رواية رغم فرق السن البارت الثالث 3 بقلم حنين عادل
رواية رغم فرق السن الفصل الثالث 3
جميله قاعده بتفكر يا تري يا أشرف هتيجي ولا ايه
عند أشرف في البيت قاعد مستني عاصم بيه أبوه وقلقان من رده فعله خلاص عاصم اجي
اشرف: عاصم بيه ممكن اكلمك
اشرف عمرة ما قال لأبوه يا بابا
عاصم: انا تعبان النهارده يا أشرف
اشرف: خمس دقائق بس معلش
عاصم: ماشي يلا عشان عايز انام
أشرف : انا بحب واحده وعايزه اتجوزها ونروح نطلب أيدها بكرة ضروري
عاصم: بسرعه كده
اشرف: أيوة
عاصم: طب مش تقولي مين وعيلتها مين مستواها اي عشان اعرف هتقدر تشيل اسم عيلتنا ولا لأ
اشرف: مش مهم عندي عيلتها المهم اني بحبها
عاصم: ايوه تبقي فقيره كحيانه ويا تري أبوها شغال ايه عربجي ولا سواق ولا نجار ولا ايه اهو ده النسب اللي يشرف
اشرف: يعني أي مش هتيجي معايا
عاصم: انسي الهبل ده كله وشوفلك بنت ناس تشرفك
اشرف بغضب : بس دي حامل مني
عاصم: كمان رايح تتجوز واحده غلطت معاها يا مغفل وانت متأكد أن دي ابنك ما اللي يخليها تعمل معاك كده تعمل مع غيرك
اشرف بغضب: عاصم بيه شوف نفسك بتقول ايه دي مراتي بس عرفي وانا عايز اشهر الجواز عشان العقد اتقطع
عاصم ببرود: كمان مراتك لأ خلاص طالما العقد اتقطع ما عدش فيه جواز اهدي بقي وشوفلك واحده شريفه صانت نفسها ليك وحافظت عليها
اشرف بزهق: مش هتيجي معايا انا هاروح ومن امتي كان ليك في حياتي دور يا عاصم بيه كنت عمرك جنبي وفي ظهري عشان تيجي النهارده.......؟
عند جميله
جمال قاعد بيستناه وبيقول :يارب يكون ظني غلط و يجي عشان الموضوع يتلم بقا
ناهد: أن شاء الله هيجي ونخلص من الكابوس ده بقي
جمال : يارب
جميله مقفول عليها في اوضتها محرومه من التلفزيون والتليفون ومن كلمه كويسه من ملذات الحياه
جميله: يلا يا أشرف اثبت لهم اني حبيت الشخص الصح اني اخترت صح خلي ابننا رمز حبنا يتربي ما بينا ويعيش....
اتفق أشرف مع أمه أنهم يروحوا لجميله وعاصم طبعا مش موافق وركبوا العربيه وخدوا بوكيه ورد ورايحين ..
جمال دخل لجميله : الوقت أتأخر والزفت ده ما جاء
جميله بتبكي وساكته
جمال: احنا علي اتفاقنا بقي هتتجوزي حمزه بيه
جميله ببكاء: اللي تشوفه يا بابا
خرج جمال من اوضه جميله وساب جميله بتعيط بحرقه
جميله لنفسها: كده يا أشرف كده يهون عليك كل الحب اللي انا حبيتهولك كل اللحظات الحلوة اللي بينا طب أن كل ده هان عليك هان عليك برده ابننا هان عليك ربنا يسامحك يا أشرف ربنا يسامحك يا رب ما انا مش هقدر ادعي عليك
جمال بيمسك تليفونه وبيكلم حمزه بيه
جمال: الووو
حمزه : ايوه اذيك يا جمال
جمال: الحمد لله يا حمزه بيه انت كنت طلبت مني ايد جميله بنتي
حمزة: ااه يارب تكون وافقت
جمال: ااه بس تيجي تتقدملها
حمزه بفرح: بس كده دا انا اقدملها حياتي علي طبق دهب
جمال: ربنا يقدم اللي فيه الخير
وانتهت المكالمه علي كده
جمال دخل لجميله: انتي لازم تنزلي اللي في بطنك ده
جميله: ايه حرام نقتل روح
جمال : ومش حرام اللي عملتيه ده كلام منتهى هينزل يعني هينزل
جميله: مش هنزله لو علي جثتي يا بابا عايز تموتني موتني بس مش هموت ابني
جمال ضربها جامد وخرج وسابها مغمي عليه من كتر الضرب
عند حمزه
نعرفكم الأول عن حمزه
حمزه ابو العز
45 سنه هيئته شاب ثلاثيني مهتم بصحته جدا وسيم ورياضي أسمر بشعر ناعم ما تجوزش انشغل بعمله ومالقاش البنت اللي تملي قلبه قبل عينه بس من يوم
لما شاف جميله قلبه دق ليها وحبها من اول نظره
حمزه مبسوط جدا أن حلمه هيتحقق في أنه هيتجوزها وحتي أن كان في فرق في العمر بس هيخليها تحبه وتعشقه زي ما بيحبها ويعشقها..
حمزه قاعد بيفتكر اول مره شاف فيها جميله لما كان راكب عربيته في يوم والدنيا كانت بتشتي وفجأة العربيه وقفت لأن السواق كان هيضرب بنت نزل السواق يجري يشوفها وحمزه نزل من عربيته لقاها واقفه وحاطه أيدها علي وشها من الجعزه
جمال السواق بلهفه: جميله يا بنتي انتي كويسه
نزلت جميله أيدها من علي وشها اللي أسر قلب حمزه من جماله
جميله: بابا
وراحت حضناه
حمزه: دي بنتك يا جمال
جمال: ايوه يا باشا الحمد لله ربنا ستر كنت هخبط بنتي
وانتي يا جميله مش تخلي بالك
جميله: معلش بقا يابابا
حمزه: انت كويسه يا جميله
جميله: الحمد لله يا عمو كويسه
اضايق حمزه من كلمه عمو بس كان مبسوط انه شافها واتعرف عليها
يقاطع تفكيره : حمزه بيه حمزه بيه
حمزه: ايه يا عثمان
عثمان الطباخ: الغدا جاهز
حمزه: ماشي
وراح حمزه يتغدا
حمزه بعد ما خلص اكل
حمزه لنفسه: ايه ده انا كلت كل ده انت فتحتي نفسي للدنيا يا جميله بعد ما خلاص كنت هفقد الأمل أن الاقي البنت اللي أحبها واسعدها وتجبلي ولد منها زي القمر يشيل اسمي ااه صحيح في فرق سن بس اوعدك اني هخليكي سعيده وعمري ما هزعلك وهانكون مع بعض في الوحشه والحلوه وهكون سندك........
جهز حمزه نفسه عشان يروح يقابل ابو جميله زي ما طلب منه وركب عربيته ورايحلهم
عند جميله
جمال دخل علي جميله وقالها: حمزه بيه مش لازم يعرف حاجه عن اللي في بطنك ده فاهمه
جميله: ازاي وانا حامل في شهرين هنخبي ده ازاي وبعدين انت بتقول أنه إنسان كويس عايز تخدعه وتبني حياتي علي كذبه
جمال بعصبيه: وانتي فاكره أنه أن عرف هيتجوزك ولا هيبصلك
جميله: انا اسفه يا بابا بس انا مش ناقصه مشاكل عشان اجيب مشكله جديده انا هقوله علي كل حاجه وهوا أن عجبه يجوزني يجوزني ماعجبوش خلاص
جمال : بتتنكي علي ايه دا انتي قليله الربايه واللي في بطنك ابن حرام
جميله بضيق: انا قلتلك أنه كان جوزي وماكنش في الحرام
جمال ما مسكش أعصابه ولسه هيضربها لقي جرس الباب بيرن
وقف جمال: حمزه بيه اجي
راح جمال فتح الباب
جمال: اتفضل يا حمزه بيه
دخل حمزه مع جمال وقعد
جمال؛ ناهد خلي العروسه تجيب الشربات
اجت ناهد ومعاها جميله شايله الشربات
حمزه مبهور من جمالها وحلاوتها
جمال،: زغرطي يا وليه
حمزه: استني يا ام جميله انا عايزه اتكلم مع جميله شويه
جمال وشه جاب الوان يا تري عايز يكلمها في ايه وعارف أنه لو سابهم لوحدهم جميله هتتكلم وتقول كل حاجه والجوازه تبوظ بس هيعمل ايه قام جمال وخد ناهد في أيده ودخلوا جوه وسابوهم لوحدهم
بدأ حمزه كلامه مع جميله: اذيك يا جميله
جميله: الحمد لله ووشها في الأرض
حمزه: ايه من ساعه ما جيت مش بتبصي في وشي
ووشك في الأرض مش عايزه تشوفيني ولا ايه
جميله: لأ مش كده ورفعت وشها تشوفه
حمزه: ايه رأيك راجل عجوز مش كده
جميله: بالعكس حضرتك مش باين عليك اي سن ما شاء الله اللي يشوفك يقول عندك 30 سنه
حمزه:شكرا يا جميله عالمجامله وبعدين ايه حضرتك دا انا هبقي جوزك قوليلي يا حمزه المهم عاوز أسألك سؤال مهم
جميله: اتفضل حضرتك
حمزه: حضرتك تاني
جميله: اسفه يا حمزه
حمزه: تمام السؤال هو انتي وافقتي تتجوزيني ليه
جميله بتفكر تقوله بس خايفه من ابوها
حمزه: قوليلي عايز اعرف السبب وعايزين نبدأ حياتنا علي ميه بيضه زي ما بيقولوا قوليلي كل حاجه وماتخبيش
جميله فكرت أنه لازم يعرف كل حاجه وبدأت تحكيله
عن علاقتها بأشرف وأنها حامل منه وأنها كانت متجوزه منه وإن ده ماحصلش في الحرام
حمزه بيسمع ليها
جميله: انا كده قلتلك كل حاجه وانا كنت متجوزاه وهوا مجاش يتقدملي وغدر بيا وبابنه وانت في ايدك القرار دلوقتي
حمزه:..
- تابع الفصل التالي عبر الرابط: "رواية رغم فرق السن" اضغط على أسم الرواية