رواية اسيرة الصاوي الفصل الرابع بقلم ايمان شلبي
رواية اسيرة الصاوي الفصل الرابع
منه وهي تبتسم بغباء: هههههههه مين ؟
يونس وهو يرفع حاجبه الايسر بتعجب : انتي بتضحكي علي أي انا قولت نكته؟
منه وهي تزيل خصله من شعرها خلف اذنيها قد تمردت لتهبط فوق عينيها لتهتف بهدوء غريب بعض الشيئ : انت ابن خالتي انا ؟
يونس وهو يعقد ذراعيه أمام صدره بتهكم : لا ابن خالته هو
قال جملته وهو يشير علي الشخص بجانبه ...
منه بملل : يابني هو انا حد يعرفني اصلا....روح اتكل علي الله ياجدع انت مش كفايه عليا مرات عمي وابنها ..
همت بالذهاب ليقبض يونس علي معصمها بقوه جعلتها تتأوه وهي تلتف وكادت أن تصفعه بغضب لتتعلق يديها في الهواء حيث قبض عليه يونس باليد الأخري وهو يهتف ببرود: توء توء عيب كده تمدي ايدك علي اللي اكبر منك يامنون!
منه وهي تتلوي بين ذراعيه بغضب حيث كان يقبض علي كلتا معصميها : اوووعي سيب ايدي عااااااااا الحقوووني ياانااااس بيتحمرش بيااا
يونس وهو يفتح فاهه بتعجب : ب ايه لامؤاخذه ؟!!
منه وقد توقفت عن الحركه لتهتف بعصبيه وهي تنفخ بحنق : بتتحمرش بيا
يونس بتعجب: بتحمرش بيكي ...ده اللي هو بتحرش بيكي يعني
منه وهي تهز راءسها تؤكد حديثه : اه
يونس وهو يهز رءسه بيأس : طب يالا
منه بغضب : يالا اي ...ولااا بقولك اي يالا انا من عين شمس يالا
يونس وهو يكبت ضحكته بصعوبه : عين شمس اي ؟
منه بغباء: مش عارفه بس انا بشوفهم بيقولوها في الأفلام وكده
يونس بجديه وهو يضحك بداخله علي تلك المجنونه والتي ستضيف المرح الي عالمهم ....
طب يالا يامنه قدامي عشان مزعلكيش
منه وهي تذم شفتيها الي الامام وتتحدث بداخلها بحيره : اعمل اي يارب اجري ..لا لا هيجيبك ياهبله ...امممم اصوت ..طب مانتي زعقتي وصيحتي محدش عبرك ...اممم اعمل اي طيب ماهو اكيد مش هروح معاه ده اكيد كذاب وعايز يشغلني معاه رقاصه ...اه مانا حلوه والف مين يهواني
يونس بحده: يالا يامنه
منه وكادت أن تبكي : يابني سيبني بقي انا مش عايزه اجي معاك هو بالعافيه !
يونس وهو يقترب منها ويهتف بهدوء ورقه : متخافيش يامنه انا مش هخطفك ...والله العظيم انتي بنت خالتي
منه ببراءه وقد سقطت دمعه ساخنه فوق وجنتيها: بس انا مليش خالات
يونس : مين قال كده ...جمال ابوكي هو اللي قطع امك عن اهلها
منه بتعجب وهي تفتح فمها كالاطفال : اي ده انت عارف اسم ابويا ؟
يونس وهو يبتسم ابتسامه هادئه: يابنتي قولتلك انا ابن خالتك ...
منه وهي تضع كفها اسفل ذقنها وتهتف بحيره: طب هسالك سؤال لو عرفته هاجي معاك ..
يونس وهو يتطلع الي ساعه معصمه بضيق : بسرعه عشان عندي شغل
منه بقرف : شوف الواد قال يعني هتنفع البشريه ده زعيم مافيا ...
يونس بحده: اخلللصي مش فاضيلك
منه بخوف : ط طيب متزوقش ...ماما اسمها اي ؟
يونس وهو يهز رءسه بضيق : امك اسمها سناء
منه بأنبهار وكأنه قد أجاب سؤال يصعب إجابته : اي ده جدع
يونس بضيق من تلك الثرثاره: طب يالا انجزي قدامي
منه وهي تبرطم وتتجه أمامه إلي السياره لتصعد في الخلف ليصعد يونس خلفها متجهين الي حياه جديده بالنسبه لمنه والتي تعاني منذ وفاه والديها من معامله زوجه عمها وابنها والذي اعتبرها كخادمه بالنسبه لهم ...
منه بثرثره كعادتها : هو احنا هنروح فين ؟
يونس وهو يلتف بجسده ويهتف بضيق : هنروح دريم بارك تحبي تلعبي؟
منه وهي تصفق بحماس وطفوله: اشطا انا بحب كده !
يونس بتعجب من تلك الطفله بجسد انثي : انتي هبله؟
منه بتذمر : الهبل وراثه في العيله
يونس وهو يرفع احدي حاجبيه : والله !
منه وهي تشوح بيديها بضيق : خلاص خلاص بطل لك انا صدعت
يونس بصدمه : انا برضو اللي ابطل لك؟
منه بملل وهي تستند برءسها علي زجاج السياره : اه
هز رءسه يميناً ويساراً بحيره وهو يضرب كف فوق الأخري ومن ثم تطلع الي الطريق مره اخري ...
مرت خمس دقائق وهي لم تتفوه بحرف وانما تتطلع الي الطريق بشرود ...
تعجب يونس صمتها ليلتف بجسده ليجدها شارده ودموعها تنهمر دون وعي ...
يونس يتساؤل: انتي بتعيطي
منه وقد فاقت من شرودها لتزيل دموعها بسرعه : هه لا
يونس وهو يمسح دموعها بطرف أصابعه ويهتف بحاجب مرتفع: اومال أي ده ؟
منه بتوتر : د ده عيني دخل فيها تراب
يونس وهو يفرد ذراعيه لها ويهتف برقه: تعالي
منه باستغراب : اجي فين ؟
يونس وهو يبتسم بهدوء : عارف انك محتاجه الحضن ده
منه بسخريه : يامحنوووو
يونس بضيق وغيظ : انا غلطان اصلا
منه بعصبيه : لا مانت مش عشان ابن خالتي اسمحلك تحضني لاااا ابسلوتلي بقي
يونس وهو يزفر بضيق : بت بت اسكتي
منه وهي تقلده بسخريه: بت بت اسكتي نينيني
يونس بحده: مننه اظبطي واعرفي انتي بتتعاملي مع مين
منه بحنق : اه زعيم مافيا ...اتزفت سكت
مرت ربع ساعه بالتقريب ووصلوا الي قصر الصاوي ...
منه بأنبهار وهي ترفع رءسها وتفتح فمها بصدمه: هو ده القصر؟
يونس وهو يهز رءسه بلامبالاه: اه يالا انزلي
منه وهي تعقد ذراعيها أمام صدرها ببرود : مش هنزل
يونس باستغراب : نعم ليه بقي أن شاء الله !
منه وهي تذم شفتيها الي الامام بضيق : هو انت مش جنتل ليه
يونس بحده: منه متخلنيش اتعصب عليكي يالا انزلي
منه وهي ترفع رءسها بشموخ: مش هنزل غير لما تفتحلي باب العربيه
يونس وهو يمسح وجهه عده مرات بحنق وقله صبر: يارب صبرني مقتلهاش يااارب
منه وهي تغلق نصف عينيها : بتقول حاجه
يونس وهو يبتسم ابتسامه صفراء : مبقولش ...عنيا يابرنسيسه
ترجل من سيارته ليلتف الي الجهه الأخري ليفتح لها الباب وهو ينحني بطريقه مسرحيه ويبتسم بغيظ : اتفضلي يامنه هااانم
ترجلت منه من السياره وهي تبتسم بشماته وتهتف ببرود : اركن العربيه وتعالي ورايا
يونس وهو يتطلع إليها بتعجب وصدمه
منه بضيق : يوه بتضيع عليا اللحظات اللي نفسي اجربها
يونس وهو يهز رءسه: لحظات اي !
منه بهيام : لحظات الهوانم ...اصل طول عمري بحلم بيها اوي
يونس وهو يمسح وجهه بغيظ: امشي قدامي
منه بضيق : طيب متزوقش
يونس وقد فاض به الكيل ليصرخ في وجهها: قددددامي
منه بخوف وهي تهرول من أمامه : هو ماله قفوش كده
بااابي
هتفت بها طفله قصيره القامه نوعاً ما جسدها ممشوق القوام ترتدي فستان قصير يصل الي ما بعد ركبتيها وتعقد شعرها علي هيئه ذيل حصان ...لتهرول الي أحضانه وهي تتعلق في عنقه ...
منه وهي تفتح فمها : مين ديه ؟
يونس وهو يضمها بقوه ويقبل اعلي رءسها : وحشتيني ياقلب بابي
اللاه اللاه
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية اسيرة الصاوي" اضغط على اسم الرواية