رواية صرخات بريئة (وعد النمر) الجزء الثاني 2 الفصل السادس 6 بقلم صافي الودي

    رواية صرخات بريئة (وعد النمر) الجزء الثاني 2 الفصل السادس بقلم صافي الودي

رواية صرخات بريئة (وعد النمر) الجزء الثاني 2 الفصل السادس 

استغرب عمر و قرب منها :

مالك يا وعد خايفة منى ليه 

الحمد الله انك قومتى بالسلامه 

ردت وعد وهى منهارة :

انا مسميش وعد، فاهم ومليش علاقة بيك، انت مين وعايز اى منى 

أستغرب عمر من صراخها وكلامها، اكيد الأزمة صعبة عليها وخصوصا لما وقعت لازم اطمنها ومسك ايديها :

أهدى يا وعد علشان خاطرى ليه مش راضيه أقف معاكى، ليه عايزة تخرجنى من حياتك كده انا جوزك 

مازلت وعد تصرخ وقالت :

جوزى مين انا مش مراتك فاهم ولا لا

خاف عمر عليها وخرج ينادى على دكتور وهو منهار مش قادر يستوعب اللي حصل، هى ممكن فعلا الصدمة خليتها تنسى كل حاجه ؟

جري عند الدكتور وهو بيصرخ :

الحق وعد بتقول كلام غريب جدا أن هى مسمهاش وعد وأنها متعرفنيش 

اتفاجئ الدكتور :

ممكن تكون الصدمة مع وقوع الاسانسير خليتها فقدت الذاكرة و دكتور المخ والاعصاب كان شاكك فى حاجة 

انصدم عمر :

هو ممكن دا يحصل 

اكد الدكتور :

فى الحالة النفسية كل حاجة متوقعة لأن المريض بيكون في حالة صعبة ممكن ترفض الواقع اللى عاشته وممكن تلجأ للانتحار زى ما عملت قبل كده وانتم لحقتوها وعلشان زى ما فهمت من ولدك أن خوفها من ربنا لو فقدت حياتها ممكن عقلها الباطن وصل معها انها تهرب من كل اللى إلا حصل بالنسيان وممكن الخبطة كانت شديدة تعالى وانا هروح اكشف عليها واقولك 

دقائق كان وصل الدكتور عندها :

مساء الخير اخبارك ايه يا وعد 

صرخت فيهم  :

انا مسميش كده وانت مين انا فين وفين بنتى  

اندهش الجميع و الدكتور اتكلم 

بهدوء 

انتى فى مستشفى و اتعرضتي لحادثة وعايزين نعرف اسمك يكون ايه ؟

صدمتهم بردها :

بنتى بخير هى كويسة ولا ماتت منى فى الحادثه  انا ليه مش شايفها 

استغرب الدكتور من سؤالها وخرج سأل عمر 

هى كانت تعرضت لحادثة تانيه غير الخطف وغير الاسانسير

بصله عمر فجأه وهو تايه ومش قادر يركز و قال :

حادثة ايه اللي انت تقصدها 

اندهش الدكتور و قال : 

هو فى كذا حادثة اتعرضت ليها

رد عمر سريعا بتذكر :

أول حادثة كانت في عربية و أهلها ماتوا و لما فاقت وعرفت بموتهم دخلت فى غيبوبة ، وتانى حادثة اتخطفت من سنة تقريبا على ايد إرهابيين وحصل من شهر تصادم من العربية و العربية انقلبت واخر حاجة اتعرضت ل خطف وتعدى والمرة دى  الاسانسير

انصدم الدكتور وصرخ :

وليه محدش بلغنى بكل دا كنت استخدمت معاها علاج مختلف هى نسيت كل اللى حصل معها ومش متذكرة الا حادثة أهلها اعتقدت بتسال عنهم لكن غريبة بتسال عن بنتها هو انتم اتجوزتوا

انصدم عمر و قال :

هما ماتوا من سنة ونصف لا طبعا احنا مكتوب كتبنا بس اللي متذكره هى لما عرفت بموت اهلها  انصدمت ودخلت فى غيبوبة اى الحل دلوقتي ؟

احتار الدكتور و قال : 

هدخل اكمل معاها على حسب تشخيص حالتها وعقلها الباطن عايز اي 

دخل الدكتور وعمر بلغ ابوه بكل حاجة وجيه ابوه وهو بيشكر ربنا أنها أختار لها النسيان والمرة دى

انا اسيبها تختار مش هفرض عليها حاجة تانى 

...

دخل الدكتور بهدوء وسألها

ممكن اعرف اسمك ايه عشان اعرف اسأل عن أهلك

ردت اسمى امانى سعيد محروس

...

اتصل اسلام ب أدهم 

رد ادهم :

خير يا اسلام فى جديد 

رد اسلام :

تعالي  على المستشفي ضروري  الاسانسير وقع وامانى ووعد كانو فيه

انصدم ادهم  وصرخ :

نعم هو ايه اللي بيحصل ده ليه مصممين ينتقموا منى فى اهم اتنين فى حياتى انا جاي

وجرى وسال عنهم وكان محتار يسال عن امانى ولا وعد 

استغرب الدكتور و قال

هى بتكون قريبتك طيب ليه محدش سأل الفترة دى 

رد ادهم بندم 

هى كانت رافضة تتعامل معاىا هى بخير دلوقتي 

استغرب الدكتور و قال 

هى قالت اسمها وعد مش امانى 

انصدم ادهم وخرج ليه صورة 

انا اقصد دى 

رد الدكتور عليه :

ايوة هى دى لما فاقت بعد ما وقع الاسانسير بيهم فاقت قالت اسمها وعد عادل عز العيسوي 

انصدم ادهم و قال : 

مش معقول مراتى اسمها امانى سعيد محروس و وعد بتكون بنت عمتي 

رد الدكتور ب استغرب :

وعد قالت اسمها امانى سعيد محروس و اماني قالت اسمها وعد عادل عز لسه خارج من عندهم دلوقتى 

انصدم ادهم ومن اللخبطه مش عارف يعمل اى وسأله 

طيب ممكن ادخل عندهم بس عند وعد او امانى يخربيت اللخبط دخلنى عند صاحبة الصوره دى الاول  

ابتسم الدكتور :

اتفضل 

كان ادهم عارف ان امانى بتحب  التمثيل وبتعمل مقالب لكن عقله كان وقف اللحظة دى ومستوعبش ومرة واحدة قامت امانى وهى بتصرخ 

انت اللى اغتصبتنى انا هيوديك فى داهية فاهم 

انصدم أدهم واسلام 

رد أدهم 

انا ادهم جوزك يا امانى مالك اىه الكلام العجيب دى 

صرخت امانى 

انت خطفتنى واخدت اعز ما عندى انت سفاح 

أدهم اتجنن من كلام امانى و طلب من الدكتور يفهمه 

اىه اللى حصل مع مراتى 

 ادهم قال :

فين بنتى 

رد الدكتور

اه بنتك فى الحضانة تحت وهى كانت نازله تطمن عليها لكن  الاسانسير وقع بعد ما فاقت جبناها ترضعها صرخت ورفضت وقالت انها متعرفهاش 

وضع ادهم ايده على دماغه ومش مستوعب حاجة و قال :

عايز اشوف بنتى 

الدكتور :

اتفضل معايا واه فى حاجة تانية 

حس اسلام ب احساس صاحبه و قال بداله :

خير يا دكتور 

رد الدكتور :

وعد قالت اسمها امانى وطلبت تشوف بنتها 

انصدم أدهم و مبقاش عارف يعمل اى واقف متكتف 

يعني وعد بقت امانى وامانى بقت وعد  

رد اسلام :

طيب ممكن ندخل عند التانيه بعد اذنك 

صرخ ادهم 

انت بتقول ايه انت مجنون ادخل عند وعد بعد اللي حصل  ممكن تنهار انا مصدقت اتحسنت 

رد اسلام وهو مستغرب :

اكيد فى سر اشمعنا اللاب توب اتفكت الشفرة بتاعته النهارده وبعد كده الاسانسير و دلوقتى  الحوارات دى لازم ندخل عند وعد ونفهم اسمع كلامى وتعالى علشان نفهم اللخبطة دى حصلت ازاى ونشوف رد فعل وعد لو تشوفك هتخاف منك ولا لا 

وافقهم الدكتور الراي و قال :

تعالوا معايا

اول ما شافه عمر جرى على أدهم وكان هيخنقه :

انت دمرت وعد دمرتها وأنا مش هسكت  

بعده اسلام عنه وقال :

عندك حق تنهار لكن فى قصة كبيرة عايزين نفهمها ممكن تدخل معانا الاولى 

اول ما دخلوا 

قامت وعد من مكانها 

جريت وعد خلف أدهم وهى تصرخ وبتشاور على عمر 

الحقنى يا ادهم الشخص دا بيقول انا مراته فهمه انى مراتك انت انا خرجت من الموت بمعجزة عايزة اشوف بنتى خليهم يجيبو لي بنتى 

اقترب عمر من وعد :

اسمعينى دا 

وقبل ما ينطق تصرخ وعد :

الحقنى يا ادهم ابعده عنى 

نظر لهم الدكتور  وطلب منهم الخروج وقال :

زى ما انتم شايفين من بعد ما وقعوا من الأسانسير وهما بالحالة دى وكل واحدة متقمصة شخصية التانيه بكل تفاصيلها وفى الطب النفسي بتحصل واحد فى الميه من الانفصال دى ان روح كاملة تنفصل عن شخص وتدخل شخص تاني لكن لو روح تانى ماتت لكن الاثنين عايشين لكن عرفت من الممرضين اللى كانوا معاهم أنهم تناقشوا نقاش شديد جدا قبل الحادثة 

اندهش اسلام وسأل

نقاش اى اللى اتكلموا فيه 

رد الدكتور

اعتقد أن واحدة كانت بتعتذر وواحدة كانت بتزعق وبعدها حصل خلل فى الأسانسير وانصدموا فى بعض انا لما سمعت كلامها افتكرت فيلم صنع فى مصر لما أحمد حلمى بقي دبدوب وهو بقي الدبدوب 

ثم ضحك و قال :

عفوا مش اقصد لكن الموضوع معقد جدا وعملنا إشاعة على المخ لكن لحد دلوقتى مش فاهمين اىه اللى حصل 

كان أدهم واقف مذهول يستمع للدكتور وقال :

اكيد فى حاجه حصلت ازاى التحويل دا انت شايف إنه منطقي

نظر عمر ل وعد بكل غيرة ونار من جواه وقال وهو بيزعق :

اكيد مش منطقى دى تمثيلية واضحة زى الشمس 

واقترب من وعد وهى بعدت عنهم ووقفت خلف أدهم و مسكته من ظهره 

استغرب عمر خوفها منه وثقته فى الشخص دا وقال 

انتى بتعملي كل دا علشان تستفزيني صح عشان اطلقك حاضر يا وعد انتى طالق

متصورتش ابدا انك تفضلى واحد اغتصبك عليا 

كانت عتاب واقفه وراءه وردت واستغلت الفرصة بتريقه :

مش كان عجبك فيها طيبتها و براءتها ليه دلوقتي مستغرب من وشها الحقيقى اللى ظهر 

وخرجت شيك من حقيبتها فى كل فلوس وعد ورميته فى وشها، دى الفلوس اللى انتى زلتيني بيها سنه ونصف وانتى خلاص اختارت اخيرا تطلع من حياتنا تمام انسى ان كان ليك أهل 

صرخ عزمى فى وجهه عتاب :

ايه الهبل اللى انتى بتعمليه دا البت مصدومة ومش فى وعيها ليه يا عمر اتسرعت ..

نظر عمر ل وعد ونظر ل ابوها 

لا انا عارف وعد وحفظها وهى عملت كدة علشان توصل لي رسالة ان خرجت من حياتها وعلشان مين دا 

....

جاءت من الخلف امانى لم سمعت صوتهم 

صرخت فى وجه عمر

الحمد الله انك طلقتني وحققت امنيتى انا دلوقتي اقدر اخد حقى من اللى ضيعنى .. 

التفت عمر واستغرب وسألها :

انتى مين وليه بترد عليا بدل وعد 

ردت امانى :

انا وعد مش بتقولى حفظنى و انى بمثل عليك علشان أطلق وطلقتني خلاص مع السلامة يا بابا عند امك

وتكمل بعد ما تنخفض تاخذ الشيك من على الأرض وتنظر الى الشيك وتنظر إلى عتاب وتقول :

ناقص الأرباح يا قلبى ولا عاوزة تاكلهم عليا زى كل المناقصات القديمة اللى كنتي بتاخديهم من ورا عمى وعمر انا عملت المستحيل علشان ابعدهم عن شرك وغرورك اه قدرت اوقف الشركة لكن تعبت جدا وانا بحارب معاكى لكن طلعت حيه وفى لحظة لدغتني خدى اخوكى وروحي العبي فى عقله خليه يرجع يشرب ويسهر وانتى خدى مناقصات بالباطل 

صرخة عتاب فى وجهها :

انتى كم كدابه وعاوزة تكرهي أهلى فيا صح 

نظرت امانى إلى عزمى وهى حزينة 

انا مش كذابه وكل الاوراق اللي تثبت لعبها معايا سامحني يا عمى انا عملت المستحيل لكن الغلطة غلطتك من البداية سبت بنتك دى تتحكم فيكم كلكم وتسرقك وتضيع ابنك الوحيد قدام عينك ولم حبيت تصلح دا قلت اجي على بنت اخويا واستغل حبها ليا وحزنها على أهلها وهخليها تنقذ ابنى منها لكن للأسف انا ضغط على نفسي كتير واتحملت الاعيب كتيره من عتاب ولسه لحد دلوقتى مش رحمنى

تعجب عزمى كل الهجوم و قال : 

انا استغليتك  يا بنتى الله يسامحك انا كنت عايزك تدخلي فى وسطنا كان نفسي تكوني أخت ل عتاب وتعلميها ان الحياة مش بالطمع و الاستهتار اه كنت عايزك تنقذي عمر لكن علشان شفوت حبك ل عمر فى عيونك اه ممكن الضغط كان عليكي لكن انتى وصلتي للحالة دى مش بسببي 

نظرت له امانى بكل ثقة و قالت : 

لا بسببك انت عشان معرفتش تربى بنتك وتنقذني من شرها انت اللى اقترحت عليها انها تيجى معانا واحنا رايحين نحجز القاعه كنت فاكر انها هتفرح مرة واحدة ان اخوها اتسرق منها طبعا لا وهي اللي دبرت لي جريمتين فى وقت واحدة انتهزت صدمتى العربية اللي كانت جايه فى وشنا وحقنت عمر عشان يغيب عن الوعى بحجة انه انخبط فى الدركسون وبعدها صرخت فيا اكمل رغم انها عارفة اني مصدومة وصورة اهلى قدام عيونى ومرة واحده فتحت هى الباب ووقعت اخوها عشان أطلع انى مش بعرف اسوق وانا بحاول اعدى أي تصادم مع حد وكانت السيارة التانية وقعت بالفعل و مسكتتش على كدة لا راحت اتهمتنى انى السبب فى موت شخص والسبب فى حالة عمر وبعتت شاهد زور يشهد انى السبب فى كل دا صح 

صرخة عتاب وهى متوترة ومستغربه ازاي امانى قلبت التربيز عليها وكانت هتوقع امانى وصلت ليها رسالة فكملت معاهم وقالت 

من قال كدة وانتى مين اكيد جوزك المحترم هو إللى قالك على كل حاجة حصلت

وتوجه ل ادهم الكلام 

رغم يا حضرة الظابط انك عملت أتفاق ما بينا انك تدمر وعد وانا اساعدك مقابل انها تبعد عن طريقي تروح تلعب بيا انت ومراتك لا أنا لحمي مر 

نظرت وعد بكسرة ل ادهم و تتقمص شخصية امانى 

انت عملت كدة يا ادهم يعنى مش كفاية ضيعتها كمان تتفق مع اكتر عدو ليها ضدها فين ادهم اللى وعدنى يكون انسان كويس فين ادهم اللى وعدنى بعد موت ريهام أنه يتغير ويتحكم فى عصبيته وكمان تخونى مرتين مرة مع الخواجة ومرة مع البنت البريئة دى وكل دا ليه انطق 

انصدم ادهم اتهام وعد ومعرفتها بكل تفاصيل ما بينه وبين امانى حس انه لازم يبرر نفسه قدام الكل هو احتمال بسبب الصدمة اللي الاتنين اتعرضوا ليها  وسكوتهم خلاهم تقمصوا شخصيات بعض وبعدين نفي الفكرة استحالة  

كان عمر بيصرخ فى عتاب  وقال 

يعنى انتى السبب أن وعد توصل للمرحلة دى انتى اللى كنتي عايزه تقتلينى ليه بتكرهيني ليه طيب هى ذنبها ايه انتى لازم تتحاسبي على كل حاجة 

نظرت امانى على انها وعد ل عمر وقالت 

انا عملت اللى عليا معاك انت خلاص عرفت فين الصح وفين الغلط وفهمت كل كبيرة وصغيرة فى شغلك ومحدش يعرف يلعب بيك تانى لو انت تخلصت من الهروب من المسؤولية 

استغرب عمر كل كلام امانى وحس بلخبطه كمان جسم وعد واقف بعيد ساكت اما دى عارفة كل كبيرة وصغيرة عننا فين الحقيقة وأى اللى حصل و قال : 

وهى وعد خليتك وكيلة عنها تقولى كل اللى هى عايزه تقوله وممكن انتى وزوجك استغلتوا طيبة وعد عملت فيها اى رجع وعد ليا 

صرخت امانى مرة اخرى 

هو ليه محدش مصدق انى وعد انا وعد الجديده اللى جيت علشان اخد حقى من كل واحد ظلمني وجرحني وكسرنى ومثل عليا الحب والمشاعر و اول مطب فى حياتى طلقنى 

دافع عمر عن نفسه وجرى نحو وعد وقال 

ردى عليا يا وعد عملوا فيكي اى دي مرات الظابط اللى ضيعك بسببه و رجعت علشان تنقذ جوزها وبتستغل طيبتك وقلبك الطيب قولى ليها انى مسبتكيش فى اول مطب وانى اترجيتك كتير تسمحيلي اكون معاكى .. وصرخ على الدكتور انتم عملتوا فى وعد ايه مجرد جسد بدون روح 

الدكتور محتار لكن احسن حاجة المواجهه و قال 

سيبهم يطلعوا كل اللى جواهم علشان يقدروا يخرجوا من الصدمة ويرجعوا المواجهه دى كويسة لصالحهم 

كان كل دا تحت أنظار ادهم اللى بيراقب تصرفات امانى وصريخها ودفعها الشديد عن حق وعد ممكن فعلا كلام عمر صح وهى اتفقت مع وعد عليا طيب ليه انا لازم اتأكد هو كيد النساء يغلب الرجال لكن مش يكسرهم والغيرة سند يوقع اى كيد عيونكم بتقول أنكم بتمثلوا تمثيليه كبيره ويبتسم وانتى ملكة الدراما يا امانى والمقالب لكن ورينى هتسيطر على غيرتك ازاى 

واقترب من وعد إللى واقفه تتفرج مش قادرة تتكلم او مش عارفة تمثل دورها ب إتقان عمر طلقها خلاص ومسك ادهم  ايديها علشان امانى تغير 

اتنفض جسم وعد وظهر الخوف في عيونها ولحظة الشجاعة  اختفت 

حس ادهم بده وكان عايز يعتذر منها ويكفر عن غلطته 

أنا آسف انا كنت هموت لما عرفت انا امانى ماتت مشوفتيش قدامي 

ردت وعد عليه وهى تسيطر على نفسها بالعافيه :

ليه معملتش شغلك كويس ليه مقومتش بالتحقيق ودورت عليا  لو كنت دورت عليا مكنش حصل دا لكن انت جواك غريزة الشر والوحشية وانا حاولت أخلصك منها لكن فى اول مطب انت رجعت لشخصيتك القديمة 

حس ادهم ان وعد بتعتبه على ماضي فات لكن بلسان امانى  ورد عليها 

انتى عارفاني كويس ومن زمان وعارفة انى بموت لو خسرت حتى بعزه ومكنش عندى عقل وقتها انا فعلا متسرع وغبى لكن وقتها مش عارف ايه اللي حصل  لي 

وفجأة 

يتبع الفصل السابع اضغط هنا

• الفهرس يحتوي على جميع فصول الرواية كاملة :"رواية صرخات بريئة" اضغط على اسم الرواية