رواية يوميات مريم الفصل الثالث والاخير بقلم ايمان شلبي
رواية يوميات مريم الفصل الثالث والاخير
يباشا اسمعني بس ابااشا وربنا هو اللي يستاهل اباااشا
مريم كانت واقفه في السجن وبتحاول تبرر اللي عملته بكل الطرق بس مفيش فايده ...
ياعسكرري
العسكري باحترام : نعم اباشا
الظابط: خد البلوه ديه علي السجن
مريم بخوف : يباشا اسمعني يباشا حقولك بس اباشا الله يخليك اسمعني اباشا
الظابط بعصبيه : يالا خدها علي السجن انت مستني ايه !
العسكري وهو بيحك أنفه : حاضر اباشا بس لا مؤاخذه اخدها علي انهي سجن بتاع الستات ولا بتاع الرجاله اصلها مش باينلها ملامح ..
مريم وهي بتشهق بطريقه شعبيه : هي مين ديه اللي مش باينلها ملامح ياللي كعب رجلي انضف من وشك ياللي سلك المواعين انعم من شعرك يادلعاااادي ...
العسكري بصدمه وغضب : انتي بتقوليلي انا الكلام ده !
مريم : اااه بقولك انت الكلام ده عندك مااانع
الظابط بزعيق : خدها علي سجن انفرادي ياعسكرري
العسكري بغموض : عنيا ابااشا
وشدها من ايديها ومريم بتبصله بقرف وغيظ ...
وصلت مريم علي السجن وبصتله بتوتر وهو بيفتح الزنزانه اللي هتفضل فيها وياعالم هتفضل فيها لحد امتي ..
مريم بنبره صوت باكيه : بقولك ايه ياسطا انت جايبني الحمام ليه انا مقولتش اني عايزه ادخل الحمام !
العسكري بخشونه : لا ياروح امك ده مش الحمام ديه الزنزانه اللي هتتلقحي فيها لحد ما تعفني ..
مريم بتوتر : ه هو انت زعلت مني ولا ايه ؟ ياااه ده انت قفوش اوي ياجدع ده انا كنت بهزر ده انت حتي راجل وسيم طب اقولك انت احلي من الظابط اللي كان واقف هناك ده ..
العسكري بتوتر وفرحه : بجد !
مريم بخفوت : اه وربنا انا بس قولتلك كده قدامه عشان مجرحش مشاعره بس انت اوسم منه ،ده حتي البشله اللي في وشك هتاكل منك حته اه والله زيمبقولك كده ،انت مرتبط !
العسكري بغمزه : لا بس ناوي
مريم بخفوت : أن شاء الله ياحبيبي روح كل جاتوه
العسكري باستغراب : ايه !
مريم : هه لا مفيش ،بقولك ايه ياباشا
العسكري: نعم
مريم: الله يخليك وديني مكان تاني بدل الحمام ده
العسكري : ماااشي
وفعلا اخد مريم علي زنزانه تانيه ومكانتش انفرادي ..
العسكري وهو بيزقها : ادخلي يالا
مريم بوجع : ياعم ما بوراحه ياعم ...
قفل الباب ومريم بصت علي الستات اللي قاعدين وبيبصولها بقرف ...
مريم بابتسامه مهزوزه : مساء الخير ياستات ،قمرات عليا الطلاق قمرات وخساره فيكوا السجن ..
واحده منهم وواضح انها زعيمه الزنزانه قالت بخشونه : تعالي هنا ابت
مريم بخوف : ليه
الست بزعيق : تعالي
مريم قربت منها بخوف والست قامت من مكانها ووقفت قدام مريم اللي كانت مرعوبه
الست بخشونه: انتي جايه في ايه ابت!
مريم : جايه في بوكس يا طنط
الست بسخريه: طنط هأو قال طنط قال انا طنط ياستات !
واحده منهم باجرام: ديه ام معاذ
مريم بتلقائية وفرحه : لا متقوليش انتي ام معاذ !
ام معاذ بفخر وغرور : اه ام معاذ اكيد عارفاني مين فيكي ياجمهوريه ميعرفش ام معاذ ،وعلت صوتها مره واحده
شعارنا ايه ياستات
الكل في صوت واحد : حضري الشنطه وحضرري الجهاز وسيبي الباقي ل ام معاذ
مريم وهي بتسقف زي الهبله : الله عليك يافخر العرب
ام معاذ بضيق : مقولتليش جايه في ايه ابت
مريم وهي بتبلع ريقها : م ما قولتلك جايه في بوكس يام معاذ
الكل في صوت واحد : حضري الشنطه والجهاز وسيبي الباقي ل ام معاذ
مريم باستغراب : هي ديه تعويذه ولا ايه ؟
ام معاذ : اه ده شعار ام معاذ هنا عندك مانع
مريم بخوف: لا لا يام معاذ
ام معاذ بعصبيه : مقولتليش جايه في ايه !
مريم : كسرت عربيه واحد
ام معاذ : ليه ابت
مريم : خان حبيبته يام معاذ يرضيكي !
ام معاذ وهي بتحك أنفها : لا بس انتي مالك ومال خطيبته!
مريم بعفويه : صعبت عليا حبيت اخدلها حقها يام معاذ ...
ام معاذ باعجااب : جدعه ابت
مريم بفخر : الله يخليكي يارب
ام معاذ بزعيق : روحي اتلقحي في اي داهيه
مريم باستغراب :هي بتتحول ولا ايه !
ام معاذ : بتقولي ايه ابت !
مريم : ل لا مبقولش يام معاذ
الكل كان هيقول الشعار ..
مريم بمقاطعه: بسسس وربنا لتسبولي الطلعه ديه انا
حضري الشنطه والجهاز وسيبي الباقي ل ام معاذ ..بقولك ايه يام معاذ الشنطه جاهزه والجهاز جاهر ناقص العريس
ام معاذ بقرف : نامي ابت
مريم بخوف :حاضر
وقالت بخفوت : ام معاذ لجلب الكُساح
مساء الخير
قالتها واحده من المساجين لمريم اللي قعدت علي السرير بتوتر من أشكالهم
مريم بتوتر : م مساء الخير
الست : محسوبتك ام سماح
مريم : محسوبتك مريم
ام سماح وهي بتاكل لبانه : عاشت الاسامي ..
مريم بتلقائية: بتشتغلي ميك اب ارتيست مش كده ؟
ام سماح باستغراب : ايه ارتيست ديه يابت ،الا تكون شتيمه وربنا اقوملك
مريم بخوف : والله ما حصل ارتيست ديه يعني فنانه يام سماح ،يعني بتاعته ميك اب
ام سماح بفخر : اه عرفتي منين انتي تعرفيني
مريم : طبعاااا معروفه ام سماح للميك اب السفاااح
ام سماح بفخر : الله يخليكي
واحده تانيه : محسوبتك ام عبد الله
مريم : ام عبد الله هتخليك متبصش برا
ام عبد الله بسخريه : لا ما هو بص برا
مريم بفضول : وعملتي ايه يام عبد الله
ام عبدالله بشر : قتلته
مريم وهي بتبلع ريقها بتوتر : كل الدعم يام عبد الله
بعد شويه اتفتح باب الزنزانه ..
العسكري بصوت عالي : مريم عابددددين
مريم بلهفه: ايوه انا يباشا
العسكري : تعالي سياده اللواء عايزك
مريم راحت معاه علي المكتب ...
اللواء : كسرتي عربيه ابني ليه يابت !
مريم بتوتر : ا انا كسرت العربيه ع عشان ي يعني يباشا حسيته مخنوق منها قولت اسهل عليه الموضوع عشان يضطر يجيب غيرها !
اللواء : والله !
مريم : اه اباشا
اللواء : انا هخرجك بس عشان ابني اللي انتي كسرتي عربيته هو اللي طلب مني كده ،عشان ابني طيب ..
مريم بخفوت : وخاين بتاع بنات
اللواء : بتقولي اي ؟
مريم بتوتر : لا يباشا مبقولش
اللواء : غوري من وشي
مريم جرت من قدامه وهوب علي بيتها ،وفات يوم ورا التاني ومريم قاعده في البيت بطلت تشتغل عشان الميكروباص اللي اتسرق منها ...
فتحيه اختها : انتي هتفضلي قاعده كده أمريم !
مريم : اعمل ايه يعني اقوم اتحزم وارقص!
فتحيه بسخريه: هه مش لو بتعرفي ترقصي
مريم بغيظ: بقولك ايه امشي من وشي ابت
فتحيه :طه هقولك حاجه بس متزعقيش
مريم باستغراب : حاجه ايه ابت !
فتحيه : الواد محمود تعرفيه
مريم : اه اعرفه ماله !
فتحيه : اتقدملك
مريم بفرحه وتلقائيه: بركاتك يام معاذ
فتحيه : مين ام معاذ
مريم : لا متاخديش في بالك ،المهم الفرح امتي
فتحيه بصدمه : انتي مش معترضه
مريم بفرحه : اعترض اي ابت ده انا بحبه الحمار اللي مبيحسش من زمان
"فينا رومانسيه من بعض يامريم😂😂😂"
فتحيه : ماشي هو قالي اتكلم معاكي في الموضوع ولو كده نحدد معاد الفرح
بعد مرور شهر
بارك الله لكما وبارك عليكما وجمع بينكما في خير
محمود وهو بيمسك ايديها : الف مبروك اعروستي
مريم : ايدك لتوحشك ياااض
محمود باستغراب : يابت انا جوزك
مريم وهي بتحك أنفها : صحيح انت جوزي !
محمود بضيق : طب ايه مش هتقولي حاجه
مريم : حاجه
محمود : يابت اقصدك كلمه يعني مش هتقوليلي كلمه حلوه
مريم : كلمه حلوه
محمود وهو بيقوم : لا استأذن انا بقي
مريم : لوووتفي استني يالوووتفي
محمود: نعم
مريم : بحبك ياحمار
محمود بفرحه : قولي والله
مريم : وربنا بحبك من زمان ياحمار
محمود بحب : وانا كمان يابغله بحبك
"ايه قصه الحب القذره ديه😂😂😂😂"
تمت الرواية كاملة عبر مدونة دليل الروايات