رواية لقاء مصلحة بقلم نوران جمال
رواية لقاء مصلحة الفصل الثالث 3
جاسر بحدة للحارس عندما وجد اعداد الاخرين الذين لا يقلوا فقط يزدادون مع الوقت: ادخل بسرعة خرج مراد باشا وامشي..ليدخلوا له بينما هو كل دقيقه ينظر الي اولاد عمه وهو لا يعلم لماذا هذا الهجوم فهم لم يفعلوا شيئا حتي الان ولكن فجأه بدأ العدد يقل والعديد من السيارات تغادر ليشعر جميع ابطالنا بالاستغراب لينظروا جيدا فيجدوا ان هناك رصاصات تأتي من اماكن بعيده وكأنها تأتي من السماء وبدون صوت فيبدو ان المسدسات كاتمة للصوت
عندما وجدوا ان الجو بدأ يهدأ نزل سيف لهم
سيف بإستغراب: مين دول..
جاسر بإستغراب: معرفش محدش فينا يعرف..
ياسين بقلق:حد اتصاب..ليومئ الجميع بمعني لا
ياسين بإستغراب: ولا واحد فينا اتصاب في حاجه في الموضوع ده خاصة ان الحرس كمان اصاباتهم خفيفه ...ثم بتفكير:كويس ان الفيلا في مكان بعيد عن الناس عشان اللي حصل ده...
جاسر بتفكير وضيق:في حد في بالي ولو كان هو صدقوني مش هعديها علي خير..
لينظروا الي ادهم الصامت فيجدوا وجهه شاحب قليلا
جاسر بقلق:ادهم انت كويس..
ادهم بهدوء : انا كويس المهم جدو فين..
ليصعدوا بسرعة الي الطابق العلوي فيجدوا غرفة مراد فارغه لا احد بها
لينظر الجميع الي بعضهم بخوف بإستثناء جاسر الذي بحث عن هاتفه ليتصل بالحارس
جاسر بحدة:انت فين..
الحارس بهدوء:انا اخذت مراد بيه لمكان أمان..
جاسر بهدوء: فين..
الحارس بجدية:هبعت ليك يا باشا اللوكيشن احنا مش هنقدر نرجع الفيلا ...وقبل ان يتكلم جاسر بإعتراض ،
الحارس:ديه اوامر مراد بيه.. ليغلق جاسر معه بضيق
سيف بتساؤل:قالك ايه..
جاسر بضيق:هيبعتلي اللوكيشن ده امر من مراد بيه..
ليضحك سيف ليدخل كل واحد منهم في سيارته ويذهبوا الي ذلك المكان المجهول
بعد مرور ساعتين من القيادة توقفت السيارات امام فيلا كبيرة مثل القصر تحيطها حديقة جميلة ولكن لا يوجد شئ اخر في المكان فهم في منطقة بعيده ومعزوله عن الناس
ادهم بسخرية:في الطبيعي المكان هنا بيكون مناسب لمخازن التعذيب او لتسليم المخدرات لكن قصر اكيد في حاجة غلط..
ليتصل جاسر بالحارس ولكن قبل ان يضغط زر الاتصال وجد حارسين واحد من حراسه والاخر غريب لا يعرفه
الحارس:اتفضل يا جاسر بيه..
لينظروا جميعا الي بعضهم ليتقدم جاسر وسيف بينما ياسين ينظر جيدا لآدهم الذي يبتسم بدون سبب
ياسين بإستغراب: في ايه..
ادهم بإبتسامه ماكره ومرح:في معركة هتحصل تعالي ندخل..ليدخلوا فيجدوا مراد يجلس علي الكرسي ويشرب القهوة وليان علي الكرسي الذي امامه تكتب بعض الاشياء علي اللاب توب..
سيف بصدمة:اوباا ..
جاسر بهدوء: هو في ايه بالظبط..
مراد بهدوء:تعالوا اقعدوا الاول ..ليجلس الجميع بإستثناء جاسر الذي ظل واقفا .
جاسر وهو يتحكم في غضبه وبهدوء:ممكن افهم احنا هنا ليه وهي بتعمل ايه هنا..
ليان ببرود:مش عيب تتكلم كده وانت في بيتي..
جاسر بجدية:يبقي خلاص نخرج منه واشبعي انتي بيه ..وقبل ان يلتف
ليان بسخرية وبرود:هتروح فين يا تري ..
جاسر بغضب:وانتي مالك..
ليان بحدة:لولا ان انا خليت حرسي يمشوا وراكم كان زمانكم جثث انتوا عارفين كام عربية كانت ماشيين وراكم عشان يقتلوكم..
جاسر بسخرية: وده من حبك فينا ..
ليان بسخرية: تؤ تؤ ابدا بس عشان تعرف ان انا عارفه كل حاجه بتحصل وان لولا معرفتي كان زمانكم مقتولين دلوقتي ..
جاسر بضيق:وعرفتي منين بقي ..
ليان بهدوء:قبل ما نكمل كلام فكرت في العرض بتاعي ..لينظر جاسر لها جيدا ثم الي البقية..
سيف بهدوء: ايه اللي يخلينا نثق فيكي..
ليان بسخرية:انتوا في بيتي لو عايزه انهيكم خالص في ثانية اقدر اعمل كده ودلوقتي..
مراد بهدوء بعد ان انهي قهوته ومتابعته لما يحدث: جاسر اقعد عشان الكلام طويل..ليجلس جاسر بضيق ليكمل مراد: فعلا ليان هي اللي انقذتكم النهارده بس مش لوحدها ..لتنزل ميرال من علي السلم حتي جلست علي الكرسي بجانب ليان لينظر لها الجميع بإستغراب بإستثناء ادهم الذي كان ينظر لميرال بصدمة فهي تكون فتاة المطار .
مراد بهدوء: ميرال صديقة ليان..
ياسين بإستغراب: انا لسه مفهمتش احنا هنا ليه هما انقذونا شكرا ليهم ونرجع بقي علي الفيلا او اي فيلا تانيه من بتاعتنا ..
ميرال بهدوء:مش هينفع انتوا الفلل بتاعتكم كلها متحاوطه ومنتظرينكم في اي وقت عشان يخلصوا عليكم وهنا اكتر مكان امان ليكم..
ادهم بهدوء: من الاخر عايزين ايه ..
ميرال : العرض بتاعنا اكيد فاكرينه..
سيف بهدوء: قولولنا سبب يخلينا نساعدكم عشان نخلص من ماجد..
ليان بهدوء:اسباب كتير اولها انا احنا بنشترك في كرهنا ليه وعشان اتسبب في اذيتنا كلنا هو وابنه ..
ياسين:يبقي كل واحد فينا لوحده مش لازم تعاونا سوا..
ميرال بهدوء:لو كل واحد لوحده علاقتنا هتوصل انها هتكون تحدي وبدل ما نخلص منه هنخلص علي بعض...
جاسر بتساؤل:هو اذاكم اوي كده لدرجة ان انتوا عايزين تخلصوا منه بأي طريقة...
ليان بسخرية:زي ما اذاكم بالظبط ..
جاسر بتساؤل:عمل ليكم ليه...
ليان بغضب:مش لازم تعرف..
ليتحدث مراد قبل ان يغضب جاسر هو الاخر وان يضع حد لنهاية ذلك الحوار
مراد بهدوء للشباب: في حاجات كتيرة انتوا متعرفوهاش وده اسلم حل اتحادنا كلنا سوا..
ادهم بإستغراب: حضرتك واثق فيهم اوي كده ليه..
مراد بهدوء:عشان عارفهم كويس وفي حاجات كتيرة هتعرفوها مع الوقت بس مش دلوقتي..
جاسر بهدوء:ويا تري ايه هي الخطه..
مراد بهدوء: هتعرفوا كل حاجه بكره ودلوقتي كلنا تعبنا كل واحد فيكم يدخل غرفة يرتاح فيها لحد ما ييجي بكره وتعرفوا هتعملوا ايه..
لينظر جاسر جيدا الي ليان فمن كلامها يتضح كرهها الشديد لماجد ومراد يعلم عنها الكثير وهو عليه ان يعلم ايضا ولكن عندما يهدأ الوضع قليلا ..
ليان بهدوء:يالا اوصل كل واحد فيكم غرفته ..
ليصعد الجميع معها بإستثناء ميرال التي بقيت مع مراد في الاسفل
ليان بهدوء لسيف:هنا هتكون غرفتك ..ثم الي ادهم:وهنا غرفتك..ثم الي ياسين:وهنا غرفتك..ثم الي جاسر:وهناك غرفتك..
لتتركهم وتذهب الي الجهة الاخري من الممر لتدخل غرفتها ..
دخل ادهم غرفته بسرعة دون ان يتكلم مع البقية بينما هم نظروا لبعضهم بإستغراب
سيف بإستغراب: ادهم شكله تعبان ..
ياسين بقلق: طيب ندخل له..
جاسر بهدوء:لا سيبوه هو بيتعصب لو حد دخل الغرفة اللي بينام فيها بكره نبقي نشوفه عشان ميضايقش..
سيف بتساؤل:انت كده خلاص وافقت علي العرض..
جاسر بهدوء: وحتي لو موافقتش مراد بيه وافق ..
ياسين بتفكير:ايه اللغز اللي وقعنا فيه ده البنتين دول وراهم حاجه جدك بس اللي يعرفها..
سيف بإرهاق : بكره هنعرف كل حاجه انا هدخل انام شويه ..ثم بضيق:صحوني من احلي نومه علي ضرب نار..
جاسر بضحك:وانا كمان ..
ليدخل كل واحد فيهم الي غرفته لينام
بينما في الاسفل
مراد بإبتسامه هادئه: اتمني ان اللي في دماغك يكون حصل..
ميرال بإبتسامه هادئه: شكرا ليك يا مراد بيه ..
مراد بتساؤل:ناويه علي ايه ..
ميرال بمكر : علي كل خير احنا لسه في البداية خالص..
مراد بهدوء: اهم حاجه متاخديش خطوه من غير ما تقوليلي من هنا ورايح انتي مش لوحدك اي خطوه غلط هتبقي برقبة الباقي..
لتومئ له ميرال بهدوء
مراد بتساؤل وقلق:دارين فين..
ميرال بهدوء:اكيد جايه في الطريق متقلقش جاك معاها ..
ليذهب مراد الي غرفته بينما صعدت ميرال الي الاعلي لتدخل غرفتها ولكن لا تعلم لماذا ارادت السير في ذاك الجانب من الممر رغم ان غرفتها في الجانب الاخر ظلت تسير بهدوء ولكن توقفت امام احد الغرف عند سماعها لصوت احد يتألم بالداخل وقبل اي شئ اخرجت مسدسها من جيبها بسرعة لتفتح باب الغرفة الذي لم يكن موصدا لتشعر بالصدمة من منظر الدماء امامها ..
بينما في مكان اخر كانت دارين مع جاك في السيارة وخلفها سيارة الحرس ولكن فجأه ظهرت سيارة اخري لتطلق الرصاص عليهم ..
"فيا تري ماذا سيحدث مع دارين وماذا رأت ميرال وماذا سيحدث مع بقية ابطالنا ...
يتبع الفصل الرابع4 اضغط هنا
الفهرس يحتوي علي جميع فصول الرواية "رواية لقاء مصلحة " اضغط علي اسم الرواية