رواية انسان سافل بس محترم الجزء الثاني البارت الثامن عشر 18 بقلم رانيا محمود
رواية انسان سافل بس محترم الجزء الثاني 2 الفصل الثامن عشر 18
ندي -: الف حمدلله علي سلمتك يا اخويا .نورت بيتك
جمال -: الله يسلمك يا ندي ..بس يا حبيبتي ده بيتك انتي
ندي -: بيتى و بيتك واحد يا حبيبي..المهم انك نورت دنيتنا تاني و اخيرا رجعت تمشي علي رجلك من جديد
هند -: الحمد لله يا جمال انك خرجت من المستشفى علي رجلك ..انا والله لو سجدت لله طول عمري ما هقدر اكفيه شكر وحمد ..
جمال -: الحمد لله ..انا تعبتكم كلكم معايا ..من غير عليتي ماكنتش هعرف اعدي الفتره اللي فاتت
هند -: و احنا من غيرك مش هنعرف نكمل حياتنا اللي جايه ...وحشتنا اوي يا جمال ووحشتنا لمتنا تاني
عمر -: احنا لازم نحتفل برجوع بابا بصحته تاني لينا
جمال -: اهدي يا عمر حفله ايه يا ابني انا لسه تعبان صحيح مابقتش استخدم الكرسي و الحمدلله بس لسه بتعكز ع العكاز و كمان ايدي اليمين لسه مش في أفضل حالتها
عمر -: احنا كنا فين و بقينا فين يا جيمي ..بش بردوا نحتفل
ندي -" معاك حق يا عمر احنا نحتفل و نطلب بيتزا
ليلي -: هو ده الاحتفال عندكم ...🤔
عمر -: ضاعت كل أحلامي..
ندي-: خلاص يا جماعه نخليها بيتزا و برجر ..ايه رايكم حلو
الولاد بصوا لبعضهم بإستغراب
عمر -: احنا في سنه 2021.و انتي يا عمتي معلش الزمن وقف عندك تقريبا من التسعينات مع اعلان شكلاته جيرسي ...فيه اختراع جديد اسمه اننا نخرج و نسهر بره مش نجيب اكل في البيت ..
ليلى-: اه يا عمر ياسلام لو نخرج كلنا و نروح الملاهي و بعد كده نتعشي بره ..او نروح السينما ..وااااو
امل -؛ اه ياسلام بقي لو قضينا اليوم كله في night club ذي الانجليز ما بيعملوا في الweek end
جمال و هند و ندي بصوا لولادهم بذهول
ندي -: اطلب بيبسي مع الاوردر ولا عصير طبيعي
العيله كلها ضحكت و قضوا يوم جميل مع بعض ..لمه العيله ما تتقدر بتمن ابدا ..الدفا اللي في وسط عيله جميله متفهمه و اهم حاجه بتحب بعضها .مايتقدر بكنوز الدنيا
'-----------------------------
مروان :_ ميسون ازيك عامله ايه
ميسون:_ ازيك يا مروان خير كلمتني مرتين في يوم واحد في ايه المصيبه الجديده
مروان :_انا لسه مخلص اجتماع حالا مع انطوان الكلب عارفه قال لي ايه؟
ميسون :-قال لك ايه !!
مروان :_ قال لي انه اتكلم معهم وفعلا عرفوا انه اخذ الطياره منك وبلغوه انهم عايزين ينقلوا الشحنه المشبوه لكن طبعا رفض و بطريقته وقفهم عند حدهم واقدر كمان يمنعهم انهم يأذوكي او يتعرضوا لشغلنا لانهم متضايقين جدا لما عارفوا انك بعتي الطياره و حسوا ان الموضوع كان فيها لعبه بينك وبين انطوان وانتي مابعتيهاش من الاول لكن لما عرفتي انهم محتاجينها ادتيها لانطوان فاضطروا غصب عنهم انهم يبعدوا عنك علشان كده انطوان في وسط الكلام قال لي ميرسي قوي على الهديه ...تصوري الطياره اعتبر الطياره الخاصه اللي انت هتبعيهالوا هديه يعني مش هيديكي فيها ولا مليم شفتي الكلب
ميسون :_ولا يهمك في 60 داهيه الفلوس..... احنا اللي بنعمل الفلوس يا مروان مش هي اللي بتعملنا...
و زي ما قلتلك سيبه و هيجي اليوم اللي يقع فيه تحت ايدينا عالم البيزنس ايه مروان
مروان بإبتسامه صغيره من جانب شفتيه :_😏 صغير قوي
في المطعم عند أكرم و ميسون 🥰🌹
اكرم:_ ميسون انتي فين يا حبيبتي انت فين
ميسون :_انا هنا يا اكرم ايه يا حبيبي ايه اللي جابك بدري اكرم :_علشان حجزت عند الدكتوره يلا بينا
ميسون :_دكتوره ايه يا اكرم الافتتاح بعد عشره ايام وفيه الف حاجه ما اتعملتش
اكرم:_ ما فيش اهم منك ومن صحتك كل حاجه تتاجل في داهيه الافتتاح نفسه يتاجل او ما يتعملش اهم حاجه انتي يلا بينا ما فيش وقت انا حجزت عند الدكتور و قدامنا بالضبط ساعه و نكون هناك
بعد شويه
الدكتوره:- مدام أكرم الاعراض اللي انتي بتحكي عليها منذ متي ميسون :_من ثلاث ايام تقريبا
الدكتوره:_ هذه اعراض حمل مدام كيف لم تنتبهي لها ميسون :_ايه بتقولي ايه حمل
اكرم:_ احلفي قولي والله انها حامل😁
الدكتوره:_ ماذا يقول زوجك؟
ميسون :-يطلب منكي انا تقسمي اني حامل حقا
الطبيبه:_ اقسم انها حامل حقا ولماذا لم يصدق
ميسون:- هذه قصه طويله المهم انا لا اصدق ان الاخرى اني حامل لا اصدق
الطبيبه:_ علينا أن نقوم بعمل هذه التحاليل والمتابعه مع طبيبه امراض نساء هذا افضل لكي كثيرا
في المساء
ميسون تبكي :_معقول انا حامل اكتر وقت ماتوقعت فيه ان الحلم ممكن يتحققق بلاقيه بيتحقق.. ياسبحان الله
أكرم يضم زوجته لحضنه:_انا كمام مش قادر أصدق هبقى اب تاني... الحمد لله انا سعيد اوي علشانك
ميسون :_ علشاني انا
أكرم :_ايوه ياقلبي كنت بتمني اعبرلك عن حبي واقدر اقدملك اي حاجه تسعدك
ميسون :_انت السعاده الحقيقيه عندي يا أكرم انت حب عمري وحياتي من غيرك فراغ مميت
أكرم :_بعشقك 😍❤️
ميسون :_نفسك في ولد ولا بنت
أكرم :_نفسى فيكي انتي وبس دلوقتي 😉
بعد أسبوع
ميسون :_الو مروان اذيك
مروان :_الحمدلله يا ميس
ميسون :_الافتتاح بكره هستناك ومافيش اعذار
مروان :_مش عارف مريان في الشهر التامن ومش عارف هتقدر تركب طياره ولا لا
ميسون :_ارجوك يا مروان محتاجه وجودك
مروان :_متقلقيش احنا هنروح للدكتور لو قال ان الوضع يسمح هنيجي لو هي تعبانه انا اللي هاجي مش هسيبك في يوم ذي ده انا عارف انه مهم ليكي قد ايه
ميسون :_ايوه يا مروان اليوم مهم جدا وكمان فيه مفاجأه حلوه اوي... انا حامل يا مروان
مروان.. :_بجد الف مبروك يا ميسون اخبار رائعه وانا كمان عندي ليكي خبر حلو بعد يومين الفلوس هتبقى جاهزه متقلقش خلاص الكابوس قرب يخلص
ميسون :_اللهم لك الحمد والشكر
مروان :_ يلا هسيبك دلوقتي تجهزي نفسك الافتتاح بكره وافرحي يا ميسون ربنا مافيش أقرب ولا احن منه
_____________________
في المطعم
ميسون :_ الحمد لله خلصت الحفله على خير كانت ليله رائع جدا جدا انت تعبت اوي النهارده
اكرام:_ وانتي كمان تعبتي جدا انا مش عارف انتي ليه كنتي واقفه طول الوقت ومش عارفه انك حامل واكيد تعبانه ميسون :_عمري ما اتعب ابدا طالما انت موجود جنبي بس كان نفسي قوي مروان يكون جنبي
اكرم :-ما هو كلمك واعتذر .. علشان تعب مراته ومش هيقدر يسيبها ده بردوا شي لازم نحطه في الاعتبار.... دلوقتي بقى يلا بينا يا برنسيسه علشان ننام لاني بجد تعبان جدا وانت كمان باين عليك التعب
ميسون :_فعلا انا حاسه ان انا تعبانه مش مضبوطه
اكرم -: بكره ان شاء الله هاروح لدكتور النساء كفايه انك اصريتي ناجل لحد الافتتاح
ميسون استنيى يا أكرم مروان بيتصل
أكرم -: يارب استر
ميسون -: الو مروان كيفك
مروان:_ ازيك يا ميسون عامله ايه كويسه
ميسون :_الحمد لله خير يا مروان مرتك كويسه
مروان :_ماتقلقيش ....احنا جمعنا الفلوس يا ميسون تقدري تاكدي على الجماعه الفلوس هتكون موجوده في حساباتهم ياريت نخلص من الموضوع ده
ميسون :_حاضر يا مروان انا هاقفل معك دلوقتي اعمل مكالماتي استنى مني تليفون.مع السلامه
أكرم-: الحمد لله انا قلبي وجعني والله
ميسون -: ماتخاف يا حبيبي..ثواني اتصلى بيهم و أبلغهم
بعد لحظات
ميسون :_لقد تم تجهيز المبلغ المطلوب كيف ارسله
('.....) -:ترسليه بالطريقه التي اعتدنا عليها هل تذكرين يا سيده ميسون
ميسون :_ نعم اذكر حسنا وهذا المبلغ خلال 48 ساعه سايكون في الحساب المتعارف عليه
(.....) -:أحسنتي سيده ميسون
ميسون:_ لكن اريد ان اعرف كيف متى سيخرج احمد
(.....) :_احمد سيخرج خلال ثلاثين يوم بالتحديد بعد دفع المبلغ المطلوب ولكن كيف سيخرج هذه لعبتنا هل تعلمين نحن ندخل السجن من نشاء ونخرج منه من نشاء
ميسون:_ و من يتحمل عنه العقاب
(.....) :_هناك من سيقول انه صاحب الشحنه الاولى وسيسجن بدلا منه
ميسون :_وهل هناك من يدخل السجن بيده
(.....) -:ومن قال لك انه سيدخل السجن انه يدخل فتره ويخرج فتره قلت لكي اننا ندخل منه ونخرج منه من نشاء لا تشغلي بالك ولا اسئله بعد ذلك
ميسون :_حسنا شكرا
(......) :_شكرا لكي ولنا لقاء اخرى
ميسون :_لا اعتقد ذلك
).....) :_ومن اخبركي بهذا ان عالم البيزنس ضيق للغايه كما قلت للسيد مروان(هههههههههههه ضحكه شريره 👿)
ميسون انتبهت هل هذا معناه انهم يراقبونها يا الهي لقد ضاعت يا ميسون ربي انقذني مما انا فيه
(.....) :_سيدة ميسون هل انت معي على الخط
ميسون:- نعم الى اللقاء
((تبكي ولا تعرف ماذا تفعل وماذا تقول))
اكرم :_انت بتبكي يا ميسون مالك في ايه
ميسون:- لا يا أكرم دي دموع الفرحه خلاص احمد هيخرج كمان شهر اتكلمت معاهم والفلوس تكون في حسابها في خلال 48 ساعه وبعدهاة احمد هيخرج
اكرم:_ انت متاكده
ميسون :_انا مش متاكده من اي حاجه لكن لازم انفذ الهمه اكرم:_ طيب نبلغ مروان ميسون اكيد هاعمل كده
بعد مرور شهر
مروان :_يا الله مش قادر اصدق ان خلاص الميعاد قرب ميسون :_ما تقلقش انا اتصلت بيهم واكدولي ان هو في خلال الثلاث ايام بالضبط هيكون خرج مش هنقول بقى لندى
مروان:_ اكيد انا هاقول لها
ميسون :_ لا يا مروان انا عايزه انا اللي اكلمها
مروان:_ اللي تشوفيه دي حاجه ترجع لك على العموم انا هبعت لكي رقمها على الواتساب دلوقت كلميها
أكرم سمع مكالمه بين مروان و ميسون و ماكنش مبسوط ابدا من اللي قالته مراته
أكرم :_شو حبيبتي راحت هتفضلي كثير ماسكه التليفون و سرحانه من وقت ما مروان انهيى مكالمته وانتي على حالك هيك ما بتتكلمي خالص انا قلقان عليكي يا ميسون من فضلك خلي بالك انت حامل يعني مش محتاج ابدا اني افكرك ان اي ضغط نفسي اوعصبي ممنوع عليكي ارجوك فكري فينا اكثر
ميسون :_ما تقلقش على يا أكرم انا بخير
أكرم :_ ماقلقش ازاي انتي شكلك يقول ان في حاجه وجعاكي من جوه في ايه ميسون تعال احكي لي
((ميسون تجلس على رجل زوجها تحتضنه وهو يشعر بنبضات قلبها المتسارعه يتنفس رائحتها بعمق ))
ميسون:_ انا قررت اتصل بندى واقول لها بنفسي انا احمد هيخرج من السجن بعد كام يوم
أكرم :_انت جنتي انت ازاي تعملي حاجه زي كده لا مش ممكن لانه ضغط نفسي وعصبي اكثر بكثير من انك تتحمليه وانا لسه قايلك من شويه انه ممنوع عليكي انتي حامل يا ميسون وحتى لو مش حامل برده مش هسمح انه يحصل لك اي ضغط نفسي او تعب ارجوكي شيلي الفكره دي من دماغك مروان هو حلقه الوصل اللي بيننا وبينهم خليه يكمل في الموضوع ..وانت كل اللي عليك انك تخرجي احمد وبس غير كده خلاص هو مش محتاج حاجه ثاني منك ولا انت محتاجه حاجه من هم
أكرم كان بيتكلم بنرفزه وعصبيه ..خايف علي مراته من مقابله ندي ..وعارف أن ميسون عنيده و هتروح لندي
ميسون :_انا محتاجه عشان انسى لازم اقفل الصفحه القديمه اقفلها تماما اولا محتاجه اروح لندي وثانيا اني اروح لاحمد وارجوه انه يسامحني وساعتها بس احس فعلا ان ميسون رجعت ثاني قوي زي الاول
اكرم :_و انتي شايفه اللي انت بتعمليه ده مش هيضرك نفسيا وفرضا ان ندى او احمد حد فيهم ما اسامحوك هتعملي ايه
ميسون :_اولا انا مش هفكر ابدا في الحاجه الوحشه افكر دائما في الايجابيات ثاني حاجه حتى لو ما فيش حد سامحني انا عملت اللي انا مقتنعه بيه
اكرم :_ومين اللي يسمح لك تعملي حاجه زي كده
ميسون :_انت يا اكرم اللي هتساعدني.. اكرم انت بالنسبه لي خط الدفاع كل حاجه بعملها بتكون انت الاساس فيها صدقني علشان اعيش معك السعاده اللي بتمناها عاشان اديك الحب والعشق اللي بتمناه عشان اقدر استمتع بحياتي معاك تستمتع بحياتك معايا لازم تشوف ميسون بشكل جديد ميسون اللي انت تجوزتها هتكون ام ابنك او بنتك اللي جايه محطمه مكسوره مهما ضحكت برده جواها وجع ومش هقدر اخبيه علشان ارجع اكون الست اللي بتتمناها واكون الزوجه اللي انا بتمناها تكون لك لازم اقف على رجلي من ثاني ده مش هيحصل لما حكايه احمد تنتهي من حياتى ارجوك لازم انهي الموضوع ده اقف معايا ما تسبنيش
((اكرم يحضنهاجامد من قلبه بكل حب وشوق ضغط على شفتيها بقوه وكانه يقول لها نعم انا معكي يا حبيبتي ساظل دائما معكي سند وامان ... فهمت ميسون من قبلته وهكذا سكنت في حضنه واستسلمت لطوفان الحب وما أجمله من طوفان حيث لا احتياج للنجاه منه بل الغرق فيه هو أقصي الامنيات))
في الصباح
مروان :-صباح الخير يا عيوني ايه يا حبيبتي ايه اللي مصحيك بدري
مريان:- ومين قال لك اني نمت اساسا انا ما نمت من امبارح
مروان:_ ليه مالك فيكي ايه اوعى تكوني بتولدي
ماريان:_ بيتهيالي ده اللي هيحصل الألم بيروح وبيجي مش عارفه اعمل ايه
مروان :_ لو تحب نروح المستشفى دلوقتي
ماريان:_ المفروض لسه قدامي اسبوع على ميعاد الولاده مش عارفه يا مروان اعمل ايه اروح دلوقتي المستشفى ولا استحمل
مروان:_ طيب هاقول لك على حاجه احنا مع بعض لحد ما نشوف الوضع هيوصل لايه لو حسيتي انك تعبانه هنقلك المستشفى لو حاسه انك كويسه خلاص نستني وفي كل الاحوال لازم اكلم الدكتوره بتاعتك
مريان :_""انا كلمتها وصحتها من نومها كمان قالتلي نفس الكلام اللي انت قولته
مروان:_ طيب يا حبيبتي احنا ننتظر وان شاء الله خير ان شاء الله تولدي في ميعادك
ماريان :- ان شاء الله حبيبي
مروان:= طيب انا هاقوم اعمل مكالمه تليفون لميسون
مريان :_شو حكايتك انت وميسون وقت تتكلموا كثير جدا مع بعض ويجي وقت ثاني ما بتحكي معها ولا شيء وبعدها ترجعوا تتكلموا كثير مع بعض انا ما فاهمه اي شيء
مروان :_شوفي احنا من فتره بنحاول نخرج احمد من السجن
ماريان:_ شوووووو وليه لما حكتلي كل الفتره اللي فاتت دي مروان:_ لاني ما كانا متاكدين ان احنا هنقدر نعمل حاجه الموضوع كان معقد وصعب وكان محتاج فلوس كثير قوي ميسون حاولت تدبر فلوس كتير في وقت قليل بصراحه الموضوع فعلا كان شكله صعب للاسف كمان ميسون كانت هتتورط مع المافيا
مريان:_ وحصل حاجه بعد كده
مروان:_ حصل حاجات كثير وزي ما قلت تنازلت ميسون عن جزء كبير من فلوسها
مريان :-لا تعال احكي لي كل شيء بالتفصيل يومنا طويل و انا محتاجه اتسلى يلا احكي
مروان 😂:_ماشي يا حبيبتي بس الاول تعالى نعمل احلى فطار نفطر ونتكلم مع بعض
مريان:_لا يا حبيبي انت اعمل انا مش قادره اعمل اي حد مروان:_ من عيوني يا ام ابني وحبيبتي
--------------------------
أكرم :_انتي جاهزه
ميسون اخدت نفس عميق :_انشالله
أكرم :_للمره العشره بقولك مانك مغصوبه علي هيك شغلات مافي ضروره ابدا نروح لندي من فضلك.. مروان يبلغهم هيك افضل للجميع
ميسون تمسك يد أكرم وتضعها علي وجهها :_حبيبي ده دين عليا انا وبس مش مروان ولا اي حد تاني... ارجوك انا محتاجه تشجيعك ومساندتك ليا وبس.... بلييييييز ❤️
أكرم يضم بكافيه وجه ☺ ميسون ويقبلها في كل وجهها ثم يضع قبلاته الحانيه علي يديها
أكرم :_انا معاكي ياقلبي وهفضل دايما متخافي من شي وحبيبك موجود هنواجه الألم واي مشكله مع بعض ايدينا في ايد بعض وبس اي شي في العالم كله نقدر عليه
ميسون :- طول ما احنا مع بعض
أكرم بحب :_طول ما احنا مع بعض........ يلا بينا الميعاد قرب وهم منتظرين...هو انتي اكدتي الميعاد
ميسون :_ ايوه وهم منتظرين
اكرم:_ والله ما عارف رد فعل ندي هيكون ايه لما تشوفك وجها لوجه
ميسون :_لما كنت باتكلم معها على الواتس اب كان تقريبا شكلها مصدوم... تقدر تقول انا كنت اللي باتكلم وهي بتسمع بس... على العموم كلها دقايق وهنعرف مع بعض رد الفعل
اكرم :_عندك حق
في بيت ندي
جمال:_ممكن تقعدي شويه تعبت من عصبيتك
هند :_براحه علي أعصابك يا ندي وبعدين اكيد خير انتي لما كلمتي مروان وقولتيله ان ميسون عاوزه تشوفك قالك ايه
ندي :_قالي انا عارف وانا اللي ادتها رقم تليفونك وياريت تقبليها لأن عندها حاجات مهمه عاوزه تقولهالك وياريت تسمحلها انها تشوفك
جمال :_ طيب ماعرفتيش يعني ايه الاخبار دي يعني حلوه ولا وحشه ولا ايه بالضبط
هند :_و يعني هيكون ايه غير اخبار عن احمد هو في اي حاجه مشتركه بين ندي وميسون غير احمد
ندى:_ ما قاليش اي حاجه غير اللي انا قلته لك ده وعلى العموم هنشوف المقابله فيها ايه ربنا يسهل
جمال:_ طيب طالما انك عارفه ان هي زمانها جايه و لسه هتشوفي هتقول لك ايه متعصبه ليه رايحه جايه رايحه جايه ومش طايقه نفسك من الصبح ليه
ندى:_ جمال ارجوك انا هاديه و..............
جرس الباب يدق وتفتح ليلي وتكون ميسون من على الباب
ندى بصوت هامس :_اللهم اني لا أسألك رد القضاء ولكن أسألك اللطف بي
جمال توجه الي الباب :_اهلا وسهلا بحضرتك يا ميسون هانم اتفضلي
ميسون تدخل المنزل على استحياء خائفه. منزعجه قليلا متوتره الي أقصى حد ولكنها دائما ماتنجح في إخفاء توترها
أكرم ينظر إلى ندي ..علم انها هي من تلك النظره فى عينيها الي زوجته نظره تريد الانتقام.. تقدم بهدوء ممسكا يد ميسون يطمئنها ويحتويها بكفيه
ميسون تبتلع ريقها وتحاول ان تنظم نفسها وتتكلم بصوت واضح
ميسون :_السلام عليكم اسمح لي يا استاذ جمال اقدملك جوزي الاستاذ أكرم ممكن تسمحلنا ندخل
جمال نظر سريعا لاخته وكأنه يسالها ... اما ندى فقد نظرت الي الأرض وجلست ولم تنطق بكلمه
جمال :_اتفضلوا اهلا بيكم
ميسون :_شكرا استاذ جمال
جمال :_قبل اي حاجه تحبوا القهوه تكون ايه ولا تحبوا حاجه تانيه
أكرم :_شكرا لحضرتك الله يخليك مافي لزوم للتعب احنا جايين لمدام ندي منشان نحكي امر يخص الاستاذ احمد زوجها وميسون هنا منشانك مدام ندي فابعد اذنك اسمعيها الأول وبعد كده شوفي شو بيدك واعمليه
جمال :_ده ميمنعش انكم لازم تاخدوا واجب الضيافه. انا بشرب القهوه مضبوطه تحبوا كدها ولا ليكم ذوق تاني
أكرم :_لا متلك استاذ جمال
جمال :_هند .بعد اذنك قهوه مضبوطه
ميسون :_ندي بدون مقدمات ولا تضيع وقت انا معترفه قدامكم كلكم اني ظلمت احمد و دخلته السجن بتهمه مالوش علاقه بيها واني انتقمت منه علشان فكر انه يسبني... ايوه بعترف اني كنت انسانه بشعه مريضه بداء العظمه معرفتش احب حد غيري طول الوقت انا اهم حد في حياتي مافيش حاجه تانيه خالص في تفكيري غيري انا كنت مشغوله بنفسي ولنفسي حتى أحمد كان بالنسبة لي لعبه بتسلي بيها لحد مايجي الوقت المناسب ليا وانهي اللعبه دي
((ندي تنظر لميسون وعينها تندفع منها حمم الغضب وجمال يرى ذالك في ملامح اخته))
جمال:_ مدام ميسون حضرتك قلت انك عايزه تيجي هنا علشان شئ يخص احمد ولحد دلوقت احنا ما سمعناش اي شيء يخص احمد
ميسون :_عندك حق يا استاذ جمال
(ميسون تنظر لأول مره لندي) -: ندى احمد هيخرج خلال اقل من اسبوع
جمال والابتسامه تعلو وجهه:-" بجد شكرا جدا جدا يا مدام ميسون انا مش عارف اشكر حضرتك ازاي ده احلى خبر سمعنا النهارده انا اشكرك قوي كلنا بنشكرك
ميسون :_ما فيش داعي للشكر ابدا يا استاذ جمال لا يصح الا الصحيح زي ما كنت انا السبب في دمار وخراب البيت ده كان لازم اكون انا كمان السبب في ان ترجع الأمور تاني استاذن انا بعد اذنكم.. اه على فكره مروان كان يعرف بالموضوع ده لانه كان شغال معي عليه الفتره اللي فاتت...
((وتوجه الكلام لندي وتنظر لها وهذه اول مره ميسون تنظر مباشرا لندي وكانها كنت تخشى تلك المرأه وكانها تعالم مدي قوه ندي ومدي ضعفها وتخشي من ندي ان تكتشف مافي ميسون من ضعف وانهيار وان تهتز تلك الصوره للمرأة الحديديه))
ميسون -: تقدري ياندي انك تتكلمي مع مروان و تتاكدي منه وكمان تقدري تتكلمي مع المحامي كلهم كان عندهم خبر بس انا حبيت اني انا اللي اجي ابلغكم الخبر ده بنفسي و دلوقتي استاذن بعد اذنكم
(( اكرم يمسك يد ميسون ويستعد الى الخروج))
جمال و لازال يتحدث والابتسامة علي وجهه :_شكرا جدا جدا يا مدام ميسون مهما قلنا مش هنقدر نوفي الشكر؟
(( ندى تقوم مستنفره و مستنكره من كلام اخيها فهي لا تعلم لماذا كل هذا الشكر وتلك الابتسامة التي ظهرت على وجه جمال تقوم ندى في منتهى القوه وصوت الغضب في انفاسها يزداد كلما اقتربت من ميسون وفجاه وبدون مقدمات تقوم بصفعها بكل قوه بكل وجع وبكل مراره الايام التي عاشتها ندى.... تلك الصفعه التي اعطتها ندى لميسون لم تكن صفعه من امراه لامراه بل من حبيبه من زوجه من ام من كل هؤلاء اللائي ضاعت حقوقهن بسب تلك المتصابيه المتعجرفه لم ولن تسامح ندي... قد تتعامل مع الموقف لكن مافي القلب سيظل في القلب
لم يستطيع احد ان يتحدث بعد تلك الصفعه في ظل الجميع ينظر الى المراه القويه التي لم يستطع احد ان يفهم ماذا يدور بخاطرها
اكرم ينظر اليها وكانه يرى شيئا لم يكن يتوقعه في المراه التي كانت تجلس ساكنه في مكانها تقف وتضرب ميسون الترك.هكذا ببساطه
جمال لم يكن يتوقع اطلاقا ان تكون اخته بتلك القوه فهي الضعيفه الهشه التي كان يتوقع انها كذلك لكن الان تثبت انها اقوى حتي من ميسون
ميسون في كثير من التناقضات داخلها في كثير من الافكار نهر من الافكار يجري في رأسها هل هذه المراه التي عشقها احمد وفضلها عليها هل هي فعلا بهذه القوه يبدو انها لم تكن تتوقع هذا من تلك المراه الضعيفه وايضا هل تلك الصفعه هي عقاب من الله على يده المراه الضعيفه الكثير والكثير من الافكار ولكنها كالعاده حاولت ان تحافظ على هدوئها التزمت الصمت اهتزت قليل من تلك الصفعه و لكنها قررت ان تعود مره اخرى المراه الحديديه التزمت الصمت.. نظرت مباشرا الي عينها ولكنها لم تستطع ان تنطق بكلمه اما ندي فلقد أطلقت للسانها العنان
ندي :_ لو كنتي فاكره انك جايه النهارده تمني علينا ببراءه احمد تبقي غلطانه دي حق من حقوقه اللي لسه هياخدها منك... اوعى تفتكري ابدا اني هكون سعيده و مبسوطه و اعمل زي اخويا جمال واقلك شكرآ... على ايه اشكرك انك رجعت لي حقي ما انتي اللي اغتصبت حقي لو كنت رجعت لي حقي من مغتصب غيرك كنت اشكرك عليه لكن انتي اللي كنتي السبب في دمار البيت و انتي اللي اعترفتي بلسانك انتي ملكيش حق الشكر ابدا الحمد والشكر لله مش لكي انتي يا ميسون وصدقيني حق احمد هياخده سواء انتي جبتيه او حتى كنتي فضلتي على عنادك وتكبرك
احمد حر يسامحك او ميسمحش دي حاجه ترجعله انما انا في اوعدك اني عمري في حياتي ماهسمحك و دلوقت تفضلي مع السلامه اظن انك استاذنتي من شويه
لم يستطع جمال حتى ان يوقف اخته فهي معها كل الحق لماذا كانت تلك الابتسامة على وجهه ولماذا كل هذا الشكر فهي لم تفعل اي شيء يستحق الشكر فقط اعطت حق احمد له وهنا قرر جمال ان يصمت ويطلق لاخته ما تفعله فهي دائما كانت على حق
اكرم لم ينتظر اكثر من هذا استاذن هو الاخر واخذ زوجتي التي كانت تمشي معه شبه مغمى عليها فهي لا تعرف ماذا حدث حدث لها
هند :_ والله يا ندى برافو عليك عملتي حاجه انا لو مكانك ما كنتش اقدر اعملها انتي اثبتي انك فعلا شجاعه
جمال نظره الى اخته نظره اعتذار وكأنه يقول لها للمره الثانيه انا اسف اختي... اما ندى فلم تهتم بنظرت احد دخلت الى غرفتها وبكيت بكاء شديد
امسكت تليفونها و اتصل بمروان لتتاكد مما قالته ميسون وحكت لمروان ما فعلته اما مروان فهو سمعها ولم يعلق بكلمه
مروان :_تمام يا ندى ان شاء الله انا هتابع معكي الافراج عن أحمد وتاكدي ان الافراج عنه هيكون خلال ايام بسيطه جدا وان شاء الله تكون اقل من اسبوع و احمد هينور بيته ما تقلقيش
ندى :_انا مش قلقانه ابدا انا عارفه و متاكده ان ربنا معي دائما و هيقف جنبي و جنب احمد
ميسون في السياره كانت صامته ولكنها كانت تبكي دموع بدون صوت اكرم كان ينظر اليها وكان يعلم مدي الوجع الذي كان بها وفجاه تصرخ ميسون من الوجع
اكرم -:في ايه مالك فيك ايه ميسون ردي عليا
ميسون :-بصوت مكتوم مش عارفه يا اكرم هموت حاسه ان قلبي بيوجعني بتخنق مش قادره اخذ نفسي مش قادره اخذ نفسي بموت
اكرم:_ طيب انا هوديكي المستشفى
ميسون:_ يا ريت بسرعه مش قادره اتنفس صدقني هاموت هاموت
اكرم تزيد من السرعه لكي يذهب الى المستشفى وبعد الكثير من الفحوصات
الطبيبه :_ميسون هل كنتي تشعرين بهذا الام هل كان يتكرر كثيرا
ميسون:_ نعم يا دكتوره منذ أن علمت اني حامل اصبح الألم ياتي باستمرار كان الاول متقطع لكنه اذاد كنت اعتقد انه بسبب الضغط العصبي
الطبيبه:_ هناك بعض الشك في امر ما لكن لا استطيع ان اوكده قبل ان نقوم بعمل التحاليل والاشعه ولابد ان تاتي الى اقرب وقت ممكن ارجوكي اهدي ولا تخافي و عليك ان تقومي بتلك الفحوصات والتحاليل الان بمجرد خروجك من تلك الغرفه عليك ان تقومي بها
أكرم.:_ ماذا تتوقعين ارجوكي
الطبيبه:_ لا استطيع انا اجزم باي شيء لكن مع تلك التحاليل والاشعه سنستطيع ان نقول. التشخيص المناسب وايضا العلاج المناسب
في بيت مروان
ماريان :_مش ممكن مش معقول ضربتها بالقلم على وشها انا مش قادره اصدق
مروان:_ ولا انا قادر اصدق انا مسكت نفسي بالعافيه مع ندى وما اقدرش استفسر منها اكثر من كده حسيت اني شكلي هيبقى عبيط قوي لو استفسرت منها حتى ميسون ما رضيتش اتصل بها حاسس بردوا هيبقى شكله مش لطيف خالص لو سالت على حاجه زي كده
ماريان :_طيب اتصل ب اكرم
مروان:_ لا اكيد اكرم قاعد مع ميسون واكيد مش هيحرجها ويحكي لي ...اقول لك انا بكره بنفسي اروح لميسون واسال على اللي حصل...... باقول لك ايه مش تيجي بقى وكفايه كلام عن ميسون
مريان:_ هو انا اللي حكيت ما انت اللي حكيت و ضيعت وقت
مروان :_ انا غلطان و استاهل العقاب اللي تقولي عليه طيب ممكن بقى تيجي جنبي هنا عشان اعاقبك اكبر عقاب في الدنيا 😘😘
---------------------------------
اكرم :_ما تقلقيش ما فيش حاجه ان شاء الله يلا بينا دلوقتي نعمل الاشاعه دي
ميسون :_ انا تعبانه يا اكرم ارجوك خليها يوم تاني اوعدك بكره الصبح ننزل انا وانت نعمل الاشعه المطلوبه والتحاليل لكن النهارده انا هاموت وعايزه اروح ارتاح مش قادره
اكرم :_حاضر يا حبيبتي اللي تشوفيه يلا بينا
(يذهبا الى بيتهما ولكن ميسون لا تتحدث)
تاني يوم مروان بيتصل بميسون
مروان:- ميسون انت فين
ميسون:_ انا في المستشفى يا مروان باعمل شويه تحليلات خير في حاجه
مروان :- لا يا حبيبتي انا بس كنت بطمن عليكي
ميسون:_ انا كويسه الحمد لله انا رحت لندي و عرفتها كل حاجه وعلى فكره ضربتني بالقلم
(( مروان لم يتحدث ولكن كان يستمع))
ميسون :_ تقدر تقول كده تنفيس عن الغضب اللي جواها و بصراحه عندها حق انا لو منها مش بس كان هيبقى قلم واحد لا انا كنت ضربتني بالنار... يلا الحمد لله عدي اليوم و حاسه بارتياح شديد جدا بعد اللي حصل
مروان :_اتمنى انك تقدر توصلي للسلام لنفسي اللي تتمنيه يا ميسون
ميسون:_ ادعيلي
في السجن عند احمد
المحامي:_اذيك يا بطل انا جايبلك معايا اخبار اكتر من رائعه خلاص يا احمد قدامك بالضبط الثلاث ايام و يتم الافراج عنك
احمد :_انت بتقول ايه انا مش مصدق نفسي ازاي
المحامي :_ باختصار كده ميسون قررت انها تصلح اللي حصل دفعت فلوس كتير جدا للمافيا علشان يقدروا يخرجوك في حد هيشيل مكانك القضيه
احمد:_ ازاي ممكن اعرف التفاصيل
محامي:_ ما لوش لازمه انك تعرف التفاصيل
احمد:_ لازم اعرف اللي حصل وبالتفصيل الممل بعد اذن حضرتك انا قاعد قدامك اتفضل احكي لي
(( ويبدا المحامي في سرد ما حدث من وقت انت قررت ميسون تصلح من غلطتها وتتصل بالمافيا لكي تخرج احمد من سجنه))
-----------------------------!!!!!!
مريان:_ يلا يا ستي احمد يخرجك بالسلامه باقول لك ايه ما تيجي نروح للكوافير نغير شعرنا ونعمل حاجات كده مختلفه حاجه مجنونه كده
ندى :-والله فكره يلا بينا . انا هستناك النهارده تفوتي علي كمان ساعه
مريان:_ و ماشي يا حبيبتي انا جاي لك كمان ساعه
-------------------
ندى:- ايه ده انت جيتي في تاكسي ليه فين عربيتك
ماريان '_حقيقي مش قادره اسوق وحسه اني تعبانه
ندي :_ طيب ماناجل المشوار ده
مريان:_ يا حبيبتي لا ما فيش مشكله يلا بينا
راحوا الكوافير وابتدوا باختيار الأوان والقصه المناسبه لكل واحده لكن ماريان شعرت بألم شديد لكنه متقطع لا تستطيع ان تستقر في مكانها..كانت تحاول ان تخفف الالم لكي لا تزعج ندى التي تراها مبتسم مثل الاطفال في ليله العيد ولكن ماريان خانتها قواتها
ندى:_ مالك فيك ايه حاسه بايه
وماريان:_ مش عارفه شكلي بولد
ندى:_ نهار ابيض بتولدي دلوقت هتولدي في الكوافير ولا ايه طب اعمل ايه
ماريان:_ اتصلي بمروان بسرعه ارجوكي
ندى:_ واحنا هنستنى لما مروان يجي لا انا اتصل بالاسعاف وهو يجلنا المستشفى
مريان:_ اعملي اي حاجه انا هاموت هاموت اه
بعد ساعات مروان يجلس في انتظار مولوده وبقلق
ندي :_ ما تقلقش يا مروان ان شاء الله هيخرجوا بالسلامه هي وابنك
مروان:_ دي بقى لها اكثر من ثلاث ساعات في اوضه العمليات انا مش عارفه اعمل ايه انا متضايق قوي مخنوق وخايف
ندى:_ ما تقلقش هي قويه وان شاء الله تخرج بالف سلامه
بعد قليل تخرج الممرضه تحمل طفل الصغير وتقول انه يجب ان يذهب الى الحضانه لانه حجمه صغير
مروان يسال عن زوجتي فتخبره انها بحاله مستقره ولكنها لن تستعيد وعيها قبل ساعه قرر مروان ان يجلس بجانب زوجته
مروان :_ حبيبتي حمدالله علي سلامتك انا جنبك متخافيش
مريان :_ حبيبي ِ. ابننا فين ......شكله إيه
مروان :_زي القمر بس تعبان شويه و هيبقى زي الفل
مريان:_ حبيبي خليك جنبي وما تسبنيش ابني فين عايز اشوفه
مروان :_هو في الحضانه يا حبيبتي ما تقلقيش ان شاء الله هيبقى كويس انتي شد حيلك كده وخليك قويه انا محتاجك
ندى:_ ينفع كده يا ست هانم راحه تولدي النهارده يعني ينفع اقابل احمد بالمنظر ده نص شعري اصفر والنصف الثاني اسود انا مش عارفه اعمل فيه ايه
مريان تحاول ان تضحك ولكن الجرح يؤلمها:_ معلش يا حبيبتي ما تزعليش مني انا اسفه.
ندى:_ فداكي لو تحبي احلقه قرعه كمان ومش مشكله احمد يا ستي المهم ان انت تقومي كده و شدي حيلك والحمد لله ان ابنك كويس وانت كمان كويسه صحيح هو صغير شويه لكن بكره هيبقى زي القمر يملا الدنيا عليكم وكمان تخاويه باذن الله انا دلوقت اسيبك عشان الحق اروح لاني حقيقي ما حدش يعرف اتاخرت ليه ماحدش يعرف اصلا انك ولدتي
ماريان:_ انت هتروحي وشعرك لسه ما تعملش
ندي :_ لا ما تقلقيش ما انا كلمت الكوافير وقال لي ان احنا ممكن نكمل عادي يا ستي هابقى اروح بكره اكمل اللي ماعملتوش وكمان هابقى اجي لك واطمن عليكي المهم صحيح هتسموا الجميل الحلو اللي موجود في الحضانه ايه مروان:_ نسميه احمد٠ ما فيش اجمل من اسم احمد هو سمي ابنه على اسمي و انا اسمي ابني على اسمه ارجوكي
يا ندى ما تقوليش لاحد حتى احمد نفسه ما يعرفش ان شاء الله بعد ثلاث ايام لما يخرج انا بنفسي اللي استقبله واعرفه خليها مفاجاه
ندى:_ ربنا ما يحرمكم من بعض ابدا و شكرا يا مروان على كل حاجه قدمتها لنا شكرا بجد كلمه شكرا ما توفي لك حقك
--------------------
جمال :_كنتي فين اتاخرتي اوي
ندي :_اصل مريان ولدت تعبت واحنا في الكوافير فطلبت الإسعاف وروحنا المستشفى
هند :_هي كانت بتقول هتولد ولد صح
ندي-: فعلا ولدت ولد بس طلع صغير خالص وهو في الحضانه
جمال :_ربنا يبارك لهم فيه احنا نروح لهم بكره
ندي :_اوك
هند :_علي كده لحقتي تعملي شعرك
ندي :_فكرتيني لا بكره هكمله لان شعري عملت نصه والباقي ملحقتش
------------------
تاني يوم
جمال :_ايه يا ندي نازله بسرعه ليه
هند :_استني هنفطر ونروح لمريان في المستشفى
ندي :_لا انا رايحه اظبط شعري انتوا ناسيين احمد هيخرج بعد يومين
جمال :-طيب يا حبيبتي ربنا يسعدك
ندي :_هحصلكم علي المستشفى. بس هتاخدوا الولاد معاكم
هند :_لا طبعا انا هاخد مروان بس علشان الولاد مش هيعرفوا يتعاملوا معاه
ندي :_اوك ربنا يخليكي ليا يا هند
في المستشفى
مروان :_علشان خاطري كملي الاكل بتاعك ارجوكي يا مريان
مريان :_مش قادره بجد حبيبي انا شبعت.... من فضلك شيل الاكل ده.... مروان انا عاوزه اشوف ابننا
مروان :_حاضر هتكلم مع الدكتور النهارده واسأله
مريان :_طيب ممكن تاخدني في حضنك
مروان :_ياسلام تعالي ياقلبي
((ولسه هيحضنها الباب خبط))
مروان :_مين ده
مريان :_تلاقيها ندي
مروان :_شكلي هقتلها 😂
مروان :_اهلا وسهلا استاذ جمال اتفضل
جمال :_اذيك يا مروان والف مبروك على وصول أصغر أحفاد ال ترك... مبروك يا مريان
مروان :_الله يبارك فيك شكرا لذوقك... اهلا مدام هند. اتفضلوا... وشكرا علي الهدايا الحلوه دي والله مافي داعي للتعب
هند :_مافيش تعب ولا حاجه... حمدلله علي السلامه يا مريان
مريان :_الله يسلمك يا هند... هي ندي مش معاكم
هند :-لا ياستي هتيجي لك بعد ماتخلص موضوع شعرها اللي ماخلصش من امبارح
مريان :_😂😂اه صحيح انا نسيت
---------------------'
أكرم :_مالك يا ميسون بتكوني في حضني بس مش موجوده
ميسون :_لا حبيبي ماتقلقش انا معاك
أكرم :_اناعارف امتي تكوني معايا وامتي مش معايا
انا عارف ايه اللي شغلك بس اطمني كل شي هيكون تمام خلاص احمد هيخرج بكره والتحاليل كمان هنعرف نتيجتها بكره وهتكون كويسه انا متأكد من رحمه ربنا
ميسون تدفن نفسها بشده في صدى أكرم:_انا مش قلقانه طول ما انت جنبي
أكرم :-عمري كله قليل عليكي
ميسون:_بعشق بعشق
_________________
اليوم المنتظر
الضابط يبكي، :_انا سعيد لخروجك... حزين لاني لن أراك يوميا
احمد :_شكرا يا سيدي
الضابط :_انا لست سيدك انا ستيف فقط (وسلم عليه بشده)
أحمد :_ان معي رقم هاتفك وعنوانك سآتي لزيارتك وهذا وعد
الضابط :_اعلم انك ستصدق وعدك وستاتي لزيارتي... احمد اريد منك أن لا تنسي الفتره التي عشتها هنا بقدر ماهي قاسيه بقدر ماكانت مفيده.. تعلمت منها الكثير... كل فترات حياتك لا تكرها لأنك تخرج منها بدرس وحكمه تعينك علي القادم... فتذكر هذا جيدا
أحمد :_نعم صحيح وجودي في تلك التجربه افادني كثير.. الحمد لله على كل شي
الضابط :_نعم يا صديقي اشكر ربك دايما... أراك علي خير اللي اللقاء يا صديقي
أحمد :_اللي اللقاء يا صديقي
_______________________
مروان :-انا اسف يا ندي كنت عاوز اكون اول واحد يستقبل احمد لكن انتي عارفه مش هقدر اسيب مريان وخصوصا ان ابنى لسه ماخرجش من الحضانه
ندي :_لا يا مروان مافيش داعي للاعتذار انا هروح لأحمد وبعدين المحامي وجمال وحتي عمر هيجوا معايا... وبعدين هتسيب مريان لمين مالهاش حد غيرك... خد بالك منها ربنا يبارك في حبكم
مروان :-ربنا يخليكي يا ندي اول ما احمد يخرج كلموني
________________
أكرم :_يلا يا ميسون هنتاخر علي المستشفى
ميسون :_حبيبي ممكن اصلب منك طلب
أكرم :_عيوني يا قلبي
ميسون :_عاوزه اروح عند احمد عاوزه اشوفه وهو خارج المحامي امبارح قالي علي القسم اللي هيخرج منه وعلي فكره هيكون في طريقنا للمستشفى
أكرم بنرفزه :_لا يا ميسون احنا هنروح المستشفى وبس نطمن عليكي انتي اهم. حتي من نفسي مفهوم
ميسون لم تنطق كلمه لان منظر أكرم كان كافي لاسكاتها
_____________________
جمال :-كفايه توتر المحامي معاه جوه خلاص كلها دقايقة
ندي :-انتي قولتلي كلها دقايق من ساعه
جمال :طيب معلش انا اسف ياستي بس اهدي
ندي :_الوقت قاتل بيمر بصعوبه
جمال :_عارف وحاسس بيكي تعرفي انا كنت ذيك وانا في المستشفى كان الوقت بيمر كأنه جبل و....
. (ندي قطعته ::_احمد خرج.
. (وبتجري علي جوزها واحمد كمان جري عليها وحضانها واول مره يقبلها أمام الناس ولم يخجل وهي الاخري لم تخجل من قبلته)
المحامي :_احمد حمدالله علي السلامه يلا بينا علي العربيه
أحمد وهو ينظر لندي :_اه اه يلا بينا فعلا
جمال يحضن احمد:_حمدلله على السلامه يا احمد
احمد:_ الله يسلمك.. الله هو فين مروان
ندي :_مريان ولدت من يومين وابنهم في الحضانه ومش عارف يجيلك وقالي اول ما تخرج تكلمه
أحمد :_لا انا مش هكلمه انا هروح له من فضلك يا استاذ (احمد موجه كلامه للمحامي) ودينا عند مروان في المستشفى خليني اعمله مفاجأه
وبعد قليل وصلوا المستشفى
مريان :_حبيبي وحشتني
مروان يضع قبلات علي شفاه مريان :_وانتي اكتر ياعمري انا
نفسي نروح بسرعه محتاج نكون في بتنا اوي((خبط علي الباب))
مروان :_يوه بقي مين جاي مش وقت مرور الدكتور
مريان :_طيب قوم شوف مين
مروان يفتح الباب :_احمد مش معقول ((ويحضن صديقه القديم))
احمد:_ماكنش ينفع اروح بيتي من غير مااشوفك
مريان :_حمدالله على السلامه يا احمد
أحمد :_الله يسلمك وحمدالله على السلامه مريان
مروان :_الله يسلمك.. بس بجد احلي مفاجأه...
ندي :_نعمل ايه منقدرش نستغني عنكم
مروان :_طيب كنت روحت ارتحت وجيت بكره
أحمد :_مقدرش كان لازم اشوفك يا صديقي يا اخويا الكبير
صحيح هو ابنك منقدرش نشوفه
مروان :_كمان يومين انشالله يخرج ونروح بيتنا بيه
احمد:_ انشالله... يتربي في عزك.. انت سميته ايه انا سالت ندي قالتلي نسيت تسالكم
مروان :_انا سميته احمد
احمد دموعه نزلت من عينيه وحضن صديقه
احمد-: ربنا يديم المعروف والمحبه بينا يا مروان
مروان :_اللهم امين.... ودلوقتي يا صديقي العزيز اتفضل من غير مطرود روح بيتك واول مانخرج من المستشفى تبقي تجلنا بيتنا غير كده مااشوفكش فاهم( وغمز له بعينه)
أحمد :_😂اه فهمت( وتحدث بصوت منخفض) لا متقلقش ولا انا ولا ندي حد هيشوفنا لمده اسبوع 😂
مروان :_🤣ماشي يا بطل يلا روح ومره تانيه حمدالله على السلامه
مريان :_اقسم بالله انتي متخلفه.. بقى جوزك يخرج النهارده بدل ماتروحي البيت تجبيه وتيجي هنا🤣
ندي :_😂لا ماتخفيش دا انا ناوياله على حاجه مش هينساها
مريان :_طيب يا مزه اتفضلي عاوزه اعرف ان مروان الصغير جاله اخ او اخت قريب
ندي :_يخربيت دماغك انحرفتي يا مريان 😂
______________
ندي :_ايه يا احمد بتشدني جامد ليه هنروح بس براحه.... صحيح هو انت كنت بتقول لمروان وبتضحكوا اوي كده
احمد:_لنفس اللي كنت انتي ومريان بتضحكو ا علشانه
😉
ندي -:😳😳
احمد:_متبصليش كده 😂 لما نروح بس اعملي اللي انتي عاوزاه يلا بينا التاكسي اللي طلبته وصل
في البيت
ليلي :_بابا احمد وحشتني حمدالله على السلامه
هند :_اذيك يا احمد حمدالله على السلامه. . جمال وصل قبليكم وقال انكم روحتوا لمروان
احمد :_ ماكنش ينفع ماشفش مروان ده عمل معايا اللي اخويا ماكنش هيعمل. كده
جمال:_عندك حق ومش انت بس لا كلنا مروان ليه الفضل علينا
أحمد :_فين ابني
ليلي :_مروان اخد الرضاعه بتاعته ونام في سريري
أحمد :_انا هقوم اشوفه
هند :_وانا هحضر الغدا
ندي :_وانا جايا معاكي
جمال :_لا انا اللي هحضر الغدا مع ام عمر عاوز انكشها وهي بتحضر الغدا وتقعد تزعق وتقولي يوه بقي انتي مش بتسعدني اتفضل اطلع بره المطبخ .اتفضلي انتي ورا جوزك
😂 😂 😂 😂 😂
ندي :_تعالي يا احمد ندخل نشوف مروان
أحمد يرى ابنه بعد شهور طويله لم يكن يستطع رؤيته الا علي تليفون ندي
أحمد :_الله شوفي يا ندي مروان كبر
ندي :_طبعا يا احمد بس شوف بقى شبهك
أحمد :_انا حلو ومسمسم كده ده طالع قمر لليلي...طيب انا هدخل الاوضه ارتاح شويه يلا يا ندي
أحمد دخل الاوضه وندي دخلت وراه لسه بتقفل الباب اتفاحات باحمد بيشده وراه الباب وباسها بحب وشوق اختلطت انفاسهم بشده أغلق الباب جيدا جذبها الي السرير وهما لايزلان يقبلان بعضهما احمد يعض علي شفتيها بجنون وكأنه يروي ظماء عطشه لها
ويبداء في نزع حجاب الراس عنها ويسمع خبط علي الباب
ندي بعفويه :_مين
ليلي :_مامي يلا الغدا جاهز
احمد بغيظ مكتوم :_حاضر يا لولو جايين
أحمد يضرب ندي بهزار على خدها :_انتي بتردي ليه يا هانم كانوا ممكن يفكرونا نايمين
ندي 😂طيب قوم يلا نتغدى الأول
أحمد :_طيب يلا بينا بس اقسم بالله ولا تقوليلي بعد كده اخرج من الأوضة دي اللي لاكون خاطفك
ندي :_☺️حاضر ياسي احمد افندى. (تقوم ندي وتبدأ في ترتيب ملابسها فتخلع الحجاب لتعيد ترتيب شعرها))
أحمد 😘😘:_ايه القمر ده غيرتي لون شعرك
ندي :_حلو 😉
احمد :_ده يجنن انا مش عاوز حد يشوف شعرك
ندي :_ومين هيشوفوه ده جمال اخويا ومراته والولاد هما اللي بره
احمد :_ماحدش يشوف القمر غيري وانا قولت كده
ندي -: حاضر 😊
بعد الغدا
جمال :_ انا كنت عاوز اقولكم حاجه.. من وقت ماعرفت بخروج احمد وانا قررت انا وهند اننا لازم يكون لينا بيت مستقل وبصراحه اتكلمت مع مروان والحمدلله لقينا سكن
أحمد :_وفين السكن ده
جمال -:ماتخفش مش هنبعد عنكم.. في نفس البنايه بس بعديكم ب3ادوار
ندي :_ وليه مش قولتلي قبل كده مااحنا عايشين مع بعض في نفس البيت
جمال :_اولا لاني كنت عارف انك هترفضي وثانيا انتي كنتي مشغوله الكام يوم اللي فاتوا وبعدين يا ندي انا مش هسيبك خلاص مافيش سفر للسعوديه ولا مصر الولاد عاوزين يكملوا تعلمهم هنا وانا عاوز نعيش كلنا مع بعض في نفس البلد
أحمد :_صدقني انا عاوزكم فعلنا معانا هنا في البيت
جمال :_عارف يا احمد واحنا فعلا مع بعض كل الحكايه اننا هنام بعيد عنكم شويه... وبعدين ياريت منضيعش فرحه رجوعك بيتك بالسلامه في الكلام ده قدمنا الوقت براحتنا دلوقتي احنا نستأذن لان بصراحه كابس عليا النوم اوي بعد الغدوه المعتبره دي
هند :_ندي لوسمحت عاوزاكي
ندي :_خير يا هند
امل :_بصي بقى يا عروسه انا هاخد ليلي تبات معانا الكام يوم الجايين انتي عارفه الولاد مرتبطين ببعض قد ايه وكمان مروان هاخده النهارده بس الاول راضعيه وبكره اجبهولك
ندي :_بلاش تتعبي نفسك يا هند ما طبيعي ولادنا هيعيشوا معانا وكمان احمد عاوز مروان في حضنه علي طول
امل :_طيب خلي مروان والنهارده ليلي تبات معانا ومن بكره ترجع تاني هنا.. اليله ليلتك يا عروسه 😉
_______________________
أكرم :_حبيبتي ارجوكي احنا لازم نهدي ونفكر كفايه بكي مافيش شى بينحل بالبكا.. لازم نقول قدر الله وما شاء فعل
ميسون منهاره في بكائها :_مش بلحق افرح يا أكرم مش عارفه افرح لما حسيت ان الدنيا خلاص صلحتني ولاقيت حب العمر وكمان ربنا اكرمني وهبقى ام يجيلي سرطان هموت من القهر يا أكرم
((وتهرب من ضعفها في حضن أكرم الذي يمسح علي شعرها بحب وحنان لايبكي أمامها ولكنه يذوب من الداخل))
أكرم :_ماتخافي احنا مع بعض هنهزم المرض مش هيخدك مني اطمني انا معاكي وقبل كل شي ربنا معانا حبيبتي انتي عملتي اشيا كتير حلوه انتي ناسيه انك طلعتي احمد من سجنه وكمان انك انقذتني من الوحده والضياع انتي ادتيني الحياه من تاني. ميسون بصي لعيوني انا مش هسيبك ولا هسمحلك تسبيني وابننا هيجي بالسلامه وهنربيه مع بعض
ميسون :_اذاي بس يا أكرم انت سمعت معايا الدكتوره و فريق الدكاتره اللي معاها قالوا ايه ان العينه اللي خدوها بتقول سرطان ثدي
أكرم :_بس بردوا قالوا انه في مرحله اولي يعنى سهل انشاالله العلاج منه
ميسون :_مافيش حد بيخف من المرض اللعين ده
أكرم :_لا فيه كفايه ياميسون الوجع ده كفايه الضعف لازم تقوي اكتر من كده
الطبيبه :_بعتذر لم أعرف أن زوجك معكي ظننت انكي بمفردك
أكرم :_ليست هناك مشكلة تفضلي
الطبيبه :_الان نضع خطه العلاج في البدايه لا يجوز بداء العلاج وانتي حامل لان هذا يقوم بعمل تشوهات للجنين
ميسون :_"ماذا تقصدين
الطبيبه :_اقصد لابد من نزول هذا الحمل لكي نبداء في العلاج بأقصى سرعه
ميسون تصرخ :_"لا لن يحدث حتي لو كان هذا اخر شي في حياتي لن اقتل ابني لا يا أكرم لا يمكن
__________-------______________
ندي :_احمد احمد حبيبي انت فين.... من ساعه ما جمال اخد الولاد وراح شقته وانت قاعد جنب مروان ايه يا حبيبي نستني وميرو هياخد الجو مني ولا ايه
أحمد :_ولا عمري انساكي يا قلبي وعشقي.. تعرفي يا ندي انك كنتي بتقويني طول الفتره اللي فاتت
ندي :_انا ازاي
أحمد :_كفايه اني احس انك واحده ست واقف قدام الدنيا دي لوحدك في بلد غريبه ومع ذالك قويه ومش بتسمحي للدنيا توقعك كان لازم انا كمان اكون قوي علشانك
ندي بتمشي باناملها علي شعر احمد. فيقبل يديها ويضعها علي قلبه..
أحمد :_ااه يا ندي علي الوجع في بعدك اه لو تعرفي مشتاق ليكي قد ايه
ندي :_نفسي اعرف مشتاق ليل قد ايه 😍😊ا
أحمد :_ميرو نام تعالي بقي اعرفك قد ايه مشتاق ليكي ياعمري
- تابع الفصل التالي عبر الرابط التالي: "رواية انسان سافل بس محترم" اضغط على اسم الرواية