رواية بسملة وسامر الفصل السادس والاخير بقلم أمل محمد
رواية بسملة وسامر الفصل السادس والاخير
زعقت - طب ما أنت كنت عارف من ساعة ما شوفت الماية ومتكلمتش يا أخويا بعدين مية مرة قولتلك متغلطش فيا يا سامر.
- أنا لسة عارف حالاً لما لمحت ازازة الماية بعدين أنتِ بتخرجيني عن شعوري، ما من الأول وأنتِ بتكلميني في الفون ع الأقل مكنتش جيت على ملا وشي كدا وسيبت الشغل !!
- على اساس ان انت مش مسجل بابا معاك يعني.
- الرقم اللي ظهرلي كان غريب يا بني آدمة.
- كلمني بأسلوب أحسن من كِدا، دا مش اسلوب دا، بعدين لما أنت كدا من أول يوم جواز أومال في الاربعين هتعمل إي.
- إسم الله البت لسانها بينقط عسل، دانا لو كلـ ـب عندك مش هتقوليلي الألفاظ اللي أنتِ بتقوليها دي، ابقى احترمي نفسك وانا احترم نفسي.
- والله البادي أظلم لو كنت أعرف أن لسانك زِفر كدا مكنتش اتهبيت في عقلي واتجوزتك
- شوفتي مين اللي بيغلط...
بص لباباها وباباه - شاهدين على لسانها !
بصت الجنب التاني وبعدين طلعت من الباب ومشت وباباه بصله وقال بضيق - أي هتبحلق كتير، روح صالحها فورًا.
بصدمة - أنا ! بس هـ.....
- يلا حالاً.
نفخ وطلع وراها لقاها ماشية ومسرعة من خطواتها، جِرى عشان يلحقها وهو بينادي - أنتِ يابت راحة فين، إستني بس.
وصل عندها ومسكها من دراعها - إي مركبة عجل في رِجلك.
شدت دراعها بخنقة - سيبني.
بهزار - لا لا متقوليش، عندِك دم وهتعيطي !
بصتله - أنت زعقتلي قدام باباك وبابا.
اتنفس بهدوء - طب بس متعيطيش، بعدين هما غرَبة، دول عارفين كل بـ ـلاويكِ يا هبـ ـلة، هاتشي بقا حُضن.
زقته - اوعا اوعاااا، يعني مهزقـ ـني جوة لسة عشان لساني طويل وبتشتمني !! إبعد عني.
لمحت باباها من بعيد، قربت منه وقال بحرج من اللي حصل جوة - يلا عشان نروح يا بابا.
بص لسامر وسأله بعينه هل اتصالحوا أو لأ وهز راسه بـ"لا" مشت جنب باباها وهو فضل ورا مع باباه وفجأة وقع على الأرض وباباه زعق - بسملة إلحقي.
لفت بسرعة وشافته جِرت عليه وقعدت على رُكبها وقالت بخوف - في إي.
- معرفش هو فجأة كدا طبْ وقع.
- سامر ساااامر.
فتح عين وعين - قلبه.
-لا والله.
- خلاص بقا يا بوسي.
- إنسان متخـ ـلف بصحيح.
كُلهم زعقوا في نفس الوقت - تاااااااني !!
تمت الرواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية بسملة وسامر" اضغط على اسم الرواية