رواية السمرة الفصل الثاني بقلم مريم اليوسف
رواية السمرة الفصل الثاني
انفتح الباب ودخل ولد عمرو عشر سنين
بشار :ماما مطولة
سمرا :لا جاي وين اخواتك
بشار :عم يلبسو برجليهن
سمرا جاي
وقفت وكانت لابسة بنطلون اسود قماش وفوقو بلوزة سودة واديها شاش وفيها لمعة دهبية
طلعت لعند المى يلي لابسة كنزة شوي فضفاضة والقبة مفتوحة لعند كتافها .. والكمام تلت رباع وشعرها عاظلتو ضفيرة ونازلة على صدرا .. وبنطلون خصر عريض ورجل ديقة وعليه بوط اسود هادي صح كانت بسيطة بس كتير حلوة .. حتى سمرا حسيت بالغيرة منها
سمرا : شو جاهزين
المى : اي جاهزين
سمرا : يلا قدامي لكن
طلعو وراحو ع العرس .. راحو مشي لانو المسافة قريبة .. اول ما دخلت المى شافت رفقاتا قاعدين جنب بعض ورفعولا باديهن
المى :خالتي رايحة لعند رفقاتي
سمرا :ماشي
مشي وراسها بالارض وراحت لعند رفقاتا
وسمرا شافت وحدة من جاراتا وقعدت جنب
سمرا :كيفك ام محمود 😊
والولاد راحو يلعبو مع الولاد
قربت المى وقعدت مع رفقاتا كان قاعدين بالصف الاول من الكراسي
المى :ليش قاعدين هون
مريم :وين بدنا نقعد
المى :هيك قدام الكل خلونا نرجع لورا شوي
ديمة :بلله شوو مابنعود نشوف شي ..وكمان جينا اول العالم مشلن نحجز محل قدام
المى : بس انا بخجل
غزل :بس هلأ بعدين بتتعودي
المى اتطلعت فيهن وقالت :شو عاملين بحالكن
غزل :حلوو
المى :بتجننو .. لو بعرف كنت ظبطت حالي متلكن 😥
مريم :لا لا بالعكس طالعة بتجنني
ديمة:اي والله كتير حلوة
التفتت ع الساحة واتطلعت عمكان العرسان وقالت :لسه ما اجو
مريم :لا .. شوي وبيجو .. قال عم يتصورو
المى :اممم صارت تتطلع ع البفلات والاضوية وقالت :حلو هالعرس رح يكون
ديمة :انا متحمسة كتير .. يشغلو هالموسيقا بقا 😩
فجأة اشتغلت الموسيقا وبصوا قوي كتتير
المى بصوت عالي :ياريت ما حكيتي
ديمة :شووووو
المى :خللص مافي شي
اشتغلت الموسيقا وقامت هالشباب والبنات يدبكوا .. وكلن حماس .. مافي شوي الا وهدت الموسيقا ودخلو العرسان ومعهن وفد كبير من رفقات العريس والعروس
ومن بيناتن منار واياس وشوكت ومحمد ولابسين نفس الطقومة .. وكانو طالعين كتير حلوين
ومعاذ بالمقدمة هو وعروستو .. مشو لعند المنصة وقعدو
المى : من وين العروس
مريم :قال بنت عمو
المى :ساكنين هون
غزل :لا .. بالمدينة
المى :اممم
قعدو العرسان وقالت المى :هالعروس كتير حلوة
غزل :هاد كلو مكياج
ديمة :هههه المكياج كلارهاب لادين له
مريم :ليش ما رقصوهن شي رقصة قبل ما يقعدو
ديمة : بركي بعد شوي
غزل : يمكن تعبانين
....................
عند العريس
منار :مبروك ابو الزوز
معاذ :الله يبارك فيكي عقبالك
منار :تسلم يا غالي
اياس :مبروك وجوازة الدهر
معاذ : الله يبارك فيك
شوكت :مبروك حنون وعقبالي 😂😂🤣
منار سحب اياس عجنب وقال :وين الاراكيل
اياس : عشو مستعجل
منار :بدي روق الطاسة
اياس :مع شوكت بالبيك اب
قرب شوكت منن وقال : شوفي
منار :روحو جيبو الاراكيل
شوكت :رايح شغل ع الفحمات وجهزن
قرب محمد وقال : شباب جبتلكن xxxl معي
منار :لك اصييل
شوكت : تعا محمد جيب الاراكيل وانا بجيب الفحمات
منار :وانا واياس رح نظبط قعدة 😂😂
شوكت :يكتر خيركن 😄😄
راح شوكت ومحمد.... ومنار واياس راحو ع جنب قريب من العريس واختارو ٤ كراسي وقعدو
اياس :كيف لقيتلي معاذ
منار :الله يعنيو 😂
........................
عند سمرا
قاعدة وعيونا على منار ما شالتن من اول ما فات .. عم تطلع عليه بأعجاب
................
عند الصبايا
المى : يشغلو الاغاني مليت
مريم :اي والله .
مافي شوي الا وعلت الاغاني الحماسية والمجوز وقامو هالشباب يدبكو
ديمة :اي ها هاد هو الحكي الحلو
_________
عند معاذ
العروس قاعدة وضاربة بوز شبرين
معاذ : شهد شبك
شهد :وين الغنية يلي كنا متفيقن عليها
معاذ :مابعرف مين مستلم الاغاني .. خلص مريقها ليكي هالحفلة كتير حلوة ولاتنكدي علينا
شهد :هي بتسميها حفلة ..
معاذ :هاد شغل الضيع .. وكمان الحفلة كتير حلوة .. وهي الحفلة صرلي اسبوع عم اشتغل عليها
شهد :وياريتك ما اشتغلت .. لك شوبدي قول لرفقاتي
معاذ :يعني لانك عشتي شهرين بالمدينة بدك تعملي حالك بنت مدينة وكلاس
شهد: هاد الشي مانو من مستواي
معاذ :امنتو بلله على هاليوم
شهد: وبعدين شو هالاغاني الهابطة
معاذ :شو رايك جبلك كاظم الساهر
شهد:😏😏
معاذ :وعفكر شهد خانم هي اغاني الدبكة بتنحط حتى بالمدن وبكل الحفلات .. وعفكرة ماضروري اذا عرس عم يصير بالمدينة يقضو العرس ع السلوو ..
شهد :خلص .. خلص حاج تبرر
معاذ :لك يلعنن .. اختا لهديك الساعة ايي
وقف وهية قالت ع وين
معاذ :لعند رفقاتي
شهد :حلوة هي رفقاتي تصير كل شوي تدوشني فيهن
معاذ :مادخلك
اجت رفيقة شهد وقالت: شهووودة العرس بجنن من زمان حابة احضر هيك حفلة .. عنجد يا معاذ حفلة تووب👌
زور شهد ونزل لعند رفقاتو
.................
منار حاطط الاركيلة جنبو وعم يسحب
منار :ليش هيك هالاركيلة مخنقة .. مين عبا الراس
اياس :مريم 😅
منار : بزمتك عاطي لمريم تعبيلك الراس
اياس :لك شوفيها
رما النبريج من ايدو وقال :خود تضرب انت وهيك اركيلة
شوكت :شبك منار
منار :هالاركيلة بتهوي
شوكت :ولا يهمك خود اركيلتي
منار رجع اخد نبريجو وقال :مامشكلة ..
محمد :ههههه اجا معاذ
قرب معاذ وسحب كرسي وقعد جنب منار وسحب من ايدو الاركيلة
منار :شو عم تعمل هون ولاااه
معاذ : يا زلمة نكد للطبقة 😤😤😤
منار :هههههه راحت عليك
شوكت :لك لييش يا حنون 😅😅
معاذ :خلص مافي شي ..
محمد :هههههههه يا حرام يا معاذ .. معد يسهر معنا ومعد يطلع معنا راحت عليك 🤣🤣
معاذ :انت كول هوا ولا تتمسخر
اياس :شباب انا قايم ارقص .. اتحمست
محمد : رما نبريج الاركيلة وقال :وانا كمان
شوكت :وانا
معاذ :وانا
شوكت: نزلو الفحمات عن الراس لا يحترق وقومو
قامو كلن ع الساحة والمطرب يلي كان عم يغني .. غير الغنية وصار يغني غنية حماسية للشباب وبتدل على هيبتن
فتحو اديهن متل شي نسر وفرش جناحاتو وصارو يرقصة مع الغنية يلي هية
(( احنا الكاع النمشيها
ترجف منا نخليها
نرد الكلمه المو حلو
عشره بوجه راعيها
مانسكت ونتنازل
للعلينا يتطاول
لا تتمشكل معانا
احنا اهل المشاكل
ثنين ثنين انتباره
من نمشي براس الغاره
على صوت الطك انفز
ندور عالموت ادوراه
على الزود نزود بزود
نجود بجود من الماجود
واحدنا يفز بطولو
من يشتم ريح البارود
الجانا وفاير دمو
الا نردو لبطن امو
المومرجل بالكونات
نحفر بالكاع اندمو
نكسر رجل اليجينا
محد يكدر يلوينا
خلينا حت الاخرس
للناس يسولف بينا
جربنا لي صار الطك
وجه الكاع انشكو شك
ما نحجي معاتب نسوان
راس الجانا اندكو دك
حجين كلتو مازيدو
مره ومرتين اعيدو
الماسوا سوات رجال
ايدي متسالم ايدو
طير الطالن ريشاتو
لي عدنا مجتف هاتو
واحدنا لسانو بارود
مثل فشك كلماتو)) والنغمة هية نفسها نغمة اجنا زلم الجد الجد
طبعا وهنن عم يرقصة بكل شموخ ويضربو رجليهن بالارض .. الكل انعجب فيهن وخطفو قلوب البنات كلن
ديمة :يا الله بجننو😍😍
غزل :يا الله هالغنية شو لابقتلن
مريم يلي ما بيأثر فيها هيك شي تأثرت وصارت تبتسم لا اراديا
والمى كمان كتير انعجبت فيهن وخصوصا منار
وكمان سمرا قلبا صار يدق بسرعة
قلبو لغنية دبكة .. ومسكو الشباب ع الدبكة وع الاول منار .. وهنن الخمسة كانو عم يدبكو ع نفس الدقة وكانو كروب كتير حلوو وكأنو شي فرقة محترفة
والعروس بعد ما شافت جمال رقص جوزا ورفقاتو وانعجبت فيهن .. ابتسمت وقررت تنبسط بهل الحفلة الحلوة .. وماتنكد ع جوزا كمان .. وخصوصا بعد ما شافت الانبهار على وجوه رفقاتا يلي جايين من المدينة
قربت رفيقتا وقال :لك شووو هاد .. شو هادد
شهد :ههههه 😊🤭
: حبابة يا شهودة دبرلي واحد من هدول الشباب الحلوين
شهد :هههه بحاول
الشباب عم يدبكو ويلي عم يدق ع الطبل ماشي عند رجليهن وعم يضرب بطبل عند كل خبطة برجليهن ع الارض .. وصلو لقدام البنات وهنن عم يدبكو اجا شب من قدامن ومعو عصاية خيزران .. ورمها لمنار على بنى يمسكها .. بس ماقدر يمسكها وضلت مكملة على جبين المى يلي لما حست بالخبطة بسرعة حطت ايدا على وجها ونزلتو لتحت بوجع التفتو كلن وشافو بنت ماسكة راسها ومنزلتو .. انطفت الموسيقا وقرب منار منها بسرعة .. البنات عند وقوع الحادثة تجمعو عند راس المى يلي منزلة راسا وماعم تحكي
مريم :المااا. ردي شو صرلك
ديمة :المى... عم تسمعيني
قرب منار بسرعة وقال :شو صابك .. لو سمحتي رفعي راسك .. والله مابقصدي
رفعت راسا بعد ما حست انو الوجع هدي وقالت :مافي شي .. لا تخافو .. بس توجعت شوي
هية عم تحكي ومنار مصدوم فيها .. رجع شافها مرة تانية وعن قرب .. وكأنو القدر عم يلعب لعبتو الحلوة
قرب اياس وقال :صابك شي .. لا تواخذينا
المى :لا لا ولايهمك شغلة فاضية
اياس :مريم بسرعة ورحي جيبي قطعة تلج مشان ما تورم
مريم :يلا يلا
غزل :المى رفعي اديك
رفعت ايدا وقالت :والله مافي شي ..
شوكت ومحمدومعاذ واقفين وماعم يحكو ..
المى تلبكت لما شافت كيف الكل متجمع حواليها .. نزلت ع الارض وتناولت العصاية وقالت كملو دبكتكن وعطتا لمنار
معاذ :منار حصل خير .. يلا تعا
منار : انا تعبت عطا العصاية لمعاذ ومشي
ومعاذ قال :وانا كمان عطا العصاية لشوكت
شوكت :فقست ..
رماها لواحد كان بصف الدبكة وراحو الشباب قعدو مكانن
غزل :بس كانو عم تزرق
المى :هلا ع التلج بتخف
ديمة :مظبوط
اجت سمرا وقالت :المى شو صاير
المى :ولا شي خالتي ..بس طارت العصاية واجت ع راسي
سمرا :لك شوبدي قول لابوكي .. قومي .. قومي خلينا نروح ع البيت
ديمة :خالة ما مستاهلة .. ومريم راحت تجيب تلج ولايهمك
سمرا :شو يا المى
المى :والله مافيني شي
سمرا :طيب ع مسوؤليتك
المى :ماشي 😅
غزل : وبعدين العرس بعدو بأولو
سمرا :طيب ليكي حبيبتي انا رايحة ع البيت فوت ع الحمام شكلا مشت معدتي عخوفي عليكي
المى :ههه ماشي .. بدك ترجعي
سمرا :طبعا .. يلا ما بتأخر
راحت سمرا واجت مريم معها صحن فيه مكعبات تلج
وعطت لالمى قطعة تحطها مكان الضربة
المى :عنجد ما الها لزوم
ديمة :لا حطيها احسن ما ينتبه علينا ابوكي والله ليهد الضيعة فوق راسنا 😂😂
المى :هههه مو لهل الدرجة
______________
رجع العريس عمكانو لجنب عروستو .. وهو عم يتجاهلا
شهد :كنت كتير حلو وانت عم تدبك
معاذ :عم تحكيني الي
شهد :اي الك .. انا اسفة والعرس كتير حلو
معاذ ابتسملا وقال :انتي الحلوة
_______________
عند منار
قعدو على الكراسي ومنار مسك ملقط الاركيلة وصار يحط الفحمات ع راس الاركيلة
منار :مين هي البنت
اياس رفع بكتافو وقال :مابعرف
منار :كيف رفيقة اختك ومابتعرف
اياس :والله مابعرفا
محمد :وانا كمان اول مرة بشوفا يمكن من برات الضيعة
شوكت :بس حلووووة
زورو منار وماحكي ..
اجت رسالة لشوكت ابتسم وقال :عن اذنكن شباب
منار :ع وين
شوكت :بدي احكي مكالمة هون ضجة
مشي شوكت وقال منار : مع مين عم يحكي هالايام هاد
ضحك محمد
اياس :شوفي ليش عم تضحك
منار :مابتعرفو بضل عم يضحك
محمد :ههههه لا في شي بضحك مشان هيك عم اضحك
منار :ضحكنا
محمد : شوكت هههههههه
اياس :شبو
محمد : هههههه شوكت ههههه عم يحكي
منار : ولعية مع مين عم يحكي
محمد كتم ضحكتو وقال : مع وحدة متزوجة
اياس :العماا ؟؟ عنجد
محمد :هههه والله
منار :بس مافي شي بضحك
سكت محمد وكتم ضحكتو نهائيا
منار :العما بقلبو كنو هالحكي صحيح
اياس :معقول
محمد :عادي 😂😂
منار :كيف عرفت
محمد :سمعت صوتا كان عم يحكي معا وعن يسالا وينو زوجك
اياس :وبركي عم يحكي مع اختو او حدا من قريباتو
محمد :هههههههه ليش في حدا بقول لاختو مشتقلك وفتحي فيديو
منار :بصير
محمد :طيب كمان في حدا بقول ههههه لاختو ولا بلا خليني ساكت
اياس : شوو احكي
محمد : هههه حكي وسخ ومابنحكى بين الاخوات ارتحتو
منار :ياربي هالولد بس مايجلبنا شي مصيبة
اتطلع اتجاه المى وشافها حاطة تلج على جبينها ابتسم بحب واخد سحبة من الاركيلة
__________________
خلف الشادر
ببستان قريب ماشي شوكت بين الاشجار وعم ينده بصوت واطي :سمرا .. يا سمرا
مشي خطوتين لقدام كمان ومسكتو من ايدو .. طبعا هو مانو شايف بالعتم .. التفت عليها وابتسم
سمرا :كيفك
شوكت :مشتقلك
ضحكت وقالت : كيف لقيتني ع الواقع
شوكت :بتجنني .. من اول ما دخلت ع الشادر وانا عم دور عليكي وماكنت لاقيكي
سمرا :بس انا لقيتك من اول مافتت
شوكت :هههه متل القمر بيناتن ما هيك
سمرا :طبعا .. بتجنن
شوكت بخبث :وانتي كمان ..
مسكها من خصرا وقرب وجهو من وجها....
______________________
عند البنات
ديمة :قومو نرقص ولوو ..
غزل : اي والله مليت وانا هز ع القاعد
مريم :هههههه يلا قومو
المى :روحو انتو انا مابدي
مريم : هوهوو علينا المى .. والله مللتينا
المى : خلصونا قومو
مريم :ما بتجي غير ببهدلة
المى :هههههه
قامو ع الساحة وصارو روقصو
تحت انظار الشباب
محمد صار يتطلع على مريم يلي من زمان بتثير اعجابو .. ومنار على المى واياس لفت نظرو كعب ديمة وضحكة ضحة صغيرة عليها
منار قرب من ادن اياس وقلو قوم حكي اختك خليها تقعد
اياس : ليش
منار :ليك كيف الكل عم يتطلع عليهن
اياس :هلأ انت غيران على اختي ولا يلي مع اختي
منار :قوم قوم خلصنا
اياس لف نبريج الاركلية ومشي لعند مريم وهمس بأدنها مشان يروحو يقعدو
مريم زورتو وقربت من رفقاتا وفهمتن انو يروحو يقعدو
والكل ترك الرقص وراحو يقعدو مكانن .. ومنار ابتسم بثقة لانو صار متل مابدو
_____________________
عند شوكت وسمرا
واقفين ورا الشجرة.. دفشتو سمرا وقالت :خلص بكفي
شوكت :شو بكفي .. لسه مابلشنا
سمرا :هههه لا حبيبي لهون وبس
شوكت: شو يعني شم ولا تدوق
سمرا :هاد الموجود
شوكت مسك تيابو ليعبر عن حرارتو وقال : لك حسي فيني .. خلينا نكمل
سمرا :لك شو بدك تكمل انت مجنون
شوكت :معد فيني .. بشرفك بس خمس دقايق ما اكتر
سمرا :لك ليك نحنا وين بين الشجر
شوكت :تعي معي ع البيت
سمرا :هاد الناقص 😱😱
شوكت :طيب ع بيتكن
سمرا: عم قلك مافيني
شوكت :وحياتك خمس دقايق بوعدك ما اكتر
سمرا : هئ
قرب عليها وصار يحاول يخزقلا تيابا وقال اصبح هووون .
سمرا :لك بعدد عني .. شو عم تعمل
شوكت :يا اما برضاكي يا اما غصب عنك وهون
سمرا : طيب تعا ع بيتي .. بس بتفوت من باب المطبخ
شوكت :لك بطلع من بلوعة الحمام
سمرا :سابقتك
___________________
البنات
ديمة :انووو ليش اخوكي خلانا نقعد
مريم :بركي غيران على شي وحدة منكن
ديمة :ليش ما يكون غيران على اختو
مريم : بجوز
المى :احسن .. انا كنت خجلانة كتير وماعم اعرف حرك رجل عن رجل
غزل :اوووف .. منكن اوووف
المى اتطلعت اتجاه الشباب ولقت منار صافن فيها .. وهو لما شافا عم تطلع عليه غمزها 😉 غمزة صغيرة مع ابتسامة .. بسرعة نزلت راسها وقلبا صار يدق بسرعة وحمرت من الخجل .. طبعا ما حب .. بس اول مرة حدا بيغمزا وخافت على خجلت .. وضلت منزلة راسا ومعد قدرت ترفعو
___________________
بالبيت عند سمرا
ماشية اتجاه باب المطبخ .. فتحتو كان عتم عند باب المطبخ .. ودخل بسرعة
شوكت :طولتي ؟؟
سمرا :كنت عم اتأكد انو مافي حدا حوالي البيت
شوكت :وين غرفة النوم بسرعة
ضحكت ضحكة رجت البيت كلو .. وقالتلو لحقني
دخلو ع غرفة النوم .. بسرعة دفشها على التخت لتوقع عليه وهو بلش يشلح بدلتو
وسمرا عم تضحك
____________________
عند العرسان
شهد: حبيبي تعبت كتير
معاذ :تروحي حبيبتي
شهد : يا ريت
معاذ :من عيوني .. يلا نقوم
شهد :والعالم شوبدنا نقلن
معاذ :ولا شي .. عم يرقصو وفرحانين
شهد :يعني عنكن عادي
معاذ :هههه واقل ما من عادي
شهد كانو تذكرت شغلة وقالت: لحظة .. لحظة
معاذ :شوو
شهد :ان شاء الله هدول بضلو قاعدين مشان الراية البيضة
معاذ :ههههه انتي من وين بتجيبي هالحكي
شهد :هيك شفت بفيلم
معاذ :هههههه لك يا دبة هي الشغلات بطلت
شهد :ماعند كل العالم
معاذ :ونحنا من العالم يلي بطلت عندا هي الشغلات من زمان
شهد : امم طمنيتني
معاذ :بعدين محدا دخلوو فينا ومحدا بحقلو يسأل عم تفهمي
شهد :عنجد
معاذ :طبعا عنجد .. محدا دخلوو فيني وبمرتي
شهد: ليش كنت مفكرتك متحجر 😅
معاذ :هههههه انا متحجر يا متحجرة
شهد :ميمو
معاذ :يا عيونو
شهد :خجلانة
معاذ :اي لاتخجلي .. قومي يا مصيبتي
شهد (بخجل : يلا🤭
وقفو وراحو على عشن الدهبي
__________________
عند الشباب
اياس :راح صاحبنا
منار :اي الله يهنيه يارب
محمد :قومو ندبك ولوو
منار : معد الي نفس .. خلي الدبكة لغيرنا
ويسحبو من الاراكيل وينفخو .. فجأة انطفت الموسيقا ووقف المطرب ويلي عم يدق على الطبل وقف
منار :شوفي
محمد :ليكو هنيك في جمعة
اياس :العما شوو صاير
رمو الاراكيل من اديهن وقامو بسرعة لعند بداية الشادر مكان الازدحام
وهنن عم يقربو سمعو صوت مهاوشة وعياط
قربو من بين الكل وصارو بالمقدمة .. كان في مجموعة عالم هاجمة ع العرس
حكي كبير من الكبارية وهو ابوه لمعاذ وقال:خيرر شووفي
من الجهة التانية حكي واحد بنبرة تهديد وقال: عم تمسو شرفنا .. يا كلاااب
منار :مين قرب عشررفك ومين انتت
ابو معاذ : منار اهدى .. خلينا نفهم شو القصة .. هاد ابو محمود من ضيعة الشقرة انا بعرفو
منار :والنعم .. بس ليش هيك هاجمين ع العرس لا احم ولا دستور
ابو معاذ :ابو محمود شووفي
ابو محمود :بنت من عنا كانت عم تحضر العرس وفي شب وسخ حاول يتحرش فيها
منار بعصبية :مستحييللل
ابو معاذ :منااار اهدى
منار :عمي شباب ضيعتنا مابيعملو هيك شي ..
ابو محمود :انتو اوسخ ضيعة شفتا
منار :ما بسمحلك ولاااك
ابو معاذ :منااااار
اياس تقدم خطوتين ورجع منار لورا وحكي :اهدو يا جماعة .. وين البنت خلينا نسمع منها
ابو محمود :لسه بدنا نجيب البنت مشان تنفضح ..
منار : طيب مين الشب يلي تحرش فيها
ابو محمود : هاد يلي جايين نعرفوو .. لحتى نخلص عليه
منار : اي حاجتكن كذب .. انتو عم تتبلو علينا
ابو محمود :نحنا كذاابيين .. هجمو عليهن يا شباب خلينا نفرجيهن قيمتن
منار :الزلمة يقرب
ابو محمود :كلنا زلم وغصب عنك
هجمو الطرفين ع بضع وبلشو طاخ وطيخ .. والكراسي بلشت تتطاير والاضوية وقعت والعالم قامت وهربت
والبنات كل وحدة هربت على بيتا الا غزل عم تدور ع اهلا وتقول يا ماامااا وينك .. طبعا صار عتم بعد ما وقعت الاضوية
______________
المى عم تركض ع بيتا وصوت العياط والهوشة مسموع لعندا .. عم تركض بخوف وتتطلع ورااها .. وصلت ع البيت وصارت تخبط ع الباب : يا خالتي افتحي .. يا خالتي فتحييي
...........
بغرفة النوم تجلست سمرا وهية ضامة الغطار على حالها وعلى وجها علامات القلق والخوف .. وشوكت تجلس وراها وصدرو عاري كمان خايف
صوت المى :يا خاااالتي فتحييي .. بسرررعة
حكت سمرا بصوت مرتجف :شوووفي
المى من براا :لك علقت بالعرس والعالم دبحت بعضاا لك فتحي
شوكت :شوووو ... لقووم
مسكتو سمرا وقالت :اهدى شووي كيف بدك تطلع هيك ؟؟
شوكت :رفقاتي الله اعلم شو بكون صاير فيهن
سمرا : البس بالاول .. لاصرف المى شوي
بسرعة صار يتناول تيابو من على الارض وحكت سمرا : لك انا بالحمام معدتي فارطة .. وين اخواتك
سكتت المى لانو وصارت تطلع حواليها
المى :مابعرف
سمرا :روحي دوري عليهن بسرعة انا طالعة يلااا
المى :يلااااا
شوكت كان خالص لبس وطلع بسرعة من الباب يلي دخل منو
.................
المى عم تركض ع الشادر وتصرخ :براااء .. بشااار .. يا براااء ...
صارت تمشي وتدور ا اخواتا لحتى التقت بغزل
غزل :المى انتي هوون .. 😭😭 .. اهلي ماعم لاقيهن
المى صارت تبكي معا وقالت:واخواتي كمان
طبعا العالم بعدا علقاني ببعضا والكراسي عم تتطاير وشي كنادر وما معروف شو عم ينزل فوقن
المى :تعي لهوون .. لنشووف .. مشو خطوتين لتوقع غزل لا من تما ولا من كما على اثر حجر كبيرة وقعت عرااسا
شوكت كان لسه واصل وغزل وقعت قداامو
شوكت :غزلللللل ...
المى :غزلللل 😭😭 يا غزللل
صرخ شوكت عملات صوتو وقال قتلتو البنت .. قتلتووو البنت ... قتلتو البنت يا ولادد الكلب
المى :غزااااااال ..
الكل سكت والتفت عليه وشافو غزل بالارض والدم تحت راسها بركة .. قربو كلن منها واهل الضيعة التانية هربوو
بسرعة شوكت حملها وركض فيها والمى لحقتن وراحت .. ومنار لما شافو حاملها والدم مغرقها .. ركض ع سيارتو يلي مزينة كانت للعريس فتحا ودورها كان واصل شوكت حطوها بالمقعد الخلفي والمى ركبت معها وشوكت ركب جنب رفيقو وطارو ع المشفى .. وتركو الكل بصدمة كبيرة .. حتى مين البنت محدا بيعرف.. وبلشو يركبو سياراتن ويلحقوهن ع المشفى
وطول الطريق منار يهدد بدو يعمل وبدو يهد
والمى كانت عم ترجف من الخوف من الموقف وعلى رفيفتها بنفس الوقت وكمان اول مرة بنتحط بهل الموقف
.........................
عباب الغرفة يلي عم تتعاين فيها غزل نص اهل الضيعة واقفين واكترن رجال مافي غير المى وام غزل نسوان
انفتح الباب وطلع دكتور وقال: هية بخير بس اهلا يدخلو
دخلت امها وابوها والمى اندفعت وفاتت معن
منار :والله لروح احرق الضيعة ومافيها
ابوه :ابني اهدى الامور مابتنحل هيك
منار :كيف بتنحل بابا قليي.. البنت كانت رح تروح فيها
شوكت :مظبوط عم يحكي منار مالازم نسكت
منار :ع الكذب قال حدا تحرشلن ببنتن ليش عندن بنات حلوة خرج التحرش
ابو منار :منااار😠
منار :بابا لك كذاابين والله كذاابين .. كلو مشان هالمعمل داق بعينن
ابو معاذ :معو حق منار
شوكت : طيب ليش لينزعو العرس اذا مقهورين من المعمل
منار :هيك حقارة .. بس والله مارح مرقا
__________________
عند غزل
نايمة على التخت وراسا ملفوف بالشاش
المى :كيف صرتي
غزل :منيحة
ام غزل :شو صار معك يا امي
غزل :مابعرف .. شو صار معي (واتطلعت ع المى )
المى :ونحنا واقفين فجأة وقعت عل راسك حجرة
غزل :كتير نجرحت
المى :لا تخافي شغلة بسيطة
دخلت ممرضة وقالت :رح تنام عنا ونخليها ٢٤ ساعة تحت المراقبة .. بس شخص واحد فيه يبقا هون
ام غزل :انا بضل
________________
ابو معاذ :يا منار اهدى .. هلأ هنن بكونو كتير خايفين وخصوصا في بنت متصاوبة .. يعني بكرا رح يجو ويعتذرو ع الاكيد
ابو منار :حكيك مظبوط.. بس مارح نقبل بالامر السهل نحنا
شوكت :يعني ؟؟
ابو منار :مابدنا نكبر القصص .. وتعلق حرب بين الضيعتين
منار :مابدكن تسمعو رأي ابو البنت
ابو منار :ابني رح نعمل اجتماع ونحل هالموضوع انتو خليكن عجنب .. خلي الكبارية تتصرف
منار :ماشي .. متل مابدكن ..
منار لشوكت: شقد الساعة ؟
شوكت حط ايدو عجيبتو ومالقى تلفونو واتذكر انو نسيه ببيت سمرا
شوكت :نسيت تلفوني بالبيت
منار: صحي معي موبايل ليش عم اسالك
سحب موبايلو وكانت الساعة ١٢
شوكت : انا رايح سلام
منار :استنا هلأ بتروح معي
شوكت :مستعجل سلاام
تركن وراح
انفتح الباب وطلع ابو غزل والمى معو
ابو منار : طمنا يا ابو عبدو
ابو عبدو :اطمنو زال البأس ان شاء الله
الكل :ان شاء الله
المى اتطلعت ع الكل بخجل شديد .. وعم تتسأل بينا وبين حالا كيف بدا ترجع ع ضيعتا ..
المى :بقلبا ياربي كيف بدي ارجع .. وكيف جيت لهون .. دخيلك يا الله .. احسن الشي روح اخد شي تاكسي توصلني ع البيت
نزلت راسا ومشت مع الحيط وراحت
شافها منار وقال بصوت واطي هي ع وين رايحة
تركن واقفين ولحقا .. لوصلت ع الشارع يلي قدام المشفى تدور على تاكسي ..
حك دقنو بحيرة وقال :ليش واقفة هون هي
مشي لعندا وقال انتي شو عم تعملي
نقزت والتفتت لعندو بسرعة .. وحكت بخوف شوبدك
منار :شو عم تعملي هون
المى :بدي وقف تاكسي تاخدني على بيتنا
منار :ليش وين بيتكن
المى :بالضيعة
منار : انتي من الضيعة ؟؟
المى :اي
منار :ولا مرة شفتك
المى :ولا انا
منار : بنت مين انتي
المى :بنت عمار الحج
منار سكت شوي وقال :مابعرفو زيادة لابوكي
المى :مابعرف
منار :المهم تعي لوصلك رايح انا
المى :لا هلأ باخد تاكسي
منار :انتي مجنونة شي
المى :ليش
منار : بدك للضيعة نص ساعة بالسيارة .. يعني مسافة .. والدنيا نص ليل بتأمني تركبي مع شوفير تاكسي بهل الوقت والمكان بعيد
سكتت وماردت
منار :تعي تعي لوصلك
مشي خطوتين اتجاه سيارتو وهية تشجعت وحكت : طيب كيف بدي امن اركب معك
ابتسم وفتل لعندها وقال :شكلك مانك سمعانة عن منار
نزلت راسا بخجل وقالت :سمعت شوي
منار :وشو سمعتي
المى :كل خير
منار بأبتسامة:لكن تعي
رجع كمل طريقو وهية لحقتو .. وراحت ع الباب الخلفي لتفتحو .. وقف بتعجب وقال :شو عم تعملي
المى :بدي اركب
منار :بس مافي حدا معي قدام
المى : بس هون برتاح اكتر
كتف اديه وقال :شوفير ابوكي بيشبهي ؟؟
ضحكت وماردت
منار :تعي ركبي قدام انا ماني شوفير حدا ايوااه
تركت الباب وقربت وركبت جنبو .. وهو ابتسم ابتسامة ضاحكة وركب
_________________
عند سمرا
رايحة جاي بالبيت وعم تفرك ايدها ببعض وتقول وين راحت البنت
وولادا قاعدين جنب بعض ع الكنبة
سمرا :ماشفتو اختكن وين راحت
بشار :لا
براء :ولا انا
سمرا :اذا البنت يلي تصاوبت قالو غزل .. لكن المى وين رااحت .. اوووف
بشار :اتصلي فيها
سمرا :لانو ناطرتك .. بس موبايلا هون ما اخدتو معها ع العرس من اساسو
___________________
بالسيارة
المى منزلة راسا وعم تلعب بأصابيعا بتوتر
منار :شبك ليش متوترة هيك خليكي ريلاكس
المى :اهلي مابيعرفو انو انا هون
منار :اتصلي فيهن
المى :موبايلي مانو معي
سحب موبايلو وقال :خدي احكي
المى :ما محرزة صارت رح نوصل
سكتو شوي بعدين حكت المى :ليش هيك صار
منار :ولاد كلب .. عينن على معمل هالحليب
المى :شو دخل
منار :هي الضيعة لما نحنا فتحنا المعمل داقت عينن وفتحو معمل قام مامشي .. المهم صارو بدن يضاربو علينا وكل مرة يفشلو .. صار عندن كره تجاهنا ومابدن ايانا نكون مبسوطين مشان هيك اجو ونزعو العرس علينا
المى :شو دخلو العرس بالمعمل
منار :هيك حقارة .. ماعم قلك مابدن ايانا نكون مبسوطين
المى :خطي طلعت الطبشة براس غزل
منار :هلأ شيلنا من غزل وحكيلي عنك
المى تلبكت وقالت :عني .. ليش
منار :عنجد ليش ولا مرة شايفك .. شقد عمرك
المى :١٨
منار :معقول ١٨ سنة عايشة بضيعتنا وما اعرفك
المى : معك حق بابا بخاف علي كتير ومابخليني لا اطلع ولا فوت هو بياخدني عباب المدرسة وهو يلي برجعني .. وممنوع اطلع عمكان الا ورجلي ع رجلو وبسيارتو .. وبالصيف كنت روح ع بيت جدي مضيه هنيك
منار :اممممم ... ابوكي يلي عندو كميون ماهيك
المى :اي هو
منار بقلبو :والله حقو يخاف عليكي
___________________
بالبيت عند سمرا
خايفة ومتوترة .. دخلت ع غرفة النوم تدور ووصارت تتاملها اذا في شي مانو ظابط .. قربت من التخت وصارت تمرر ايدها عليه لتظبطو ومايبين انو حدا كان نايم عليه ... قربت من المخدات وصارت تعدلن .. فجاة حست في شي قاسي دق بأيدها .. مدت ايدا ولا موبايل شوكت
شهقت وقالت :كيف نساه هوون .. اكيد جاي ياخدو .. شو اعمل .. بركي اجت المى
صارت تروح وتجي وهية عم تفرك جبينها بتوتر .. فجأة وقفت وابتسمت ابتسامة خبث وفتحتو لقتو مفتوح وماعليه قفل .. بسرعة دخلت ع اسم منار وقربت من موبايلا ونقلتو لعندا .. وهية عم تنقلو سمعت صوت باب المطبخ حدا عم ينقر عليه .. وعرفت انو هو .. بسرعة راحت شقت الباب شوي عطتو اياه وطبشتو بوجهو بدون مايحكو ولا كلمة
_________________
وعباب البيت وقفت سيارة منار ونزلت منها المى وقالتلو (بخجل) :شكرا
ومشت ع بيتا وهو سند اديه ع الدركسيون وصار يتبعا بنظرو لوصلت عبيتا .. دقت الباب وانفتح ودخلت وهو جلس ضهرو والابتسامة ع وجعو وقال :شكلي ماني مطول لالحقو لمعاذهههه
________________
دخلت المى ع البيت وسمرا حكت : وييين كنتي
المى :تعي ورح احكيلك كلشي
_______________
وصل منار ع بيتو ولقى اياس ومحمد وشوكت
منار :هاي انتو هون
اياس :اي ناطرينكن لتجو ونعرف شو صار
دخل منار وقعد وحكي :قال الكبارية رح يحلوها
محمد : طيب ليش هالنجاسة
منار :انت قلتا نجاسة ..
اياس :معقول عنجد حدا متحرش ببنت
منار :لك كذابين .. بس انابفرجيهن لشلة العبد كل هي المشاكل من تحت راسن
اياس :طيب بركي عنجد
سكتو كلن ومنار رفع نظرو على شوكت وقال :شوكت وين كنت وقت الحادثة
شوكت :شوبدك وين كنت
منار : عم قلك وين كنت
شوكت :اذا عشان بنت انا ماتحرشت بحدا واصلا ما كنت بالشادر من اصلو
منار لاحظ انو زرار القميص مانن محلن ..
وقف وقام وشدو من ياقة قميصو ووقفو
شوكت :شبككك مناار
منار :ليش هيك مزرر القميص ما ع السوا
شوكت :مادخلك
منار :ويين كنت
شوكت :عم قلك ما دخلك ..
منار عصب ومسك القميص بأيده التنتين وشدو بقوة لتتقطع كل الزرار وينفتح القميص ويبين صدرو يلي كلها علامات حمرا اثر بوسات .. وكمان في روج معلم ع صدور
منار :شو هاد .. مع مين كنت نايم
شوكت نتر ايدين منار عنو ومشي لعند الباب وقال :مادخلك
منار :هي يلي عم تلفي عليها مارح يجيك منها غير وجع الراس وخصوصا اذا متزوجة
وقف شوكت وقال :شو قصدك
رجع منار قعد مكانو وقال :انا بعرف كلشي وبعرف مين هي يلي عم تلفي عليها بس مارح احكي قدام الشباب
شوكت :والله اول مرة
منار :واخر مرة
شوكت :خلص اخر مرة .. انا اصلا متندم ..
منار :هه
شوكت رجع قعد ونزل راسو وقال : لما شفت غزل مرمية بالارض والدم مغرقها حسيت حالي رح جن .. ماتوقعت خاف عليها لهل الدرجة
اياس : انت من وين بتعرفا لغزل
شوكت :كنت احكي معا
منار :وشو صار بعدين
شوكت : صرت بدي غمق معها بالحكي قام هية مارضت وتركنا
منار :لانها بنت اصل ومرباية ما متل هي يلي عم تلفي عليها
شوكت:اصلا هي تسلاية
منار :اعراض الناس مانها تسلاية
شوكت :هية يلي عرضت حالا
منار : مادخلك فيها .. خاف على عرضك وبس
شوكت :ماشي
محمد عم يضحك ع السكت
شوكت :انا قايم روح تصبحو على خير
منار :نام هون
شوكت :لا بدي روح ع البيت طمن اهلي
منار :لاتنسى تتحمم من نجاستك
نزل راسو وطلع
اياس :عنجد بتعرفا منار
منار :طبعا لا .. بس هاد شوكت طايش وبدو ترباية متل معاذ بزمناتو ... بس معاذ عقل وتزوج عقبال هاد التور
محمد :ههههههه قطعتلي قلبي قلت كيف بيعرف وانا مابعرف
منار :انت يستر على اختك حاج تضحك ههههه
محمد :قايم روح تصبحو على خير
اياس : وانا كمان
وقف منار وقال: وانا رايح لعند اهلي احسن الشي
____________________
باليوم التاني
عم يندق الباب على بيت اهلا لالمى ..
والمى راحت تفتح.. وكان شب حلو طولو وجسمو عادي .. المى لما شافتو برمت تما عجنب 😏
: مرحبا يا قمر
المى بكره وتوتر :اهلين
:ابوكي هون
المى :لا
: قال مخليلي ظرف وجاي اخدو
ردت شعرا ورا ادنها وهية منزلة راسها قالت :مابعرف رح اندلهك لخالتي
تركتو وفاتت ع المطبخ كانت سمرا عم تجلي
سمرا :مين ع الباب
المى :هلال ابن شريكو للبابا
سمرا بلعت ريقا وقالت :شوبدو
المى مابعرف قال ظرف ماظرف طلعي شوفيه
نشفت اديها وراحت والمى رجعت ع غرفتها
طلعت سمرا لعندو وقالت بصوت واطي :شوو جاي تعمل هون
هلال :اشتقتلك
سمرا :بدك تفضحني انت
هلال :هئ ..
سمرا تحكي وتطلع لجوا وقالت :ليش جاي هلأ
هلال:بس جاي شوفك
سمرا :وهي شفتني روح
هلال :ايمت بيرجع جوزك
سمرا :بكرا
هلال :بدي تظبطي الوضع اليوم
سمرا : مابقدر
هلال :مادخلني دبريها .. تحججي باي حجة وانزلي انا ناطرك بالبيت
سمرا :طيب روح هلأ
هلال :ناطررك
سمرا :اي اي .. بس روح
هلال :ع ال٢ مارح اخرك 😉
سمرا :طيب ماشي .. روح
زتلها بوسة بالهوا ومشي 😘
حطت اديها عصدرا وتنهدت ودخلت تكمل شغل
_________________
المى عم تقلب بتلفونا رن بايدها وردت
المى :هلا دمدومة .. رايحين لعند غزل ... ع المشفى ... ااه عنجد ايمت اجت .. ايو ساعة رايحين.. هلأ بشوف خالتي وبرد عليكن خبر ..
سكرت الموبايل وقامت لعند خالتها
المى :خالتي
سمرا :نعم
المى :غزل خرجوها من المشفى وبدي روح زورها
سمرا :اي روحي
المى :يعني معلش
سمرا :اي اي ملعش روحي .. بس ايمت
المى :شي ساعة
سمرا :ماشي روحي
____________________
بمضافة المختار
مجتمعة كبارية
المختار :شو بتشورو علينا ياجماعة .. هلا كلشي بأيدنا
ابو اياس : خلينا نشوف رأي ابو عبدو ابوها للبنت
ابو عبدو :يا جماعة بالنسبة الي ويلي صار ببنتي حادثة ومانها مقصودة .. ونحنا مابدنا نكبرها بين الضيع
ابو منار :وهاد رأينا كلنا
ابو معاذ :بس مارح نمرقها مرور الكرام
ابو اياس :مظبوط .. ولازم تجي وجهاء المنطقة كلا
المختار :يا جماعة وبركي هنن فكرو انو اخدو حقهن وما اجو واعتذرو ..
ابو منار : ساعتها نحنا مارح نسكت .. ومابنتراجع عن حقنا ليجيبوا البنت المتحرش فيها وتحكي كلشي وتحكي مين هو الشب يلي تحرش فيها
المختار :الله يصلحك يا ابو معاذ ضروري تعزم حدا من ضيعة الشقرا
ابو معاذ :والله قصدي القرب
ابو اياس :كلو من هالمعمل
ابو منار : المعمل ما دخلو .. ومانو جاي صوبهن نهائيا بس هنن دايقة عنن ومابدن يشوفونا عم نتقدم وهنن كل مالهن لورا
المختار :مع انو والله مامستاهلة كلها معمل حليب بسيط
ابو منار :لو بيفهو مابصغرو عقلن .. بس كلن بجم
ابو اياس :ما كلهن صدقني .. في عالم بتنشرب مع المي العكرة .. بس راس الفتنة هنن شوية ولاد
ابو عبدو : وانا مع ابو اياس .. واكيد هنن لعبو بعقل اهل الضيعة وقالو انو في بنت حدا تحرش فيها بالعرس
المختار :محلولة يا جماعة .. محلولة بأذن الله
______________________
ببيت العريس
شهد نايمة على التخت وشعرها مفرود على ملا المخدة .. انفتح الباب ودخل معاذ ومعو صينية عليها فطور ووردة حمرا .. قرب وقعد ع التخت وصار يفيقها
معاذ :شهودة .. ياحبي .. يا قمر
فتحت عيونا وتجلست وصارت تتمطمط وقالت :صباح الخير حبيبي
معاذ :دخيل هالصباح ..بس حبيبتي الدنيا قطعت الضهر
شهد :عنجد
معاذ :اي .. بس مامشكلة شبعي نوم يا احلا عروس
حطت ايدها ع خدو وقالت :تسلملي يارب
معاذ :اجت ماما وامك
شهد :عنجد وينن
معاذ :عطوني الاكل وراحو
شهد :كنت حابة شوف ماما
معاذ :خلص بكرا بتشوفيها .. هلأ يلي كلي من ايدي هاللقمة
شهد: هالدلال عطول ولا بس هلأ
معاذ : هههههه لا عم علمك كيف تصير تعامليني
شهد :عم تطبق النكتة يعني
معاذ :هههههه اي .. عم امزح يا روحي .. ان شاء الله كل حياتنا سعادة
شهد :بحبك 😘
_____________________
بالمعمل
داخل منار على المكتب وكان موجود اياس قاعد ورا مكتب .. وشوكت قاعد ع الموبايل .. دخل وقعد معن
منار :شو كيف الوضع
اياس :كلو تمام
منار :شو شوكت افندي كيفك
شوكت :تمام
منار :اي منيح .. ليكو شباب بدي اخد سيارة اليوم وزعها
اياس :مبارح اخدت
منار :نزلتن لمحل واحد ..
اياس :طيب هلأ بنقلن يظبطو كمية
منار : بكون منيح .. وينو محمد
شوكت :مع العمال
منار :شباب كيف بدنا نبارك لمعاذ
شوكت :والله يا حنون انا كنت عم فكر فيها .. انو لو عنا نسوان كنا رحنا مع نسوانا ... بس هيك شباب لحالنا مو ظابطة وكمان شوبدنا ناخدلو
اياس :مصاري
منار :ماظابطة ولوو
شوكت :طيب شي هدية تكون تقيلة وبندفع كلنا
دخل محمد وقال :شو عم اتخطتوا
اياس :بدنا نجيب هدية لمعاذ شو رأيك انت
محمد :مابعرف
منار :شو رايكن نجبلو سيارة
اياس :وفرد مرة بيت ملك وشقفة ارض
محمد فرط كالعادة : هههه
شوكت :هههههه انو تختنا ولوو .. شو هو حرر الجولان.. بدنا نجبلو هدية رمزية
منار :طيب مادخلني فيكن انا رح اخدلو ساعة ماركة مع عطر فخم وبوكيه ورد
اياس : وانا رح اخدولو علبة بيجي فيها بلاك رجالي ونسواني الو ولمرتو يكونو دهب
شوكت : شو رأيكن اخدلو انا تريا (ثريا)
منار :فكرة حلوة .. وانت محمد
ابتسم محمد وقال :طقم كاسات 🤣🤣🤣
وفرطو ضحك كلن .. وقام منار ومسك راسو تحت باطو وقال لك انت معد تبطل زناختك 🤣🤣
اياس :خليك ماسكو منيح
قامو وصار يدغدغوه ومحمد فرط بين اديهن 🤣🤣
____________________
عند غزل
البنات مجتمعين بغرفة غزل وغزل نايمة ع التخت وراسا ملفوف .. دخلت امها لغزل ومعها كاسات عصير وصارت تضيفن وقالت: اهلا وسهلا حبيباتي
الكل :اهلين فيكي طنط
ضيفت وطلعت
مريم :اي احكيلنا غزل شوصار معك
غزل :مابعرف سألو المى ..
ديمة :احكيلنا المى
المى :لك كنت عم دور ع اخواتي .. وفجاة لقيت غزل خايفة متلي وعم تدور ع اهلا .. فجأة طوب ولا واقعة عراسا حجرة ووقعت بالارض لا من تما ولا من كما وبلشت تنزف بالدم .. كان شوكت وراي وصرخ عملات صوتو غزلللل .. وصار يصيح قتلتو البنت .. وانا واقفة مصدومة .. فجاة حملها وصار يركض فيها
غزل :عنجد هيك صار
المى :والله هاد يلي صار
سكتت غزل وشردت قداما
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية السمرة" اضغط على اسم الرواية