رواية حب خارج سيطرتي الفصل الخامس والثلاثون بقلم فاطمة اشرف
رواية حب خارج سيطرتي الفصل الخامس والثلاثون
جاسر نزل جري علي المستشفي ولقي صباح جري عليها
جاسر كان واقف قدام اوضة العمليات :هي كويسة حصلها ايههه
صباح بدموع :ادعيلها يابني بيقول حالتها صعبة اووي
جاسر بقا واقف مش عارف يعمل ايهه وبعد مرور ساعتين سمع صوت طفل
الممرضة كانت شايلاههه وخرجت :مبرووك ولد زي القمر
جاسر اخده منها بدموع :وهي عاملة ايههه طمنيني عليها
الممرضة :الدكتورة هتخرج تطمنكك متقلقش
جاسر بقا شايل ابنههه ودموعه نازلة بصمت
صباح طبطبت عليه:يتربي في عزكم يابني هتسميه ايهه
جاسر :لما دينا تخرج بأذن الله هتسميه
صباح:كانت بتقول نفسها تسميه زين
جاسر بص لابنه بحب ودموعه نازلة :زين جاسر العامري
صباح :ربنا يقومها بالسلامة يارب
وبعديها خرجت الدكتورة
جاسر :طمنيني يا دكتورة هي عاملة ايهه
الدكتورة :مخبيش عليك حالتها صعبة
جاسر بصدمة :ازي مهي كانت كويسة مفيهاش حاجة
الدكتورة :مدام دينا جالها السكر من وهي في الشهر الثاني وقولتلها ان تكملة الحمل خطر عليها بس صممت تكمله ورفضت تجهضه
جاسر بصدمة من اللي سمعه :يعنيي ايهههه
الدكتور :احنا ولدنها طبيعي بصعوبة لان ضغط دمها والسكر مكنش مظبوط مكنش ينفع نولدها كيصري وده ضاعف التعب عندها
جاسر بعصبية:طب ازي محدش يقولي حاجة زي كدا ازي معرفش انها عندها السكر طول الوقت ده كان المفروض حضرتك تبلغيني بحاجة زي كدا
الدكتورة :مدام دينا كانت رافضة تماما انك تعرف
جاسر حاول يتمالك غضبه :طب هي هتبقي كويسة
الدكتورة:هنشوف لحد ما تعدي 24 ساعة دول ربنا يطمنا عليها
جاسر بقا واقف مش عارف يعمل حاجة ابنه ما بين ايده بيعيط وهو واقف عامل زي الوحيد وبقا خايف اكتررر لدينا تروح منههه بعت جاب رنا واخده ابنه منههه وودوه الحضانة عبا ما امه تفوق
وشوية وندهوا عليههه وقالوله دينا فاقت
جاسر بلهفة :انتي كويسة يا حبيبتي
دينا بتعب :ابني يا جاسر فين عاوزة اشوفهه وبنتي فين
جاسر جبلها رنا وقعدت تحضن فيها وجبولها ابنها وقعدت تتأمل وتحضن فيه
جاسر حضنها :كدا تخضيني عليكي
دينا :انا اسفة بس مقدرتش انزل حتة مني ومنكك
جاسر بإبتسامة : هتسميه زين زي ما قولتي
دينا ابتسمت بتعب وبصت لابنها : ايوة زين جاسر العامري شبهكك اووي يا جاسر
جاسر ملس علي شعرها :تعيشي ونربيه سوا
دينا بترجي وتعب : جاسر انا عاوزة اشوف ليان
جاسر خوفه زاد عليها : هخليك تشوفيها حاضر
جاسر اتصل علي وليد اتصل علي ادهم وجاب ليان ورحولها
ليان بإبتسامة :حمدلله علي سلامتك جايبة ولد زي القمر يتربي في عزكم يارب
دينا بتعب :الله يسلمككك مسمحاني يا ليان
ليان بإبتسامة ومسكت ايديها :طبعا مسمحاكي يا حبيبتي قومي انتي بس بالسلامة عيالك محتاجينككك
دينا ابتسمت بتعب :انا اسفة لاي حد انا زعلتهههه او عملت حاجة غصب عنييي او من غير قصد او بسبب انانيتي الزايدة
ادهم ابتسم :كلنا مسامحينككك ربنا يقومك بالسلامة يارب
ليان ابتسمت لها:هنسيبك ترتاحي وهبقي اجي اطمن عليكي بكرة تاني
دينا ابتسمت لها
وليان وادهم خرجوا
دينا اخدت نفس اكنها ارتاحت لما حست انه كله مسامحها وبصت لجاسر وابتسمت :خد بالك علي ولادي يا جاسر مالهمش حد غيركك
جاسر قرب عليها وعيونه بتنزل دموع ومسك ايدها :متقوليش كدا انتي هتبقي كويسة وهنربيهم مع بعض
دينا بدموع :مش باين يا جاسر حاسة اني هموت خلاص
جاسر حضنها وباس دماغها ودموعه بتنزل :لا مش هتموتي يا دينا انتي هتفضلي معايا وهنربي ولدنا مع بعض
جاسر حس ان جسم دينا ارتخي خالص بيبص لقاها مغمضة عنيها
جاسر بصدمة :لاااا دينا فوقيييي ديناااااا ردييي عليا والنبيييي متسبينيش ارجوكيييي وحضنها وهو منهاار ديناااااااااا لااااااااا
الدكتورة دخلت وبتحس نبضها بس للاسف روحها راحت ونبضها اختفي جاسر بقا واقف مش مصدق اللي بيحصل معقول دينا ماتت خلاص ده كانوا هيبدأوا حياة جديدة مع بعض
ليان كانت حاضنة رنا بنت دينا وبتعيط وادهم واقف بيواسي جاسر
الدكتورة بحزن : استاذ جاسر دي اخر فرصة ليك لو عاوز تشوفها علشان هنغسلها البقاء لله
جاسر دخل هو ورنا يبصوا عليها اخر نظرة
جاسر اخد رنا في حضنه وبيعيط وهو واقف قدام دينا
رنا طفلة مش فاهمة حاجة :هي ماما نايمة ليه يابابا
جاسر دموعه نزلت اكتر : معلش يا حبيبتي هي تعبانة شوية
رنا : طب انت بتعيط ليهه
جاسر مسح دموعه: لا مبعيطش يا حبيبتي يلا بوسي ماما
رنا وطت باست مامتها :هي ماما هتصحي امتي دي وحشتني اووي
جاسر بقا يعيط اكتر من كلام رنا :شوية وهتصحي حبيبتي يلا نسيبها بقا
وجاسر حضن دينا الحضن الاخير وخرج
ليان كانت في حضن ادهم بتعيط علي قد ما دينا اذيتها علي قد ما هي صعبان عليها انها ماتت وسابت طفلين هيتربوا منغير ام وانها كانت اتغيرت فعلا وكان نفسها تبدأ حياة جديدة مع جاسر واولادها بس القدر كان ليه رأي اخر
ادهم :خلاص بقا ياليان اهدي هي بقت في مكان احسن بكتير ربنا يرحمها
ليان مسحت دموعها :ونعمة بالله بس ابنها الصغير ده مين هيربيه ده لسة بيبي خالص
ادهم: ربنا يتولاهم يارب
ادهم وليان فضلوا مع جاسر لحد ما خلصت مراسم الدفن وجاسر كانت حالته صعبة جدا دموعه منشفتش ابدا كان بيحب دينا جدا وكان نفسه يبدؤا حياة جديدة مع بعض
ادهم طبطب علي كتف جاسر :البقاء لله يا استاذ جاسر هي في مكان احسن
جاسر:ونعمة بالله
ادهم اخد ليان ومشيوا
جاسر قعد قدام قبر دينا ودموعه نازلة زي الشلال:ليهه تسيبيني وتمشي سيبتيني في موقف صعب جدا ليه يا دينا كدا ليه تضحي بحياتككك ليههه تكملي الحمل وانتي عارفة انك بتضحي بحياتككك كدا ليههههه يادينا تسيبيني كدا طب ولادكككك هيعيشوا منغيرك ازي بس ربنا يرحمك ياحبيبتي ربنا يرحمككك عمري ما هنساكي ابدا يا اول حب واخر حب في حياتي ومسح دموعه بضعف وقرألها الفاتحة ومشي
وبكدا انتهت قصة دينا
فماذا سيحدث ياتري؟!
" رايحين علي فيين وياتري هنقابل ميييين نرتاح وياهههه بعد فراق الغاليين🖤"
ليان عدا عليها اسبوع وهي متأثر بموت دينا
ادهم:خلاص يا ليان فكي بقا
ليان بحزن : بيبقي صعب اووي لما شخص يكون اتغير ونفسه يبدأ صفحة جديدة وفجاة ويموت كان نفسي دينا تفضل عيشة وتربي اولادها هي وجاسر مع بعض
ادهم :بس ده قدر ربنا وربنا اكيد مبيعملش حاجة وحشة ابدا ربنا اكيد معاهم وهيصبرهم
ليان :اللهم امين متعرفش هما فين
ادهم :وليد بيقول ان جاسر اخد ولاده وسافر عند اخته في لندن علشان مش هيقدر يربي الولاد لوحده
ليان :ربنا معاهم يارب
ادهم قرب من ليان : يارب احمممم
ليان ابتسمت :احمممم ايهههه عاوز ايههه
ادهم :ههههه عاوز كل خير احنا فرحنا بعد 3 اسابيع علي فكرة
ليان:هههه والمطلوب
ادهم بغمزة :هاتيي اي حاجة تحت الحساب كدا
ليان :ادهم بطل قلة ادب وبعدين حماك وحماتك برة هيطبوا علينا
ادهم :يابنتي هو انا خطيبك والله جوزككك جوزكككك
ليان بتحذير: اتلم يا ادهم مش هتقربلي غير بعد الفرح
ادهم:بقا كدا
ليان :ههه ايون ويلا منغير مطرود
ادهم بخبث: ماشي همشي وقام يقف
ادهم بتمثيل وهو واقف :اهههه دماغي
ليان بخضة وقفت قدامه:مالك فيه حاجة تعباككك
ادهم بتمثيل:دماغي يا ليان حسيت نفسي دوخت فجاة
ليان بقلق مسكت ايده وسندته:طب تعالي ياحبيبي اقعد
ومرة واحدة ادهم مسكها من وسطها ولازقها في الحيطة :هههههه كل مرة بعرف انكك قد ايههه هبلة يا ليان وبيضحكك عليكيي
ليان بغضب: بتضحكك عليااا يا ادهم بتخضيني عليككك طب ابعد بقا
ادهم:هههه لا والله بقا انا ممثل كل ده علشان تقوليلي ابعد
ليان بتبعده عنها بخجل:ياادهم ابعد بقا
ادهم بيبص في عنيها:ولو مبعدتش هتعملي ايهه
ليان:ههههه مش هعمل حاجة يعني هو انا من يوم ما عرفتك بعمل حاجة ما انت اللي بتعمل يا اخويا كلمة توديني وكلمة تجبني
ادهم بإبتسامة وسيمة وغمزة:طب بزمتك مش انا دايما بجيبككك
ليان بتسبله :ههههه والنبي ما جبنيش ورا غير ضحكتكك دي
ادهم قربها عليه اكتر وباسها بحب وليان رغم انها كانت رافضة تجاوبت معاههه وقربته ليها اكتر
ابو ليان :ليااااان
ليان بعدت عن ادهم بخجل وكان باباها بينادي عليها من برة
ليان بضحك علي شكل ادهم :ايوة يا بابا جاية
ادهم بغيظ:ابوكي ده فصيل بشكل
ليان :ههههه احسن علشان تبطل قلة ادب
ادهم :بقا كدا ماشي مسيرك تيجي تحت ايدي ونبقي نشوف مين هينقذك مني
ليان :ههههه طب يلا نخرج علشان ميفهموش حاجة غلط
خرجوا برة
ابو ليان بغضب :بتعملوا ايه كل ده هو انا مش بنادي عليكم وقافلين باب الاوضة ليه
ادهم بغيظ :عادي يا عمي واحد ومراته قاعدين مع بعض انا مش خطيبها انا جوزها والله
ابو ليان بغيظ :لما تبقوا في بيتكم ابقوا اعملوا اللي انتم عاوزين لاكن طول ماهي في بيت ابوها اكنكك خاطبها
ادهم كان هيرد بغضب ليان قطعته
ليان :خلاص يا بابا محصلش حاجة هو ادهم اصلا ماشي
ابو ليان بغيظ:طب مع السلامة يا اخويا
ليان زقت ادهم لحد باب الشقة
ادهم بغيظ :عجبككك اللي ابوكي بيعملوا يعني
ليان: هههه بيغير عليا ياعم مشي الدنيا بدل ما يأجلنا الفرح
ادهم غمزلها :علشان خاطرك انتي بس يلا انا ماشي هتعوزي حاجة
ليان بإبتسامة :لا
ادهم: بحبككك
ليان بإبتسامة خجل:وانا كمان يلا امشي
ادهم ضحك ومشي
يتبع الفصل السادس والثلاثون اضغط هنا
الفهرس يحتوي على جميع فصول الرواية "رواية حب خارج سيطرتي "اضغط على اسم الرواية