رواية عائله بالإكراه بقلم سلمي بسيوني
رواية عائله بالإكراه الفصل الثاني 2
انهارت منيره وبصوت متقطع :ع...عبير ..انتى يا عبير لييييه يا عبيير لييه دانتى اختى دانتى كل حاجه ...الحاجه اللى باقيه ليا انا مش مصدقه عنيا ...(بصت لساره)بنتك دى صح ..منه (بصت لاسلام ) تصدق انت شبه ابوك ...يا خساره يا خساره
مكانش فى وقت اى حد يستوعب حاجه وقعت منيره من طولها جريت عليها بنتها
حنان برعب وبتصرخ :ماما ..ماما قومى يا ماما
حد يجيب دكتور بسرعه
قربت عبير بسرعه
بس حنان سبقتها فى الرد :اياكى تقربى ...اياكى ..خدى عيالك وامشي حالا
عبير حاولت تتكلم وقاطعتها حنان:ولا كلمه ..امشى حالا ..(زعقت بصوتها كله) اطلعى برررره !!!
عبير اخدت عيالها ومشيت كل مادا الدنيا بتتعقد
دخلت بيتها ودخلوا وراها عيالها
اسلام ضحك بسخريه:معقوله يا ماما ...حتى صاحبه عمرك ضحكتى عليها ..مش بقولك انتى مش امى ..حقيقى مش معقوله والله ...كل دا عشان راجل اتجوزك فى السر ..ومعترفش بيكى كمان ..شايفك دون المستوى يا بنت يسري
عبير هنا ما اتحملتش وضربت اسلام قلم قوى على وشه
_بتضربينى !! ...هتندمى اوى يا ماما على القلم دا ..
خرج بسرعه وكالعاده راح سبق اخته على المرسم
ساره بحسره :انتى بتدمرينا كلنا يا ماما كل شويه تدمرى وتدمرى احنا الاول وبعد كدا صاحبه عمرك وحنان ..حنان اللى بقت اختى ومش عارفه ابص فى وشها دلوقتى ..انتى صعبتى كل حاجه علينا كلنا ..
***************
نرجع لحنان وامها لسه فى اوضه الاجتماعات
بتحاول تفوقها وبالفعل بدأت تفوق
وتبكى :حتى صاحبه عمرى يا حنان حتى عبير
حنان بتحضنها وتبكى:هتعدى يا ماما ....كل حاجه هتعدى ...هنقوم تانى سوا ..
هديتها نوعا ما ورجعوا بيتهم تانى
*************
خرجت حنان بعد ما اطمنت ان مامتها نامت كانت محتاجه وقت لوحدها خرجت وقعدت شويه على الكرنيش تبص للبحر وتفكر فى كل اللى حصلت ...فى اقل من اسبوع فقدت والدها وفاجأه طلع متجوز وكمان طلعت صاحبه عمر والدتها مراات ابوها كل حاجه تراكمت عليها وضاق صدرها بوجعها وبكت من قهرتها بكت على كل حاجه وكل المفاجأت دى قاطع عياطها رنه تليفونها رده وصوتها واضح عليه الاجهاد والتعب والعياط
_الو ..مين
_انا يوسف يا حنان
_ ايوا يا يوسف
_ماله صوتك انتى فين
_(بعياط) انا تعبت ...انا حقيقى معدش عندى طاقه اسند نفسي واسند امى ..كل حاجه بقت كتير اوى يا يوسف
_انتى فين يا حنان
_على الكورنيش
قفل معاها بسرعه وفى اقل من عشر دقائق كان قدامها
_ممكن تهدى
_انا هاديه جدا على فكره
_اه ما هو واضح فى عنيكى ...حنان انا عارفك اكتر من اى حد ..
_ابويا كان متجوز على امى ...امى اتدمرت ووجعها زاد لما عرفت ان صاحبه عمرها ضحكت عليها وباعت كل السنين دى ..ابوا اللى كنت فكراه كتاب مفتوح طلعت معرفش عنه حاجه امى كمان اكتشفت بعد ٣٥ سنه جواز انها متعرفش حاجه عن جوزها كانوا بيكذبوا عليها وهم بيبصوا فى عنيها ابويا خاين امى انكسرت عمى وابنه مستنين اى فرصه عشان يكوشوا على كل حاجه كل دا كتير اوى عليا كتير و فوق طاقتى
كان قاعد بيسمعها وموجوع على وجعها تخيل نفسه للحظه بياخدها فى حضنه يطمنها ويطبطب عليها فاق بسرعه لنفسه وحاول يهديها بكلماته
_هتعدى يا حنان ..كل حاجه هتعدى ..دا ابتلاء واختبار من ربنا ..حاولى تصمدى عشان تكونى سند لمنيره هانم ..عارف انك تعبتى وطاقتك خلصت بس دا دورك
فضلت تتكلم معاه وهو يهديها لغايه ما هديت وروحها
اتوضت وصلت فرضها وبكت فى سجودها ربنا يريح قلبها وقلب امها والجاى كله يعدى على خير
************
داخل مكتبه بيزعق وعلى آخره :محمود بيهرج ولا اى عنده ابن !!!! ..كدا كل حاجه بتضيع مننا ابنه هيقش كل حاجه ...حتى وانت ميت يا محمود مبتريحش
_طب وبعدين يا بابا اى هنخرج من المولد بلا حمص ولا اى
_مبقاش اسمى محسن القاضى غير لما كل العز دا يبقا بتاعى حتى لو هتوصل للقتل
*************
صحيت ساره صحيت تانى يوم لبست ونزلت بسرعه وراحت على شركه القاضى
_لوسمحت عايزه اشوف حنان القاضى
_اقولها مين يا فندم
_قوليلها ساره الغيطى
دخلت السكرتيره بلغتها وسمحت لها بالدخول
حنان بسخريه وساره داخله:ساره الغيطى اى بقا انتى ساره القاضى ...كنا دايما نقول هنفضل مع بعض واننا زى الاخوات وبتاع ..ههه طلعنا اخوات بجد جايه ليه يا اختى ...عايزه اى تانى
_مكنتش اعرف حاجه
_حلوه دى هه كملى المسرحيه بقا ..
(ساره قلبها وجعها اوى وصرخت من كسرتها)_انا عشت اكتر من ٢٠ بتمنى وجود اب في حياتي وقعدت اكثر من ٢٠ سنه اشوف والدك بيعاملك ازاي ورضيت وقلت الحمد لله دي مش هعترض على قضاء ربنا واقول ربنا ليه خد ابويا فضلت اكتر من ٢٠ سنه اسمع يعنى اى حب الاب وان قد اى ابوكى سندك فى الدنيا وان البنت لما تحتاج ابوها تلاقيه قدامه من غير مجهود منها شفت كل انواع الابهات الا ابويا عشت ٢٠ سنه كل اللى اعرفه عن ابويا انه احمد السيد الغيطى بس نقطه ...تجيلى امى امبارح تقولى ابوكوا كان عايش (ضحكت بحسره) ابويا كان عايش واتحرمت منه كان عايش ومستعناش يبص حتى فى وشي ولا حتى يقولى انه ابويا ولا امى اعتبرتنى بنى ادمه وقالتلى بتقولى اسفه على اساس انها اتسببت فى كسر رجلى مثلا ...واجى هنا مستنيه اى كلمه منك تقوليلى مسرحيه ..حتى انتى يا حنان
انهارت ووقعت على الارض وجريت عليها حنان حضنتها :كل حاجه صعبت فجأه كل الدنيا اسودت واتعقدت فى لحظه ..اى اللى بيحصلنا يارب ريح قلوبنا بقا
************
_عرفت هتعمل اى
_عرفت يا بابا اعتبره حصل خلاص
*********
اسلام كان مع صحابه خارجين مع بعض
_اسلام هجيب قهوه اجيبلك معايا
_ياريت انا مصدع اوى
راح جاب القهوه وشربوها
_القهوه دى حلوه اوى ...انت غيرت عم مصلحى ولا اى
_اه دا واحد تانى بيقولوا حلو اوى قلت نجربه
_خلصانه قهوتنا عنده بعد كدا
رن تليفون صاحبه واستأذن وبعد عنهم ورد
_الو ...تم يا سمير بيه كله تمام
_شاطر يا عماد ...متنساش اجرك هيزيد كل مره تحطله فيها الجرعه
_تمم يا باشا مش ناسي خلال شهرين بالكتير هيستوى على الاخر وانا ليا الحلاوه طبعا
_عيب عليك يا عماااد
****************
نرجع لساره وحنان قعدوا وهديوا شويه بدأوا يتكلموا
_مش عارفه هنعمل اى حالا اى دورنا طيب
_مش هنعمل حاجه يا حنان هنرضى وخلاص هنعمل اى يعنى ...عمرى ما كنت اتوقع كدا من امى انا حتى مش قادره ابص فى وشها
_الوضع صعب اوى ...اه صحيح المحامى كلمنى تانى النهارده عايزنا نفتح ام الوصيه اللى مبتتفتحش دى
_ارجوكى يا حنان ادينا يومين كمان بس اعصابنا تهدى
_انا طلبت منه كدا فعلا واتفقنا نفتحها الحد الجاى
_طنط منيره عامله اى حالا
_نفس الحاله اللى شفتيها عليها امبارح ..
_ياارب ... الفرج من عندك
******************
جه معاد فتح الوصيه والكل اتجمع من جديد فى جو متوتر جداا ونظرات متبادله من الكل وفتحها المحامى
_ابوكوا بيقول فى الوصيه ان الكل هيعيش مع بعضه فى ڤيلا واحده (محسن عنيه لمعت فبصله المحامى)اللى اقصده الاسرتين منيره هانم وعبير هانم واولادهم ..
بالنسبه للشركه فالمدير التنفيذى هتكون حنان هانم وهيساعدها فى الاداره استاذ يوسف غفران بالنسبه لاسلام فهو هيستلم شغله بشكل طبيعى بعد تخرجه دا بلس اسهمه فى الشركه وبالنسبه لساره هانم فالمرحوم خصصلك معرض كامل ملخق بمرسم خاص بحضرتك فقط (ضحكت بإستهزاء ونظره عنيها بتقول :فاكر هيعوضنى؟!)
اتكلم محسن بعصبيه :طب وانا مليش نصيب ولا اى
رد المحامى بعمليه: حضرتك المرحوم خصصلك 8%من اسهم الشركه بلس ڤيلا جديده فى التجمع
سمير:لا كتر خيره والله ..اى العبط دا ..فين نصيبنا
رد المحامى :اهدى يا سمير بيه الوضع مش مستاهل كل دا ...دا اللى المرحوم كتبه هنا دا بعيدا عن انكوا ملكوش حاجه بشكل شرعى اصلا بس هو خصصلكوا نصيب اعتقد دا كافى ولا اى؟!
الكل خرج من الغرفه واتوجه لاشغاله وراحت ساره لحنان: ابوكى بيعمل اى عايز يحط البارود جنب النار
_متنسيش انه ابوكى انتى كمان
_انا مش قادره اتخيل وجودنا مع بعض فى مكان واحد ممكن يعمل اى ربنا يستر
الكل اتحرك واتحركت عبير بإسلام يلموا هدومهم
_احنا هنقعد معاهم فعلا
_اه
_ماما انتى عارفه طنط منيره تصرفها هيبقى اى ..انتى بتهرجى !!
_اسلام !! اسكت دى وصيه ولازم تتنفذ
اتحرك الكل ووصلت عبير واسلام وساره وحنان فى وقت واحد دخوا واتفاجأوا بمنيره ....
يتبع الفصل الثالث 3 اضغط هنا
الفهرس يحتوي على جميع فصول الرواية كاملة: "عائلة بالإكراه " اضغط على أسم الرواية