رواية هوس الفصل الثالث بقلم سولييه نصار
رواية هوس الفصل الثالث
-يعني هي هي تخلف عادي
قالتها زينب وهي مصدومة فهز مراد راسه وقال:
-ايوة
-ليه عملت كده ...
بصلها مراد بجن*ون وقال:
-لانها مينفعش تبعد عني أنا بعشقها ...بعمل كل حاجة عشان تبقي ليا ومبسوطة يا زينب ....سلوي هي حبي وحياتي. ..مقدرش اعيش يوم من غيرها ابدا فهمتي مستحيل اخليها تبعد ...لازم تكون ليا أنا اتجوزتك بس عشان يبقالنا ابن أنا وهي عشان لو اكتشفت في المستقبل اقدر اربطها بيا للابد فاهماني!!!
بلعت زينب ريقها وهي بتبص علي هوسه وجنونه ...صحيح وافقت علي عرضه الغريب لأنها محتاجة فلوس ومحتاجة راجل يحميها من جوز امها بس هي وقفت في ايدين شيط*ان ...
ابتسم مراد وقال:
-سلوي هترجع وهنرجع أنا وهي وابننا زي الاول ...مستحيل اخليها تبعد عني محدش هيحبها قدي ...محدش هياخدها مني !!...
اترعش جسم زينب من نبرته ...وعرفت أنه شخص مهوو*س ....وزي ما سلوي هربت ...لازم هي تهرب كمان ...
....
روحت عند اخويا في الليل واول ما شاف شكلي كده اتخض من غير كلام حضنته وانا ببك*ي ...حسيت بالامان وكاني في حضن ابويا ...اخويا حضنني جامد ودخلني ...مراته اول ما شافتني كده اتخضت وراحت تجيبلي حاجة سخنة اشربها وتسيبني اتكلم علي راحتي ....
بعد ما راحت قرب اخويا مني وقال:
-سلوي ممكن افهم ايه اللي حصل ...وشك عامل كده ايه انطقي .
فتحت في العياط وحضنت اخويا وانا ببكي. ...بعدني عنه وهو بيقول بخضة:
-مالك انطقي فيه ايه ؟!!!
بكيت وانا بحكيله عن كل حاجة ...
...
-اهدي بس يا رمزي هتعمل ايه
مسكته مراته فزعق وقال:
-والله لاق*تله الحيوان مع علي اللي عمله في اختي هو فاكر ملهاش اهل ...
مسكته وانا ببكي وبقول :
-ابوس ايديك يا رمزي متعملش حاجة طلقني منه بس ....مش عايزة اعيش معاه تاني ...لو عايز واحد حقي طلقني منه بس ...
اتدخلت مراته وقالت:
-عندها حق يا رمزي جيب المأذون وخلص كل حاجة لكن متوديش نفسك في داه*ية عشان واحد زيه وسلوي تعيش هنا معززرة مكرمة ...
سكتت رمزي شوية واقتنع بالفكرة ...فجأة جرس الباب رن راح رمزي يفتح فلقاه مراد
-تعالي يا حيلتها...
مسكه رمزي بعن*ف وقال:
-انا هعلمك ازاي تم*د ايدك علي اختي ..
وبعدين فضل يض*رب فيه ...حاول مراد يقاوم لكن رمزي اقوي منه ...فصلنا بينهم أنا ومرات اخويا بالعافية ...زعق اخويا فيه وقال:
-هيجي مأذون دلوقتي وهطلقها بالعا*فية والطلاق هيتوثق عشان متردهاش تاني من غير انها فاهم ...وزي ما صمم اخويا المأذون جه وخلص الموضوع ...مراد وهو ماشي بصلي وقال:
-متفتكريش ان الموضوع هينتهي انت ليا وه*قتل اللي يقربلك ...مادام مش هطولك أنا يبقي انسي اخليكي ترتبطي بحد غيري يا سلوي فاهمة انتي ملكي وبس ...
وبعدين مشي ...بس بعدها مفكرش يضايقن*ي ابدا لان اخويا كان في ضهري ...
مرت الايام علي مراد زي الجح**يم بيدور علي طريقة يرجعها بيه ومش عارف لحد ما في يوم ...
مسك مراد قميص أيمن ابن عم رمزي وصاحب مراد في نفس الوقت وزعق:
-ايه ...سلوي هتتخطب !!!!
يتبع الفصل التالي اضغط هنا