رواية صغيرة الاسد البارت الرابع عشر 14 بقلم رنا احمد عماد
رواية صغيرة الاسد الفصل الرابع عشر 14
في فيلا الشناوي ❤️❤️❤️❤️.
غرفه ميسره ...
كانت تقف وهي تنظر إليه باستغراب شديد اي زواج الذي يتحدث عنه فهي ترا أنها مجرد فتاه يعطفون عليها ابنه الساعي الذي يعمل عندهم فماذا يحدث .
ميسره بصدمه /جواز ايه الي حضرتك بتتكلم عنه .
رعد بجديه وثقه /جوازك انتي وبرق ي ميسره .
برق بانفعال /حضردتك بتقول ايه ي بابا ايه الكلام ده .
ميسره بحده ووجع وصراخ /مش محتاج انفعالك ده كله ي برق بيه انا عارفه ايه الي بيحصل بالظبط حضرتك عايز تعمل ثواب مش كده عايز تجوز بنت الساعي الي بقت يتيمه الاب والام لابنك عايز تعطف عليا مش كده وتشغلوني خدامه مش كده لا ي رعد بيه لا أنا ميسره انا بمائه راجل ومش انا الي اتكسر انا هخرج من هنا واروح اعيش في شقتي وشكرا اوي علي حضرتك عملته معايا.
رعد بقوه وثبات /براحتك انا مش حبسك بس افتكري كويس اوي كلامي وانا في الاول والاخر رعد الشناوي الي مفيش حاجه تقدر تقف قصادي والي بفكر فيه بنفذه ابوكي وصاني عليكي وانا اخدت القرار ده وهيتنفذ .
برق بعصبية /غصبن عني ي بابا .
رعد بقوه /غصبن عنكم انتوا الاتنين ولحد كده وكلامي خلص .
ميسره وهي تحمل شنطتها وتستعد للرحيل /وانا كمان كلامي خلص ي رعد بيه عن اذن حضرتك .
برق بغيظ/بابا ممكن افهم ايه الي بيحصل دلوقتي .
رعد بقوه /روح وراها واتاكدت أنها طلعت البيت وبعدين هنتكلم اتفضل .
برق بغيظ شديد /تحت امرك ي بابا .
فله بقلق /بلاش الموضوع ده ي رعد شكلهم الاتنين مش عايزين خايفه نشيل ذنبهم .
رعد بابتسامه الساحره الذي تظهر دائما لها /انتي فاكره أنهم بجد مش عايزين دول بياكبروا ي روحي كل واحد فيهم جوه حته كرامه مانعاه أنه يعترف بده متقلقيش انا عارف انا بعمل ايه .
فله بابتسامه/ي عني انت متاكد من مشاعرهم ي رعد .
رعد وهو يحتضنها بعشق دائم لسنوات /هو فيه حد خبير في الحب والعشق زي ولا ايه .
فله بابتسامه وعشق /طبعا ي ملك العشق ومالك قلبي كمان ..
في شقه علي ..
كان يسير حازم بغضب شديد لذلك الموقف المحرج الذي تعرضت له جنه بسبب والدته .
حازم بعصبية /ممكن افهم حضرتك عملتي كده ليه .
انجي بعصبية /انت هتزعقلي من دلوقتي علشانها ولا ايه ي سي حازم .
حازم بغضب /حضرتك كنتي قاصده الي قولتيه كنتي قاصده تجريحها ومن فضلك لازم تعتزريلها .
انجي بعصبية /اعتزر لمين ي ولد انت اتجننت دي كلمه عادي قولتها مكنش محتاج ده كله الي عملته دي بنت قليله الذوق .
حازم بعصبية وضيق وهو يفتح الباب /انا رايح اقاعد عند خالي رعد لو حضرتك قررتي انك تشتري ابنك هتعملي الي قولت عليه سلام .
جنه بعصبية/شايف شايف ابنك وحضرتك ساكت كده ليه ي علي .
علي بحده وضيق /انا مردتش اهز صورتك قدام ابنك بس الي عملتيه كان قله ذوق وقله ادب كمان .
انجي بصدمه /هي حصلت تقولي الفاظ زي دي ي علي .
علي بغضب /ياه ضيقتك قوي الكلمتين دول ي هانم والي قولتيه للبنت الغلبانه دي الي كاسرتيها في عز فرحتها كان عادي ي انجي هانم .
انجي بدموع وانهيار فذلك لاول مره أن علي يحدثها بذلك الطريقه الجارحه .
/ايه الي انت وابنك عملنوه ده علي حاجه متستهلش ايه ضربتها بالنار انا قولت الحقيقه الحقيقه الي لو كان اخوها عمل بيها كانت اتجوزت من زمان وغارت من وشنا دي بنت استغلاليه عايزه تسرق شباب ابني وفرحته .
علي بضيق والم /ي خساره بجد ي خساره عمري مكنت أتخيل انك تكوني كده ابدا الحقيقه ي هانم زي مكتير بيكون فيها الدواء كتير بتكون جارحه وبتقتل وانتي للاسف قتلتي البنت دي ومش بس هي وابنك كمان معاها .
انجي بعند /مش هعتزر ي علي فاهم مش هعتزر .
علي بضيق /براحتك انا مسافر السويس عندي مهمه اعملي الي انتي عايزاه بس بكده انتي بتدمري ابنك وبترجعيه للي كان فيه زمان الي جنه بحبها ليه قدرت تغيره لكن احنا مش هنقدر عن اذنك ..
لتسقط انجي بإهمال علي الكرسي وهي تنساب دموعها فهي تعلم أنها أخطأت لكن من الواضح أن غرورها مازال يسيطر عليها برغم مرور سنوات ..
في الصعيد ...
في دوار ام حميده ...
كانت تجلس ام حميده وهي تعجن الخبز لتصرخ عنيات بجانبها بخبث شديد .
عنيات بخبث ومكر وهي تمسك الهاتف /ي فضيحتي ايه المسخره دي صحيح ي أما تحت السواهي دواهي .
ام حميده باستغراب /مالك ي بت فيه ايه عاد .
عنيات بشر /هقول ايه ي أما دي أعراض ناس ربنا يستر على ولايانا .
ام حميده بغضب /متحددي ي بت جبر يلمك .
عنيات بخبث /خودي ياما شوفي الي عمله فيها حضره الشريفه .
لتمسك ام حميده الهاتف لتصعق من ذلك الفيديو الذي ترا به عشق وهي ترقص بطريقه مقززه وبملابس عاريه .
ام حميده بحده وغضب /ده كده عشق ليمكن تعمل كده واصل .
عنيات بضيق وخبث /ليه عاد ي أما دي هنه كانت بترقص ولا أجدع رقاصه واضح انها واخده علي كده .
ام حميده بغضب /اخرسي ي بت اكتمي خلي بالك من العجين لما اروح اشوفها .
عنيات بهمس وكره /ههههه زمان الفيديو بقا علي تليفونات البلد كلها وفضيحتك هتبقا بجلال ي ست عشق واسد هيكون ليا ل حالي عفارم عليك ي سعفان ..
فلاش باك ....
ليلا ..
كانت تسير عنيات لمحل الموبيلات لصاحبه سعفان فهو يعشقها ويؤد فعل اي شي من أجلها وهي دائما تستخدم ذلك لاستغلاله .
عنيات بدلع مصتنع /ساء الخير ي سعفان .
سعفان بعشق /ي لهووي ي جدعان القمر ساب السماء وجالي هنا عامله ايه ي روح القلب .
عنيات بخبث /مش زينه ي سعفان مخنوقه .
سعفان /واه عاد مين الي خانق ست البنات وانا اجيبه تحت رجليكي راكع .
عنيات بخبث/بت أكده شايفه حالها عليا ورفعالي ضغطي علشان أكده عايز اجيب مناخيرها الأرض .
سعفان بابتسامه /طلباتك اوامر ي ست البنات اؤمري وانا انفذ .
عنيات بمكر وشر /امسك الفيديو ده هي دي البت الي حارقه دمي عايزلها فيديو ايه انت فاهم بقا عاد وعايزاه علي كل تليفونات البلد عايزه فضيحتها بجلاجل هتعملي كده علشاني ي سعفان .
سعفان بغباء /طبعا ي روح سعفان اطمني ي غاليه بكره هتشوفي كل الي انتي عايزاه هعملها فيديو انما ايه عجب علشان يوطي ضغط ست البنات .
عنيات بخبث ودلع مصتنع /تسلم ي سعفان .
باك ...
عنيات بضحكه عاليه وشماته /هههههههه ولسه ي ست عشق ....
/////////////////////////////////.
في فيلا الشناوي ❤️❤️❤️
في الجنينه ...
كانوا يجلسون رعد وفله لياتي إليهم اسد ...
اسد بابتسامه /مساء الخير .
فله بابتسامه وحنان /اسد حمد لله على السلامه ي قلب امك .
اسد بابتسامه وهو يقبل يدها /الله يسلمك ي فلتي .
رعد بحده /الي اعرفه ان حضرتك واخد اجازه ممكن اعرف مجتش جنازه عمك سيد ليه .
اسد بارتباك /اسف ي بابا بس بجد كنت مشغول شويه .
رعد بجديه /فيه ايه بقا .
فله باستغراب /فيه ايه ي رعد ليه التحقيق ده .
رعد بعصبية /التحقيق ده لان اللواء فاروق كلمني وقالي أن الباشا مش شايف شغله خالص ومبقاش اسد الشناوي زي مالكل كان دائما شايف .
اسد بعصبية /وهو بيكلم حضرتك وبقولك كده ليه ده علي اساس أن عيل صغير مش عارف يجيب درجات حلوه في المدرسه .
رعد بغضب /وطي صوتك وانت بتتكلم معايا انا مش واحد من العساكر الي تحت ايدك فاهم .
اسد بأسف /انا اسف ي بابا مقصدتش كل الحكايه اني مش عيل صغير خدت اجازه علشان ارتاح شويه من الشغل .
فله بحنان وابتسامه /مفيهاش حاجه يحبيبي .
حازم بضيق شديد /مساء الخير .
رعد باستغراب /حازم انت مش كنت بتتطلب ايد جنه النهارده ايه الي جابك دلوقتي .
حازم بعصبية /ياريت حضرتك تتكلم مع اختك وتسالها .
رعد بغضب /اختي ماتتكلم عن امك كويس ي ولد انت واضح أن انا واختي معرفناش نربي .
حازم بعصبية /ارجوك ي خالي حضرتك كلميها واسالها .
فله بابتسامه /خلاص ي حبيبي إن شاء الله كل حاجه هتتعدل اطلعوا يلا ارتاحوا .
حازم بضيق /تليفونك ي اسد .
اسد بقلق /ده جاسر هرد عليه عن اذنكم .
في الجانب الآخر ..
اسد بقلق /ايوه ي جاسر .
جاسر بجديه /محتاجين نتكلم ي اسد اللواء فاروق قلب علينا احنا الثلاثه الدنيا ..
اسد بضيق /تمام تعال أن في البيت .
جاسر بجديه /تمام نص ساعه واكون عندك .
/////////////////////////////.
في الصعيد ...
في دوار اسد وعشق ..
كانت تجلس عشق بدموع والم ووجع وهي تضع رأسها بين يديها بالم شديد لتتدخل ام حميده .
ام حميده بحزن شديد/ايه ي ست البنات مالك .
عشق بدموع والم /موجوعه اوي ي ام حميده اوي نار قايده جوه قلبي .
ام حميده وهي تحتضنها بالم لأجلها/بعد الشر عليكي ي ست البنات الي عمل كده واحد ابن حرام وان شاء هنعرفوا .
عشق باستغراب /انتي بتتكلمي عن ايه .
ام حميده بحزن وارتباك /مفيش ي ضنايا مفيش .
عشق بتصميم /لا لو سمحتي قوليلي ي ام حميده فيه ايه .
ام حميده بالم /استغفر الله العظيم يارب انا بتكلم عن البتاع المدعوق ده الي اسمه المحمول .
عشق بصدمه /قصدك الفيديو الي برقص فيه انتي شوفتيه فين .
ام حميده بارتباك /شوفته شوفته علي تلفون نعمات بتي وكمان سمعت ناس كتيره بيتحددوا بس اطمني ي ضنايا ربنا مش هيسيب حقك واسد كمان .
عشق بدموع والم شديد/اسد وصلت بيك الوساخه لكده تفضحني بالشكل ده .
ام حميده بصدمه /اسد انتي بتقويلي ايه ي ضنايا .
عشق بانهيار ودموع وصراخ /بقول الي انتي متعرفهوش ي ام حميده أن اسد باشا الي انتوا كلكم شايفين أنه احسن انسان في الدنيا طلع ابشع انسان البنادم الي حبيته ووثقت فيه حاب يدمرني ويسبني علشان كده عمل كده بعد ماخدت كل الي هو عاوزه خلاني ارقصله هنا في بيتنا علشان يفضحني ويعملي فيديو حقير زي ده .
ام حميده بحنان /حرام عليكي ي ضنايا انتي بتقويلي ايه عاد ي عشق ده بيحبك وبيموت فيكي فيه حد يفضح عرضه برضه ده كلام .
عشق بصراخ وانهيار /انتي مش فاهمه حاجه ي ام حميده عمل كل ده علشان انا مشرفش مشرفش أن أكون مرات اسد باشا اه اه .
ام حميده بصراخ وفزع /عشق بتي .
/////////////////////////////.
في الجامعه .
في كليه الشريعه الاسلاميه .
كانت تجلس تمارا وهي تتدون بعض الملفات الهامه ليسير إليها ساجد بعصبية شديده .
ساجد بغضب وهو يرمي الكارت أرضا /اتفضلي يدكتوره وشكرا اوي علي الي عملتيه .
تمارا بصدمه /حضرتك قصدك ايه .
ساجد بغضب /قصدي أن لعبتك انتي وابوكي انكشفت خلاص انا مش شحات ي دكتوره ولا مستني حسنه من الي زيكم اتفضلي الكارت ويريت تقويلي ل احمد بيه اني مستقيل من الشغل من قبل ماشتغل وانا اسف علي أن احترمتك وفضفت معاكي بكلمتين .
تمارا بخبث /وانا غلطانه لاني صدقتك وانت طلعت كداب في كل كلمه قولتها .
ساجد بعصبية /حضرتك قصدك ايه انا مكدبتش في أي حاجه .
تمارا بجديه /لاكدبت انت قولت أن ده حلم استنيته كتير ومستني أن ربنا يعوضك بيه عن التضحيه الي ضاحتها مع اخواتك البنات وادي ربنا بعتلك نصيبك انا وابويا مجرد سبب مش اكتر بس دي فرصه ربنا بعتهالك وبعدين ليه كلمه شحات في الموضوع حدقالك ان ابويا هيديك فلوس من غير شغل علي قد عملك هتاخد أجرك من ابويا اجرك الي تستحقه الي ربنا مقسومهلك عن اذنك ي بشمهندس .
نعم فليست بالهينه رحلت بابتسامه فهي بالفعل استطاعت أن ترمي سهامها في المكان الصحيح تركته وهو يتبع آثارها باستغراب فلماذا استطاعت ببساطه أن تقنعه ..
///////////////////////////////////.
في شقه مراد .....
كانت تجلس جنه بدموع والم فهي ليس لها ذنبا فذلك أمر الله .
مراد بحنان /اهدي ي روحي اهدي .
تحيه بغضب /تهدأ ازي بس ي مراد دي ست قليله الذوق ولازم تتادب .
مراد بعصبيه/ارجوكي ي خالتي مش وقته الكلام ده .
تحيه بغضب /لا وقته ي سي مراد مش للست دي قريبه المحروسه بتاعتك كلهم عائله زباله ورافعين مناخيرهم في السماء .
جنه بدموع والم /من فضلكم سيبوني لوحدي شويه عايزه اكون لوحدي .
مراد بجديه /حاضر بس اعرفي حاجه أنا متأكد منها كويس اوي أن حازم بيحبك واوي كمان والدليل اهو مليون رنه في دقائق فكري ي جنه بس اوعي تتضيعيه من ايدك ي حبيبتي .
////////////////////////////////.
في حي السيده زينب ...
كانت تسير ميسره بتعب والم إلا أن وصلت إلى باب الشقه لتلتفت بعصبية لمن يتبعها .
ميسره بعصبية وتعب /اظن انا خلاص وصلت لباب الشقه مش معقوله هتوصلني السرير .
برق بعند /بقولك ايه دي أوامر ابويا وانا ينفذها علشان خاطره مش علشانك فاهمه .
ميسره بحزن شديد /فاهمه واطمن انا بحلك من اي حاجه .
برق بارتباك /قصدك ايه مش فاهم .
ميسره بحزن/قصدي موضوع جوازنا انا مستحيل اوافق اطمن .
برق بضيق من داخله لكن غروره يمعنه الاعتراف بذلك /ي عني انا الي هموت عليكي انا كمان مش عاوز .
ميسره بجديه /تمام عن اذنك بقا ادخل شقتي .
اسرعت ميسره الي الداخل وهي تغلق الباب لتترك من يشعر أن قلبه يحاول أخباره بشي لكنه دائما يرفض ذلك الفكره ..
من داخل الشقه ..
كانت ترتمي ميسره علي السرير بدموع والم وهي تمسك صوره والدها .
/اه ي بابا اه سبتني ليه ي حبيبي وسبتني لمين خلاص ميسره بقت وحيده حتي البنادم الوحيد الي حاست أنه ممكن يعوضني هو كمان مش عاوزني بس اطمن ي بابا بنتك بمائه راجل وكرامتها فوق الكل ومستحيل اوافق علي الجوازه الي بالغصب دي ابدا .
/////////////////////////////.
في الصعيد ..
في دوار عشق واسد ..
كانت تحاول عشق أن تفتح عيناه تتدريجيا لتنظر باستغراب الي ام حميده .
عشق بتعب والم /هو ايه الي حصل ي ام حميده .
ام حميده بمرح /أكده عاد ابنك ي ست عشق مستحملش دموعك وصراخك ده فقال اخليها تغما عليها علشان تسكت شوي .
عشق بصدمه وهي تحسس بطنها /ابني .
ام حميده بابتسامه وحنان /الف مبروك ي ضنايا انتي حبله .
عشق بدموع ورعب في داخلها /ي ترا ي اسد هتحبسني برضه ولا ممكن ترحمني علشان ابنننا .
في فيلا الشناوي ❤️❤️❤️.
كان يقف رعد أمام غرفه المكتب لياخد بعد الملفات ليقف مكانه بصدمه مما سمع .
في غرفه المكتب.
شمس بعصبية وغضب /انت اكيد اتجننت ي اسد اتجوزت المجرمه دي .
اسد بحده /متقولش عليها كده ي شمس عشق ضحيه مظلومه وانا فعلا بحبها ومش مستعد ابدا اسلمها ولا اسيبها مستعد أضحي علشانها بكل حاجه وأهرب معاها لآخر الدنيا .
شمس بعصبية /انت عايز تجنني صح ايه حكايه ضحيه دي ده كانت بتعمل كل حاجه ل رشدي مهران كل صفقاته الوسخه كانت علي علم بيها كل ده كانت بتعمله برضائها حتي لو كان بيهدها بأمها فده مش مبررر ي اسد باشاعلشان كده معيشها في دوار الصعيد حمايه ليها بقا مش علشان تبعدها وتعرف منها معلومات متتكلم ي جاسر ساكت ليه .
جاسر بتنهيده/هتكلم اقول ايه مخلاص مبقاش فيه كلام ممكن يتقال اسد عمل الي هو عاوزه وخلاص المهم احنا هنعمل ايه دلوقتي .
اسد بجديه /هنفضل حوالين رشدي مهران لحد مانخلص منه وتاخد بتارك ي جاسر بعيد عن عشق .
جاسر بتنهيده /بس الي متعرفوش بقا أن اللواء فاروق أصدر قرار بالقبض علي عشق وطبع كل صورها لانه حس أننا مهملين في القضيه دي .
اسد بصدمه /بتقول ايه .
في الخارج .
كان يقف رعد بصدمه شديده فمن المعقول أن اسد الذي دائما كان يتحدث عن العداله وياخدها قاعده في حياته يتزوج من ذلك المجرمه ويخاطر بحياته ومستقبله من اجلها ليتحدث بثبات وثقه .
/انا لازم اعمل الصح قبل مابني يضيع ويخسر كل حاجه ...
- تابع الفصل التالي عبر الرابط: "رواية صغيرة الاسد" اضغط على أسم الرواية