رواية حمل خطأ البارت السادس 6 بقلم هاجر عفيفي
رواية حمل خطأ الفصل السادس 6
نغم سمعت محمود وهو بيتكلم فى التلفون وعرفت أن هو السبب فى اختفاء أحمد
نغم بصدمه وخوف : ا اكيد بيتكلم على احمد
محمود من وراها : بتكلمى نفسك يانغم
نغم بصتله بخوف وبعدت لورا
محمود باستغراب وتوتر : مالك
لسه هترد قاطعها صوت جرس الباب جريت عشان تفتح وفتحت واتصدمت من الشخص ال قدامها مضروب وبينهج
نغم بصدمه : أحمد !!!!!!؟؟
محمود بصدمه : أ أحمد
أحمد دخل وهو وبيبص لمحمود بجمود وغضب
نغم بدموع : أحمد انت كنت فين وايه ال حصلك وليه هربت وسبتنى
أحمد اتكلم بهدوء : انا مهربتش انا اتخطفت
نغم حطت أيدها على فمها بصدمه : اتخطفت !!! طب ازاى
أحمد قرب من محمود ال كان واقف مصدوم من المواجهه وقال : ماتقولها ياخويا ازاى ؟؟
محمود بتوتر : ا انا معرفش ا انت بتتكلم عن ايه
أحمد بسخريه : لاء والله العب غيرها عايز تفهمني انك متعرفش حاجه خالص
محمود بلع ريقه بصعوبه وقال : انا معرفش انت بتتكلم عن ايه وضح كلامك
أحمد ضحك بسخريه ووجع : اعرفك انا ياحبيبى يعني متعرفش أن أنت بعت ناس تخطفنى يوم فرحي متعرفش انك خليتهم يضر"بوني كل يوم وكانوا بيتفقوا يقت"لو"ني لولا أن هربت
محمود بعدم وعى : انا مقولتش لحد يقت"لك
أحمد ضحك بحزن : يعني اعترفت اهو انك انت السبب فى ده كله
نغم قريت من محمود وقالت بصدمه وعدم استيعاب : يعني انت السبب فى ده كله وجاي تلومني انا انت السبب أن أحمد يبعد عني انت السبب أن اتجوزك غصب عني الحمل كذب وانت خدعتنى
محمود نزل راسه للأرض : لاء انتي فعلا حامل يانغم
نغم وأحمد بصوا بصدمه
أحمد بغضب : حامل !!! انت أتجننت انا مجتش جمبها اوعي تكون عملتها ياوا"طى ياجبا"ن
وهجم عليه ضر"بوا بعن"ف
نغم بجمود : سيبه يا أحمد خلينا نعرف منه الحقيقه
أحمد بعد عنه بقر"ف وقال : انطق عملت ده كله ازاى ونغم حامل ازاى
محمود قام بصعوبه من الأرض رغم أن هو جس"مه قوى إلا أنه مقدرش يدافع عن نفسه لانه غلطان
محمود : نغم حامل منك بالفعل يا أحمد
نغم بدموع وصراخ : انت هتجنني حصل ازاى ده
محمود : من شهرين فاتوا خرجنا كلنا انا وانت ونغم ومرام بنت عمتك ال قولتلكم وقتها أنها هتكون خطيبتى لما روحنا المطعم نتعشا بره احنا كنا متفقين على كل حاجه حطينا حبوب هلوسه وتوهان ليك وحبوب منوم لنغم واخدناكم الشقه عند مرام وسبناكم مع بعض وبعدين جينا تاني يوم لقيناكم نايمين خدناكم وودناكم المستشفى على أساس ان جالكم حالة تسمم بعد العشا واتفقنا مع الدكاتره أنهم يقولوا كده
نغم بتذكر : يعني اليوم ده كان فيه اتفاق مابينكم
محمود : أيوه بس التخطيط كله كان بتاع مرام
أحمد ضربه بغضب : انت ازاى بالقذا"ره دي كلها عملت كده ليه ودمرت حياتنا بالطريقه الزبا"له دي ليييييه
محمود زقه بغضب واتكلم : عارف لييييه عشان بكر"هك عارف يعني ايه بكر"هك
أحمد بصدمه : بتكر"هنى !!!
أكمل محمود كلامه بغضب : أيوه بكر"هك هحبك ليه مثلا انت مش أخويا من الأب اصلا امي طول عمرها بتحبك انت اكتر منى حتى لما ماتت كانت راضيه عنك انت وانا لاء البنت ال حبتها انت روحت خطبتها ومن غير ماتعمل أي شعور ليا
أحمد بصدمه : انت بتحب نغم ؟..
- تابع الفصل التالي عبر الرابط: "رواية حمل خطأ" اضغط على أسم الرواية