رواية انتقام العشاق البارت الرابع 4 بقلم هاجر العفيفي
رواية انتقام العشاق الفصل الرابع 4
زين بصدمه : ننننعم ياختى !!!!ابن خالتك ال كان عايز يتجوزك
ملك ببرود : أيوه ولما العده تخلص هوافق عليه على الاقل احسن منك مليووون مره
زين بغضب : انتى اتجننتى ياملك صح هتخلى واحد ميسواش يقف قدام جوزك ابو بنتك
ملك بعصبيه : انت تخرس خالص انت ابو بنتى مش جوزى ولا انت نسيت انك طلقتنى انا مش لعبه فى ايدك يا أستاذ زين روح شوف حياتك وسيبنى انا كمان بقا انا زهقت اطلع بررره وإلا والله هنديلك الأمن
زين بصلها بحزن على حالتها وقال بحده خفيفه : ماشى ياملك انا ماشى بس والله مش هسيبك ولا انتي ولا رقيه
سابها ومشى وريم قربت منها بحزن وهي بتعيط
ريم بحزن : ممكن تهدى شويه
ملك بدموع : انا مليش مكان اروح فيه
ريم : أهدى بس عشان خاطرى طب مش انتى بتقولى أن هتروحي عند خالتك
ملك : انا قولت كده عشان اعصبه بس لكن انا برضوا مينفعش اروح هناك وابات معاهم فى بيت واحد وانا مطلقه وابنها عازب
ريم بتفكير : طب خلاص تعالى عندى انا عايشه لوحدى
ملك باستغراب : وأهلك فين
ريم : متوفين وانا من وقتها وانا لوحدى
ملك : هزهقك
ريم بابتسامه : ياخبر ده انا بتمني حد يسلينى فى الوقت ده
ملك بابتسامه : ماشى
زين بعصبيه : قمر ياقمرررر
قمر ببرود : نعم
زين بغضب مسك"ها من درا"عها وقال : كنتى هتمو"تى ملك ورقيه ياقمر
قمر بتوتر : ا انت بتتكلم عن ايه أنا مش فاهمه
زين شد على دراعها اكتر وقال بغضب : انتي هتضحكى عليا تانى كنت غبى لما سمعت كلامك وضحيت بأكتر اتنين بحبهم عشانك انتى متستاهليش ان حد يضحى عشانك
قمر زقته وقالت بح"قد : ايوه انا ال بعتلها ناس يمو"توها ومش هرحمها طول ماهى عايشه
زين ضر"بها بالقلم بشده : من امتى وانتي فيكي الح"قد وال"غل ده كله
قمر : من وقت ما أخوها كسر"نى وباعني مش هرحمكم كلكم
زين بقر"ف : انا فعلا شكلى دلعتك
شدها من أيدها تحت صرا"خها ودخلها اقرب أوضه وزقها وقفل عليها
قمر بصرا"خ : ماشى يازين مش هرحمك انت كمان ونشوف مين هي قمر
ريم كانت ماشيه وشايله رقيه وسندت ملك بالعافيه بسبب ك"سر رجلها
ملك بتعب : انا اسفه تعبتك
ريم بمرح : ولا يهمك ياقلبي بس يلا بسرعه قبل ما ابن الجيران يجى
ملك باستغراب : مين ابن الجيران
ريم : ده واحد رخم طالع نازل يغلس عليا و
قاطعها صوت من وراها بيقول : وايه كمان ؟؟
ريم اتصدمت وملك لفت على الصوت ده وكانت متأكده أنها سمعته قبل كده اول ما شافته اتصدمت أكتر
ملك بصدمه : سليم !!!!
سليم بصدمه هو الأخر : ملك !!
- تابع الفصل التالي عبر الرابط: "رواية انتقام العشاق" اضغط على أسم الرواية