رواية لن تغفر لك الجزء الثاني 2 الفصل الرابع والعشرون والأخير بقلم الاء محمد
رواية لن تغفر لك الجزء الثاني 2 الفصل الرابع والعشرون والأخير
"أيقنتُ أن خوفي على الذين أحبهم قد يفوق أحيانًا خوفي على نفسي، وأن لا شيء يُعادل لحظة الطمأنينة التي تغمرني عندما أدرك أنهم بخير، إلى كل الذين أحبهم:كونوا بخير لأجلكم أولاً ثم لأجلنا، فإن مايمسّكم يمسّنا، نعيذكم بالله من نوائب الدهر، وكوارث الزمن، ومن الشرور، والمساوئ، والأخطار."
بعد مرور سنه كان ركان نايم وفرح قامت زي كل يوم وفضلت تبص ليه زي كل يوم من ساعة اللي حصل وهي مش مصدقه أن كان ممكن تخسر حب عمرها صحي ركان وراح مفتح عنيه واول ما شاف كانت هي فرحت عمره اللي مستعد يهد الدنيا عشان تكون معا وجوا حضنه راح ابتسم
ركان بنوم .. صباح الخير يا حبيتي الساعه كام
فرح بابتسامة .. صباح النور يا حبيبي الساعه 9
فرح راحت موطيه وطبعت علي خده بوسه راح ركان لف أيده علي وسطها وخلاها في حضنه وراح دافن رأسه في رقبتها وبقا يتكلم بصوت هادئ
ركان .. صاحيه من أمتي ومصحتنيش لي
فرح بسعاده .. انا صاحيه من بدري صعبت عليا مردتش اصحيك انت نايم وخري بسبب استاذ مالك ركان ابتسم لما افتكر شقاوت مالك ولعبه معا
ركان .. متزعليش طيبا انا هصلحك فرح بقت حضنه ركان جااامد مش عايزه تبعد عنه ابدا
فرح بخوف .. انا مش مصدقه أن كنت هخسرك بسببي ركان راح واخد فرح في حضنه وبقا يهديها
ركان .. شششششش انا عشانك اعمل اي حاجه مش عايزك تفكري في اللي فات خالص
فرح وركان كانو في حضن بعض راح ركان بأس راسها وأيده كانت علي ظهرها بهديها
★★ فلاش باك ★★
عوض أول ما ضرب النار بلبندقيه جت في قلب ابراهيم اللي قبل ما يقع يموت كان ضرب رصاصه ركان قبل ما ابراهيم يضرب نار كان لسه بيشد فرح واخدها في حضنه وكان ضهرو ل ابراهيم اللي الرصاصه خرجت جت في ركان راح واقع في الأرض فرح من خوفها علي ركان بقت تصوت وراحت واخدا في حضنه ادهم بقا واقف زي التايه مش مصدق أن دي تكون اخرت ابوا هو مهما عمل مكنش يتخيل أن هو يموت كدا مع أن هو عارف كويس أن من قتل يقتل ولو بعد حين بس الموقف كان صعب عليه راحت جميله خدتو في حضنها
فرح بدموع .. ركااااان
ركان وهو بتكلم بالعافيه .. متخفيش دي رصاصه في كتفي مش خطر
فرح وهي بتعيط .. متتكلمش يا حبيبي
وراحت بقت تدور علي حاجه توقف بيها الدم اللي بقا ينزل من كتفه وهي ايديها بتترعش
مفيش شويا وكان البوليس مالي المكان والاسعاف اللي جم تبع حاتم لما عمل اتصالاته قدر بمعرفه أن هو يحرك قوه من عند ركان عشان تكون جنبه لحد ما يوصل الاسعاف جت شالت حثت ابراهيم ومشيت والبوليس قدر يقبض علي عوض اللي كان واقف شايف ابراهيم وهو جثه وقدر يفش غليله منه وخد طار هديه اللي دلوقتي تقدر تنام في مكانها وهي مرتاحه قام ركان بمساعدة فرح اللي قدرت توقف النزيف وراح علي المستشفى وبعدها بكام يوم روحو علي البيت اللي ادهم صمم أن هو يدي فرح كل حاجه هي ورثتها من جدها وهو كمان اخد حقه وفرح صممت أن البيت الكبير يكون هو بيت العيله اللي يلمهم كلهم
★★ نهاية فلاش باك ★★
ركان طلع من الحمام وهو بينشف شعرو راح علي فرح اللي كانت سرحانه وراح موطي باسها
ركان .. الجميل سرحان في ايه
فرح بابتسامة .. فيك يا حبيبي وراحت لفت اديها علي رقبت ركان اللي كان مبسوط أن حلمه بقا حقيقه وفرح رجعت تاني لحضنه هي وابنه
ركان .. يلا قومي يا كسلانه زمان ماما تهاني و الحاجه تفيده حضرو الفطار واكيد مالك مجننهم
فرح بابتسامة .. عندك حق ابنك طلع شقي اووي
ركان بضحكه عاليه .. طبعا مش زي ابو وراح خطف بوسه من فرح وراح يكمل لبسه وفرح كمان راحت تلبس عشان ينزلو يفطرو سواء
بقلمي الاء محمد
★★★★★★★★★★★★★★★★
تفيده وتهاني كانو في المطبخ بيحضرو الفطار وطبعا مالك كان بيلعب وراهم وصوت ضحكته عاليه مفيش شويا ونزلت جميله اللي ادهم كان ماسك ادها عشان خايف عليها خصوصاً أن هي في اخر شهور الحمل راح مالك طلع يجري عليهم وهو بيضحك وفاتح ادي ل جميله اللي بقت تضحك علي كلامه اللي هو كل شويا بيقوله
مالك .. عرلوستي جااات
ادهم راح موطئ عليه وشاله هو وبقا يلعب في شعره وهو بيتكلم معا
ادهم بغيره .. ملكش دعوه با بنتي ياااد انت
جميله بضحكه .. في ايه يا ادهم ده طفل صغير
ادهم .. ده طفل ده من دلوقتي وهو عينه علي بنتي وقال ايه عروستي
ركان وفرح نزلو علي كلام ادهم راح ركان قرب منهم وهو بيضحك راح مالك راح لحضن ابو
مالك .. ثايف يا بابا انكل ادهم مث عاوز يدوزني بنته
ركان .. وهي هتلاقي زيك فين وانت بعيون ملونه كدا وشعر اصفر بكرا هي اللي هتقول ل انكل ادهم جوزني مالك ابن عمتو فرح
فرح وجميله كانو واقفين بيضحكو علي ركان ومالك وملامح ادهم الي مش عجبه كلامهم
ادهم .. لا طبعا انا بنتي مش هتعمل كدا وراح واقف جنب جميله وحط أيده علي بطنها
جميله بضحكه .. شكل بنتك موفقه علي كلام انكل ركان عشان ساكته مش بتتحرك
ادهم .. حتي انتي يا جميله
جميله مره وحده حست بخبطه في بطنها راحت حطه ادها عليها
جميله .. اااه شوف حتي بنتك مش مقتنعه بكلامك
تهاني و تفيده راحو طالعو من المطبخ من بعد ما خلاصو تحضير الفطار
تهاني .. يلا يا ولاد الفطار جهز
تفيده .. وقفه لي يا بنتي روحي ارتاحي وانت يا ادهم بكفياك كلام وخالي مرتك تقعد شويا
ادهم راح ماسك ايد جميله وراح مقعدها علي الكرسي وقاعد جانبيها وركان وفرح هما كمان قاعدو وطبعا مالك كان قاعد جنب جميله عشان ياكل وياكل عروسته وتفيده وتهاني كمان قاعدو عشان يفطرو في جو أسري جميل
بقلمي الاء محمد
★★★★★★★★★★★★★★★★
صحي ياسر من النوم بقا يدور علي روز اللي اتجوزو وبعد الجواز حياتهم اتغيرت وبقيو يساعدو بعض أن هما يتغيرو للاحسن وطبعا ياسر اتغير كتيير رجع يلتذم وبقا ينزل الشغل كل يوم ويخف الحمل عن ابوا اللي بقا ميقدرش ينزل الشغل زي الاول وسلم كل حاجه ل ياسر وروز كمان اتعلمت من تجربتها الأولي أن هي تهتم ببتها وجوزها وتكون ام كويسه والأهم من ده تكون ام وعيه وتقدر تحتوي اولادها ومتكونش انانيه زي مامتها اللي مكنش يفرق معاها غير نفسها مش بنتها دخل ياسر اوضت الاطفال اللي هي جنب الاوضه بتاعتهم لقي روز قاعده علي الكرسي وهي شايله ابنه وماسكه قصه وبتقرا لي زي ميكون عمره سنه مش كام شهر اول ما رفعت راسها لقيت ياسر واقف وهو مبسوط ب روز اللي بقت وحده تانيه وكل همها عيلتها الصغيره وهما ياسر و تيا و سليم راح قاعد جنبها علي الارض وحط رأسه علي رجليها وبقا يسمع الحكايه اللي هي بتحكيها ل سليم زي ميكون هو طفل بس طفل كبير انحرم من احساس الامان في ام مكنتش بتفكر غير في نفسها بس ربنا عوضه هو وروز ببعض اللي قدر يكملوا بعض قامت روز تنيم ابنها في سريره جنب أخته توامه راح ياسر قام وقف وراها واخدها في حضنه راحت روز هي كمان لفت وبقت في حضنه
ياسر .. صاحيه بدري النهارده
روز .. قصدك منمتش النهارده من عيالك
ياسر .. حقك عليا وراح باسها علي رأسها النهارده انا هقعد بيهم وانتي تقدري تنامي برحتك
روز .. مانت عارف ان انا مقدرش انام غير وانا في حضنك
ياسر .. خلاص هخلي دادا امينه تقعد بيهم والنهارده اليوم هيكون بتاعي انا وانتي وبس
روز بسعاده .. ربنا يخليكو ليا ومنحرمش منكو
ياسر بحب .. ويخليكي لينا يا حبيبتي
بقلمي الاء محمد
★★★★★★★★★★★★★★★★★
رجع خالد من الشغل متأخر راح الاوضه براحه عشان ميصحيش انجي ولسه بيفتح الباب لقي الاوضه حته من الجنه الشموع مليا الاوضه و الارض مليانه ورد و موسيقي جميله و انجي واقفه زي متكون حوريه من الجنه راح داخل وبقا يقرب منها لحد ما اخدها في حضنه وهي كمان اتشعلقت في وبقا يرقصو علي اضواء الشموع
انجي .. وحشتني اوووي يا حبيبي
خالد وهو دافن رأسه في رقبتها انجي وبيتكلم
خالد بحب .. مش اكتر مني حقك عليا يا حبيبتي انا عارف ان انا مقصر معاكي بس الشغل
انجي وهي في حضنه .. ربنا يديك الصحه يا حبيبي
خالد .. بس حلو الجو ده اوع يكون في مناسبه وانا ناسي
انجي بابتسامه .. هو في بس مش مناسبه هو مفاجأة ويارب تعجبك
خالد .. مفاجأة ايه دي
انجي راحت قربت من ودن خالد وبقت تتكلم بصوت واطي .. انا حامل
خالد من كلام انجي راح وقف مره واحده كدا وبقا يبص عليها هي و بطنها ومبيتكلمش
انجي بقلق .. في ايه يا حبيبي انت اضيقت
خالد .. انتي متاكده من كلامك ده
انجي بقلق .. ايوا النهارده رحت ل الدكتوره وهي أكدت أن انا حامل
خالد مرا واحدا راح شايل انجي وبقا يلف بيها وهو بيضحك بصوت عالي وراح منزلها في الأرض
براحه وقاعدها علي السرير
خالد .. دي احسن مفاجأة حصلت لي في حياتي
انجي .. يعني مش مضايق
خالد راح ماسك وش انجي بين ادي وبقا يتكلم
خالد .. اضايق من ايه ومن أن هيكون عندي طفل منك ومني يكون دليل حبنا
انجي بقت مبسوطه من كلام خالد راحت رمت نفسها في حضنه وهو كمان لف أيده علي وسطها بتملك وراح اخدها في حضنه
بقلمي الاء محمد
★★★★★★★★★★★★★★★★★
حاتم من بعد يومين شغل مكنش بيشوف فيهم النوم طول مهو بعيد عنها ومصدق رجع عشان يقدر ينام وهي في حضنه كان نايم قام مره واحده مفزوع علي حور اللي كانت بتعيط
حاتم بخضه .. مالك يا حبيبتي فيكي ايه
حور بعياط .. انا شكلي بولد
حاتم بفزع .. بتولدي قام من نومه وبقا يلف في الاوضه وهو مش عارف يسكتها ازاي راح وقف مره واحده وبقا يركز علي حور اللي مش مبطله عياط وراح اتكلم مره واحده
حاتم .. تولدي ازاي وانتي في الشهر الرابع يا حبيبتي وراح عليها
حور .. يعني انت مش مصدقتي
حاتم .. لا طبعا مصدقك يا حبيبتي بس بالعقل كدا هو ينفع تولدي وانتي في أول الرابع
حور .. انت تقصد ايه ان انا مجنونه عاااااا
حاتم .. لا طبعا انا اللي مجنون يا حبيبتي انتي عوزاني اعمل ايه دلوقتي
حور بتفكير .. مكرونه اعمل مكرونه بالبشاميل
حاتم .. مكرونه دلوقتي انتي عارفه الساعه كام احنا الفجر يا حبيبتي الصبح هجبلك اللي انتي عايزاه من عنيا حاضر
حور .. عاااااااا انت مش بتحبني ومجوعني انا وابنك اللي في بطني
حاتم بصدمه .. مش بحبك و مجوعك الاتنين مع بعض انا يا حور
حور بعياط .. ايوا انا عايزه مكرونه بالبشاميل دلوقتي
حاتم بستسلام .. حاضر هعملك اللي انتي عوزه وامري لله يا ستي
حور بفرحه .. بجد يا حبيبي ويا سلام لو تكون جوسي بقا ياااااه
حاتم .. دلوقتي بقت حبيبك حاضر يا ستي
حاتم قام راح المطبخ و حور طلعت ورا راح حاتم مقاعدها علي الرخامه بتاعة المطبخ وادها بوسه وبقا يحضر المكرونه بالبشاميل وهي مبسوطه
بقلمي الاء محمد
★★★★★★★★★★★★★★★★★
صباح يوم جديد صحيت كنزي بدري وهي حعانه وبقت تحضر الفطار وراحت تصحي زين اللي نومه تقيل ومش راضي يصحه خالص اخر ما زهقت راحت واقفه في الصاله وبقت تصوت
كنزي بصوت عالي .. زييييين الحقني
قام زين من نومه وهو مرعوب عليها وطلع الصاله بنومه من بعد محولات كتير ان هو ميقعش
زين يخضه .. مالك يا حبيبتي اكلم الدكتور
كنزي بابتسامة انتصار .. صباح الخير يا حبيبي الفطار جاهز يلا عشان تفطر وراحت سابت زين واقف مكانه وهو مصدوم منها راح داخل وراها المطبخ لقاها قاعده بتاكل ولا علي بالها
زين .. يا شيخه حرام عليكي قطعتي خلفي انتي مش هتبطلي الحركه دي
كنزي بابتسامة .. اعمل ايه ما انت اللي مش بتصحه علي طول من اول مره
زين .. تقومي تتخضي كدا والله انا لو جرالي حاجه هتكون بسببك انتي
كنزي وهي في بوقها اكل .. سلامتك يا حبيبي
زين بصوت واطي .. افضلي كلي انتي كدا لحد ما هتكوني شبه الفيل
كنزي وهي بتبص عليه .. بتقول حاجه يا حبيبي
زين وهو بيقعد علي الكرسي .. بالف هنا يا حبيبتي
كنزي .. خد سندوتش جبنه بيضاء عارفاك بتحبها
زين وهو بيبص علي السندوتش اللي في اديها
زين .. لا انا عاوز زيك مش حبنه هاتي بانيه اشمعنا انتي
كنزي .. انا بتوحم لما تتوحم زي هاكلك بانيه
زين .. لا شكرا انا عايز ساندتش من غير وحام
كنزي .. توتوتوتو ده بتاعي انا وبنتي ولا عينك في اكل بنتك
زين .. بالف هنا انتي وحبيبت بابا وبعدين اتكلم بصوت واطي .. علي متولدي بنتي هكون قربت اشحت بسببك وراح ماسك سندوتش الجبنه كله كله مره واحده من غلبه
بقلمي الاء محمد
★★★★★★★★★★★★★★★★★
دنيا قررت انها تتغير للاحسن وطبعا معرفتش تعمل كدا اللي من بعد ما هي حست أن هي بقت منبوذه ومحدش بيقرب منها خدت خطوه صح وقررت انها تروح لدكتور نفسي عشان يساعدها أنها تتخطي اللي حصل معاها من بعد ما شافت امها واكتر شخص كانت بتحبه أو هي كانت فاكره كدا وبدأت في العلاج اللي خلاها متتدخلش في حياة اي حد و تحاول تفرح من قلبها و متشوش أن كل الناس تستاهل أن هما يتعملو بأسلوب وحش أو غلط بعد مخلصت جلست العلاج وقبل ما تطلع من الاوضه بتاعة الدكتور اللي كان بيتابع حالتها و قدر يغير منها ولو جزء بسيط راحت وقفت من بعد ما هو نداه عليها
دنيا .. نعم يا دكتور سيف
سيف قام وقف قدامها .. ممكن اعزمك علي حاجه لو مش هعطلك
دنيا بستغراب .. ابدا مفيش عطله بس خير يا دكتور
سيف .. لا احنا هنتكلم مش دكتور و الحاله بتاعته ممكن نتكلم كا أصحاب
دنيا .. اكيد يا دكتور
سيف .. طب اسمحيلي نتكلم برا انا كدا كدا خلصت في كافيه جمب العياده حلو اوي
طلعت دنيا هي و دكتور سيف وبعد شويا كانو قاعدين في الكافيه
دنيا .. خير يا دكتور في ايه
سيف .. اولا احنا قولنا هنتكلم زي أصحاب فا مفيش داعي ل دكتور ثانيا بقا
دنيا .. ايوا ثانيا ايه
سيف .. انا معجب بيكي و مش عاوز اخد اي خطوه من غير ما اعرف رائيك
دنيا .. حضرتك مش معنا اني مريضه عند حضرتك أن اصعب عليك وتقول كدا
سيف .. ايه اللي انتي بتقولي ده انا عمري مكان تفكيري كدا انا بجد من اول يوم شوفتك في وانا اعجبت بيكي ومنكرش اني اتعلقت بيكي وبقيت استنا معاد الجلسه عشان اشوفك حتي لو هحتفظ باحساسي لنفسي
دنيا كانت قاعده وقلبها بيدق جااامد وحسه بصدق كلامه وشايفه في عيونه نظره مشفتهاش في عيون احمد خالص فا قررت أن هي تدي لنفسها فرصه تانيه يمكن يكون سيف مختلف عن احمد خالص
بقلمي الاء محمد
★★★★★★★★★★★★★★★★
فرح كانت واقفه تحت الشجره اللي في البيت الكبير ومالك كان بيلعب هو وركان حوليها وعينيها كانت عليهم وهي حاسه أن اخيرا عيلتها الصغيره رجعو اتجمعو من تاني راح ركان جي اخدها في حضنه وقرب منها وهو بيضحك علي مالك اللي بيلعب بالكوره راحت فرح حضنت ركان وقربت منه وباست خده وقالت
فرح .. هو انا قولتلك انا بحبك النهارده
ركان راح باس راسها وخدها في حضنه جااامد
ركان .. بحبك يا فرحة عمري ❤
تمت الرواية كاملة عبر مدونة دليل الروايات
- تابع الفصل التالي عبر الرابط: "رواية لن تغفر لك" اضغط على اسم الرواية