل كدة ، ابتسم عاصم
وحضنها وباس راسها وقال للظابط يلا ومشي قدامه
................بقلمي اسراء ابراهيم
تاني يوم محدش نام خالص وكلهم قلقانين علي عاصم ومعاذ
واسر واياد واحمد وابرهيم في الشركة قامت هدي وراحت
لاروي اللي كانت حاضنة هانم امها ، قومي يا طنط انتي
واروي ارتاحو شوية كدة مش هينفع وقاعدكم مش هتفيد
بحاجة ، اروي قالت لهانم يلا يا ماما تعالي نطلع نرتاح شوية
ومعاذ وعدني لو في اي جديد هيكلمونا ، هانم كانت في عالم
تاني مش مصدقة ان عاصم حبيبها وزوجها ورفيق عمرها
ممكن متشفوش تاني قامت معاهم وهيا تايهة وطلعت مع
اروي ، وبصت سعاد لهدي يا عيني يا بنتي مش مكتوبلها
تفرح وهانم برضه صعبانة عليا ربنا يعينها مش سهل برضه
عليها ان جوزها وعشرت عمرها تشوفه متبهدل كدة ،سيلا
مكنتش معاهم اصلا كانت بتفكر في امها متعرفش مش
ظاهرة ليه من امبارح ولا حتي قاعدة معاهم تواسي هانم
مرات عمها وقامت استأذنت منهم وقالت تطلع تشوفها
................ بقلمي اسراء ابراهيم
ازاااي يعني مش عارفين نعرف حتي مين اللي بلغ انا هتجنن
قالها معاذ وهو بيخبط بايده علي المكتب بغضب وصوت
عالي ، ابرهيم قاله اهدي يابني عشان نعرف نفكر كدة مش
هتوصل لحاجة ، انا راجعت الكاميرات مفيش حاجة غريبة
ولا حد غريب دخل أو خرج حتي البوليس اما جه امبارح
فتش المكتب ولقي الحاجة كان قبل ما يجو ياخده عمي
بساعة ، اياد انتبه للكلام وقاله استني كدة يا معاذ في
حاجة فايتانا ، ايه هيا بسرعة قوول ، اولا الظابط اللي جه
ده انا عارفه سمعته مش كويسة وليه في الشمال يعني اكيد
حد زقه علي عاصم بيه بس براحة كدة بقي دلوقتي
المفروض الوقت اللي جم فتشو فيه ولقو الحاجة قريب من
وقت اللي جم اخده فيه عمي عاصم طب ازاي إلا إذا هما
كان معاهم امر الضبط وكانو مرتبين كل حاجة وقاصدين
يبوظو الحفلة وتحصل شوشرة وخصوصا ان الناس كلها
هتبقي موجودة في الحفلة دي ، اسر باهتمام عندك حق دول
قاصدين يسوؤو سمعت عاصم بيه ، احمد قالهم والاهم من
كدة واللي انتو مخدتوش بالكم منه ان اللي عمل كدة هو حد
قريب مننا مش غريب ، ابرهيم باستغراب ازاي يعني ، يعني
طالما الكاميرات مش جايبة حد غريب يبقي اللي دخل
المكتب وحط الحاجة حد من الشركة وانا بصراحة اشك في
السكرتيرة لانها الوحيدة اللي مسموحلها تدخل وتخرج بحجة
الشغل والأوراق حتي لو عاصم بيه مش موجود ، معاذ قاله
انت عندك حق يا احمد ازاي تاهت مني دي خلاص احنا
نشتغل من النقطة دي واتفقو علي خطة يعرفو بيها مين اللي
ورا كل ده
طلعت سيلا قوضة مامتها عايدة ولسة هتخبط وسمعت اللي
خلاها اتصدمت ومكنتش مصدقة كل كلمة بتتقال ، بقؤلك
ايه انتي خدتي فلوسك كلها اللي طلبتيها يعني حقك وصلك
لكن كلمة تطلع منك صدقيني مش هتلحقي تتهني بالفلوس
دي .قولتلك متخفيش محدش هيشك فيكي ولا هيفكرو ان
انتي اللي حطيتي شنطة المخدرات . يا ستي لو حد كلمك
اعملي عبيطة قولي انا خلصت شغلي ومشيت ومعرفش
حاجة .ومش هفكرك تاني انا اللي يخوني ملوش عندي ديا
يلا سلام ، سيلا من الصدمة مش عارفة تخش تواجهها ولا
تمشي وتروح تقؤلهم بس دي امها برضه حست ان تفكيرها
اتشل وبتكلم نفسها معقولة امي ورا كل ده طيب ليه وازاي
حسمت امرها وفتحت الباب بكل قوة ودخلت ، عايدة
اتفاجئت بيها وخافت لتكون سمعتها بس حاولت تلبس قناع
البرود وقالتها في حد يدخل علي حد كدة مش تخبطي ،
اتفاجئت بسيلا وهيا بتقؤلها ليه هه ليه كل الحق*د والك*ره ده
انا عارفة من زمان انك كدة بس مش للدرجادي مش لدرجة
انك تدخلي عمي السجن وتقهري بنته ومراته عليه انا حاولت
اغيرك واقرب منك بس دايما كره*ك وحق*دك عاميكي فهميني
انتي ليه كدة وليه بتكر*هيهم بالشكل ده ، اخرسي وضرب*ت
سيلا قلم من قوته اترمت عالسرير وقالت بكل عصبية وتسرع
عايزة تعرفي ليه انا هقؤلك ليه بك*ره عمك و مراته طول
السنين دي بسبب ا...
- تابع الفصل التالي عبر الرابط: "رواية عمياء سكنت روحي" اضغط على أسم الرواية