قصة شوق وسلفتها الجزء الخامس 5 من قصة عامية مصرية
قصة شوق وسلفتها الفصل الخامس 5
يا انا يا سلفتى👸👰
سمعت فاطمه بتقول هتتجوزنى امتى يا سى اشرف ما خلاص مراتك اطلقت وخلصت والخطه مشيت زى الفل
شوق : يا نهارررر اسوود فاطمه وأشرف
اشرف: شويه كده وهنتجوز وانا على وعدى ليكى ده انتى حب عمرى
فاطمه : بجد حب عمرك ما كله من امك هى اللى بتكرهنى
اشرف : يلا اطلعى بقى قبل ما شوق تحس بيكى
فاطمه : شوق هتتهبل عاالعيال ونايمه فى حضنهم
اشرف : بحبك يا حته منى
فاطمه : وانا كمان ياحبيبى انا طالعه سلام 😘
شوق : يانهار اسود يا نهار اسود
انا هدخل انام علشان متعرفش انى سمعتها
شوق دخلت اوضتها وعملت نفسها نايمه
وفاطمه طلعت ودخلت الاوضه ع شوق وقالت انام انا بقى علشان متاخدش بالها من حاجه
شوق : ايه يا فاطمه مالك فى حاجه
فاطمه : كنت عطشانه وقلقت وروحت الحمام ههه قصدى المطبخ وشربت مياه
شوق : طيب
وشوق عملت نفسها نايمه واتأكدت ان فاطمه نامت وخرجت بره الاوضه وفضلت قاعده تفكر هعمل ايه بعد ما عرفت ان فاطمه عملت الخطه علشان مصلحتها وكمان اشرف معاها وهى متعرفش
اكيد فاطمه قالت لأشرف انى كنت هطلق واتجوزوا
مش عارفه اعمل ايه
الصبح طلع ع شوق وهى بتفكر فى فاطمه ومصيبه اشرف وقالت يااااه الساعه بقت 11 ومسكت الفون ودخلت المطبخ وقالت لما اكلم ست الشيخه واخد منها ميعاد علشان فاطمه متسمعش وفعلا اتصلت بالشيخه وقالت لها أن الحلم فى حاجه اختلفت زى ما قالت لها وعاوزه التفسير والشيخه صافيه قالت لشوق تيجى فى اى وقت وشوق قالت لها ساعه وهتكون عندها
وفعلا شوق قامت لبست وصحت فاطمه وقالت لها تاخد بالها من منه وعبدالله
فاطمه : رايحه فين يا شوشو
شوق : رايحه عند ماما أصلها طالبه منى حاجات وفلوس وانا هروح لها ضرورى
فاطمه : فلوس ايه
شوق : كنت واخده منها فلوس للجمعيه لحد ما احمد يبعت واحمد بعت وراحه علشان تاخدهم كتر خيرها وانتى عارفه امى ع قدها ست كبيره بقى
فاطمه قالت فى سرها امك ع قدها دى عندها بيت يرمح فى الخيل
شوق : فاطمه فى حاجه
فاطمه : لا لا بقول ربنا يبارك فى عمر امك يارب
شوق : انا ماشيه واعملى الرضعه لعبدالله واتعودى بقى ده ابن الغالى
فاطمه : اتعود ع ايه ومين الغالى ده
شوق : اشرف ايوه غالى مش ابو ولادى
فاطمه : ولادك.؟! ولادك مين؟
شوق : انتى نسيتى منه وعبدالله
شوق : انا ماشيه العيال امانه فى رقبتك
فاطمه : طيب وقالت هى شوق مالها عموما وانا مالى المهم هتجوز اشرف
شوق راحت عند الشيخه ودخلت عليها وقالت السلام عليكم
الشيخه صافيه : عليكم السلام تعالى يا شوق
شوق : الحقينى يا ست الشيخه الحلم اتغير وفى حاجه غلط وياريت تفسريه وتساعدينى
الشيخه : قولى بالظبط
شوق : انى لابسه عروسه وقاعده لوحدى عالكوشه وكل المعازيم بترقص عالساكت مفيش صوت بس المره دى لقيت فى ايدى تليفون وببص فى لاقيته فيه مرايا بس ملقتش نفسى انا العروسه لاقيت فاطمه صاحبتى وبتقول انا عروسه من غير عريس والتليفون انفجر فى ايدى بس مكنتش انا كانت فاطمه
الشيخه : صاحبتك دى اللى كانت معاكى
شوق : اه هى
الشيخه : انا لما شوفتها مستريحتلهاش بصى يا شوق فاطمه مش هتتجوز لحد ما تموت وربنا يديها ع قد نيتها دى نار 🔥 قايده
شوق : نار قايده هى فعلا نار قايده
وشوق سمعت تفسير الحلم وقامت وقالت فى سرها اقول للشيخه على اللى عملته انا وفاطمه ولا بلاش
مش عارفه اعمل ايه 😒
وشوق روحت البيت وطلعت على شقتها والتفكير شاغل بالها وفتحت باب شقتها وكان اشرف قاعد مع فاطمه وشايل عبدالله ع ايده وشوق دخلت وبتتسحب وقالت لما أقف اسمعهم بيقولوا ايه؟
سمعت اشرف بيقول لفاطمه كله من امى بتحب احمد اكتر منى عارفه لو كان خلف كانت كتبت لعياله كل حاجه حتى هدومنا
طول عمرها بتحبه وبتميزه عنى
فاطمه : اه علشان كده من وقت ما اتجوز وانت بتحط لشوق حبوب منع الحمل علشان متخلفش....
علشان كده كنت بتحط حبوب منع الحمل لشوق
وشوق سمعت وقالت يا نهار اسود يا ولاد الكلب
اشرف : وطبعا البركه فيكى لولا صيدليه فايز اخوكى مكنتش هعرف اعمل حاجه
فاطمه : واوعى تنسى مجهودى ما انا اللى خليت اميره تغير من شوق
اشرف : يااااه كنت اقعد اققولها عالجمال شوق وحلاوتها وطبعا اميره الحماره صدقت وكانت بس بتستعمل أساليب تانيه انها ست علشان خلفت وشوق جمالها عالفاضى حقوده بعيد عنك 😂
فاطمه : انا قادره من يومى ما هو كان لازم اميره تسم بدن شوق وتعايرها
أشرف: عارفه انا ياما تعبت وكله من أمى كانت بتعامل احمد كأنه ملاك ماشى عالأرض
ده غير لما حبيت اتجوز البنت اللى كنت طول عمرى بحبها موفقتش عليها وطلبت منى اتجوز أميره بنت خالتى
وكتير قولتلها انا مش بحبها يا أمى ومش عجبانى وبرضه خلتنى اتجوزها إنما احمد اول ما قال اتجوز شوق فرحت ووافقت عالطول طلباته مجابه
فاطمه : هى مين حب عمرك دى وانا ابقى ايه ان شاء الله 🤔
اشرف : انا بقول ايه وانتى بتقولى ايه انا قايم هو انا معرفش افضفض بكلمتين جوايا
فاطمه : خلاص خلصنا اهى مراتك اتجننت وشوق فاكره نفسها مبتخلفش ومخلفتش خلاص بقى
اشرف : انا هقوم قبل ما تيجى شوق
شوق : يا ولاد الكلب بقى انتى يا عشره عمرى تعملى فيه كده فعلا اتقى شرا من أحسنت اليه بس وحيات وجعى وكل دمعه نزلت منى وكنت بتقطع وانا محرومه من الأمومه هتعرفوا مين هى شوق
اشرف : انا قايم بقى
شوق : السلام عليكم متجمعين عند النبى
فاطمه : شوق
شوق : ازيك يا اشرف خليك انا هدخل اعمل غدا ونتغدى مع بعض هات عبدالله ده الولد نايم
اشرف : شكرا يا مرات الغالى
شوق : فاطمه مش انا قولتلك تخلى بالك من العيال ومن ابو العيال
فاطمه قالت فى سرها هى شوق مالها
فاطمه : مالك ي شوشو شكلك كده مضايقه
اشرف : اسيبكم انا
شوق قالت فى سرها ما البلاوى كلها منك انت وهى يا شياطين عالأرض
شوق : خليك بس يا غالى انا انا هعملك المكرونه البشاميل اللى بتحبها
اشرف : ها ها اه طيب لما تخلصى الأكل ابقى ادينى صوت
شوق : هرن عليك
فاطمه : يلا انزل انت يا اشرف ولما شوق تخلص أكل هكلمك
وأشرف نزل ع شقته
شوق : يا فاطمه انا حاسه بحاجه كده تكونش اللى فى بالى
فاطمه : حاجه ايه
شوق : مش اشرف ده مكانش بيطيق وشك ده كان عالطول يحظرنى منك علشان اخوكى وسمعته البطاله
فاطمه : هو كان بيقولك كده وانتى مكنتيش بتقولى ليه
شوق : كنت بتحرج
فاطمه : وليه بتقولى دلوقت
شوق : علشانك خايفه عليكى لا تتجرحى وتتصدمى اصل شايفه عنيكى فيها لامعه وانتى صاحبه عمرى وانا واثقه انه عمره ما هيبصلك
فاطمه : اوف بقى خلاص ي شوق كل اللى حصل هو طلع يشوف عياله بس لا فى حب ولا غيره
شوق : وانا قولت غير كده انا هدخل احضر الغدا
فاطمه : ربنا يحرق دمك يا شيخه
شوق دخلت المطبخ وقالت انا هوريكم يا شياطين ماشيه عالأرض بس انا برضه غلطت والشيطان ركبنى
شوق خرجت من المطبخ وقالت بصوت عالى فاطمه فاطمه
فاطمه : مالك ي شوق
شوق : بقولك فى حاجات ناقصه وانا نسيت اشتريها ممكن تنزلى تشتريها انتى علشان انا مش قادره راجعه تعبانه
فاطمه : حاضر
شوق : استنى خودى فلوس
فاطمه : انا معايا انتى اختى ي بت
شوق قالت فى سرها انا هوريكى
وفاطمه نزلت تشترى الحاجه وشوق قفلت الشقه ع نفسها وقالت لازم يا فاطمه تشربى من نفس الكأس وقالت لازم اخلص منكم وعلشان اخلص لازم الغيره تتدب فى قلبك بس الاول لازم اعمل حاجه لا مش حاجه واحده دول حاجتين وخدت منه وعبدالله ونزلت بيهم ع شقه حماتها وكان اشرف موجود وطلبت يخلى الولاد معاه لحد ما فاطمه ترجع وقالت إنها نازله ونسيت تقول لفاطمه ع طلبات تانى وهى نازله قابلت فاطمه عالسلم
فاطمه : ايه يا بنتى رايحه فين انا اشتريت كل حاجه
شوق : دقيق دقيق انا نسيت ومش عندى دقيق
فاطمه : خلاص خليكى
شوق : انتى تعبتى انا هنزل والولاد مع أشرف فى شقه حماتى سلام مش هتأخر
فاطمه : امتى بقى اطلع لحماتى بنفسى وتكون حماتى بس انا خاف اطلع دلوقت دى مش بطقنى انا هطلع الشقه وهرن على حبيبى اشرف
وشوق نزلت جرى فالشارع وخلاص حسبت حسبتها وعرفت هتعمل ايه وفضلت ماشيه بخطوات سريعه وبتجرى لحد ما وصلت وطلعت السلالم جرى وخبطت عالباب واول ما اتفتح قالت اميره فين يا محسن.....
وقابلت اخوها محسن وطلبت تشوف اميره ومحسن قابل شوق وهو مش عارف انها السبب وقال لشوق انها مش غريبه وخليها تتدخل عليها اوضتها بس شوق اول لما دخلت وشافت اميره بقت تعيط وانهارت ع شكلها ومش دى اميره اللى تعرفها بس اميره بصت لشوق وقالت انتى جايه تشمتى فيه يا شوق انا مش مجنونه يا شوق وهاخد ولادى منك ومنه ما هو طول عمره بيقول عليكى احلى منى شوق شوق ايه ده
شوق : مالك يا أميره
اميره : انا جسمى متلج وحاسه انى فى رعشه داخله فى جسمى بصى يا شوق جسمى مليان كله صراصير وكبيره كمان انا عارفه انهم شكلهم يقرف وعارفه ان منه بنتى خافت منهم والعبيط اشرف وشه كان كله حشرات وعقارب وكان شكله مسخره
شوق : تعالى يا أميره
اميره : مش خايفه منى يا شوق ولا من الصراصير، دى
شوق : لأ ي حبيبتى بصى يا أميره قومى غيرى هدومك علشان الصراصير دى
اميره : حاضر طيب وولادى يا شوق وحشونى اوى
شوق : متخافيش هيكونوا فى حضنك قريب اوى
اميره : عبدالله كويس ووشه بقى حلو
شوق : منه وعبدالله زى الفل
شوق قامت فتحت الدولاب وجابت هدوم لأميره وقامت قلعتها الهدوم اللى اميره شايفاها كلها صراصير وقامت اخدتها الحمام شطفتها ولبستها هدوم تانيه وقالت لأميره اهو مفيش صراصير وخدت الهدوم ورمتها قصاد اميره
شوق : انا همشى يا أميره بس هرجعلك تانى
شوق خرجت من اوضه اميره وقالت لمحسن انا عاوزاك
محسن : اولآ شكرا يا شوق ع زيارتك لأميره مع انها كانت بتعاملك اوحش معامله بجد اسف وبالنيابه عنها بتأسف لك اما حماتها اللى هى خالتى وابن خالتى رموها زى الكلبه
شوق : هو فى حد غيركم هنا
محسن : لا امى بتصلى فالجامع وكلهم مش هنا كل واحد مشغول بحاله وانا قاعد مع اميره
شوق : اميره لازم تروح لدكتور
محسن : ان شاء الله
شوق : انا عاوزاك يا محسن فى حاجه
محسن : اؤمرى
شوق : هقولك....................؟؟!!
وشوق اتفقت مع محسن وقالت انا ماشيه بس ياريت متنساش طلبى وانا هكلمك فون ومحسن قال لها هستنا منك اشاره
شوق : هكلمك
وشوق فى طريقها للبيت وهى فالطريق تليفونها رن وشوق قالت دى الشيخه صافيه ورددت عليها بس الشيخه كانت بتتكلم مع شوق وعاوزها فى حاجه مهمه وفعلا شوق مكدبتش خبر وراحت ع بيت الشيخه
فاطمه : انا هفضل واقفه ع أم السلم ده وبتصل بأشرف مبيردش ده ايه ده
اشرف : فاطمه فى ايه
فاطمه : انا بتصل بيك اكتر من نص ساعه وواقفه عالباب الشقه وانت بتكنسل ااااه لو كانت ست شوق كنت رديت عالطول
اشرف : انا شامم فى كلامك ريحه أميره فعلا الستات كلهم زى بعض
فاطمه : افتح بس الباب... ولا انت مش معاك المفتاح ولا ايه
اشرف : معايا معايا
وأشرف فتح الباب ودخل وفاطمه دخلت وقالت فين عيالك
اشرف : هيكونوا فين يا ذكيه اكيد مع أمى
فاطمه : امك مش بتطقنى معرفش ليه
اشرف : امى بكره تتعود عليكى
اشرف : هى فين شوق الشقه فاضيه من غيرها
فاطمه : هو انت فى ايه بالظبط شوق شوق شوق هو مفيش غيرها شكلك كنت مظبط معاها ولا ايه
اشرف : ههههههه مظبط
فاطمه راحت حضنت اشرف وقالت انا بحبك اوى امتى بقى يجمعنا بيت واحد يا حبيبى 😍
اشرف: هى فين شوق
فاطمه : اوف بتشترى حاجه هى قالت كده
اشرف : وحشتينى ي بطه
فاطمه : بجد
اشرف : طبعا ووحشانى اوى كمان
فاطمه : مش هينفع هنا تعالى فى شقتك علشان لو شوق جت
اشرف : هنزل اسبقك على الشقه
فاطمه : ماشى
وأشرف نزل ع شقته وفاطمه نزلت وراه على الشقه.
شوق رجعت من عند الشيخه وقالت لازم يا فاطمه تدوقى من نفس الكاس انتى والكلب اشرف وحيات حرمانى من كلمه ماما لأحرمكم انتم الاتنين من كل حاجه.....
فاطمه : اشرف يا حبيبى تصدق شقتك حلوه
اشرف : اه حلوه المهم انها عجبتك
فاطمه : فين اوضة النوم ياحبيبى نفسى اشوفها
ادخلى عندك اهى
دخلت فاطمه فتحت الدولاب
اشرف : بتعملى ايه
فاطمه : هلبسلك قميص نوم ياحبيبى تشوفنى بيه
قمصان اميرة كلها عندك البسى اى قميص يكون حلو كده
فاطمه : ماشى مع ان ده فال وحش اللبس قميص ضرتى
اشرف : هى مش ضرتك دى طليقتى المهلوسه
فاطمه دخلت اوضه النوم وفتحت الدولاب وفضلت تنكش وتدور على قميص حلو تلبسه
وهى بتدور شافت قميص نوم شوق
وقالت ايه ده ده قميص شوق ........
- تابع الفصل التالي عبر الرابط: "قصة شوق وسلفتها" اضغط على أسم الرواية