رواية رحيل الفصل الرابع بقلم هاجر العفيفي
رواية رحيل الفصل الرابع
اياد كان ماشى هو ورحيل وفجأه جاتله رساله من رقم مجهول فتحها واتصدم كان مكتوب فيها (ابنك اتخطف والسبب الحربايه ال معاك وعشيقها)
اياد بصدمه : يزن !!!
رحيل بدهشه : ماله يزن
اياد حاول يتمالك أعصابه ويفكر بعقل ووراها الرساله
رحيل بصدمه ودموع : لاء لاء يا اياد متصدقش انا معملتش حاجه والله انا
اياد شدها لحضنه وقال بحنان : هششش أهدى انا مصدقك أهدى
رحيل بصتله بدموع : انا معملتش حاجه
اياد : عارف والله وعارف كمان انك مظلومه فى كل شئ أهدى بقا
رحيل شدت من حضنه وقالت : اياد متسبنيش أنا خايفه
اياد بابتسامه : مش هسيبك وهفضل جنبك لحد مابراءتك تظهر
رحيل : ويزن هنعمل ايه
اياد بغموض : انا عارف هجيب ابنى ازاى يلا عشان اوصلك البيت
رحيل مسكت فى تيشرته وقالت : ط طب وانت هتعمل ايه انا خايفه عليك
اياد طبطب على أيدها بابتسامه وقال : متخافيش انا مش هتأخر
أخدها وركب عربيته ووصلها ومشي
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
رحيل قعدت فى البيت وكانت خايفه على اياد جدا قامت اتوضت وصلت ودعت ربنا أن ينجيه ويجي بالسلامه
بعد منتصف الليل شافت اياد داخل وكان معاه يزن جريت على يزن أخدته فى حضنها وقالت بلهفه : انت كويس ياحبيبى
يزن ببراءه : ايوه ياتنت انا تويس (ايوه ياطنط انا كويس)
رحيل بصت على اياد لقته واقف مبهدل وباين على وشه التعب والارهاق وشعره نازل على وشه بطريقه عشوائيه
رحيل بقلق : مالك يا اياد
اياد بتعب : مش قادر
رحيل جريت عليه سندته ودخلته الأوضه وكان بيترعش من البرد نيمته على السرير وقلعته الجاكيت خرجت جابت يزن نيمته على الكنبه وغطته وراحت عند اياد اديته مسكن ولقت حرارته عاليه جدا
رحيل بقلق : يلهووي ده سخن مولع
جريت على المطبخ وجابت الكمادات الساقعه وفضلت تعمله طول الليل وهو كان بيقول كلام مش مفهوم
اياد بتوهان : ر رحيل متسبنيش
رحيل بخوف وحب : انا جمبك متخافش
فضلت جمبه طول الليل
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى الصباح
اياد صحي من النوم وشاف رحيل نايمه على الكرسى
اياد بتعب : رحيل
قامت مخضوضه وقالت : عايز حاجه انت كويس
اياد بابتسامه : أهدى انا كويس اسف أن تعبتك طول الليل
رحيل اتنهدت وقعدت على الكرسى : ياعم ولا يهمك المهم تكون بخير
اياد بتوتر : ك كنت عايز اقولك موضوع مهم
رحيل بقلق : خير
اياد بتوتر : احنا لازم نطلق النهارده
رحيل بصدمه : ايييي !!!!!!
يتبع الفصل الخامس اضغط هنا