رواية الزوجة الثالثة الفصل السادس بقلم هويدا زغلول
رواية الزوجة الثالثة الفصل السادس
ابراهيم :انت ازاي تمسكني كده
احمد:اطلع برا
ابراهيم :اوعي كده واتخانق ابراهيم مع احمد وضربه احمد
لحد ما وقع ابراهيم مغمي عليه
اسماء :ينهار اسود انت عملت اي
احمد:كان لازم يتربي
اسماء :ينهار ابيض ابراهيم يا ابراهيم قوم انت عارف
لو قام هيعمل فيك اي
احمد:مش فارق معايا المهم انتو تبقوا بخير
اسماء :انت مش قدو
احمد :بطلي خوف بقي محدش عامل فيكي كده الا
خوفك انا سمعت كل حاجه في المستشفي وأنه اتهمك في
شرفك وحده غيرك كانت عملت ليه محضر
اسماء :انا مش عايزه مشاكل
احمد :انتي جبانه وطول عمرك الدنيا هتفضل تظلم فيكي
وانتي مش هتقدري تعملي حاجه علشان خايفه
الام :بس بس حد يتصل بالاسعاف
اسماء :حاضر وفعلا اتصلت وجم شالو ابراهيم
وراح الكل عالمستشفي
ابراهيم :ااااه انا فين
اسماء :في المستشفي
ابراهيم :مين الحيوان ده ازاي يجي عندك البيت
اسماء :ده شئ مش يخصك مفهوم متحولش تدخل نفسك
باللي ملكش فيه
ابراهيم :اسماء وانا بحبك
اسماء :وانا كنت لو لسه ليا معزه عندك ابعد عني
ابراهيم :انا مستعد اكتب ليكي كل ثروتي
اسماء :الفلوس الفلوس الفلوس انت اي فاكر كل حاجه
بالفلوس انا مكنتش عايزه منك حاجه غير حب
بس للاسف انت اتعود انك تاخد كل حاجه بالفلوس لو كنت
عايزه ارجع ليك فعايزه ارجع بالكلمه الحلوه مش الفلوس
خالص ارجوك ابعد عني وانساني خالص
ابراهيم :طيب اعوضك ازاي عن اللي حصل
اسماء :مافيش حاجه هتعوضني عن ابني اللي راح بسببك
ابراهيم :نقدر نجيب غيرو
اسماء :منك انت لا انا معملتش محضر باللي حصل
وكنت قادره احبس مراتك
ابراهيم : متقوليش مراتي
اسماء :الزفته بتاعتك بس لا انا عايزه اعيش في امان
مش اكتر لو فكرت تقرب ليا تاني متعرفش اللي هيحصل ليك
اسماء اللي كنت عارفها ماتت بلاش تشوف اسماء الجديده
ابراهيم :طيب اسمعني
اسماء :سمعت وخلصت كلامي ارجوك بقي انساني سلام
ومشيت اسماء هي وامها وروحت وموبيلها رن
احمد :انا اسف
اسماء :اسف علي اي
احمد :انا كنت قليل الذوق اوي معاكي انهارده
اسماء :انت قولت الحقيقه
احمد :بس قولتها ب قله ادب
اسماء :حصل خير يا دكتور احمد
احمد :انتي ناويه تعملي اي
اسماء :مش عارفه بكره هنزل اشوف شغل
احمد :عالفكره انتي لسه تعبانه ومينفعش كل شويه تخرجي
اسماء :نموت من الجوع يعني
احمد :انتي معاكي مؤهل اي
اسماء :اعداديه
احمد :بس
اسماء :ايوه مش كلمت تعلمي
احمد :انا محتاج سكرتيره في العياده بتاعتي
اسماء :بدون مؤهل
احمد :مش بتعرفي تقري
اسماء :ايوه طبعا
احمد :بس ده اللي انا محتاجه
اسماء :بجد انا مش عارفه اشكرك ازاي
احمد :علي اي انا فعلا محتاج سكرتيره
اسماء : شكرا برضه انك فكرت فيا
احمد :تمام عندك واتس
اسماء :اها عندي
احمد :هبعتلك العنوان انا بروح كل يوم الساعه ٨لما بخلص
المستشفي بس بكره هروح بدري
اسماء :هو انا مواعيدي من كام لكام
احمد :من ٥الي١٠ب٣٥٠٠جنيه
اسماء :لا
احمد:هو اي اللي لا
اسماء :مش موافقه
احمد :طمعانه في اعلي من كده
اسماء :لا مش عايزه احسان من حد
احمد :والله ده كان فعلا مرتب البنت اللي قبلك
اسماء :بس أنا مش معايا مؤهل
احمد :تاني روحي نامي يا اسماء ارجوكي
اسماء :تصبح على خير
احمد :وانتي من اهل الخير وفضل يفكر اي اللي انت بتعمله
ده يا احمد معقول حبتها من اول نظره بس بصراحه البنت
دي فيها حاجه غير طبيعه
شدتني ليها اوي طيبه قلبها جمالها روحها الحلوه
وفي شقه ابراهيم
كوثر :اي ده مالك يا معلم
ابراهيم :امشي اطلعي برا
كوثر :طيب طمني عليك
ابراهيم :انا مش عايز حد يطمن عليا اخرجي
كوثر :طيب قولي فيك اي
ابراهيم :كله كان عايز الفلوس وبس هي الوحيده اللي مش
كانت عايزه حاجه منكم لله برا
وعدا ٦شهور وكل يوم ابراهيم بيحاول يرجع اسماء
بس هي اتعلمت من التجربه وكمان شغلها قوها وفي يوم
دخلت اسماء اوضه الكشف
احمد :مدام سهير انا قولت لحضرتك حاولي تريحي
نفسك الفتره دي خالص علشان الحمل يثبت
سهير:والله يا احمد بحاول
احمد :مافيش حاجه اسمها بحاول لازم تعملي كده
سهير :اوكيه يا احمد باي
اسماء :, اوكيه يا احمد
احمد :اي ده مالك
اسماء :مالي أصلها مايعه اوي
احمد :لا والله هههههههههههه
اسماء :ممكن اعرف بتضحك علي اي
احمد :انتي بتغيري
اسماء :انا ليه يعني
احمد :يعني ممكن تكوني بتحبني زي ما انا بحبك
اسماء :انت قولت اي
احمد :ايوه بحبك يا اسماء
اسماء :بس اصل ااااه
احمد :انا هاجي انا وماما بكره لمامتك
اسماء :دكتور احمد انا هيغم عليا
احمد :دكتور اي بقي بقولك بحبك
اسماء :بس اصل
احمد :اصل اي
اسماء :ماما هتوافق عليا وانا مطلقه
احمد :دي حياتي وانا حر فيها
اسماء : انا فرحانه اوي انا بجد حبيتك ومكنتش متخيله
إن ده ممكن يحصل
احمد :طيب عرفي ماما ان احنا جاين بكره
اسماء :حاضر وروحت البيت
الام :حبيبتي انتي جيتي
اسماء :ماما احمد عايز يجي يخطبني
الام :لا
اسماء : انتي بتقولي اي
الام :مينفعش يا اسماء
اسماء :ليه يا ماما
الام :انتي لازم ترجعي لابراهيم
اسماء :بقولك احمد عايز يجي يخطبني تقولي ارجع ل ابراهيم
الام :ايوه انا مستنيه الوقت المناسب أن اقولك لو مش
رجعتي لابراهيم انا هتحبس
اسماء :انتي بتقولي اي مش فاهمه
الام :انا في مصيبه
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية الزوجة الثالثة" اضغط على اسم الرواية