رواية زوجتي المجهولة الفصل الثالث عشر بقلم ايمان شلبي
رواية زوجتي المجهولة الفصل الثالث عشر
لم تنتظر مريم دقائق لتهرول سريعا الي الخارج وتهبط درجات السلم بسرعه فائقه حتي كادت ان تتعثر اكثر من مره حتي وصلت اخيرا لتتجه الي باب الفيله وتفتحه قبل ان يرن الجرس لتجد رعد امامها لتنظر له بدموع علي وشك السقوط
رعد:اتفضلوا
دلفت الفتاه ووالدها ووالدتها بعجرفه كل ذلك ومريم صامته وتنظر لهم بقلق ان يكون ما يدور في ذهنها حقيقي لا محاله ستقتله وتقتلها لتفيق من شرودها علي صوت تلك الفتاه المتعجرفه
انتي خدي الشنط ديه طلعيها فوق
نظرت مريم الي جانبها الايسر وايضا الايمن اعتقادا منها انها تتحدث مع احدي الخادمات
مريم وهي تشير الي نفسها:انتي بتكلميني انا
الفتاه :اومال بكلم خيالك يالا انجزي يابت
رعد بغضب وهو يتجه نحو مريم ويضع يديه علي كتفها بتملك :سلمي ديه مريم مرتي مش شغاله اهني عاد وحتي لو شغاله انتي مش من حقك تتكلمي ا كده مع اي حد
سلمي بقرف وهي تنظر اليها:بقي هي ديه اللي اتجوزتها وفضلتها عليا
مريم بعدم فهم وهي تنظر له وتقول بخفوت:هي مين النسناس اللي بتتكلم ديه
حاول رعد ان يكبت ضحكته ليقول بصعوبه:اعرفك ياحبيبتي سلمي بنت خالتي وخالتي الفت وجوزها فهمي
مريم:اه اهلا بيكوا نورتوا
الفت بقرف وضيق:شكرا
فهمي بود:تسلمي ياجميل والف مليون مبروك علي الجواز معلش احنا مكناش في الفرح لاننا عايشين في القاهره وكان عندي شغل مهم جدا
مريم بابتسامه:الله يبارك في حضرتك ولا يهمك
رعد:اتفضلوا
دلفوا الي الداخل ليتبقي مريم ورعد وتلك المغروره
مريم:وه مدخلتيش لي ياسلمي اتفضلي ولا معجبكيش المكان عاد
سلمي بغيظ:انتوا مكلبشين في بعض لي كده قدام الناس
مريم بجراءه:جوزي واحنا احرار
سلمي:وخطيبي
رعد بمقاطعه:كنت ياسلمي
سلمي:بس انت لسه بتحبني
مريم بمكر انوثي وهي تطوق خصره :كان ياسلمي وهو دلوج جوزي وحبيبي وان شاء الله ابو عيالي عجبالك يارب يالا عن اذنك احنا هنطلع ننام عشان رعد عنده شغل بكره البيت بيتكوا طبعا مش هوصيكي ياجمر لتجذب رعد من يديه بغيره والغريبه انه لن يغضب ابدا بل بالعكس كاد ان يموت فرحا وسار معها وكأنه طفل صغير حتي وصلوا الي غرفتهم لتفتحها مريم بعصبيه وتدلف لتترك يديه وكادت ان تذهب ليجذبها رعد بسرعه لتصطدم بصدره الصلب
رعد بمكر:ده الجطه طلعت بتخربش عاد
مريم بعصبيه وهي تجذبه من تلابيب قميصه:اه الجطه بتخربش والجطه متحبش حد يجرب من حاجه تخصها ولو جرب هتاكله بسنانها فاهم عاد ولا مفاهمش
رعد بنظره اعجاب من شراستها تلك وابتسم بخبث ليقترب منها ويهمس في اذنيها:الجطه شكلها حلو وهي غيرانه جوي جوي
دق قلب مريم بعنف من اقترابه المهلك بالنسبه لها ورائحه عطره والتي اخترقت انفها لتتنفس بصعوبه وحاولت الابتعاد ليحاوطها هو بكلتا يديه
مريم:ر رعد بعد عني
رعد بهمس: مش انتي الصبح جولتيلي عايزين فرصه نتعرف علي بعض وانا موافج
مريم بتوتر:ط طب بعد شويه
رعد بنفس الهمس:ومش جولتي كمان لسلمي اني جوزك وحبيبك وان شاء الله ابو عيالك
مريم:و وده اي علاجته بالموضوع عاد
رعد وهو يغمز لها:وانا مهكسرش كلمتك واصل انا جوزك وحبيبك بس لسه مبجتش ابو عيالك يبجي اي
مريم وكأنها فهمت ما يدور بذهنه ليدق قلبها بعنف وخوف ويرتعش جسدها ليلاحظه رعد ويحاوط وجهها بحنان:مريم متخافيش لي جسمك بيرتعش اكده خلاص انا هخرج من الجوضه وكاد ان يذهب لتمسك لتجذب مريم كفه
مريم وهي تقترب منه بشراسه:مهتنزلش للبت اللي شبه النسناس ديه عاد
رعد بخبث:لي ديه سلمي حلوه حتي كيف الجمر
مريم بغضب وهي تقف علي اطراف اصابعها وتهمس في اذنيه:لو نزلت هجتلك
ابتسم رعد بخبث ليحاوطها من خصرها وتلفح انفاسه الساخنه وجهها :كيف انزل واسيب الجمر ده
ابتسمت مريم بخجل ليضمها رعد وتطوق هي عنقه بقوه وكأنها احست بالامان بين احضانه (الفراغ العاطفي قاتلني والله😂)
...............................................................................
في فيله البحراوي كانت اريج تجلس في غرفه عدي منذ الصباح فهو لن يسمح لها بالخروج حتي بعد ما افاقت
اريج بعصبيه:انا عايزه اخرج من هنا انت حابسني
عدي ببرود وهو يعمل علي حاسوبه:وانا جولت مفيش خروج النهارده من هنا وهتنامي اهني النهارده كمان
اريج وهي تنهض بعصبيه نحو الباب لتفتحه ولكنه مغلق
اريج بعصبيه وهي تشد شعرها:انت حابسني لي دلوج خرجني من هنا كفايه اللي انت عملته الصبح واللي حصلي بسببك نهض عدي مره واحده ليجذبها من ذراعها ويقربها منه ليقول وهو يجذ علي اسنانه:عقابا ليكي عشان وجفتي مع الواد اياك
اريج ببكاء من الألم بسبب قبضته:ه هو اللي وجفني والله مانا
مست دموعها قلبه ليترك يديها ويتجه نحو الباب ويفتحه بهدوء:اخرجي
اريج وهي تنظر له بدموع:متأكد
عدي بعصبيه:جولتلك اخرجي عاد
خرجت اريج بسرعه خوفا من بطشه وعدي وقف بغضب وصدره يهبط ويصعد بعنف
عدي لنفسه:معارفش اي اللي بيجرالي عاد معارفش يااريج بتعملي فيا اي
................................................................................
في المطعم اتجهت روفيده الي طاوله مالك
مالك باستغراب:روفيده ازيك
روفيده وقد كانت تقف خلف مرام لترش علي ظهرها من الخلف بودره صراصير :الحمد لله يامستر مالك ا انا كنت عايزه اعتذر لحضرتك علي اللي حصل النهارده
مالك:لا مفيش مشكله بس انا خايف عليكي والله ههههه
روفيده:لي
مالك:اصل قصي مجنون ربنا يستر
روفيده بشراسه:مجنون علي نفسه الاستاذ
مالك:ههههه مجنون مع مجنونه والله لايقين علي بعض
احمر وجه روفيده خجلا من جملته ليقول مالك:اتفضلي معانا
روفيده:لا شكرا عشان مسبش ساره لوحدها
مالك باستغراب:ساره
روفيده:اه ماحنا اتصاحبنا عن اذن حضرتك ظل مالك يتبعها حتي وصلت الي الطاوله ولمح تلك الملاك والتي سحرته من النظره الاولي تنظر تجاهه لتشيح وجهها سريعا عندما لاحظته ينظر اليها اما عن تلك مرام فكانت تجلس علي الكرسي بحركه شديده وتهرش في ذراعيها وتحك ظهرها في الكرسي لاحظ مالك وضعها الغريب ليقول باستغراب:مرام انتي كويسه
مرام:لا لا مش عارفه في اي عن اذنك هروح التواليت لم تنتظر رده وانما هرولت سريعا كل ذلك وتلك المجنونه روفيده تجلس وتبتسم بخبث
ليال :روفيده مش مرتحالك انتي عملتي اي
روفيده:كل الحكايه هخليكي تتعشي مع جوزك والحربايه ديه هتمشي وحالا
ليال بصدمه:ده ازاي ده
روفيده بخبث وهي تخرج البودره :بديه
ليال :يانهارك اسود انتي رشيتي ديه عليها
روفيده بتأكيد:اه تستاهل انتي زعلانه عليها ولا اي ياختي
ليال:لا طبعا اللهي تولع مطرح ماهي قاعده
علي طاوله مالك خرجت مرام من المرحاض
مرام وهي تلتقط حقيبتها:مالك انا اسفه جدا انا همشي لازم امشي لتهرول سريعا
مالك:هي مجنونه ديه ولا اي لينظر الي طاوله ليال ويجدها تتحدث مع روفيده
ليال:ديه مشت بجد يس يس
روفيده وهي تلتقط حقيبتها وتغمز لها:مبروك عليكي العشا مع حبيبك يالولا
ليال :انتي رايحه فين وسايباني
روفيده:انا لازم امشي عشان لما مالك يشوفك لوحدك يجي يقعد معاكي
ليال:ط طب وهقوله اي لو سألني عليكي
روفيده:اهلها اتصلوا بيها وقالولها تروح بسرعه عشان في مشكله يالا باااي لتخرج روفيده سريعا وتترك تلك التي كادت ان تموت من التوتر
الجميل قاعد لوحده لي رفعت ليال وجهها لتجد شاب وسيم ولكن يبدو انه يغازل
ليال:افندم وانت مالك اصلا
الشاب: الله لي بس كده متخليكي فريش
في حاجه ياساره
التفت الشاب الي مصدر الصوت ليجد مالك يقف خلفه
الشاب:وانت مالك ياكابتن
مالك ببرود:تؤ تؤ عيب لما تتكلم مع اللي اكبر منك كده
الشاب:انت مالك برضو ياشبح
وفي اقل من ثانيه كان يسقط ارضا بسبب لكمه مالك له
شهقت ليال بصدمه لتقف وتتجه نحو مالك:انت اتجننت اي اللي انت هببته ده لم يرد مالك وانما جذب متعلقاتها من الطاوله وجذبها من معصمها بقوه وخرج سريعا حاولت هي ان تفلت يديها ولكن قبضته كانت اقوي حتي وصلوا الي السياره ليتركها
ليال بعصبيه:انت اتجننت اي اللي انت عملته ده
مالك ببرود:صوتك ميعلاش عليا بدل ما الطلشلك
ليال :انت اتهبلت ولا اي تلطش لمين وبصفتك مين اصلا لا فوق كده وفي اقل من ثانيه كانت تلتصق بالسياره وهو يحاوطها بذراعيه:تحبي اقولك بصفتي مين لقترب من اذنيها ويهمس ببطئ:بصفتي جوزك ياليال يانجعاووي....
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية زوجتي المجهولة " اضغط على اسم الرواية