رواية امرأة صنعتها الحياة بقلم موني وسكر
رواية امرأة صنعتها الحياة الفصل الثالث 3
عدت الايام وليلي منهمكه في شغلها كالعاده وبتساعد اختها لتجهيزات الخطوبه
وقبل الخطوبه بيومين يتصل ادم علي سيلين بليل
ادم: الو
سيلين : الو
ادم: يا احلي الو ف حياتي
وحشتيني
سيلين : النمره غلط
ادم: نمره ايه ال غلط يا مجنونه
سيلين : انا ماسميش احلي الو
ادم: خلاص يا احلي سيلا في حياتي
سيلين : كده ماشي
نعن
ادم : انا عايز اقولك علي حاجه
سيلين : اتفضل
ادم : الفستان ميبقاش قصير او ديق ممكن
سيلين : لا مش ممكن
ديه ليلي مصممه فستان قصير تحفه وانا عيزه البسه في الخطوبه
ادم بعصبيه خفيفه: دا ف المشمش
سيلين انا قلت مفيش فساتين قصيره قال قصير قال عايزه جسمك يبقي لل رايح وال جاي يبص عليه
سيلين انبسطت من غيرته وحبت تستفزه
سيلين : الله بقي يا ادم ده تحفه
وبعدين هو انا كل ما اجي اتكلم معاك تتعصب عليا
ادم حاول يهدي: يا حبيبتي يعني يرضيكي ال رايح وال جاي يبص عليكي
سيلين : لا ميرضينيش
لكن برضوا مش تتعصب عليا
ادم: طيب خلاص انا اسف متزعليش
سيلين : خلاص
يلا انا هقفل بقي
تصبح علي خير
ادم:بحبك طيب خلاص بقا مش هنام وحبيبتي زعلانه مني
فرفشي بقي احسن اجيلك
سيلين : عشان ليلي تمسكنا تظبطنا احنا الاتنين
ادم: واقولها انا هصلح غلطتي واتجوزها حلا واتجوزك واخدك منها بقا مش مهم خطوبه
سيلين : بقي كده
وتفتكر ليلي هتسكتلك
ادم: انتي محسساني ان ليلي وحش يا بنتي مع انها ارق من كدا بكتير
والله انتي الي مربيلها سمعه
سيلين : انا ده انا غلبانه يا ظلمني
بعدين جرب كده تزعلني وشوف هتعمل فيك ايه فكر بس انك تزعلني كده
وفجأه دخلت ليلي وخطفت الموبيل من سيلين
ليلي: مش عيب يا استاذ تكلم بنات الناس ف نص الليل كدا
ادم بصدمه : انسه ليلي !
سيلين دلوقتي خطبتي واظن ان ده عادي
ليلي : لسه مفيش حاجه راسمي
ادم : اسف يا انسه ليلي اوعدك مش هتتكرر لحد ما ننخطب راسمي
ليلي:تمام
لكن انا مش قلتلك يا ادم ال هيزعل سيلين هيزعل مني جامد
ادم : ليلي هانم
طيب يرضي حضرتك تلبس قصير وكل الي رايح والي جي يتفرج عليها
ليلي: مش هتلبس قصير وبعدين يعني هي لسه مش ف حكمك يا ادم بس انا هحترم رايك وهصمملها فستان طويل بس متاخدش علي كدا ابقي اتحكم براحتك بعد الجواز
ادم : صدقيني ما هواش تحكم ده بس حفاظا علي ارواح البنيأدمين
لان لو شوفت واحد بس بصلها بصه معجبتنيش لهكون جايب اجله
ليلي ابتسمت : لا وعلي ايه متقلقش الفستان هيبقي حلو وبعدين كفايه كلام بقا اقفل يلا لما تنخطبو اتكلم براحتك
ادم : طيب معلش سيلين دقيقه وهقفل علي طول
ليلي: طيب
وادت الموبايل لسيلين
ليلي : دقيقه وتقفلي
سيلين : حاضر
طلعت ليلي من الاوضه
سيلين : ههههههه اتقفشنا يا كبير
دم:هههههههه عجبك كدا يا ستي الي اختك بتعمله
خلاص مش هطول عليكي تصبحي علي خير
بحبك
سيلين : وانت من اهله
وعدت الايام وجه يوم الخطوبه و كانت ف فيله ليلي
ليلي كانت بتجهز للحفله وبتتأكد ان كل حاجه مظبوطه وسيلين راحت تجهز عند الكوافير
وجه الليل والمعازيم بدأوا يجوا والانوار والاغاني مليه البيت كله ومعازيم مستنين العروسه
ونزلت ليلي وسيلين ف نفس الوقت وكانو زي القمروكل الناس مشالوش عينهم من عليهم
ووقف ادم يستقبل سيلين
ادم: ايه القمر دا
سيلين بكسوف : ميرسي
ادم: ليلي هانم احب اعرفك ب اياد اخويا الكبير لسه راجع من امريكا
اياد الانسه ليلي اخت سيلين
ليلي ب ابتسامه: اهلا وسهلا
اياد : اهلا بيكي
ليلي : يلا عشان تلبسوا الدبل
دخلت نيره هانم ومعاها الدبل ولبسوها وسط فرحه تملئ المكان وجه وقت الرقصه السلو
ادم مال علي كتف اياد : اياد روح ارقص مع ليلي
اياد : لا يا ادم
ادم : بلاش غلاسه احسن اغلس واطلبها منك قدام الكل
اياد : حاضر
اعوذ بالله منك يا شيخ
فضيحي
ادم : شكرا
وخد سيلين وقاموا يرقصوا واياد راح لليلي
اياد : مساء الخير انسه ليلي
ليلي : مساء النور يا بشمهندس
اياد : تسمحيلي بالرقصه ديه
ليلي : معلش انا مش هقدر
اياد : ادم وسيلين هيطلبوها قدام الكل خليها من عندنا احسن
ليلي : ههههه طيب ماشي
وراحوا رقصوا مع سيلين وادم
ليلي كانت متوتره بسبب نظرات اياد الجريئه
اياد : فرصه سعيده انسه ليلي اني اتعرفت عليكي
ليلي ب ابتسامه: انا اسعد يا اياد بيه
اياد : يا تري بقي بتشتغلي ايه يا انسه ليلي
ليلي: fashion design وعندي اتيليه
وحضرتك بتشتغل ايه
اياد : مهندس بدير شركه والدي في امريكا
ليلي : انت هناك من زمان
اياد : من ١٠ سنين تقريبا
ليلي : يااااه
خلصت الاغنيه والكل صقف
جت الخدامه وقالت ليلي حاجه
ليلي : بعد اذنك يا بشمهندس
اياد : اتفضلي
مشيت ليلي ولسه اياد بيلف عشان يمشي خبط في حد وقع عليه العصير
البنت : اسفه اسفه
اياد : حصل خير
بعد اذنك
ومشي راح لسيلين وادم
اياد : ادم
ادم بصله ومات من الضحك
ادم :
ايه دهاياد : مش نقصاك
فين الحمام يا سيلين
سيلين مسكه نفسها من الضحك بالعفيه : كده يا بشمهندس
راح ادم الحمام ونضف هدومه ووهو في طريقه للحفله تاني سمع صوت ليلي خارج من المكتب وصدم من الي سمعه
يتبع الفصل الرابع 4اضغط هنا