رواية روز الفصل الرابع بقلم سولييه نصار
رواية روز الفصل الرابع
-انا مش مصدقاك
قولتها بتوتر صحيح أنا مش فاكرة حاجة بس فيه حاجة في الشخص ده مش مريحاني مش حاساه بيقول الحقيقة ...بس هو ابتسم بلطف وقال:
-يا روز يا حبيبتي وهكدب ليه ده اللي حصل اهلك مكانوش موافقين علي جوازنا لان اختك كانت بتحبني ومتعلقة بيا وانا كنت بحبك انتي وصممت اتجوزك ولما شافوا اصرارنا سابوكي واتخلوا عنك حتي بصي .
طلع الفون بتاعه ووراني رسايل بينه وبين واحد مفروض انه ابويا وكاتب عليا كلما قاسي اني اختارت علي وآني مي*ته بالنسباله....معرفش ليه قلبي وج*عني للدرجادي ...حاولت امسك دموعي فمسك أيدي وقال :
-حبيبتي أنا بحبك ومش عايز حد يك*سرك احنا مش محتاجينهم اختك كانت بتحبني ومهووسة بيا وانا رفضتها قلبت اهلك عليكي ...ابوس ايديكي يا روز صدق ما لقيتك بلاش تخليهم يخدوكي مني أنا بحبك متخلهومش يد*مروا حياتنا يا حبيبتي ابوس ايديكي ...
برضه مكنتش مرتاحة بس هزيت راسي ...ابتسم هو وحضنني ...معرفش ليه اتضايقت مش مفروض ده جوزي اللي بحبه . .بس ليه أنا حاسة أنه غريب عني ...يمكن عشان لسه فاقدة الذاكرة ...يمكن !!.
.....
بعد شوية روحت معاه ...
كنا راكبين العربية لما بصتله وقولت :
- عايزة افهم حاجة انا عملت حادثة ازاي ؟عم محسن قال إني كنت بتمشي بالليل ايه اللي خرجني من البيت في الوقت ده ...
حسيته اتوتر شوية بس ابتسم وبصلي وقال:
-مكنتش حابب اقولك بس في اليوم ده اصريتي انك تروحي لأهلك رغم اني حاولت امنعك بس انتي اصريتي وساعتها قعدت هناك لليل قلقت عليكي وروحت هناك اهلك قالولي بمنتهي البجاحة أنهم طردوكي من البيت بعد ما اه*انوكي...بعدها عشت في جحيم وانا بدور عليكي ...
حطيت ايدي علي دماغي وحسيت أنها وجعاني ...مش قادرة اتخيل ولا اصدق ...بس اعمل ايه عشان اوصل للحقيقة ...اللي مفروض يكون جوزي مش واثقة فيه بس ازاي اتاكد سكتت خالص وقررت اشوف هيحصل ايه بعدين ....
.... .
وصلنا البيت ولسه هندخل جات واحدة وحضنتني جامد
-روز حبيبتي ...حبيبتي ...
بس حسيت بإيد علي بعدتني عنها وقال :
-عايزين ايه مش كفاية اللي عملتوه فيها ...
-عملنا ايه يا مجنون انت ؟!!!روز حبيبتي هتيجي معايا دلوقتي ...اكيد مش هتبقي معاه بعد اللي حصل
حسيت علي اتوتر وقال:
-مراتي مش هتبعد عني يا منار ...كفاية اللي عملتوه
فضلت باصة للبنت دي كتير وفجأة عملت حاجة ..مسكت ايد علي وقولت:
-هو عنده حق مش معني اني فاقدة الذاكرة اني هصدقكم ...أنا عمري ما هسامحكم علي اللي عملتوه فيا !!
يتبع الفصل الأخير اضغط هنا