رواية دروب الحياه الفصل السادس بقلم نورهان مسعد
رواية دروب الحياه الفصل السادس
سيف بعصبيه مبالغ فيها / وه بتبجحي فيا في اول مجابله والله عال لولا انك بت عمي كنت عرفت قيمه فعلك
نور برفع الحاجب / طيب ما تيجي نفترض اننا مش ولاد عم هتعمل اي يعني.. عندي فضول اعرف يا ااااا
سيف مش سيف بردو
سيف / ومالك بتجولي سيف من تحت خشمك اكده
نور وقد عجبها استفزاز/ ابدا قالولي هتلاقي واحد عصبي بيتخانق مع دبان وشه طول الوقت ابعدي عنه علشان ميطئلوش عرق
واختفت تمام فهو مصدوم من تلك التي تجرأت ان تقف في وجهه وايضا تستفزه بكل برود. فهو من صدمته وقف برهه يفكر ماذا قالت ثم حدث ما لا يسلم عقباه /
انااا هيطجلي عرج يا بت عميي انا هربيكيي
هي راحت فيين .. ونور ذهبت لجدها لانها لا تعلم رد فعله بعد ولكن اخذت حذرها وذهبت عند جدها مرة اخري
وجاء هذا الغاضب وكأن من يراه يعلم ان هناك من سيموت حتما / انا هيطجلي عرررررج وبتخانق مع دبان وششششي انااااااااا
نور والتي كانت خائفه بعض ااشئ ولكن كانت بارعه في اخفائه / اممممم انت شايف اي
سيف بغضب / انا شايف انك محتاجه ربايه ..
نور بغضب/ مسمحلكش انا متربيه كويس اوي ولو كنت ناسي انا بنت مين انا افكرك انا نور حسن محمد يعني ابويا حسن اللي هو عمك ومقبلش ابدا تقلل من تربيته ليا. انت ابن عمي وعلشان كدا مش هتخذ تصرف ضدك بس دا مش هيشفعلك كتير
عن اذنك يا جدي طالعه اريح ونظرت اليه بكل غضب وتحدي وذهبت لداخل المنزل وهي تتحدث لنفسها / شايف نفسه علي اي ومتعصب علي اي يعني جايه اتعرف عليهم يعمل كدا في اول مرة اشوف كان يوم اسود يوم ما شوفتك وكان هناك من يضحك عليهم وكان بكر.
بكر / احمم متتضايقش منه معلش هو طيب والله بس عصبي شويه
نور وقد اخذت بالها منه وقالت بأنكار / شويه انت متاكد..؟؟
بكر وقد ضحك مرة اخري / لا مش متاكد بصراحه خلتص متزعليش منه امسحيها فيا انا
نور/ حصل خير بس هو انت بئا بكر ولا عمر
بكر / تفتكري انا مين ..؟؟
نور بتفكير/ بكر كلامك هادي وعاقل ومش عصبي وودا اللي اتوصفلي عنك
بكر بابتسامه / ايوة يا ستي صح
نور/ فرحت بمعرفتك عكس اخوك الصراحه
سيف وقد دخل علي تلك الجمله / والله وانا ما فرحت بمعرفتك حتي
نور في سرها ولكن سمعها بكر / جبنا سيره القط ياريت كنت جيبت سيره المحشي اهو افضل من شوفته
بكر وهو يمسك نفسك من الضحك/ وه مالك يا سيف مطلع زرابينك علي بت عمك اكده لي بدل ما ترحب بيها زي بجيت الخلق
سيف / والنبي ما نجصاك ولا ناجصه حكمك انا رايح الارض تعاال ورايا محتاجك في الشغل
بكر / حاضر هملني دلوق وجاي وراك
نور / انت بتقوله يرحب بيا انت اخ غير صالح المفروض تقوله روح ولع فيها هنا هتكون اخ صاالح ليه
بكر وهو يضحك بشده عليها / دمك خفيف والله هموت منك روحي ارتاحي انتي علشان ورايا شغل ولما اجي هفرجك علي البلد لو معندكيش مانع
نور / والله انا معنديش بس في حد هيكون معانا ولاا ..
بكر قاطعها وقد فهم انها لا تريد ان يكونوا بمفردهما وقال/ لا متقلقيش نورا جايه معانا.
نور بفرحه/ بجد كدا تمام اوي
بكر مبتسم / خلاص اجهزي علي اخر النهار وهاجي انا نورا ناخدك يلا سلام
نور / سلام
حسن نزل لأباه وجلس معه / اتوحشتك جوي يا ابةي
ابوه/ لما انا اتوحشتك متباشرش عليا ولا مره اكد كأنك كنت منتظر مني امشيك علشان تمشي ومتبصش وراك حتي
حسن وقد حزن علي كلام اباه/ محصلش يا ابوي علطول كنت علي اتصال بكامل وعارف كل يوم بتمشوا عن اي ولما عرفت منه انك تعبت تاني مجدرتش اجعد ثانيه وجيت اهنه علطول ومضيعتش ثانيه ، انت اللي مشيتني يا ابوي علي غلطه معملتهاش وانت عارف اني لا يمكن اخون ثجتك فيا واصل.
______$$$$$__________فلاش باك
المخزن اتحرج الحجووووناااااي
محمد استيفظ بفزع / في ايييي .. في اييييي
حسن وكل البيت استيقظ / معرفش هروح اشوف اي يارب جيب العواجب سليمه يارب
اخذ حسن وكمال ومحمود يطفوا بالماء والرمل ولكن وللاسف المخزن احترق بالكامل وكان فيه المحصول كله
جاء غفير وقال للحاج محمد / الحق ابنك حسن بيكسر الخزنه يا بيه
الحاج محمد/ انت بتخرف بتجول اي ابني ميعملش اكده واصل
الغفير / انا شوفته انا واخوي بعنيا التنين دول.
الحاج محمد غير مصدق الكلام / غور من وشي روح شوف من سرج الخزنه ابن الرفضي انت
وارسل احد الرجال كي يبحثوا عن حسن ولكن حسن كان داخل المخزن ولم يراه رجال الحاجه محمد وذهبوا فقالوا له غير موجود في مكان الحريق
ولوهله صدق ان ابنه سرق ما كان في الخزنه بل زاد شكوكه انه من فعل الحريق في المخزن ايضا
__________$$$$____رجوع للحاضر
حسن بحزن / فاكر كان اي عقابك ليا وقتها.
كان اني انطردت من البلد كلتها وانحرمت من شوفتي ليك ولامي ولحد دلوق يشهد عليا ربنا انا مكنتش سبب في الحريق ولا في سرقه الخزنه.ومعرفش مين اللي عمل فيا أكده علي الرغم مأذيتش حد
الجد وقد بان علي وجهه تعابير الندم والحزن الشديد / كنت بحميك يا بني لاني عارف مين عمل اكده وانصدمت من الفاعل بس الغيره والحقد والغل يعملوا اكتر كن اقده
حسن وكان مستغرب حدا/ عارف ..وطردتني يا بوي وانت عارف اني مليش ذنب. ..لي جسيت عليا اكده .. هي دي حبك ليا يا بوي وقد لمعت عيناه بدموع(( فالظلم اسوء شئ ممكن ان تشعر به والاسوء عندما يكون من اقرب الناس اليك )) مين يا بوي اللي عمل فيا أكده
الجد / ملهوش فايده دلوق لو عرفت البيت كلتها هينحرج يا بني. وقلوبنا كمان هتتحرج قبل البيت
حسن بتصميم/ وانا من حجي اعرف مين السبب في فراجي عنكم كل المده دي
الجد بتصميم اكبر / خبر اي قولتك لاه ماهش سيره يعني من امتي وانت بتعاند ابوك يا حسن
حسن وقد ظهر علي ملامحه التعب النفسي وليس الجسدي / العفو يا بوي مجصدش اعاندك.
عن اذنك يا بوي طالع اريح شوي
الجد وكان رق قلبه علي حال ابنه/ اطلع يا حسن...واعرف انك والدي الصالح اللي عمره ما فارج عجلي في يوم ولا تفتكر انك لوحدك اللي كام بيوصلك اخبارنا يا حسن انا كنت علطول اهمل بلدي واجي اشوفك من بعيد واشبع نظري منيك يا حسن
حسن وقد صدم من فعل اباه هرول لحضنه كثيرا.
(( الانسان مهما كبر وزاد عمره سيظل طفل يهرول لحضن والديه لانهما الامان والحنان الذي يحتاجه كل منا مهما كبرنا وكنا شيوخا او عجوز ))
______$$$____ ___________
هاتف نور رن وكان المتصل زميلتها في الجامعه ياسمين/ السلام عليكم ازيك يا روحي اي نسيتينا ولا اي
نور/ وعليكم السلام معقول انساكي يا بنتي والله كنت مشغول علشان سافرت الصعيد امبارح ولسه واصله انهارده الفجر
ياسمين/ بجد بس احنا عندنا امتحان في ماده ((...))
يوم الحد الجاي انتي ناسيه ولا اي..
نور وهي تضرب جبهتها / يا ربي انا نسيت فعلا دا الامتحان بعد بكره خلاص ابعتيلي الماده وانا نازله ان شاء الله
نور ذهبت لوالديها بعد ان استأذنت منهم للدخول / بابا انا لازم انزل اسكندريه عندي ميد يوم الحد
حسن/ احنا لسه جايين انهارده بس مفيش مشكله ممكن اوصلك واستناكي ونرجع
نهال/ مش هيكون تعب عليك يا حسن السفر مرتين
حسن / متقلقيش هكون كويس. ومش هينفع اسيب نور تنزل لوحدها
نور / خلاص يا بابا ننزل بكره بأذن الله
ذهب حسن لأباه وقال له انه يجيب ان يسافر هو نور من أجل امتحانها ولكن الجد اقترح عليه ان تسافر مع سيف فلديه بعض الاعمال سيقوم بها.
ولكن حسن رفض كونهم سيكونوا بمفردهم فجاء رد الجد بأن سترافقهم صفيه حتي تخدمهم ان احتاجوا لشئ
فوافق حسن لانه يتعب من السفر
الجد/ سيف عايزك تاخد معاك نور. لاسكندريه
سيف / لي سواج الهانم يا جدي
الجد/ اتحددت مع جدك بأحترام يا سيف وبلاها عصبيتك اللي عمال علي بطال
سيف/ اسف يا جدي مش هاخد حد معاه عندها رجلين خليها تسافر في قطر او اي حاجه.
حسن وقد اخبر نور بأنها ستسافر مع سيف / علي جثتي اركب مع البني ادم داا يا بابا
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية دروب الحياه" اضغط على اسم الرواية