رواية معادلة حب البارت السادس 6 بقلم دعاء احمد
رواية معادلة حب الفصل السادس 6
شجن ركبت مع عز
عز. عايزه تروحي في أنهى دا"هيه
شجن. دا"هيه تاخدك وتريح اللي جابوني منك يا بعيد
عز. بت انتي لسانك دا ايه مش ملاحظه اني مديرك فاحترمي نفسك
شجن بتلقائيه. والله انا اللي مستغربه عماله بهزاك وبشتمك وانت البعيد معندكش د"م ارفدني ينوبك ثواب فيا
عز.ههه انتي ازاي كدا يا شجن تباني أنثى عاقله لكنك محبو"شه
ودماغك طاير منها تلات اربع ابراج
شجن بصيت للمطر. عادي انا بحب اعيش كدا
عز. هتروحي فين
شجن. اطلع على اوتيل...
عز بقى يسوق العربيه والمطر بينزل اشد
بعد شويه عربيات كتير واقفه في الطريق والطريق مقفول
شجن. في ايه
عز. الطريق مقفول مش هعرف نوصل للاوتيل
شجن بغيظ. منك لله انت السبب في حد يفضل في الشغل لحد ١١بالليل ليه دا افترى اتصرف بقى عايزه انام ياله شوفلي حته انام فيها وربنا هتلقيني فرشت ونمت في العربيه نهوه
عز. اخرسي بقى يا بت دا انتي موقر"فه
شجن بردح. بقولك ايه انا مستحملك من الصبح وبقول خليكي عاقله يابت واسكتي لكن انت ابد لازم تخرج الهبل اللي انا محوشه طول السنين اللي فاتت
عز. بقي كدا عاقله اومال لو اتجننت هتعملي ايه يا بتاع لانسون أمري لله هاخدك معايا بيتي بس ورب العزه اسمع صوتك هد"فنك حيه يا شجن فاهمه
قالها بغ"ضب وهو ينظر لها بحده
شجن. بيت مين يا ابو بيت اه قول كدا انت عايز تستفرد بيا وانا اقول الواد دا معدوم الكرامه ليه من صباحيه ربنا وانا اهزا فيك مفيش اشتم برده مفيش اتريك عايزه تغرغر بيا
عز بغ"ضب . تاب تصدقي انا فعلا معدوم الكرامه انزلي انزلللللييي وانتي مرفوده وهحطلك في السي في بتاعك انك افشل سكرتيره ممكن اي حد يشغلها عنده وساعتها ابقى قبليني لو عرفتي تشتغلي أن شاله حتى في كشك على ناصيه
شجن. بتهددني يا ابن الشناوي لا فوق انا مبتهددش ثم تابعت بعيون القطط وحياه امك يا شيخ انا موافقه على أي حاجه الا انك تنزلني هنا الجو ساقعه اوي وانا ماليش في المرمطه أهون عليك مش هتلقى حد يدعي عليك لو رفدتني دا انا لا أقدر بثمن ياله يا باشا على بيتك وماله يعني وبعدين انت شاكلك ابن ناس محترم متطلعش منك العيب ابدا
عز. واللهي
شجن. طبعا
عز لف بالعربيه وساق على طريق قصره
شجن جالها اتصال من نمره غريبه
شجن. الوا مين
........
شجن بزغيق. مترد يا حيو"ان هو دا وقته
أحمد. ازايك يا شجن
التليفون وقع من ايديها وكانت علي وشك البكاء
عز. شجن مالك؟
مسكت موبيلها واتكلمت ببرود. ازايك باشمهندس
أحمد. مش كويس يا شجن من اليوم اللي بعدتي وانا حاسس بالوحده انا اسف على كل اللي عملته بجد
شجن. أحمد انت مبتحبنيش ومريم بنت جميله ومحترمه إنساني وكمل حياتك معها ربنا يوفقك يا احمد صحيح مترنش عليا تاني انا كلمتك دلوقتي بس عشان فاكره آخر جمله كتبتهالك لو اتقبلنا صدفه هسلم عليك واقولك ايه اخبارك هعتبرك صديق قديم أو جرح له مفتوح بس هيلم مع الايام مع السلامه
أحمد. شجن انا
شجن. انا اسفه لنفسي لاني هنت كرامتي عشان قلبي لكن يا احمد انا وانت اصلا طريقنا مينفعش يبقى متقاطع انا وانت نشبه الحرب والسلام لانلتقي ولا نفترق كلانا يبحث عن الآخر والهدنه بيننا حفنه احلام دلوقتي نقدر نقول اني عملت لنفسي هدنه طويله المدى عشان كدا لو سمحت أنهى الموضوع على كدا
أحمد بحزن. انا اسف على انك ضيعتي تلات سنين من عمرك مع شخص زي
شجن. عارف يا احمد انا مش نادمنه على الخمس سنين اللي حبيتك فيهم ولا هندم عارف ليه
عشان أن قلبي يكون ابيض واعرف احب دي لوحدها نعمه من عند ربنا مش مهم النتايج عشان كدا لازم تنهيه لو بتحترمني على الاقل
أحمد بحزن. مع السلامه يا شجن اتمنى اشوفك تاني
شجن. مع السلامه
وقفلت معه بسرعه دمعه من عنيها نزلت مسحتها بسرعه
عز. مكنتش اعرف انك بتحبي
شجن. مبحبش دلوقتي بس في المواضيع لازم نقفلها قبل ما نبدأ غيرها
عز. وصلنا
شجن نسيت كل حزنها اول ما نزلت أدام القصر. يلهوي يلهوي
عز. في ايه
شجن بانبهر. احلف ان دا حقيقي وان دا مش فيلم القصر دا بجد
عز بلا مبلاه. انجزي
ودخل بثقه وغرور شجن بقيت ماشيه وراه وهي متنحه قصر عباره عن تحفه فنيه اللي هو لو عشت عمرك كله تحوش مش هتعرف تاخد اوضه فيه بالايجار
شجن بخبث لنفسه. شكلها هتحلو يا شجن ايه الجمال دا كله
عز بصوت واطي. لا فوقي من أحلامك واهدي مش عايز حد يشوفك هتفضلي هنا لحد الصبح وبعد كدا مشفش خلقتك لا هنا ولا في الشركه
شجن بحزن مصتنع. اللاه انت زعلت مني ولا ايه يا ريس دا انا حتى سكرتيره شاطره وهريحك
عز. اه عشان كدا عمالي صداع
انجزي تعالى ورايا
فجأه النور كله بيشتغل
أسر بصدمه وصوت عالي. شجن
شجن. يلهووووويي استر نفسك يا حيو"ان
أسر كان عا"ري الصدر لابس بنطلون بجامه بس
عز مسح وشه بغ"ضب. انا اللي جبته لنفسي
العيله بدأت تنزل
أم عز
جهان هانم. في ايه يا ولاد صوتكم عالي ليه؟
مين دي؟
عز. شجن السكرتيره بتاعتي
جهان بطيبه. ازايك يا حببتي
شجن بابتسامه واسعه. الحمد لله معليش هتقل علىكم النهارده بس الطريق واقف مش عارفه ارجع الاوتيل
جهان. اوتيل ليه هو انتي مش مستقره هنا
شجن. لا انا لسه جايه القاهره من فتره قصيره عشان كدا قاعده في اوتيل
جهان وهي بتبص لعز اللي مركز مع شجن . لا طبعا مينفعش تبقى قاعده لوحدك في اوتيل انتي هتيحي تقعدي معانا هنا
عز وأسر. هنا فين
جهان. شجن هتقعد معانا لحد ما تظبط حياتها هنا
شجن. بس
جهان. مبسش وبعدين كفايه انك سكرتيره عز يعني ثقه
جهان. ست هدى يا هدي
هدى باحترام. ايوه يا ست هانم
جهان. وضبي الاوضه اللي جانب اوضه عز لشجن
هدى. حاضر يا هانم
شجن. مالوش لازوم والله
جهان. لا طبعا ليه لازوم وبعدين احنا هنبقي صحاب ولا ايه
شجن. طبعا
جهان. تعالي بقى نحضر العشا سوا اكيد واقعه من الجوع
شجن. اه والله ابنك مجوعني
جهان. ههههه تاب تعالي
- تابع الفصل التالي عبر الرابط: "رواية معادلة حب" اضغط على أسم الرواية