رواية لقاء مصلحة بقلم نوران جمال
رواية لقاء مصلحة الفصل الثاني 2
كانوا يجلسون في المطار منتظرين نزول الجد من الطائرة
جاسر بهدوء: جدو المرادي متأخرش في السفر ..
سيف بهدوء: هو في الطبيعي بيقعد بالشهور لكن اول مرة يقعد اسبوعين ويرجع..
ليلفت انتباههم وقوف ادهم وياسين بإحترام ليقفا هما ايضاً عند رؤيتهم للجد الذي لا يظهر عليه اثر الشيب يسير بقوته التي تجعل الجميع يرتعب انه مراد السيوفي
جاسر بإبتسامة:حمدلله على السلامة..
مراد بهدوء: الله يسلمك..
ليسيروا في طريق خروجهم من المطار ويدخلوا جميعاً السيارات في طريقهم الي الفيلا وبعد مرور بعض الوقت وصلوا اخيرا وقبل ان يتحدث احد
مراد بهدوء وجدية:انا هطلع ارتاح ساعة وهنزل الاقيكم كلكم قاعدين ..لينظر الي ياسين وادهم ويكمل:خاصة انتم ...ليصعد الي غرفته ليجلس الجميع
ادهم بإستغراب وقلق:هو في ايه ...
ياسين بضيق:ما تتكلم يا جاسر جدو ماله في حاجه غلط ..فمن حقهم ان يقلقوا فعقاب مراد السيوفي صعب للغاية لا يفرق بين قريب او غريب..
جاسر بهدوء: انا معرفش بس واضح ان انتوا عملتوا مصيبه فراجعوا حسابتكم كده لحد ما تفتكروا ..ليمسك اللاب توب خاصته ويقوم بالعمل عليه بينما ذهب سيف ليشرب المياه .ظل ياسين يفكر فيما قد يمكن ان يكون قام بفعله ليزفر بضيق
ياسين بهمس وخوف:مستحيل يكون عرف بالهجوم اللي حصل ..ثم بضيق:ومستحيل ليه ده مراد السيوفي اه غبي انا غبي ...
بينما ادهم كان يجلس ببرود فهو في يده ورقه رابحه يمكنه استعمالها في حين غضب الجد عليه ليتذكر تلك الفتاة التي قام بمقابلتها صباحاً في المطار
Flash back
بعدما اغلق ادهم مع جاسر ذهب ادهم الي المطار ليقوم بتأمين المكان الخلفي ويزرع به الحرس ليجد فجأه فتاة جميلة تقف وخلفها حارس يظهر عليها القوة ولكن لا يستطيع تحديد ملامح وجهها بسبب نظارة الشمس الكبيرة التي ترتديها لتسير في طريقها الي السيارة التي كانت في استقبالها لتمر بجانبه ولكن بالصدفه التوي كاحلها حتي كادت ان تقع علي الارض لولا يده التي قامت بإمساكها لتنظر له نظرة غريبه استطاع هو رؤيتها من خلال النظارة بسبب اقترابهم من بعضهم
ادهم بهدوء:انتي كويسه..لتومئ له وتشاور الي الحارس الذي كان ينتظرها ليسير خلفها لتدلف الي السيارة وتشق السيارة طريقها مبتعدة عن المكان لينظر ادهم الي السيارة جيدا اثناء تحركها ليحفظ رقمها ليقوم بكتابته علي هاتفه فتلك الفتاة غريبة الاطوار فهي حتي لم تشكره يجب ان يعلم من تكون ليجد رجاله يخبرونه بإتمام مهمتهم ليذهب الي الشركة ...
Back
ادهم بإبتسامة ماكرة: شكلك غريب والحارس شكله مألوف كأني شوفته قبل كده ...
بينما سيف كان يفكر في ماجد وما سيفعله فبعد فشل خطته من المؤكد انه سيريد رد الضربة التي قاموا بتوجيهها له ..
اما جاسر كان يمسك اللاب توب وهو يبحث عن كل شئ له علاقة بليان ملكة الاقتصاد كيف حتي لا يوجد اسم والدها او اسم عائلتها وما سر عداوتها الكبيرة مع ماجد وكيف تعلم انهم علي عداوة معه هل يعقل انها تعلم سر تلك العداوة ..ليغلق اللاب توب بغيظ وفشل عن معرفته ما يتعلق بها فهو قد وضعها في رأسه بعدما ربحت الصفقة مع الفرنسيين فهو قد ظن ان من فعل ذلك يكون ماجد او شخص تبعه ولكنه صدم عندما وجدها هي ..ليجد سيف يجلس بجانبه
سيف بهدوء: بتفكر في العرض..
جاسر بهدوء:مش عارف اثق فيها خايف من انها تكون تبع ماجد انت عارف ان لو وثقنا فيها وهي تبع ماجد هتقدمله رقبتنا علي طبق من ذهب خاصة زي ما انت شوفت انها مش سهله..
سيف بهدوء:انا علي حسب فهمي حاسس ان هي المنظر..لينظر له جاسر بإستغراب
سيف بهدوء: بمعني ان هي المتحدث الرسمي لكن في حد هو اللي بيقول ليها تعمل ايه هي ذكية بس في حد اذكي منها بيحركها خاصة ان مافيش حد يقدر يعمل امبراطورية زي اللي هي عملتها ديه في فترة قريبة ومافيش حد معاها ..
جاسر بتفكير:يمكن اللي وراها هو ماجد..
سيف بتفكير:يمكن اه ويمكن لا ...
ليسمعوا صوت الجد فها هي قد مرت الساعة
جلس مراد علي الكرسي ويقف امامه الاربعة
مراد بحدة دون ان يرفع صوته : ايه المهزله اللي حصلت في غيابي ديه..
جاسر بهدوء: ايه اللي حصل..
مراد بحدة وهو ينظر الي ياسين: كل واحد فيكم ماشي بدماغه اللي يهجم علي مخزن من غير ما يقول لأي حد ...ثم الي سيف : واللي يخطط لصفقات جديدة ويفاجئ بيها التانيين بعيدا عن الخطر اللي بيحطنا فيه ...ثم الي ادهم: واللي بيدي اجازات واوامر من غير ما ياخد رأي حد لا وكمان بيضحك وبيتعامل ببرود وبيحط الكل في خطر وبيلعب وعايز يشوف حظه ايه في اللعبه ....
ياسين بهدوء:بس..
مراد بحدة: انا بتعامل معاكم علي انكم كبار وسايبكم براحتي لكن بتتمادوا في الغلط..
ياسين بهدوء: بس مافيش حد اتصاب ..
مراد بغضب:كان ممكن تتصابوا والاكبر انكم تموتوا مش كفايه مشيكم من غير حرس ..لينظر الي ادهم ويكمل : خاصة انت اللي بتتحرك بالموتوسكل وسايب نفسك في الهواء الطلق لأي رصاصه تصيبك..
سيف بهدوء: احنا واخدين بالنا من تحركات ماجد ومش هيقدر يعملنا حاجه..
مراد : مش ماجد بس هو عدونا احنا كبار في السوق وشركتنا كبيرة وربحانين صفقات كتيره واي غلطه ممكن توقعنا ..
وقبل ان يتكلم ادهم سبقه جاسر
جاسر بهدوء:طيب اهدأ حضرتك وخلاص طالما مافيش حد فينا اتصاب ومش هتتكرر..
مراد بهدوء: انا هعديهالكم المرادي بس وانت يا جاسر ركز في شغلك ومتتهورش ومتخليش حاجه تشتت انتباهك ..ثم بمكر:انا مافيش حاجه بتفوت عليا..ليذهب الي طاولة الطعام بينما نظر الجميع الي بعضهم
جاسر بسخرية:افتكرت انا الوحيد اللي هعدي اديني خدت كلمتين حلوين انا كمان..
ادهم بهدوء:طالما مافيش اي عقاب يبقي خلاص ..
سيف بضيق:دايما عارف كل حاجه..
ياسين بسخرية:ده مراد السيوفي لو معرفش مين هيعرف ...ثم بجدية:يالا نروح عشان منتأخرش ..ليجلسوا جميعا علي طاولة الطعام.
مراد بجدية قبل ان يبدأوا في تناول الطعام : عرفت انك يا سيف انت وياسين سيبتوا الفيلا الاسبوعين اللي فاتوا وكنتوا قاعدين في فيلتكم ..
فأومأوا له
مراد بهدوء وحزم: متتكررش الكل يقعد هنا مع بعض ..ليومئوا له دون نقاش ويبدأوا في تناول الطعام .
بينما علي الجهة الاخري في فيلا ليان ملكة الاقتصاد .
كانت ليان جالسه وهي تشاهد التلفاز لتنظر بجانبها فتجد ميرال صامته لا تفعل شئ ويتضح عليها التفكير
ليان بهدوء:مالك..
ميرال بتفكير:في حاجه هتحصل مش عارفه ايه هي بس عندي شعور ...
ليان بإبتسامة: ميرال انتي صديقتي وزي اختي وانا فاهماكي كويس وفي حاجه حصلت انتي مخبياها..
لتتنهد ميرال
ميرال بإبتسامه: قومي انتي بس نادي اختك اللي حياتها كلها نوم ديه...
ليان بضحك:دارين ديه تعباني اوي بس معذورة عينيها بتوجعها..
ميرال بمرح: يا بنتي خلصي صحيها يالا عشان ناكل انا جايه جعانه..ليسمعوا صوت دارين
دارين بمرح:مش كلتي في الطيارة عايزه ايه تاني..
ميرال بضيق لليان: هضربها..
ليان بإبتسامه: براحتك خالص ..لتحتضن دارين ميرال
دارين بإبتسامه: وحشتيني رغم انهم يومين بس ..
ميرال بغيظ:متكملي الجمله كويس لازم تقفليها كده رغم انك توأم ليان الا ان شخصيتكم عكس بعض..
دارين بإبتسامه: ايوه انا لذيذه وهي رخمه ..
ليان بنداء بعدما ذهبت الي الطاولة:الاكل هيبرد..
دارين بصوت مرتفع:حاضر جايين..ثم بهدوء : عملتي ايه في السفر..
ميرال بهدوء: اطمنت علي شغلنا هناك وتابعت موضوع ماجد ..
دارين بهدوء:مشوفتيش انتي اللي حصل مع ليان وولاد السيوفي ..
ميرال بهدوء: ليان قالتلي وجاسر ده مش سهل هنشوف موضوعه بعدين ..
دارين بنظرة ثاقبة:انتي ناويه علي ايه..
ميرال بإبتسامة: مش ناويه علي حاجه يالا نروح ناكل عشان ليان هتتعصب وعصبيتها وحشه..لتضحك دارين ثم يذهبوا الي طاولة الطعام .
بينما عند ابطالنا
ذهب كل واحدا منهم الي غرفته وبعد مرور ساعتين رن هاتف جاسر ليستيقظ من نومه
جاسر بنعاس : اممم..
الحارس بهمس : جاسر باشا في اربع عربيات لونهم اسود جايين علي الفيلا وبنستعد للهجوم..ليغلق جاسر معه بسرعه لينهض من علي السرير ويرتدي ثيابه ويقوم بتجهيز سلاحه وقبل ان يخرج كان قد ارتفع صوت الرصاص ليستيقظ الجميع ويخرجون من غرفهم
جاسر بحدة:في هجوم علي الفيلا..
سيف بغضب:هو ماجد الكلب ..ليأخذ كل واحد سلاحه ويخرجون من الفيلا بإستثناء سيف الذي اختار احدي الغرف ليقوم بالتصويب من الاعلي اما مراد السيوفي كان في غرفته يحاول الاتصال علي رقم ما ..
ارتفع صوت الرصاص وبدأ حراس الفيلا في الانهيار بعد ارتفاع عدد الرجال الاخرين وكأنهم طلبوا الدعم
فكان جاسر يقوم بالتصويب بجداره وياسين يحاول سحب الحراس المصابين الي الخلف حتي لا يموتوا وادهم يمسك سلاحه ويصوب علي السيارات الاتيه ولم يأخذ باله من ذلك الذي يصوب مسدسه عليه ليطلق الرصاصه علي ادهم ليبتعد ادهم علي الفور ليقوم سيف بالاطلاق عليه من الاعلي ولكن ما عدد هؤلاء الرجال فهم لا يقلون رغم كثرة المصابين بهم حتي دخلت ثلاث سيارات دفع رباعي سوداء الي الفيلا من العدم ليخرج منها العديد من الرجال المسلحين ويقوموا بالتصويب في كل مكان فالان حديقة الفيلا اصبحت معركة والورقة الرابحة ليست مع ابطالنا
"فيا تري ماذا سيحدث ..
يتبع الفصل الثالث 3 اضغط هنا
الفهرس يحتوي علي جميع فصول الرواية "رواية لقاء مصلحة " اضغط علي اسم الرواية