رواية مازلت انتظر البارت الأول 1 بقلم نور احمد
رواية مازلت انتظر الفصل الأول 1
- ليلي بقولك هوا مدرس بالفرنساوي يعني اية؟
= مسيو
- ميسو تو .
= زين عيب
- طب بحبك ؟
= وانا بحبك زي اخويا اهاهاها
ضحكت = زين في ايه
زين وهوا بيحاول يبقي عادي
- مفيش ابدا دا انا كان عندي نقص حنان بس
= اهه عند امك الكلام ده
- اتس اوكاي ماهي خالتك
= طب وسع كدا اطلع برا
- انتي في شقتنا يبجحه
صوتتت = ايععععععع بتذلناي يخالتو تعالي شوفي ابنك بيطردني
_ مالك بيها يا واد انت ؟؟
- يا ماما دي لسه شتماكي وقايله كلام قلة ادب وبتقولي ميسو وبتاع
حدفته بالمخده ورشقت فى دمافه عدل
= كداب والله
_ من غير ما تقولي يا ليلي عارفه
- امي دي ولا مرات ابويا؟
_ يلا اطلع برا
- اية الي اطلع برا اطلع برا هو انا مش في بيتي ولا اية
= بيتك ؟؟ دا بيت خالتي يلا ياعديم الكرامه
- ام خازوق بتكلم؟؟
= اهه يمهزق يالي مشفتش بربع جنيه تربيه لامواخذه يا خالتو
_ لا ماهو مشفش تربيه بجد يا حبيبيتي
شوية ولقيت ماما داخله اه اصل احنا في بيتنا واحد هما الدور الى فوق واحنا الى تحت
وخالتو وماما تؤام بالمره يعني..
* في اية يا ليلي ؟
_ تعالي شوفي بنتك عماله تشتم فيا وتهزقني
* ليه كدا يا ليلي عيب دا راجل
= خالتو بذمتك دا راجل؟
- مش متاكدا
كلهم ضحكوا
- لحد هنا وكفايه الا الكرامه.. اللغوا رحلتي
شوية وخرجتله البلاكونه - بتعاكس بنت الجيران ولا اية؟؟
= شششش
- حقير
= عملتي اية مع احمد
- زين مخلاص بقي مكنش خازوق
= محاولش يكلمك ؟
- كلمني و.
= اية نعم يختي كلمك كلمك امته دا !!
- مالك؟
بتوتر = قصدي يعني كلمك ازاى بعد ما هزقتيه كدا
- معندوش كرامه كدا كدا مردتش عليه مستحيل ارجعله
زين بفرحه : عين العقل والله اسمالله هييح متيجي نخرج
- واية سر الانشكاح دا
= وانتي مالك ! هاه هنخرج ؟
- طيب ثواني بقي اتشيك واللبس وكدا
ابتسم = مستنييكي ياقمر
خلصت اللبس وبعدين فوني رن وكان كريم زميلي فالجامعه رديت عليه وانا عالسلم ونازله
الابتسامه اختفت فجأه لما شافها بتضحك فالفون
- بتكلمي مين ؟
ليلي قفلت = دا كيمو فاكره؟
زين وهوا مدايق = بيكلمك ليه يعني و واخد رقمك؟
ردت بابتسامه وفرح - بيسال عليا و يعني شكلها هيبقي فيها كراش جديد و..
قاطعها - انا هاروح اجيب حاجه انزلي
= حاجه اية مش هنخرج ؟
- لاء معلش مش قادر انزلي
نزلت ورزعت الباب وكنت مخنوقه اوي منه معرفش ماله بس من يومها وهوا واخد جمب!! كنت هتجنن مبقاش ينزل يقعد معايا ولما انزل يفضل فى اوضته تعبت ووحشني اوي معرفش اني هبقي مدايقه كدا من غير رخامته عليا كل يوم واهتمامه بيا كل لحظه حتي خوفه عليا كل دا مبقاش موجود طب ليه.! .
.
- انت يلا
= امشي يابت مش طايقك
- وانت كنت اشتريت السطح ولا ايه دا مكاني قبلك اصلا
= طب امشي انا
- زين استني.!
- تابع الفصل التالي عبر الرابط: "رواية مازلت انتظر" اضغط على أسم الرواية