رواية احببت ارملة الفصل الثاني والعشرون 22 بقلم حورية مصطفى

   رواية احببت ارملة الفصل الثاني والعشرون بقلم حورية مصطفى

 رواية احببت ارملة الفصل الثاني والعشرون

اليـاس بإبتسامة: بس انت مش حلاله عشان تروحي معاه يــا تقي.. 

تقي بإبتسامة: لا ما هو انا ويعقوب هنكتب كتابنا عشان اقدر اسافر معه

يعقوب بحزن: متأكده من اللي بتقوليه ده.. 

تقي بإبتسامة بحب مسكت ايده وقالت: متأكده اوووي كمااان.. 

فـاطمه بإبتسامة: الف مبروك يــا ولاد.. 

جاسر بإبتسامة: انـا هطلب المأذون.. 

بعد مرور ساعه.. 

انتهي المأذون من جملته الشهيره.. 

بارك الله لكما و بارك عليكما وجمع بينكم في خير.. 

نجمه بحب حضنت تقي وقالت: الف مبروك يــا حبيبتي.. 

تقي بإبتسامة: الله يبارك فيكي يــا قلبي.. 

حوريه بمرح: هو انا مضايقه انك اتجوزتي قبلي وكل حاجه بس الف مبروك يــا ستي عشان مش تقولي عليا حقو"ده وبغل.. 

تقي بضحك: ههههه الله يبارك فيكي يــااختي.. 

فاطمه بحب: دلوقتي انتي اتجوزتي المفروض تعقلي يــا حبيبتي.. 

تقي بإبتسامة: دي عندها يــا فطووم.. 

فاطمه بدون فهم: عند مين.. 

تقي بإبتسامة: عند ام لطفي اللي بتنور وبتطفي.. 

فاطمه بهدوء: هتمو''تيني ناقصه عمر.. 

تقي بإبتسامة: بعد الشر عليكي..

إليـاس بإبتسامة: الف مبروك يــا دكتور مع اني زعلان عليك عشان خدت اكبر مصيبه متحركه.. 

يعقوب بإبتسامة: الله يبارك فيك يــا سياده المقدم واكمل بحب دي احلي مصيبه في حياتي.. 

تقي ابتسمت بخجل.. 

خرج الجميع من الغرفه تاركين تقي و يعقوب بمفردهم.. 

تقي بإبتسامة: مبروك لينا يــا يعقوب.. 

يعقوب بإبتسامة: الله يبارك فيكى يــا حبيبتي.. 

طال الصمت فتره لحد مـا اتكلم يعقوب.. 

يعقوب بهدوء: تقي انـا عايز اعترفلك بحاجه.. 

تقي بإبتسامة: اتفضل.. 

يعقوب بدا يحكي لـ تقي انه فعلا يوم كتب الكتاب مكنش هيحضر عشان كان عايز يك'سر قلبها وينتقم منها بس اخته مريم اقنتعته انه يرجع وهم راجعين عملوا الحادثه.. 

يعقوب بدموع: انـا مكنتش عايز ابدا حياتي بكذبه يــا تقي اتمني تسامحيني ولو انتي مش عايزة تكملي معايا و.. 

تقي بمقاطعه:  بحبك.. 

يعقوب بإبتسامة: يعني موافقه تكملي حياتك معايا.. 

تقي بإبتسامة: ايوه.. 

خارج الغرفه.. 

جاسر بإبتسامة: انا حجزت التذاكر لـ فرنسا.. 

نجمه بدموع: يعني هي كده هتسافر بكره.. 

جاسر بحب حضنها: هي لازم تسافر يــا نجمه عشان تبقا يعقوب وتسانده وهو مالوش غير تقي دلوقتي.. 

 نجمه بدموع: بس انا متعوده انها تسافر وتسبني.. 

فاطمه بإبتسامة: يــا حبيبتي ده الطبيعي انها تسافر مع جوزها وبعدين انتي اتجوزتي وبقا ليكي حياه خاصه بيكي انتي و جوزك وهي نفس النظام المفروض تكون مع جوزها ومش تسيبه.. 

حوريه بمرح: يــارب انا عايزه حياه خاصه ليا انا وقره عيني المستقبلي انـا كمان.. 

إليـاس بضحك: انـا بحس انك عندك جفاف عاطفي مش عارف..

حوريه بإبتسامة: يعني مش متأكد.. 

وهم بيتكلموا تقي خرجت.. 

تقي بخجل: هو انا ينفع افضل مع يعقوب يــا فطووم.. 

فاطمه بإبتسامة: ايوه يــا حبيبتي.. 

تقي لجاسر  حجزت التذاكر يا ابيه.. 

جاسر بابتسامه : ايوه حجزتها والسفر بكره بإذن الله.. 

الياس بتساول :انتي هتروحي مع يعقوب لوحدك يا تقي اقصد هتقدرى تخلي بالك منه.. 

تقي بحب :ايوه يا ابيه هروح معه لوحدي مش عايزه يحس ان محتاج مساعده من حد وان شاء الله هقدر اخلي بالي منه كويس..  

جاسر بابتسامه: ان شاء الله هتقدرى يا حبيبتي واكمل احنا لازم نمشي عشان ادهم لوحده في البيت.. 

فاطمه: امشوا انتو انا هفضل هنا النهارده معهم.. 

تقي بنفي: لا يا فطووم مينفعش انتي اكيد مش خدتي دواكي فلازم تروحي ترتاحي وتاخدي الدواء بتاعك.. 

فاطمه: بس يا حبيبتي.. 

تقي: مفيش حاجه اسمها بس الكل هيروح وانا هفضل وبإذن الله الصبح هنسافر.. 

نجمه بحب :ماشي يا حبيبتي خلي بالك من نفسك ومن جوزك.. 

تقي بحب: حاضر.. 

وفعلا الجميع غادر المستشفى.. 

والياس خارج من المستشفى سمع صوت ينادي عليه التفت الياس الي مصدر الصوت وتفاجاه بجني تقف على باب المستشفى.. 

الياس ببرود:خير يا دكتوره في حاجه.. 

جني بحزن: انـا اسفه اني زعقت في اليوم ده اتمني تسامحني وصدقني انا.. 

اليـاس بمقاطعه: مش عايز اعرف لان ميهمينش يــا دكتوره جني غير اني معتش عايز المح طيفك قدامي.. ومشي.. 

جني بدموع: انـا خسرته بسب غبائي بعد ما كان قرب مني وبدأ يحبني كر"هني.. 

جني بإبتسامة: مش هسيبك يــا اليـاسي انت ليا انا وبس.. 

✰ــــــــــــــــــــــــ✰

في قصر الشرقاوي.. ♥︎

فاطمه بإبتسامة: مكنش ليه لزوم يــا حبيبتي ايجي هنا.. 

نجمه بإبتسامة: ومكنش ينفع تقعدي لوحدك يــا ماما عشان لو احتاجتي حاجه.. 

جاسر بإبتسامة: ده بيتك ابنك كمان يـا امي.. 

فاطمه بإبتسامة: تسلم يــا حبيبي.. 

حوريه بإبتسامة: انا هطلع اذاكر شويه.. 

جاسر بصدمه: انتي بتتكلمي جد.. 

حوريه بإبتسامة: ايوه انا اقتنعت ان لازم اعمل كارير  ليا.. 

جاسر بإبتسامة: هتتحسدي.. 

نجمه بضحك: ههههه للدرجادي مبتحبيش تذاكري يــا حوريه.. 

حوريه بمرح: ايوه انا كنت مقتنعه ان الواحده مننا ياختي مش ليها غير بيت جوزها قره عينها وصراحتنا كده انا لسه مقتنعه بالمبدا ده فهطلع انااام احسن..

جاسر بضحك: كنت عارف والله انك غيبوبه وهتطلعي تنامي في الاخر.. 

حوريه بمرح: مبحبش اتكلم عن نفسي كتير.. 

جاسر بإبتسامة: تعالي يــا امي عشان اوريكي اوضتك عشان ترتاحي.. 

فاطمه بإبتسامة: معلش يــا بني انا مش هقدر اطلع السلم عشان رجلي فوريني اوضه من اللي تحت دول.. 

جاسر بإبتسامة: حاضر يــا امي.. 

فاطمه بخجل: شكرا يا حبيبي عارفه اني هتقل عليكم الفتره دي.. 

جاسر بحزن: لي بتقولي كده يا امي ولا انتي مش بتعتبرني ابنك.. 

فاطمه بحب: متقولش كده يابني والله انتو ولادي اللي مش خلفتهم وربنا وحده اللي يعلم معزتكم عندي اي... 

جاسر امال بقا اي لازمته الكلام ده دلوقتي.  

فاطمه بحب: حقك عليا يا بني وأكملت لي نجمه حاتي ادهم يبات معايا النهارده يا حبيبتي.. 

حوريه بغيظ: لي كده يا فطووم بس.. 

فاطمه بتساول: هو اي اللي لي.. 

حوريه: لي تاخدي ادهم انا كنت بقعد العب بيه اسلي نفسي اوووف هعمل اي دلوقتي.. 

الجميع بصدمه: نعمممم.. 

حوريه بخوف من رد فعلهم هو انا شكلي عكيت ولا اي.. 

جاسر بغيظ من أفعالها كنتي بتلعبي بمين يا حوريه سمعيني كده.. 

حوريه بتوتر: العب بيه اي لا طبعا محصلش انا بقول العبه انتو اللي سمعتوا غلط يا جماعه.. 

نجمه بغيظ: لا والله.. 

حوريه بابتسامه: ساذجه اه والله.. 

جاسر بغيظ: اطلعي على اوضتك حالا يا حوريه.. 

حوريه بغيظ: اووووف امتى همشي من البيت ده واروح عند قره عيني فينك يا قره عيني بس انا بتمرمط من غيرك.. 

جاسر :حووووووريه.. 

حوريه: خلاص طلعت تصبحوا على خير.. 

الجميع وانت من اهل الخير..

✰ـــــــــــــــــــــــــ✰

في صباح يوم جديد.. 

في المطار..♥︎

نجمه بدموع: هتوحشيني اوووي.. 

تقي بإبتسامة: وانتي كمان ياقلبي.. 

حوريه بإبتسامة: ما تاخدوني معاكوا ومش هعمل صوت.. 

تقي بضحك: لا.. 

جاسر بإبتسامة: خلي بالك من نفسك كويس ومن يعقوب كمان.. 

تقي بإبتسامة: حاضر يــا ابيه.. 

اليـاس بإبتسامة: مش محتاج اوصيكي لاني عارف انك قدها يــا تقي.. 

تقي بهدوء: تسلم يــا ابيه.. 

فاطمه بحنان: خلي بالك منها يــا يعقوب واتحملها يــا حبيبي دي هبله.. 

يعقوب بحب: دي في قلبي يــا امي.. 

غادر الجميع المطار بعد وداع تقي و يعقوب..♥

في المساء.. 

في قصر الشرقاوي..♥︎

كان الجميع يجلسون امام التلفاز يسمعون الاخبار.. 

المذيعه: انف"جار الطياره المتجه الي فرنسا صباح اليوم.. 

يتبع الفصل الثالث والعشرون اضغط هنا 

• الفهرس يحتوي على جميع فصول الرواية كاملة :"رواية احببت ارملة" اضغط على اسم الرواية