رواية الاعمي الجزء الثاني 2 الفصل التاسع والأربعون بقلم ليلة عادل
رواية الاعمي الجزء الثاني 2 الفصل التاسع والأربعون
فيلا مروان واميره ١٠م
اميره : بخوف مروان انت هتسبنى
مروان : مستحيل
اميره : يعنى مش هطلقني
مروان : ايه اللى خلاكى تقولي كدا
اميره : عشان انت زعلان مش بتكلمني من اسبوع
مروان : زعلان لكن مستحيل اطلقك
اميره : بجد
مروان : بجد
اميره : قول والله
مروان : والله العظيم ما هطلقك، ازاى تفكرى كدا مستحيل اعملها ، اموت قبل معملها لازم تعرفى شى الوحيد اللى هيفرق بنا هو الموت ، فهمه اوعى اسمعك تقولي الكلمة دى مره تانيه ، مجنونه قال اسيبك .. يضمها الى قلبه ويقبلها .. انا مقدر اعيش من غيرك ولا ليا غيرك فى الدنيا
تنظر اميرة له .. انا بحبك أوى تضمه ثم تنظر له بإبتسامة ثم تمسك دمغها تنظر لها بتركيز كأنها تحاول ان ترى
مروان : مالك
اميره : مش عارف حاسه بزغللة كدا يختل توزنها يسندها مروان بسرعة
مروان : بخضة .. مالك انتي كويسة
تنظر له وتقع على الأرض يحملها مروان بسرعة بخوف ويضعها على السرير. يحاول افاقتها.. يخبط برفق على خديها اميرة ، اميرة، ثم يجلب كوب مياه من كومودينه يضع على يده قليل ويمسح وجهها تبدأ اميرة بفتح عينيها تنظر لمروان
مروان : فى ايه مالك
اميره : مش عارفةحسيت فجأة دماغي تقيلة
مروان : سلامتك يا حبيبي خلاص متزعليش بقى انسي يقبلها من أيدها.. لكن اثناء حديثه معها تتغير ملامح وجهها يبدو انها تشعر بالغثيان تضع ايدها على فمها وفجأة تجرى على الحمام ومروان خلفها وتقوم بالتقيؤ ثم تغسل وجهها اااه... يقترب منها مروان يطبطب على ظهرها
مروان : انتي كويسة
اميره : بألم مش عارفة حاسة بدوخة كدا
يحملهامروان ويخرج بها للخارج ويضعها على السرير برفق ثم يقلعها الحذاء وعدل المخدة خلفها
اميرة : اااه... تعبانة اوى. ايه اللي حصلي كنت كويسة
مروان : حاسه بايه
أميرة : دايخة كدا وحاسة اني عايزه ارجع
مروان: يمسك ايدها ... طبيعي يا حبيبي متقلقيش ،ضغطك وطي من الزعل ، يضع ايده على خدها وبحنان.. حبيبتي انسي... أخدت الشر وراحت فداكي ، فدا تراب رجليكي ، متزعلش بالشكل ده عادي صدقيني مش مستهلة زعلك ولا انك تتعبي كدا بكرة أجيبلك أحسن منها ، وتبقي احسن دكتورة بالدنيا، انا وعدتك ،مش هسيبك غير وانتي انجح واشهر منى كمان، خلاص بقى ، اضحكي فكي التكشيره دي ، ممكن تضحكى لمروان ، مارمورك ، نفسه يشوف ضحكة ميرو اللي بتجننه
تبتسم اميرة له يضع مروان يده على خدها ويبتسم لها ثم يقبلها من جبينها قبلة طويلة
مروان : بابتسامه حب خلاص مش زعلانة من هنا يضع ايده على قلبها
اميرة : تضع ايدها فوق ايده ده ميقدرش يزعل طول ما انت ساكن جواه ، مروان انا مش زعلانه على الشقة ، انا زعلانة على اللى بيحصلنا خايفة اوي خايفه عليك وعلى ادم وزياد خايفه يجرلكم حاجه بسببي لأن خلاص وضحت ،هو عايز ينتقم مني انا انت شفت اليافطة كانت مقطعة بالسكينة عند رقبتي فاهم ده معناه ايه. تهديد مباشر بالقتل ... بدموع ..انا عمرى ماأذيت حد فى حياتي ليه كل الكره ده
مروان : يضع يده على خدها بحنان وحسم ..اميرة عايز تفهمي حاجة واحدة وتحطيها زى حلقه بودنك طول منا عايش مستحيل اسمح بحد يمس شعرة منك ، انا جنبك وهحميكى من اى حد ، اطمني يضمها ويقبلها من رأسها ويظل واخدها بحضنه لوقت ليشعرها للاطمئنان ، بعد قليل يبتعد ويعدلها كى تنام
مروان: هروح انا اغير هدومي ارتاحى مش هتأخر
اميره : بلهفه وخضه هتسبني وتروح تنام باوضة تانية ، هو انت لسه زعلان
مروان : هروح اغير هدومي. وأجبلك هدومك عشان اغير لك اللبس اللى لابسه ده
اميره : مروان انت لسه زعلان
مروان : كأنه لم يسمعها مش هتأخر عليكي
يتركها ويذهب عند الدولاب ويبدأ ان يغير ملابسه تنظر له أميرة بضيق وعيون بها دموع ثم تقف و تذهب الى الحمام وتغلق الباب بشدة ينظر مروان لها ويجز على أسنانه فهو مازال زعلان منها لكنه يشتاق لها يتعذب من اجل معاملته القاسية لها.. لكنه يتماسك ويتظاهر بالقوة امامها من أجل ان تتغير وان تعمل حساب له ولزعله منها
♥️____ليلة عادل_____♥️
الحمام
تقف اميرة امام المرايا. وأخدت تراجع نفسها و تتذكر كل شئ قامت بيه، مقابلاتها مع ادهم وتحدثها معه برغم معرفتها ان هذه الشئ يغضب مروان وكذبها عليه ايضا ثم تخرج هاتفها من جيبها تقوم بعمل بلوك لأدهم من كل شيء. وتضع الهاتف على الرف تفك شعرها تقوم بخلع ملابسها تقوم بتشغيل المياه الساخنة وتملأ البانيو وتضع الشور ثم تتمدد به وتغمض عينيها تتذكر حريق الشقة... مسح الرسالة... حادثه السيارة كل الحوادث التى حدثت معها تتنهد بحزن وضيق .. ثم تغطس فى مياه البانيو وهى مفتحة عينيها ثم تتذكر ما كانت تفعله مع مروان تتذكر كل شئ شريط حياتها من آلجزء الأول......... اقل من دقيقة و يشدها مروان بخضة من المياه
مروان بخضه وباتساع عينيه ... بتعملي ايه
أميرة : تجلس وتاخذ نفسها... فى ايه... ايه اللي دخلك
مروان: بقوة بقالي ساعة بنادي عليكي ما بترديش
اميرة ما أنا زي القردة أهو... اطلع بره لو سمحت
مروان: بهدوء وحنان وحب ...شششش اهدي يمسكها من كتفها لجعلها تتمدد بالمياه البانيو مرة اخرى، ثم يضع على يده الشامبو يقوم بغسل شعرها بحنان ورقة ثم يتحدث بنبرة خوف وحزن وارتجاف.. انهيارك واستسلامك مش هيصلح حاجه بلعكس هيضعفك ، وهيضعف موقفك غمضي عنيكي .. يصب على رأسها مياه ثم يمسك الليفه واثناء غسله لظهرها وجسدها يكمل حديثه ... الضعف فى الأوقات اللى شبه دي مينفعش لازم تجمدي وتقاومى عشان تقدري تواجهى. وتكسري اعدائك بقوتك مش بانكسارك
اميره : انا بحارب حد معرفش عنه أى حاجة ، كأنهم رمونى فى البحر وانا ما بعرفش اعوم وقالولي يلا انقذي نفسك ، عايزني أحارب وهم يا مروان
يمسكها من كتفها لتقف ويقف معها ثم يمسك الدوش ويقوم برش الماء على جسدها لإزالة الصابون
مروان : المعركه دى معركتك ولازم تكسبيها يمسك الفوطة ويقوم بتنشيفها .. لازم تقفي على رجليك وتثبتي على أرض صلبة وتحاربي بقوة عشان تحافظي على باقي احلامك يلبسها البرنس وينظر لعينيها .. انا مش هقدر لوحدي يا أميرة ، ساعديني ارجوكى ، متتنازليش بالسرعة دى عن حياتك وتهربي ، فكري بكل اللي هيضيعو وراكي مش مروان بس اولادك زياد ادم واهلك
أميرة : مروان انا مكنتش هموت نفسي انا سرحت
مروان : متخليش خوفك يضعفك كدا تاني لاني مش هستحمل، لازم تثقي فيا انا مش هسمح ان اي شئ ياذيكي انا وعدتك
يضمها بشدة ثم يقبلها من رقبتها ثم يحملها ويخرج بها للخارج ويضعها على السرير برفق وحب
مروان : هروح احضرلك العشا
اميره ؛ تؤ خليك معايا كلمهم من هنا تفتح له ذراعيها يقترب منها ويتسطح بجانبها ويضع راسه على صدرها ثم يقبلها مع ملامسة أميرة بايدهاعلى شعره ثم تقبله من رأسه
اميره : بندم وحزن .. مروان عشان خاطرى بلاش تعقبني دلوقت انا محتجالك اوي جنبى ، انا اسفه عشان خاطرى انسى وسمحني... أميرة حبيبتك متستهلش فرصة؟
مروان :بتأثر أميرة تستاهل كل الفرص
أميرة : انا بحبك اوي
مروان : وانا كمان بحبك اوي اوي
تضمه أميرة من رأسه بشدة وتقبله
♥️____ليلة عادل_____♥️
فى أحد الشوارع ١ص
يظهر الشاب المجهول ولم يظهر وجهه لانه يقف بظهره لكن هذه المرة يقف مع احد الأشخاص لكن لا يظهر منه شئ بسب ما يرتديه... ياترى هو ذكر ام انثى
المجهول : بقولك ايه دي البت طلعت طيبة و غلبانة. البت بتفرفر بعدين دي ممكن نستغلها ونقلبها بأقل تقدير اتنين مليون ده جوزها بيلعب بالفلوس لعب
الشخص الآخر يصفعه بالقلم ثم يتحدث لكن لم يبين صوته بشكل واضح هل هو راجل أو امرأة... انت هتتظبط وتشوف. شغلك عدل ولا ايه هو كل واحد يشوفها يقع بغرامها
المجهول: يا شبح مش القضية هى البت حلوة مفهاش كلام بس ، ليه كل الاذى ده مع اننا ممكن ناخد كل حاجة من غير كل ده بقولك البت هبلة وسهل يضحك عليها
الشخص الاخر : بقوه يمسكه من رقبته لكنه كان يرتدى فى يده جونتى ..شكلك عايزنا نقرأ الفاتحه عليك قريب
المجهول : انا دراعك اليمين برضه
الشخص : دراعى اليمين يوم مايتعوج أقطعه.. عمرو اوعى تنسى نفسك مره تانية عشان هتزعل لو عايز تتحرق معها قول
عمرو : ابلعي ريقك واهدي السكة دى مابتكلش معايا انا عبد اللي بيأكلنى المام ، انتي من غيري متعرفيش تعملي حاجة ولا كنتى وصلتي لكل ده ، اصحي وفوقي بعدين البت فعلا طلعت ابيض
الشخص الاخر : بتهددني يا عمرو
عمرو : لا بفكرك انتي من غيري ولا حاجة سلام يا شبح
من هولاء الملاعين ؟ ومن هو عمرو ؟
الصوت ليس واضحٱ لكن اتضح إنه لإمرأه وليست رجل ، ولكن من هي ؟ هل تعمل هى الأخرى من اجل شخص ؟ ولماذا تكره أميرة بهذا الشكل المبالغ فيه ؟ هل هو كره وحقد وغيرة أم ستكون هناك مفاجآت وخبايا قامت بيها أميرة ! وكل هذا انتقاما منها لما فعلته ! سنعرف
فيلا مروان واميرة ١٢م
غرفة النوم
نرى أميرة نايمة على صدر مروان ويقوم مروان بضمها والأولاد بجانب أميرة من الجهة الاخرى ثم يبكى احد الأولاد... تبدأ أميرة بفتح عينيها على صوته تعدل نفسها وتأخذه من جانبها تحمله تطبطب عليه ثم تبدأ بارضاعه ثم تاخذ الآخر وترضعه ثم تقوم وتنيمهم على سريرهم وتدخل الحمام تقف أمام المرايا تغسل وجهها لكنه تشعر مرة اخرى بالغثيان والدوخه تمسك الحوض تغسل وجهها مره اخرى تخرج خارج الحمام تجلس على السرير تتحدث لا مستحيل اكيد تعب نفسي اكيد اكيد بلاش اوهام
تطرق فاطمة الباب تذهب أميرة وتفتحه
فاطمه : صباح العسل عامله ايه
اميره : صباح النور يا دادا تمام
فاطمه : مدام فريدة ووالدك تحت
اميره : اوعي يكونو عرفو حاجة
فاطمه : لا يا حبيبتى
يأتى مروان ويقف خلف أميرة بنوم وهو يتثاءب ويضع يده على فمه صباح الخير يا ماما فاطمة.. اعمليلي قهوة لو سمحت
اميره :تنظر أميرة له ثم تنظر لفاطمه معلش يا دادا هو يقصد فطار اعملي فطار هلبس وهنزل ٥ دقائق بس
تذهب فاطمة وتقفل أميرة الباب.. تلف وجهها لمروان... أميرة برفعت حاجب.. شكله مش عجبك اللى عملته
مروان بمزح .. اه مش عجبني. بقى وبطلي ترفعى حجبك ده عيب على المكانة العلمية اللي بقيتى فيها وترفعى حجبك كدا يا دكتوره
اميره بدلع .. براحتى بقا بعدين لو مابطلتش هتعمل ايه يعني
مروان :بمزح وهو يعض على شفايفه .. هعمل كدا يقوم بمزغزغتها. تجرى أميرة منه لكنه يمسكهاو يستمر بمزغزغتها ثم تنام أميرة على ظهرها من كثرة زغزة مروان لها ، كانت تحاول ايقافه لكن لا تعرف كان مستمر حتى اقترب منها بشكل قوي جدا جدا ثم يبدأ يبطئ في زغزغته وهما ينظرون لبعضهم بحب واشتياق حتى توقف ،ثم يتبادلان النظرات بحب تضع أميرة يدها على خده وتمرر اصابع ايدها على خده ثم تلف ايدها حولين رقبته و تقرب وجهها منه ويقرب وجهه لها بتردد مع ملامس شفايفهم لبعض لكن بحركة سريعة ينهض مروان بسرعه ويقف ويعطيها ظهره ويمسح وجهه ويبتلع ريقه.. تقترب اميرة منه وتنظر له بعيون كلها دموع وتتحدث معه وكان مروان يستمع لكلامها وهو متضايق منزعج يجز على أسنانه وتغلغلت الدموع بعينيه
أميرة :بدموع وحزن .. ييييا يا مروان للدرجة دي انا حقيقي مش عارفة اقولك ايه ، ولا اعملك ايه تانى ، انا بجد تعبت آسفه جدا ومتشكره جدا ، وصلت الفكرة يادكتور مروان ، متقلقش فهمت انك بتعمل كده لان الواجب بيحتم عليك كده ، لازم تقوم باعمال الزوج المحترم الشهم اللي بيفصل بين زعله وبين ان مراته واقعه بمشكله ، لكن اكتر من كده مينفعش ، شكرا جدا على وقوفك جنبى إمبارح ، كتر ألف خيرك والله ، بس انا بحلك من الواجب ده ، ماتعملهوش تانى يا دكتور ، انا كويسة ،وممكن تروح تنام بالاوضه التانيه عادي مش هزعل منك، ولا هقول سابنى وانا محتجاله ، لأن نومك بالأوضه التانية احسن من اللى انت عملته دلوقتي ، انا آسفه انى اتعديت حدودي معاك آسفه آسفه جدا
تيجى تمشي لكنه بحركه سريعة يشدها عليه ويقبلها بقوة وشوق ويلتهم شفايفها لكن تحاول أميرة دفعه عنها لانها لا تريد تقبيله فهى منكسرة من فعلته معها فلا تعرف كيف تدفعه عنها لانه أقوى منها
أميرة : اوعى مروان اوعى
تضربه على كتفه وظهره عدد ضربات هو يقوم بتقبيلها من شفايفها لكنه يشبك اصابع يده بايدها ويستمر بتقبيلها بعد ثوانى تستسلم اميرة لقبلاته وتتبادل معه القبلات ثم يلفها مروان ويسير بها نحو الحائط ثم يقوم بتقبيلها بحب من شفايفها ورقبتها ثم ينظر مروان لاميرة ويضع يده على خدها بنظرات حب وحنان .. انا اسف بحبك.. ترد عليه اميره ..وانا كمان بحبك اوى ... يقومان بتبادل القبلات بحب ثم يحملها ويذهب بها للسرير يضعها برفق ويقترب منها
اميره : مروان مش هينفع بابا وماما تحت
مروان : يستنوا لان شوقي ليكي مش هيستنى لحظة
كمان
يخلع تيشرته ويقترب منها اكثر وووو
بعد ساعة
نرى أميرة تقف امام التسريحة تسرح شعرها المبلل وهى ترتدي بيجاما ستان طويلة ثم يقترب منها مروان وهو يرتدى تيشرت وبنطلون بيت ويقف خلفها يضمها من الخلف ويقبلها من رقبتها بحب ودلع تنظر أميرة له بالمراية وتتحدث
أميرة : بص انت مالكش بالتحوير.. واحنا تحت.. تسكت خالص انا هتكلم.. ماشي
مروان :يقبلها من خدها بدلع امرك يا فنانة ورينى مواهبك
اميره : تلف له ماشي يلا
تاجى تمشى يشدها مروان عليه
مروان : تعالي استني
يقبلها من شفايفها بحب يتبادلان القبلة ثم تبتعد أميرة
اميره : بطل دلع بقى هنتأخر اكتر ما تأخرنا شيل انت زياد يلا
مروان : بمزح .. وهو يحمل زياد وهما امام الباب متأخرناش ولا حاجة هى ساعه ونص ضاعو منهم شويه فى الخناقه والزغزغه والشور
اميره : تفتح أميرة الباب اتلم ويلا
الراسبشن
تجلس فريدة وخالد على الكنبه ثم يدخل عليهم مروان واميرة
خالد : كل ده
أميرة : صباح الفل يا خالود تقترب منه وتقبله
خالد : هاتى زياد يا بكاشة
تقترب من الأم وتقبلها عاملة ايه ماما
فريده : الحمد لله يا حبيبتى
مروان ازيك يا ماما فريدة
فريده : الحمد لله تاأخذ منه الطفل
مروان: إزيك يا دكتور خالد
خالد: بخير. ها كل ده بقلنا ساعة
اميره : معلش اصلى رضعتهم وغيرتلهم بعدين اخدت شور بعدين انتم مش أغراب اتعمله لفه لفه اطلعو الاوضه ريحو العبوا مع الأحصنه... فكو كدا كانكم بشقتكم
فريده : مجرمة ما بنخدش منك الا اللماضه
أميرة : خلاص يا فريدة متزعليش اقعدى على الكنبه
خالد : هتعملوا ايه بحفلة راس السنة
اميره: معرفش ايه رأيكم نسافر ونقضى يوم على يخت مروان حضرتك مشفتهوش يهوس يا بابا نروح بتاع السخنه
فريدة فكرة جميلة بس الولاد هتعملي فيهم ايه
اميره ناخدهم معانا
خالد : الجو برد عليهم شوفي فكره تانية
مروان : ممكن اقول
خالد ؛ طبعا
مروان : ممكن نحتفل هنا نبقى عائلة كدا سوا يعنى الأهم من المكان الناس اللي فيه
فريدة : تمام
يبكى زياد و يحاول خالد اسكاته لا يعرف
أميرة : هاتوا يا بابا ده واد فظيع هيجنني
فريده : ليه
اميره: مش بيرضع مرة واحدة لازم تقطيع
فريده : المشكلة عندك انتي
أميرة : ازاي ما آدم بيرضع عادي طيب تعالي نطلع فوق
وقوليلي عشان ارضعه
خالد : فريدة هاتي آدم
تذهب أميرة مع فريدة
خالد :ها قولي. وصلت لحاجة
مروان : يعنى اانا مش ساكت مافيش حاجة بدماغى غير الموضوع ده
خالد : متحاول مع شرين
مروان :شرين ذكية جدا مستحيل تصدق اني فجأة كدا بقيت كويس معها ، امبارح حصلت حريقة بشقة أميرة
خالد :بخضه ازاي
مروان : ولقيناه سايب تهديد بسيط
خالد : احنا لازم نوصله حياة أميرة اصبحت في خطر
مروان: انا متأكد اني قربت أوصله
♥️____ليلة عادل_____♥️
القسم ٢م
مكتب احد الظباط
تجلس أميرة على الكرسي الامامى للمكتب ومعها مروان يجلس بالكرسي المقابل لها
الظابط : بتشكى فى حد
اميره : لا
الظابط : متأكدة
أميرة : حرام أظلم حد
مروان: حضرتك كان فى تهديدات من فترة وحوادث حصلت
الظابط : سيادة اللواء شوقي بلغنى وفهمنى كل شئ عشان كدا بسأل هل فى حد معين بتشكو فيه
مروان: تقدر تقول من كتر الضغط اللى عايشين فيه مابقاش حد ما بنشكش فيه
الظابط : انا هحقق بنفسى اتمنى الاقى اى حاجة توصلني للمجرم ده حاولى بلاش خروج كتير الفترة دي وياريت تزود الحرس وبلاش خروج من غيرهم. طبعا الكاميرات بكل مكان
مروان : ده اللى انا عملته حاجة تاني
ظابط : لا ممكن تتفضلو
مروان : ينظر لأميرة يلا حبيبي
♥️____ليلة عادل_____♥️
نادي المعادي ٢م
تجلس أميرة ومعها إحدى المربيات وبجانبها عربة الأطفال وخلفها البودي جار بعد قليل يقترب منها ادهم لكن يوقفه أحد البودى جارد
الجارد : حضرتك رايح فين
أميرة : أمين سيبه
أدهم : ايه يا بنتي الجو ده
أميرة : مروان
ادهم : اممم عاملة ايه طمنينى عليكي
أميرة: منة ممكن تاخدي الاولاد ولفى شويه بيهم فى التراك
منه : حاضر يا فندم
اميره : أمين خلي اتنين يروحو مع منه وانت خليك
جارد :حاضر يا فندم
بعد ان تبتعد المربية قليلا
اميره : جيت ليه يا أدهم انا عملتلك بلوك اعتقد ده معناه حاجة واحدة
ادهم : عارف انه معناه حاجة واحده لكن مقدرتش اسيطر على نفسي انى ماطمنش عليكى بعد اللي حصل.. انتي كويسة
اميره : تقف امامه بشدة. وتطمن ليه؟ ، ماتطمنش تتنفخ وبهدوء ادهم ارجوك كفاية علاقتى بيك مسسببالى مشاكل كتير مع مروان وانت اكيد ميرضكش ان حياتى تتخرب ادهم علاقتنا كانت غلط من البداية ، افتكرت انه ممكن المجتمع يتقبل علاقتي بيك كأخ وصديق ألجأ ليه لكن برضه ده مستحيل لانه لا مجتمع ولا دين ولا مروان هيقبل بده ، انت نفسك لو الموضوع العكس ، كان زمانك مفرغ مسدسك فيا ، انا حفظاك يا ادهم انا عارفه انك اصعب من مروان فى الموضوع ده، مافيش عندك مجال للمناقشه ،يبقى خليك مكانه، انت متعرفش مروان عمل ايه مروان عمره مكان كدا ولا بالقسوة دي معايا، ولا زعل منى كدا. يمكن علاقتنا صداقة و اخوة... لكنها غلط مينفعش نستمر فى الغلط ده ، فارجوك خلينى احافظ على بيتى انا عمري ما هبطل اقولها انى بعزك وباحترمك جدا يا أدهم لكن مينفعش نستمر فى العلاقة دي
ادهم :بضيق لكن بنبره حزن .. هو انتي بتتكلمى كدا ليه ، ليه حاسس بتلميح فى كلامك مش حلو ، ليه مشيلاني الذنب ، أميرة انا عمرى متصلت بيكي ولا تعديت حدودي معاكي. انتى اللى بتكلمينى ، وتقوليلى الحقني يا ادهم ، من وقت ماخرجت من جروب الوتس زمان فهمتك واحترمتك لكن انتي اللى رجعتي تكلميني بقى طيفك يطاردني وحوليا بكل مكان
أميرة : تقترب منه تشاور بايدها على صدره صح وانت كنت بتستغل أي فرصة عشان تبقى جنبى ،كنت مبسوط اوى بده
ادهم : مظبوط وده لأني بخاف عليكي
اميره : بنرفزة ...وتخاف ليه
ادهم : تنزل دمعة من عينيه عشان بحبك، بحبك. كفاية انانية يا أميرة، كفايه تجريح فيا ووجع انا معملتش فيكي حاجة وحشة عشان تجرحينى بكلامك ، انتي كمان غلطى... بتأثر وعيون بها دموع.. طب انا غلطت لاني بحبك عايز استغل لو فرصة صغيرة تخليني جنبك ، انا مقدرش اشوفك محتاجة حاجه واقف ساكت مقدرش اشوفك واقعه بمشكلة واقف اتفرج عليكي مقدرش والله ماقدر لكن انتي ايه اسبابك قوليلي ايه
اميره : منا قولتك
ادهم : العشم
أميرة ؛ مش بالظبط لكن... قبل ان تكمل كلامها
يجلس على الكرسي بوجع ونبرة حزن وضيق ويأس
أدهم : لما سبتينى زمان افتكرت انى هقدر اكرهك لانك سبتينى واخترتى راجل تاني، طلعت غبي ، كنت كل ما بحاول ابعد ، حاجة تانية بتشدنى زى المغناطيس بيشد قلبى ليكي
تجلس أميرة امامه تنظر له بحزن وتأثر..
بقعد افكر انا ليه بحبك كدا ، مع اني مشفتش منك حاجة حلوة ، مشفتش غير الوجع والألم والمهانة، حتى وانتي مراتي كنتى بتفكري فيه ، اختينى مجرد وسيلة ، لعبة عشان توجعي مروان بيا ، لكن انتي وجعتينى انا ، افتكرت يمكن ، يمكن مع الأيام هقدر اخليكي تحبينى ولو شوية صغيره قد كدا ،و انا قابل بيها .... بابتسامة حزن ساخرة عشت على اليمكن ونسيت انها يمكن ، حاولت اعرف ليه مستمر بحبك ، مالقتش إجابه قولت هتجوز وخلاص وهنسى ،لكن مافيش فائدة ، انا اسير ليكي يا أميرة ، أسير محكوم عليه يقضي عمره كله بأسرك ، انا حولت احب حنين وانا بحبها فعلا ، بس انتى حاجة تانيه ، حبك مكلبش فى قلبى ، بقى جزء من قلبي متجيش بعد كل ده تحسبينى على حاجة غصب عني، انتى السبب مش انا ، انتي اللى قربتي انتي اللى بداتي ، انا طبيعى هعمل زي ما أي راجل بيحب... بيعمل لما حبيبته تلجأ ليه ، اصل انا مش ملاك مستحيل تجيلي وأقولك لا، انتي ست متجوزة وانا متجوز مينفعش يبقى بنا كلام ، انا مش إله انا بنآدم يا أميرة وبحبك
أميرة :بدموع .. انا اسفة انا فعلا السبب انا انانيه. استغليت حبك عشان تساعدني واستغليت ثقة مروان ان عمره ماسألنى هتقابلي مين ولا بتكلمي مين ، بس والله انا مش وحشة زي ما انتم شيفني ، انا مش كده، حسبتها غلط ، لجأت ليك لانك كنت اكتر شخص فى فترة معينه برتاح للكلام معه ، معرفش ليه طلبت مساعدتك يمكن لاني تعبت ، او لاني عارفة انك الوحيد اللى هتساعدني بفهم وحب ومن هنا .. تشاور على قلبها ..انا اسفه ليك ولمروان ولنفسي والله اسفه..... معلش يا أدهم ماتحولش تكلمنى تاني متحولش لما تشفنى تسلم عليا ،انا بحب مروان ومستحيل اعمل حاجة تزعله مني تاني ، ولا اتحط فى موقف زي اللي فات...... علاقتنا غلط ، ولازم تنتهى للأبد ، واذا كان على الزفت اللى بيعمل كده معايا، مروان مش ساكت.... شكرا ليك يا ادهم على كل حاجة عملتها معايا ، واسفه على كل وجع سببته ليك ،عارفه انى سببت نزيف نفسى ليك وهيفضل جواك لو بايدى حاجة تداوي جرحك مش هتأخر والله تقريبا اللى بيحصل فيا ده ذنبك حقك عليا ، حاول تنساني حاول تعيش حياتك بتمنالك كل خير
ادهم :أميرة خدى بالك من اللي حواليكى كويس من فضلك سبيني اساعدك انا حاسس اني قربت وبعدها نبعد لاني انا كمان لسه بتوجع لما بشوفك معه
اميره : تقف وترتدى حقيبة أيدها ..مش هقدر لو فعلا بتحبني خلينى احافظ على بيتي عن اذنك
يخبط أدهم بقوة على الترابيزه ثم يخبطها برجله وتنزل دموع عينيه
شقه أدهم القديمة ٥م
الراسبشن
يجلس ادهم على الكنبه يبدو على ملامح وجهه الحزن يمسك هاتفه ينظر به ثم يفتح صوره مع اميرة أيام زمان فهو مازال محتفظ بها يتذكر اليوم الذى اخذ فيه الصور
فلاش باك
احد اليخوت على النيل
تجلس أميرة مع ادهم امامهم ترابيزة عليها فطار
اميره : جميل اليخت ده جبته ازاي
ادهم : بتاع واحد صحبي استأذنته اني اخده النهارده ونقضي اليوم فيه
اميره: تحفة عقبال ماتجيب واحد
ادهم : بمزح ..انا ممكن اوعدك بفلوكه لكن يخت. معتقدش هههههه
اميره: هههههههه بص احنا نحوش ونجيب واحد صغير مش مقاس ده
ادهم :موافق يلامس شعرها بحبك
أميرة : انا كمان بحبك
ادهم :اميره انتى سعيدة معايا
أميرة :طبعا
ادهم :وانا مش عايز غير انك تبقى سعيدة يقبلها من ايدها. تحبي تلفى شويه
اميره اه ياريت
يمسكون يد بعضهم ويلفون به ثم يقفون على سطح اليخت وهما بغاية السعاده ويضحكون ويضمها ادهم بعد وقت تقف أميرة على سور اليخت ثم تسرح قليلا
ادهم :روحتى فين
أميرة : معاك. ممكن نرجع
ادهم: ليه مش اتفقنا هنقضي اليوم كله هنا
اميره :معلش يا أدهم أصلي دخت فجأة
المشهد الحالى
نرى ادهم وهو يضحك ضحكة ساخره ثم يتحدث بصوت .. دختي ولا افتكرتي لما كنتي مع مروان باليخت لما كنتم بسخنه صحيح انت غبى ياأدهم تنزل دموعه ويضع هاتفه على الترابيزه ويمسح دموعه تدخل الأم عليه وهى تحمل كوبايه شاى وتعطيها له
عليا : أميرة مش كدا
ادهم: وجعي يا أمي لما تحبي تجيبي سيرتها قولى وجعي.... اخبار وجعك ايه
عليا : انا عايزه افهم ايه حبك وضعفك ناحية البنت دي ده كان يوم اسود يوم ممسكت القضيه بتعتها يابنى حرام عليك نفسك. اللى انت فيه ده ميرضيش ربنا ايه الضعف ده فى ايه فوق بقى مراتك متستهلش منك كده انا متأكده انهت عارفه وحسه متضحكش على نفسك احنا بنحس. ترضاها على نفسك
ادهم : مش بأيدي يا أمي
عليا : لا بايدك سيطر على نفسك خليك راجل انت عمرك مكنتش بضعف ده حب مراتك حنين بنت كويسه وبتحبك انتم لازم تخلفو صدقنى الطفل ده هيغيرك.... حبها يا ادهم
ادهم : بحزن لا انا اتحب لكن محبش انا حبيت مرة وعرفت من ساعتها اني مينفعش أحب..
انا لما بحب ببقي ضعيف، مبعرفش افكر ومبعرفش اشوف كويس، ببقي مكشوف من أقل كلمة وبقع وبخسر كل حاجة، في ناس حظها كده مينفعش تحب، ولما بتحب بتموت
عليا : تتنهد لا اله الا الله مش عارفه اقولك ايه تأخده بحضنها وطبطب عليه حاول تاني تنساها لو معرفتش حاول ثالث ورابع والف لحد ماتنسها قوم معايا نصلي ركعتين وادعى ربك يشيل الوجع الى. ساكن جواك
ادهم :ادعيلى يا امى انا تعبان اوي
♥️____ليلة عادل_____♥️
احد الكافيهات على النيل ٤م
يجلس مروان ومنير على احد الترابيزات يتناولون الغدا ثم يمسك مروان هاتفه ويتصل باميره
مروان : ايه يا حبيبى بتعملي ايه دلوقت ههههه ايه زهقت مني هههه ماشى مش هتصل تاني اه بنتغده. الله يسلمك اه هروح اجبها بعد منخلص متتأخريش بقى ماشى. سلام. ايوه معاكى. وانا كمان بحبك اوي اوي... باي
منير : يابنى أهدى مش كل عشر دقائق تكلمها
مروان : اعمل ايه يا منير خايف عليها لما شفت صورتها مقطوعة بالشكل ده من وقتهاوالخوف مسيطر عليا
منير : لا مينفعش تخاف كدا هى بردو اتأيدت ضد مجهول
مروان : اه انا تعبان يا منير تعبت خايف عليها اوى لو جرالها حاجة مش عارف اعمل ايه
منير : انت مش زودت البودى جارد
مروان : اه مابتمشيش من غيرهم انا مابخرجهاش بس من اول امبارح بتتحايل عليا ،تتغده مع اصحابها فى النادي وانا رفضت ، بعدين قعدت افكر كدا مع نفسي حسيت انى غلطت اني شديت عليها كده ، لازم اسبها تعيش حياتها بشكل طبيعى لكن بحدود المعقول
منير : مظبوط انت سبها تمارس حياتها بشكل طبيعى. لكن الحرس معها بكل مكان عينهم متغفلش عنها لحظة ، العربيات تتغير باستمرار تبدل بينهم ،وكمان تكشف على الفرامل اي شئ قبل متركبها
مروان : عملت كدا رئيس الحرس ظابط مكلف من اللواء شوقي بتأمنها
منير : أميرة تعرف
مروان : محدش يعرف
منير : كويس متقولش لحد ، انا عايزك تجمد وتفضى دماغك عشان تفكر صح بلاش خوفك الجامد ده خوفك عليها هيخليك تغلط خوفك عليها ضعفك هو هيستغل ده
مروان : هى فعلا نقطة ضعفي يا منير
منير : ده مينفعش تبينه قاصد حد عشان مايأذكش
مروان : هو مش عايز يأذيني انا يا منير هو قاصدها هى ياريت كنت انا وماشفش الأذى فيها ابدا
منير : مروان انا جنبك كلنا جنبك ، وجنب أميرة ،هو ضعيف وجبان ، احنا اقوى منه ، حبنا لبعض وخفنا مقوينا وهيخلينا نحمى بعض مهما حاول يخرب حياتنا، صدقني يا صحبي احنا جبهتنا اقوى منه بس لازم شوية تركيز اكتر من كدا مينفعش تهور وشد على أميرة بالموضوع انها ماتحكيش تفاصيل حياتها لأى حد
مروان : عملت كدا. ادعيلى يا صحبي
منير : روق وكمل أكلك يلا الولاد كويسن
مروان : وهو ياكل الحمد لله
منير : عقبال متخويهم
مروان : مش دلوقت خالص لسه ، مش اقل من سنة أميرة تعبت اوي
منير : ربنا يخليهملك يارب وتفرح بيهم
مروان: يارب يا حبيبي قولي عامل ايه سامحني بقالى فترة مقصر معاك.
منير الحمد لله زى الفل ، بعدين انت ولا مقصر ولا حاجة انا تمام
مروان : يارب على طول يا حبيبى كلم لبنى تحضر لبس لجنى بعدين انت بطلت تيجى. ليه
منير : زمان كنت لوحدك لكن دلوقتي عندك زوجة ماحبش افضل انط عندك كل شوية زي زمان بردو أميرة عايزة تقعد براحتها
مروان : لا طلعت بتفهم ههههه ايه يا منير.... ايه الهبل ده من امتى ، انت اخويا مش صحبي، بلاش الكلام ده،واعمل حسابك تجيب لبنى والأولاد يوم راس السنة نحتفل سوا و هتبات. ماشي
منير : ماشي
♥️____ليلة عادل_____♥️
فيلا اميره مروان ٩م
غرفه tv
تجلس أميرة ومعها ادم وزياد وتشاهد التلفزيون وهى تاكل شاورما وتشاهد أحد افلام الكرتون يدخل مروان عليهم في ايده شنطه
مروان : الحلوين بتوعي عاملين ايه يقترب منهم ويقبل أميرة
أميرة : متأخرتش
مروان : مقدرش اتاخر على قلبي ها عملوا معاكي ايه يحمل ادم
اميره : بمزح هيطلعوا شورعيه من وقت مخرجوا ماسمعتش حسهم عمالين يضحكوا لأى حد يقرب منهم وخصوصاً البنات شكلهم هيطلعوا لعمهم منير
مروان : بمزح ..اممم ده شىء مباشر جدا هههههه دومى شفت النادي شفت مقر الشلة يقبله ااا ايه بس هههه , هاتي زياد تناوله أميرة يقبله يحمل الاتنين معا ثم يجلس بجانب أميرة...... تفتح أميرة الشنطه
اميره: فيها ايه دى ايه الله حلوين اوى
(شخاشيل للاطفال)
مروان :عرفت من الدكتورة منى انها مناسبه ليهم بالعمر ده عشان الانتباه
اميره : اى عمر على فكره هههههههه تلعب بيها بس ايه ده وانا فين
مروان : انتى ايه يا ميرو
اميره: مجبتليش حاجه خلاص نستنى بقيت تجيب لعيالك وانا لا
مروان : انتى كبرتى خلاص ٢٩سنه يا ميرو بعدين بقيتي ماما. اكبري
اميره : ٢٩سنه. يعنى ايه ، لعلمك اللى قدي لسه متخطبوش. بعدين انا ولا هما
مروان : يغزها .. هما طبعا بطلي دلع بقى
اميره : كدا يا مروان
مروان : معلش
اميره : هات ولادي بقى تاخد منه ادم يلا امشى هات زياد وامشى يلا
مروان: زياد ماما اتجننت
أميرة: اه اذا كان عجبك
مروان : هههه ماشي.. يقبل زياد ويطبطب عليه ثم ينيمه ..يلا نام هنا عشان نشوف ماما مالها ، اصلى مش هقدر انام على الكنبه النهارده يقبله ثم ينظر لأميرة
مروان : بدلع .. ميرو مرمرتي
اميره : دلوقتى مرمرتي
يقترب مروان منها يمسك ايدها
مروان : انتي مرمرتى الحلوة من زمان غمضي عينيكي
اميره : تؤ انا زعلانة
مروان منا هصلحك غمضي
تغمض عينيها يخرج من جيبه علبه بها خاتم يفتح العلبه يقوم بتلبيسها الخاتم ثم يخرج من جيب الجكيت شكولاته ملفوف عليها شريطه حمرا بفيونكا
مروان : فتحي تنظر لايدها
اميره : . الله حلو اوى تقبله من خده وتحضنه بس كتير كفايه الشكولاه
مروان : مافيش حاجه تغلى عليكى. يقبلها من ايدها افتكرتى انى ممكن انساكى ، مستحيل انتي عندى اهم منهم ، اهم من اى شئ بدنيا ، ازاى انسى قلبى يقبلها من جبينها قبلة طويلة ثم يضمها ثم تنظر أميرة له بارتباك وتوتر
اميره : مروان كنت عايزة اقولك على حاجة حصلت بالنادى النهارده بس ممكن تبقى هادي ارجوك ماتخلنيش اندم
مروان : فى ايه
اميره : تقف وتسير قليلا ثم تنظر له بصراحة. شفت ادهم قبل متتعصب هو اللى اقتحم عليا قعدتي واسأل الجارد اسأل منه طبعا انا مسكتش بس مكنش ينفع اتكلم قصاد منه المهم طلبت منه انه يمشى وانه لو شفنى باى مكان ميسلمش عليا وان علاقتنا دي عيب و متنفعش
مروان : امممم وبعدين
اميره : تجلس تمسك ايده انا آسفه بس كان لازم اعمل كدا عشان انهي كل شئ مروان انت وعدتني
مروان : وهو قالك ايه
اميره : بصراحة ماقلش حاجة واعتذر. وطلب منى انى اسيبه يساعدني لانه قرب يوصل للي بيطاردني لكن انا رفضت قولتله مروان مش ساكت وهو هيعرف يحمينى شكرا ليك
مروان : ما قالشي وصل لايه
اميره :لا طبعا انا سبته ومشيت على طول مش عايزه افتح مجال للكلام معه
مروان : تمام
أميره : زعلان
مروان : لا مش زعلان بس هزعل لو الموقف اتكرر تاني وجيتى قولتيلى. اقتحم عليا التربيزه
أميرة :ممكن تديني الثقة تاني
مروان: مارحتش أولاني عشان ادهالك تاني
أميرة : بجد
مروان : عندك شك
اميره : تؤ بحبك اوي اوي تضمه ما جبتش جنى ليه صح
مروان : مافيش يا ستي جدتها جت من البلد قعدت معها بس هياجو. يوم حفلة راس السنه..
اميره: ماشى
♥️____ليلة عادل_____♥️
مركز د/ مروان ١٠ص
تجلس أميرة بمكتبها تقرأ كتاب بعد قليل يطرق الباب. تنظر اميرة بالساعه. ثم تطلع ورقه وتضع علامه صح
اميره اتفضل. تقف بابتسامه. ازيك اتفضل
مجدى : يجلس اتمنى مكنتش متأخر
أميرة : تجلس بلعكس عشرة بالدقيقه تشرب حاجة
مجدى : لا شكرا حضرتك كويسة يعنى لاغيتى الجلسة اللي فاتت
اميره : اهو كنت تعبانه شويه برد ، متقلقش مافيش غلط فى متابعه الجلسات ، احنا لسه ما بداناش فى جلسات العلاج والمرة اللي فاتت كانت تعارف
مجدى : لا انا قلقت على حضرتك
اميره :بستغراب اه انا كويسة جاهز
مجدى : هو لازم تسجيل للجلسة
اميره : طبعا وحضرتك ماضيت بالموافقه ، ده عشان وانا براجع الجلسة بيقى فى حاجات بجمعها فى الاخر عشان اشوف نسبه التقدم فى كل جلسه كام فى الميه ، متقلقش خالص مافيش حاجه بتخرج بره الباب ده بعدين. حالتك بسيطه مش من النوع اللى بتحتاج السرية بالشكل ده ، لكن طبعا موقفك يحترم جدا
مجدى : تمام يلا نبدأ انا جاهز
تقوم اميره بعمل الجلسة له ثم تاخذه الى قاعه اخرى لعمل جلسه جماعية مع حالات مشابهة، وبعد الانتهاء ، مع حركة خروج الحالات تقابل أميرة مروان عند الباب
اميره : الدك حم حم بجدية دكتور مروان ازاي حضرتك فى حاجه
مروان : يقرصها من خدها بس يا شقيه ها خلصتي
اميره : اممم عندى محاضرة بالجامعة
مروان : لسه دايخه
اميره : تؤ
مروان : هنروح للدكتور مع اني متأكد انها الانيميا رجعت تاني
اميره : يارب تبقى انيميا وماتبقاش حاجه تانية
مروان : حاجة ايه
اميره : بعدين
يقترب مجدى
مجدى : دكتورة ينفع اجي الخميس لان الثلاث مشغول
اميره : مافيش مشكلة اكتب بس اسمك مع نردين
ينظر مجدى لمروان بابتسامة
مجدى : ازيك يادكتور يتصافحان
مروان : اهلا وسهلا
مجدى : انا مبسوط انى شفت حضرتك جدا انا من متابعينك وبشترى كتبك على طول ، خصوصا الكتاب بتاع حضرتك اللى عملته وانت يعنى لمؤخذه أعمى اللى اسمه : كن قويا كان كله عزيمة وطاقة
مروان : ميرسى
أميرة : تنظر لمروان مش ده الكتاب الى عملناه سوا
مروان : اممم
اميره : تنظر لمجدي على فكرة انا اللى دعمته واقنعته يعمله
مجدى :انتي الملهمة اللى كتبلك فى الآخر اهداء
وقال اهداء الى أميرة القلب ..أمييييرة
أميرة : ايوه بالظبط أميرة
مجدى : لا تحياتى ليكى كدا اختياري ليكي كان فى محله متزعلش يا دكتور
مروان :ازعل ازاي بلعكس انا فخور ان بياجى لأميرة حالات بالاسم
مجدى : ده بقى فرحة زوج بزوجته انها بالشطاره دي ولا فرحة استاذ ان تلميذته تفوقت عليه
مروان :الاتنين
مجدى : يبقى اهنيك باختيارك لزوجة كاملة الموصفات زي الدكتورة أميرة ، واهنيكى يا دكتورة على اختيارك لزوج محترم زي دكتور مروان يعنى مش كل الأزواج بيحبو ان زوجاتهم تبقى اعلى منهم
مروان :شكرا يا..
مجدى : مجدي المهندس مجدي عاصم
مروان : اه اهلا بحضرتك مرتاح معانا
مجدى : جدا حاسس بتحسن
مروان : هى دي الجلسه الكام
اميره : الاولى بعد التعارف استاذ مجدى عنده اضطراب ما بعد الصدمة
مروان :امم لا بسيطة لو تحب تكمل معايا مافيش مشكلة
مجد : آسف انا اتشرف لكن انا حابب جدا ان الدكتورة هي اللي تباشر حالتى... وعلاجي يبقى على ايدها انا لازم امشي آسف لو اخرتكم
مروان : لا مافيش تأخير اتفضل
بعد ان يرحل ينظر مروان الى أميرة
مروان : أميرة تعالي نتكلم بالمكتب شويه
اميره ماشى
مكتب أميرة
يجلس مروان على الكنبه وكانت تقف أميرة عند الكتل ومكنه القهوة
اميره اعملك قهوة انا هعملي نعناع
مروان : لا
تقوم اميره بتشغيل الكتل واثناء عملها نعناع يتحدث معها مروان
مروان : مش ملاحظه حاجة
اميره : فى ايه
مروان : ان الود ده كل كلامه كدب
اميره : تنظر باستغراب كداب ازاي
مروان : يعنى بيستخدم ايماءات بشكل كبير كلها كدب حركة عينيه ايده ده اول ما شفني اترعب وحاول يبرر خوفه باللي عمله
اميرة : تقترب منه وهى تحمل بايدها فنجانين تعطى لمروان واحد وتجلس بجانبه
اميره :عملتلك معايا واحد. اشربه تجلس وتنظر له . ما تحاول يا حبيبى تتعامل مع الناس عادي مش كل شويه تحليل
مروان : لا منا دلوقت مقدرش اتعامل عادي لازم كل شئ بحذر
أميرة : معاك ده فى التعاملات الشخصيه مش بالشغل
مروان : بكل حاجه انتي مش اخدتي عندي كورس فى فن لغة الجسد
أميرة : اه
مروان :جبتي ايه
أميرة : هههه مقبول جبت ٢٦من 50 ههههههه مع انه كان غالي اوي لكن فشلت اصل حوار انك تقعد مركز فى تفاصيل التفاصيل ده شئ مرهق جدا ، يعنى عايزنى افضل مركزه انه ايده اتحركت ازاي طب يمين ولا شمال صوابعه نظرة عينيه رجله ، ايه ده الدنيا ابسط من كدا ياعم
مروان : فى دراسة للحالة بتعت الود ده
أميرة : ليه
مروان : بجديه ..عايز اشفها
أميرة :طب اهدى عندك على المكتب روح هاته انت
يذهب لاحضاره
أميرة : مارو ممكن تكلم دكتورة غاليه وتقولها أميرة تعبانة وتاخد المحاضرة
وهو يقترب منها ويحمل بايده اوراق دراسة الحالة
مروان : تعبانه ولا عايزه تروحي عشان الولاد وحشوكي
اميره : بصراحة جدا
مروان : يجلس روحي و انا هاخدها مكانك
اميره : شكرا يا احلى دك بالعالم تقبله من خده ينظر بلاوراق ويقرأ ما به وتقوم أميرة. بتناول النعناع وترجع ظهرها للخلف بعد قليل
مروان : انتي راجعتي على الدراسه دي
اميره : اه
مروان : وازاي دول عدو من عليكى
اميره : فى ايه ورينى كدا تعدل نفسها تنظر بلاوراق
مروان : اهو هنا بيقولك بريمه ،و هنا مكان عالى. هنا قالك فضلت أصرخ وهنا قالك اغمى عليا
اميره : عادى مش لازم يحكى بترتيب الاحداث ولا استخدام نفس الكلمه ممكن نفس المعنى عادي بتحصل المهم الاحداث والمواقف متتغيرش مش ترتيبها
مروان : الود ده بيكدب انا متأكد
اميره : مالك فى ايه بس
مروان : انا هاخد الحالة دي
اميره : ازاي
مروان : عادى حالته عادية مفهاش حاجه بعدين دى لسه اول جلسه نبقى نقوله انك تعبانه بعدين من رأيي تاخدى اجازة طويلة عشان مينفعش تمسكي حاله ماتبعتيش معها بنظام خليكى بمحاضرات الجامعة بس
أميرة : هتقوله ايه
مروان : انا هتصرف دي كل حاجة عنه
اميره : لا تقوم تذهب عند المكتب تاخذ أسطوانة ورق. ترجع تجلس بجانبه .امسك دي جلسة النهارده ودي باقي بياناته الشخصية
مروان : تمام
♥️____ليلة عادل_____♥️
فى احد العربيات ٩م
يجلس الشاب المجهول (عمرو) يقوم بلاتصال بأحد ثم تركب بجانبه المرأة المجهولة التى كان يتحدث معها ولم نرى وجهها او نسمع صوتها بوضوح ثم ينظر بجانبه وهنا نكتشف وجهه انه مجدى فالمجهول اتضح انه مجدى الحالة التى. تعالجها أميرة فهو اصبح قريبا منهم جدا عن قبل ، لكن ماذا يريد هل سيقوم بفعل شئ لهم . لكن مروان شعر انه كذاب هل سيكتشف مروان امره سنعرف
عمرو : فى ايه
المرأه المجهولة : انت ازاى تخلي مروان يشوفك
عمرو : دول خمس دقائق
المرأه المجهوله: وايه اللى حصل
عمرو : اللى حكتهولك
المرأه المجهوله : حمار مروان ذكي مش زى مراته هبلة اوعى يشوفك تاني ولا تفتح معاه اي مجال للكلام
عمرو : ماتقتليها وتخلصى من الهم ده ،عندى استعداد اقتلهالك مع انها خساره فى الموت ، ممكن اخطفها شويه واستمتع بيها شوية ، بعدين اقتلها وأصورها لجوزها مش عايزة توجعيه بيها
المرأه المجهوله : الموت راحة ليها مش دلوقت شويه. بعدين اصبر يمكن المرة الجاية اخليك تقضي معها ليلة حلوة وساعتها مروان مستحيل يسامحها
عمرو : ازاي
المرأه المجهوله :مش فى حبايه ممكن تخلي الواحد يعمل اي حاجه وهو مش عارف
عمرو: زى جوزها... الله على أفكارك بس هتشوفنى هو وتقولي مروان مش مهم مروان مروان المهم نقضي ليلة مع المزة دي
المرأه المجهوله : ما تتصرفش تاني من دماغك سلام
♥️____ليلة عادل_____♥️
فيلا مروان واميرة ١٠م
تجلس أميرة على السرير وهى ترتدى ملابس بيت تيشرت وبنطلون وهى تمسك بايدها ورقة وباتساع عينيها تنظر كأنها غير مصدقه ما قراته بعد قليل يدخل مروان وهى يرتدى ملابس خروج
مروان : مساء الخير
لا تجيب ينظر مروان لها يقترب منها يشاور بايده
مروان : ميرو سرحانه بايه
اميره : لا معاك انت كويس
مروان : انتى اللى كويسه ايه الورقة دي
اميره :تحليل
مروان : هو مش انا قولتلك استني اخلص محاضرة ونروح سوا للدكتورة
اميره : ما انا تعبت ورجعت تاني. قولت ما بدهاش بقى روحت وكشفت وطلبت تحليل اهو
مروان : يجلس بجانبها طب فى ايه
اميره : بتلقائية حامل.
مروان : ايه
أميرة :بقولك حامل هئ هئ هئ بس بقى عشان انا هموت
يقوم مروان ويجلس على قدمه امامها بعدم تصديق قولي والله العظيم
أميرة: انت مالك فرحان كدا ليه
مروان : قولي وآلله العظيم انا حامل يا مروان
أميرة : يا سيدى والله العظيم انا حامل
ينظر مروان له باتساع عينيه بفرحة شديدة و يضمها بشدة ينظر له.. حامل بجد .. يضع ايده على بطنها ..بجد هنا فى. ابني التالت .. تشاور أميرة براسها اه يضع يدها على فمه بعدم تصديق يضمها بشده ثم يمسك ايدها وتقف يضع ايده على خدها بجد يا أميره اوعي تكوني بتهزري والا عاملة مقلب من مقالبك مش بتهزرى صح حامل بجد تغلغلت الدموع بعينيه ويضمها بشده ثم يحملها ويلف بيها ينزلها
اميره : باستغراب انت فرحان اوى ليه كدا
مروان : لازم افرح هيجيلى طفل منك تانى. والله ما مصدق يضمها يقبلها. عدد قبلات بوجهها بسعاده كادت ان تخرج من قلبه ينظر لها
مروان: انتى مش مبسوطة
اميره : بصراحة الأول لا بس بعد ما شفت فرحتك دي فرحت
مروان : يبتلع رايقه ..انتي مش عايزه
اميره : لا مش للدرجه دي بس عشان ادم وزياد لسه مكملوش ٣شهور خايفه اظلمهم فى الرعاية عشان البيبى الجديد
مروان : متخفيش يا روحى انا معاكي بس اوعي تجننيني تاني ولا هتجننينى
اميره : ممكن
مروان : مش مهم موافق جننينى تانى وثالث وعاشر يضمها بشدة وفرحة
احد الكافيهات على النيل ١م
يجلس مروان على احدى الترابيزات ويشرب قهوه ثم يدخل عليه اللواء شوقي رجل فى أوائل الستينيات شعره ابيض يبدو من مظهره الجديه والوقار
مروان : ازيك يا فندم
شوقى : ايه يا مروان احنا مش بالمكتب
مروان :بابتسامه ... ازيك ياأنكل وحشني
شوقي: بخير أميرة عامله ايه
مروان : الحمد الله
شوقى :طلع احساسك صح مافيش مهندس اسمه مجدي عاصم شغال بشركه ولا باى فرع الرقم مش بتاعه ولا العنوان. كل البيانات لواحد تاني
مروان : ومين مجدى ليه اختار الاسم ده
شوقى :مهندس فعلا لكن مات من ٥سنين فى نفس الحادثة
مروان :طب اكيد فى رابط
شوقى : ولا رابط ولا حاجة قصة المهندس ده مالية السوشيال ميديا. لكن واضح انت ومراتك مش بتقعدو كتير عليه. عرف القصة وضرب البطاقة
مروان :هما ازاى بيضربو البطايق بالشكل ده
شوقى : سهل مش بطايق بس بسبورتات كل حاجه المهم المرة الجاية خده على حجرك اتكلم معاه على قد ماتقدر متأكد انه حلقة الوصل
مروان : انا كمان متأكد انه مش هو
شوقى : هيقبلك امتى
مروان : كمان يومين
شوقى: تمام
♥️____ليلة عادل_____♥️
شقه ادهم ٥م
يجلس ادهم على الكنبه الراسبشن يتفرج على احد الماتشات ثم يطرق الباب يذهب لفتحه
أدهم باستغراب شديد بنصف ضحكة
انت..... يعنى... زياره غير متوقعة
يتبع الفصل الخمسون اضغط هنا
- الفهرس يحتوي على جميع فصول الرواية كاملة :"رواية الاعمى" اضغط على اسم الرواية