رواية لن تغفر لك الجزء الثاني 2 الفصل السابع عشر بقلم الاء محمد
رواية لن تغفر لك الجزء الثاني 2 الفصل السابع عشر
"لا أريد أن يعود لي شيء قد انتهى ولن أعمل من أجل ذلك، أريد أن تهدأ روحي فقط. غير ذلك لا يعنيني."
دنيا .. مالك يا ياسر بتفكر في ايه
ياسر أخد نفس جامد من السجاره اللي في أيده و بقا الدخان يطلع من منخيره وبئه
ياسر .. هتصدقي لو قولتلك مش عارف
دنيا بستهزاء .. مالك يعني هتكون بتحب مثلا
ياسر وقف مره واحده كدا وراح رامي السيجاره ولصدفه لقاها واقفه تحت وعيونه جت عليها
ياسر في نفسه .. معقول اكون بحب 😳
ياسر بقا يهز رأسه وبقا يكلم نفسه .. لا طبعا انا مش ممكن احب دول اتخلقو عشان احنا نكسرهم وبس زي مهما بيكسرونا ومعملوش حساب لينا
دنيا كانت وقفه مسغربا اخوها اللي بقا في دنيا تانيه بيحارب فيها نفسه وإحساسه اللي بيحاول ينكرو راحت هزته جامد اوي
دنيا .. انت مالك فيك ايه النهارده مش علي بعضك
ياسر راح مطلع سجاره تانيه وبقا يشربها
ياسر .. عايزه ايه يا دنيا مني دلوقتي
دنيا .. هعوز ايه منك غير تنفذ اللي احنا جينا عشانه هنا بابي هيرجع مصر عشان الشركه مش هيقدر يبعد اكتر من كدا
ياسر .. ماشي ياستي هكلم جوز عمتها الصبح وهشوف بابا
دنيا .. بابي موافق انت ناسي أن هي بنت أخته يعني مش هيرفض ده هيفرح انها هتكون قريبه منه وهو هيكلم انكل ابراهيم
ياسر بقا يشرب السيجاره و هو بيفكر ياترا ايه اللي هيحصل هتكون لي ولا ادهم هيقف في طريقه
بقلمي الاء محمد
★★★★★★★★★★★★★★
في مكان تاني في مصر في شقه فخمه وفرش كلاسيك قاعده هي وهو بيفطرو راح هو بص عليها
هو .. بيبي كنت عايز فلوس
هي .. بس كدا انت تؤمر ياقلبي عايز كام
هو .. اللي تجبيه يا حبيبتي عايز اغير العربيه
هي .. عيوني ليك يا بيبي أحدث عربيه هتكون عندك والفلوس كمان هتكون في حسابك
هو .. تعرفي انا بحبك قد ايه
هي بعد ما سابت كوبايه العصير من ادها وبقت تبص في عيونه بحب
هي .. قد ايه يا قلبي
هو وعيونه كلها حب مزيف راح قرب منها اووي وساند أيده علي كتفها وقربها منه وبقا يشم ريحتها ويتكلم بخبث
هو .. بحبك اكتر من اي حاجه في الدنيا دي
هي وعيونها كلها حب لي بقت تبص عليه راح هو ضحك وماسك ادها وبقا يمشي وهو ماسك ادها
هو بضحكه خبث .. تعالي ياقلبي هقولك كلمه
راحت معا من بعد ما فهمت قصده وبقا صوت ضحكتهم مسمع في المكان
بقلمي الاء محمد
★★★★★★★★★★★★★★
جاسم حقق حلمه وفاتح الشركه اللي كان بيحلم بيها وطلب مساعدة سوزان اللي متاخرتش عنه ونزلت من امريكا مخصوص عشان تكون جنبه في وقت زي ده وراح هو المطار عشان يستقبلها وصل المطار وراح استقبال الزوار وفضل واقف لحد مالقاها جي عليه بشعرها الاصفر وعينيها الخضراء
ولابسه فستان جميل مغطي جسمها كله واحت عليه وهي فرحانه ان هو اللي طلبها من بعد ما هجرت عشان تكون بعيده عنه من بعد ما اتجوز روز راح هو عليها عشان يسلم عليها
جاسم .. نورتي مصر
سوزان .. دي منورا بي أهلها اخبارك ايه يا جاسم
جاسم .. انا بخير بجد انا مش عارف اقولك ايه
سوزان .. متقولش يا جاسم هزعل اووي منك وبعدين هو ينفع تطلبني وانا اتاخر ينفع
جاسم .. بجد شكرا ليكي اوووي يا سوزان وانا مش هنسا معروفك ده ابدا
جاسم اخد الشنطه بتاعة سوزان راح حطها في العربيه وراحو ركبو وبقا يسوق
جاسم .. انا حجزتلك في فندق عشان ترتاحي وبعدين نبقا نشوف الشغل
سوزان .. اوكي
بقلمي الاء محمد
★★★★★★★★★★★★★★★
صباح يوم جديد في بيت ابراهيم كانو كلهم قاعدين علي السفره بيفطرو وإبراهيم قاعد بيفكر في طريقه يخلي فرح تتنازل عن الورث لي ومخدش باله من ركان اللي كان متابع كل حركات ابراهيم اللي هو مبقاش مرتحلو ولا طايقه راح بص علي فرح اللي اول ما عينهم اتقبلة قلبها بقا يدق جاامد وضحكت ضحكه خطفت قلب ركان
ابراهيم .. عامله ايه يابنت الغالي
فرح استغربت عمها اللي اول مره يسئل عن حالها من ساعة ماجت هنا
فرح .. بخير الحمدلله يا عمي
ابراهيم .. يارب ديما مش نقصك حاجه يا غاليه
فرح بقت مصدومه من عمها اللي اتغير مره واحده معها عكس ركان اللي عارف هو بيفكر في ايه
فرح .. سلامتك يا عمي وبقت تبص علي ركان اللي كان مركز مع ابراهيم
ابراهيم .. بعد الفطار عايزك في المكتب لوحدينا
فرح .. حاضر يا عمي
بعد الفطار دخل ابراهيم المكتب وطلب القهوه اللي هديه جابتها ودخلت عشان تدهالو راح قام واقف من علي الكرسي وبقا واقف قصدها تحت استغرابها وبقا هياكلها بعنيه وهي كانت واقفه بصه في الأرض من الخوف
ابراهيم .. قوليلي عوض عامل معاكي ايه
هديه استغربت سؤال الحاج ابراهيم اللي اول مره يدخل في حياتهم
هديه بخوف وكسوف .. بخير يا كبير فضل ونعمه
ابراهيم .. يعني مش مقصر في حاجه معاكي
هديه .. لا يا كبير معيقصرش
ابراهيم .. طب روحي شوفي اللي بتعمليه
طلعت هديه من عند ابراهيم اللي كان مركز في تفاصيلها وبقا يفكر في حاجه وراح ضاحك بخبث
خبطت فرح وراحت دخلت علي عمها اللي استقبلها بابتسامه مزيفه وراح واقف جنبها
ابراهيم .. تعالي يا غاليه يابنت الغالي
فرح .. نعم يا عمي حضرتك عايز ايه
ابراهيم راح لف وقاعد علي الكرسي بتاعه وراح شارب القهوة وبقا يتكلم
ابراهيم .. مش انا ناوي ادخل المجلس
فرح .. مبروك يا عمي ربنا معاك
ابراهيم .. إن شاء الله بس طالبين اني الم اصوات الأهل والقرايب عشان اعرف ادخل المجلس
فرح .. وانا اقدر اساعدك ازاي
ابراهيم بخبث .. انا كل اللي في الدار مضي علي موفقه ان هو موافق عليا مفضلش غيرك انتي
وراح مطلع ورق من الدرج وفي قلب الورق كان في توكيل عام من فرح ل عمها أن هو حر ويقدر يتصرف في كل أملاكها بيع وشراء
ابراهيم .. اهو دا الورق اللي مطلوب انك انتي كمان تمضي عليه يا غاليه
فرح .. ممكن اشوف الورق الاول
ابراهيم بمسكنه .. بقا مش واثقه فيا يا بنت اخوي وانا اللي قولت انك هتفرحي أن عمك هيكون في المجلس
فرح .. ايدا يا عمي كل الحكايه أن انا متعودتش امضي علي حاجه معرفهاش ولو امضتي هتريح حضرتك انا همضي
ابراهيم .. امضي يا غاليه يابنت الغالي
ورق مسكت الورق اللي عباره عن اي ورق عشان متشكش فعمها وراحت مضت اول ورقه وخلاص جت عند التوكيل اللي هتمضي عليه وتبقا كل حاجه ملك ابراهيم اللي بقا مش مصدق أن هو قرب يوصل لهدفه راح الباب خبط
ابراهيم بعصبية .. ميييين الزفت اللي بيخبط
فرح استغربت عصبيت عمها اللي اتحول من هادي ل واحد عصبي اول مره تشوفه وقامت عشان تفتح الباب راح ابراهيم بسرعه مسكها من ايديها
ابراهيم .. امضي الاول وبعدين نشوف ميين علي الباب
فرح وهي بتشد ادها منه وهي بقت خايفه منه
فرح .. حاضر همضي بس نشوف مين
ابراهيم لسه هيتكلم راح الباب انفتح ودخل منه ركان اللي اول مشاف فرح اللي عمها مسكها كدا راح قرب بسرعه وقف قدام ابراهيم وراح بص لفرح اللي اطمنت بوجوده
ركان .. الحاجه تفيده عايزاكي يا دكتوره فرح
فرح مصدقت ركان جي راحت شادة ادها من عمها وراحت طالعه بسرعه قدام ابراهيم اللي كان متغاظ من ركان الي ضيع عليه فرصه مش عارف هتتكرر تاني ولا لا
ابراهيم .. خير يا دكتور عايز حاجه
ركان .. كان في موضوع عايزك في واح قاعد علي الكرسي وحط رجل علي رجل
بقلمي الاء محمد
★★★★★★★★★★★★★★★★
ادهم و جميله كانو واقفين تحت الشجره اللي كانت شاهده علي قصه حبهم وايام طفلتهم الجميله وجميله كانت مبسوطه بقرب ادهم اللي علطول حبه باين في عنيه ليها وهي كمان كانت واقفه مركزه في عيونه اللي بتخليها تروح لدونيا تانيه راح ادهم مقرب منها اووي وبقا يخبي الشمس اللي بتعاكس عينيها وهي بتبص عليه جميله راحت ابتسامة ل ادهم ابتسامه خطفت قلبه راح ادهم بقا يتكلم
ادهم .. تعرفي أن ضحكتك دي بتخلي قلبي يرفرف فوق في السماء
جميله بكسوف .. وانت تعرف أن كلامك ده بيلغبطني وبيخليني معرفش ابوص في عيونك
ادهم .. هو انا لو ختك في حضني يجرا حاجه دلوقتي
جميله بضحكه .. ابدا هناخد عيارين من الحاج ابراهيم
ضحك ادهم وكان بيضحك من قلبه علي كلام جميله وراح بقيو مشين جمب بعض وادهم كان قريب منها واديهم كانت بتلمس بعض وهما مشين راحو دخلو جوا لقيو العيله كلها ملمومه راحت جميله قاعده جمب فرح و تفيده وادهم راح قاعد جنب ابوه و بقا في وش ياسر اللي كانت نظرتو ل ادهم مطمنش راح ضحك ضحكه ل ادهم كلها استفزاز خلت ادهم بقا يتكا علي أيده راح ياسر قام مره وحدا وسط نظرات الكل وراح مقرب من جميله اللي قلبها بقا يدق جااامد و وشها قلب الوان وراح نازل علي ركبته وضحك ضحكه خلت جميله تخاف منه عشان هو مهما عمل هي مش هتنسا اللي حاول يعمله فيها وراح ماسك أيدها واتكلم وقال
ياسر .. جميله تتجوزيني
جميله .. 😳😳
يتبع الفصل الثامن عشر اضغط هنا
- تابع الفصل التالي عبر الرابط: "رواية لن تغفر لك" اضغط على اسم الرواية