رواية نبض الفصل الثالث والأخير بقلم ريم محمد
رواية نبض الفصل الثالث والأخير
أمير:يعني إيه هتعمل كدا؟
_حنين:إيه الى يعني إيه دَ حقها وطبيعي يعني
_أمير:بس هى لسه صغيرة على كدا وكمان لسه بتدرس؟
_حنين:وهي حرة يا أمير
_أمير:لأ مش حرة ،أزاى بالسهولة دى توافق؟!
_حنين:علفكرة هتتأخر وعليك محاضرة
_أمير:مش مهم ،المهم هى مش هتجي؟، و وافقت بالسهولة دى؟
_حنين:إيه الى مزعلك،أفهم؟
_أمير:عادى،كل الى فيها طالبة مجتهدة وهضيع نفسها مش أكتر ويلا عشان منتأخرش
_حنين:يلا
"عند آيسل"
لميت كل حاجاتي وقررت أروح إسكندرية لعمتو ،طلبت تاكسي وخدت الشنط ونزلت
لاقيت التاكسي مشي!
أستغربت، لاقيت حنين جريت علىّ وحضنتني وبتعيط وأنا بعيط معاها ولاقيت أمير واقف جمب العربية ومركز معايا أوى وعُيونه بتقول كلام كتير بس لسانه مبيتحركش!
_حنين:يلا،هنودعك وداع أخير
أمير هيوصلك
_آيسل:طب والمحاضرة!!
_أمير:مش مهم المحاضرة،المهم توصلي،يلا
*مشينا وفضلنا مدة طويلة لحد ما ،أمير أتكلم
_أمير:مُبارك،لكِ مقدمًا
_آيسل:الله يبارك فيك
*حسيته عادى ولا كأني فارقة معاه وحاولت أمسك نفسي مش قادرة أستحمل ،عادى كدا محسش بأى حاجة!*
"فى إسكندرية"
العمة:آيسل الحمدلله على السلامة يا حبيبتي
أتفضلوا ،أدخلوا
_أمير:لأ، هنمشى أحنا، يلا يا حنين
_حنين:مع السلامة يا آيسل
_آيسل:مع السلامة
العمة:هيجب أنهاردا يا حبيبتي
_آيسل:******
_العمة:إيه؟
"فى القاهرة"
*الدكتور أمير غايب أنهاردا*
*كنت مفتقدة آيسل جدًا وخلصت محاضرات وروحت لاقيت أمير فى أوضته وبيكسر كل حاجة ومضايق أوى وإيده أتعورت
_حنين بخوف:بتعمل إيه أنتَ أتجننت
_أمير:سبيني لوحدي يا حنين
_حنين:أزاى أنت متعور ومكسر كل حاجة فى إيه
_أمير:قولتلك مفيش حاجة وسيبني لوحدي
_حنين:مش هضغط عليك، هتيجي لوحدك وتقول
"فى إسكندرية"
العمة:أزاى رافضة العريس ،أمال مسافرة مخصوص عشان تقولي رفضاه!
_آيسل:لأ، عشان نفسيتي ترتاح وأنا أرتاح يا عمتو،محدش فاهمني ليه؟
_العمة:قوليلي يا بنتي فيكِ إيه؟
*قررت أحكي لعمتو كل حاجة وليه من الأساس جية هنا وأرتحت شوية بس حنين وحشتني أوى وللأسف هو كمان
"فى القاهرة"
_أمير:يلا يا حنين عشان نعدِّي على صحبتك ونروح الكلية
_حنين بإستعراب: نسيت إن آيسل فى إسكندرية؟
_أمير:صح، نسيت
*روحت الكلية أنا وأمير وعدَّى على بيت آيسل وفضل واقف شوية وبعدها مشي وأنا سايبله حرية الإختيار يقولي ولا لأ*
"فى الكلية"
فضلت باصص لِ المكان الى بتقعد فيه ومقدرتش أكمل المحاضرة وطلعت
"بعد مرور عدة أيام"
*قررت أروح إسكندرية معرفش ليه بس حاسس إني مش قادر من غيرها ومبقتش قادر أستحمل*
_حنين:آيسل وحشتني أوى،عايزة أروح أشوفها
_أمير بحماس:تمام،هنروحلها سوا
"فى إسكندرية"
كنت فى أوضتي وسمعت الفون بيرن ،مسكته ورديت
آيسل:ألو، حنين،أزيك ،وحشاني أوى
_حنين: الحمد لله كويسة ،أخبارك إيه
_آيسل: الحمد لله، بس مفتقداكِ أوى.
_حنين:وأنا أكتر،سلام دلوقتى
_آيسل:سلام
*قفلت مع حنين وسمعت الجرس عمتو طلعت وفتحت سمعت صوت حنين وصوته حسيت بقلبي هيطلع من مكانه مش مصدقة أنه جه فضلت متنحة مدة علي ما أستوعبت أنه موجود وحنين دخلت وحضنتني
_حنين:مفجأة مش كدا
_آيسل:هو بيعمل إيه؟
_حنين:جي عشانك،بس لازم نأدبه الأول
_آيسل:عشاني أنا؟
_حنين:أمال عشاني؟
_آيسل بفرحة:بجد، أنا فرحانة أوى أوى، بس حرام أمرمطه
_حنين:حرام إيه،لازم يحس بيكِ وأنك غالية أصبري هنوريه
_آيسل:المهم أنه جه عشاني
_أمير:أنا جبت حنين وهروح أقعد فى فندق ،خدي بالك منها
_العمة:من مين بالضبط؟
_أمير:قصدي الاتنين، سلام عليكم
_العمة: وعليكم السلام
"الصبح"
قررت أروح أشتري كُتب وفتحت الباب لاقيت ورد ومكتوب على الأرض بالورد "بحبك"
طبعًا أتجاهلت دَ وروحت أنا وحنين وأنا فرحانة أوى
_حنين:لسة دى البداية، أصبري
_آيسل:طالما كدا معنديش مانع
*روحنا المكتبة لاقيت كل الكُتب الى كنت عايزة أشتريها مدفوع حقها ووصلت البيت*
آيسل:خايفة أروح أشتري أيس كريم الاقي مدفوع حقها؟
_حنين:بتقولي فيها، بياع الأيس كريم جى ناحيتنا
*جه وعطنا أتنين أيس كريم من الحجم الكبير*
_آيسل:أنتِ قايله له على خططنا؟
_حنين:أمال هينجم
_آيسل:بالله ما مصدقة إن دَ أخوكِ!
_حنين:ولا أنا
*روحنا مطعم نفطر وكان محجوز كامل وكلنا وخلصنا وأخر محطتنا كانت الكافيه عشان نشرب قهوة*
*أول ما دخلت لاقيت الحتة ضلمة وحنين مدخلتش معايا وفجأة النور جه وأمير واقف قدامي بإبتسامته القمر دى أنا كنت حاسة أني فى حلم
_أمير:والله حقيقة أقعدي عشان نشرب القهوة،تعبتني معاكِ أوى
_آيسل:أنا؟
_أمير:أيوا،تعبت بسببك
*شربنا القهوة ولسه مش مستوعبة إن دَ أمير وقف وقالي
_أمير:تقبلي تكوني مراتي وأم عيالي يا حوريتي
_آيسل:الى عايز يتقدم، يدخل البيت من بابه
_أمير:وحبيت أشوف هتوافقي علىّ ولا لأ، قبل ما أتقدم
_آيسل:إجابتي واضحة
*سيبته ولسه همشي لاقيته ماسك جيتار وقاعد بيعزف عليه
_آيسل:بتعرف ،تعزف؟
_أمير:عشان عُيون آيسل بعزف وعشانها عملت كتير ولسه هعمل لما أكسب دَ، وشاور على قلبي
*خلص عزف وأنا بحاول أستوعب لسه هيكسب لو يعرف أنه كسبان من زمان وصلنا أنا وحنين البيت ورجع الفندق*
"بالليل"
لبست طقم أشتراه ليا وجي يتقدم ،لبست وأستعديت وكلهم كانوا مستنيني أول ما نزلت لاقيت أمير قاعد طبعًا حاولت أتجاهله وريحة البرفيوم وصلتني ،هى هى مش بيغيرها خاصة بيه بس
_أمير:أحم أحم، أنا زى ما حضرتك عارفة قاعد لوحدي وكمان شاري بنتك وبحبها وعايزها على سنة الله ورسوله
_العمة: معندناش بنات لِ الجواز يا بني
_أمير:إيه؟
_العمة:زى ما سمعت، ممكن تتفضل
*قعدت فترة فى صدمة الى هو أزاى عمتو ترفضه بالسهولة دى؟
بعد كل دَ ترفضه؟
_آيسل:عمتو،عملتي كدا ليه؟
_العمة:دَ الطبيعي لو بيحبك فعلاً هيحاول مليون مرة عشان يوصلك ،عايزة أطمن عليكِ وأشوف هو قد الأمانة ولا لأ
_آيسل بإنفعال:طب وحضرتك الى كان هيتقدملي دَ تعب فى إيه؟
_العمة:دَ غير، مجرد صالونات ،تعب أنه دور على وحدة تناسبه ،غير الى بيحب لازم يتعب عشان يعرف قيمة الى بيحبها+لما رفضتيه مش أجبرتك على حاجة وخليتك براحتك
_حنين:كدا، تمام أوى أخويا وعرفاه هيحاول كتير
_آيسل بإستغراب:إيه دَ أنتوا متفقين ،سوا؟
_العمة:يا هبلة،أنتِ تستحقي يتعب عشانك،أصبري هيعمل المستحيل عشانك
*حاولت أقتنع بكلام عمتو ومعانا حق عذبني كتير خليني أعذبه شوية وكدا هتأكد أذا فعلاً بيحبني بجد ولا لأ؟*
"الصبح"
مسكت الفون ولاقيت رسالة منه بتقول تعالوا على الكورنيش
روحت لعمتو وحنين وعرفتهم قالوا ماشي فطرنا وروحنا
لاقيت أمير واقف وماسك المايك
_أمير: دلوقتي "أنا من القاهرة وعطلت نفسي وجيت إسكندرية عشان الحُبّْ ،الى كنت بتهرب منه وبعاند وجرحت الإنسانة الى بحبها وجرحتها أوى ومع كل جرح ،جرحته ليها كنت بتعذب من جوا وكنت بفكر كتير هل هى بتحبني ولا لأ ،وأى حد كان بيفكر فيها كنت بتجنن وعشان مكنتش عارف هى بتحبني ولا لأ ،دَ كان بيعذبني مجرد ما أفكر أنها ممكن تكون لحد تانى أو بتحب حد تانى ،لحد مقدرتش وقررت أسافر وأتقدم لها وأعترف لها بحبي
"تقبلي تتجوزيني يا ملاكِ"
*الناس كلها صقفت وكانت فرحانة وأنا كمان فرحانة أوى بس عمتو قالت*
_العمة:جوابها تعرفه فى بيتها
*وخدتنا ومشيت وأنا مبتسمة وكمان أمير كنت بحسبه زعل لاقيته فرحان ومتحمس أوى
_أمير:مازالتي بتتعبيني بس هوصلك يا حوريتي
"بالليل"
لبست وأتشيكت والمرة دى قررنا أننا نوافق وكانت أمير مل الشارع كله يفطات كلها مكتوب عليها حاجات رومانسية وأسمي وأسم أمير*
_أمير:المرة دى موافقة
_العمة:أنا عن نفسي موافقة بس نسمع رأى العروسة الأول
_آيسل بخجل:موافقة
*ولبسني الخاتم السوليتير
وأتدبست رسمي*
_أمير:أخيرًا ،وصلت لكِ
_آيسل:أنت طردتني ليه؟ من محاضرتك؟
_أمير:هقولك،عشان كان فى واحد مركز معاكِ أوى طول المحاضرة وأنتِ مبتسمة وأنا فكرت فرحانة عشان هو مركز معاكِ ،وأنا كنت صابر عليه عشان المحاضرة عشان كدا أتنرفزت أوي وعملت كدا ،وكنت عارف أنك رفضتي الى أتقدملك دَ منا سألت على الموضوع وعرفت كل حاجة، بس أنتِ يا آيسل تعبتني أوى أوى كنت بعاند على حساب قلبي ،مكنتش مصدق فكرة أني حبيت، وكنت رافض بس غصب عني كان بيظهر علىّ،عمري ما كرهتك بالعكس بعشقك وأتصرفت كدا عشان غيران
_آيسل:يعني أبتسم لِ الحياة
_أمير بإبتسامة:ليا بس
"صُنت عقلي وتركت فؤادي فا جُرِحَ الفؤادٌ وفى بُعدكِ تعذب وأبى ترك هواكِ فلبيت النداء وأتيت مُتيمًا بكِ"
تمت الرواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية نبض" اضغط على اسم الرواية