قصة شوق وسلفتها الجزء السادس 6 والأخير من قصة عامية مصرية
قصة شوق وسلفتها الفصل السادس 6 والأخير
ده قميص شوق يا نهار اسود ع دماغك يا اشرف انا هخرب بيتك وبيتها
بس مش هينفع اتكلم دلوقت
اشرف : فاطمه فاطمه
فاطمه : فى ايه مالك بتزعق كده ليه
اشرف : شوق رجعت انا خايف لا تشك فى حاجه يلا اطلعى اطلعى وبعدين هكلمك
فاطمه : ايه هو فى ايه مالك مرعوب ليه كده
اشرف : دى شوق لو شمت خبر انى ليه علاقه بيكى هتبقى مصيبه يلا اطلعى وبعدين نتكلم
فاطمه : خلاص طالعه وكلمنى ها
اشرف : حاضر
وفاطمه طلعت والغيره واكله قلبها ومتأكده ان شوق على علاقه بأشرف من القميص اللى فى دولاب اميره
فاطمه : اشتريتى الدقيق يا شوق انا فاكره انك كنتى عازمه اشرف عالغدا دى الساعه بقت 8 بالليل الا قوليلى كنتى فين كل ده
شوق قعدت عالكرسى الانتريه وقالت كنت عند ماما
فاطمه قالت فى سرها امممم شالله يا ماما
شوق : فين منه وعبدالله
فاطمه : عند حماتك
شوق : امممم اصل معددتش عليها وبعدين انتى كنتى فين
فاطمه : كنت كنت كنت
شوق : انتى علقتى كده ليه
فاطمه : كنت تحت ما انا نزلت اشوفك وادور عليكى
شوق : هو انا كنت تايهه ومعرفش
فاطمه : المهم انا جعانه
شوق : هقوم اعمل سندوتشات وشاى وانتى انزلى هاتى منه وعبدالله
فاطمه : حاضر
شوق : فاطمه وانا راجعه اخوكى فايز سألنى عليكى وقولتلوا معرفش
فاطمه : طيب احسن ما هو السبب فى اللى انا فيه
شوق دخلت المطبخ وقالت ماشى يا فاطمه اما عرفتك مقامك وازاى تضحكى عليه وشوق عملت الشاى والسندوتشات وخرجت بيهم وحطتهم على ترابيزه السفره ودخلت اوضه نومها
فاطمه : بقولك منه نايمه وجبت عبدالله بس
شوق : هو اشرف تحت
فاطمه : اه ليه
شوق : عاوزاه فى حاجه هاتى عبدالله بس الاول وانا هنزل اتكلم معاه
فاطمه : تتكلمى معاه فى ايه
شوق : اخرجى هاتى الشاى والسندوتشات من على السفره
فاطمه : انا بسألك يا شوق عاوزه ايه من اشرف
شوق : يا حبيبتى عاوزاه فى حاجه ضرورى وانا هنزل اتكلم معاه لما اطلع هحكيلك
وفاطمه خرجت الصاله وشالت صنيه السندوتشات والشاى ودخلت اوضه النوم وقعدت عالسرير وفتحت التليفزيون والنار بتغلى جواها من الغيره
شوق : انا جيت اهو ي ستى متأخرتش عليكى وشوق قعدت عالسرير وراحت أديت بوسه لعبدالله وقالت ياااه انت شبهه اشرف اوى
فاطمه قالت فى سرها اه ي شوق لو طلع اللى فى بالى صح
شوق : عاوزه اقولك ع حاجه كنت مخبياها عليكى يا فاطمه وجه الوقت علشان اقولك انتى اختى وحبيبتى
فاطمه : قولى قولى
شوق: انا بحب اشرف وكفايه انه خلانى أم ومعايا اهو عبدالله ومنه ولاده
فاطمه : فوقى يا بنتى دول مش ولادك
فاطمه : ما هو علشان كده انا مبخلفش وخلاص منه وعبدالله بقوا حته منى
فاطمه قالت فى سرها ينهار اسود
فاطمه : وأشرف نظامه ايه
شوق : بيموت عليا لما بس يشوفنى ولما لمسنى كان هيتجنن
فاطمه : هو لمسك كمان
شوق : لمس ايه بس دى غلطه لسان
فاطمه قالت فى سرها يبقى اللى شوفته صح اشرف على علاقه بشوق وانا حماره وبيلعب بيا
شوق : خودى سندوتش واشربى الشاى انا عن نفسى هقوم اخد شاور وبعدين انا مش جعانه
وشوق دخلت الحمام تاخد شاور وفاطمه الغيره واكله قلبها عالأخر ومحروق دمها ان شوق ليها علاقه بأشرف
وشوق دخلت الحمام واتصلت بمحسن اخو أميره وطلبت انه يكلم اشرف ويقولوا انه بيتصل بيها وهى مبتردش عليه ويطلع يكلمها
ولو سأله ليه يقولوا ان شوق كلمته قبل كده وهو بيطمن ع ولاد اخته وفعلا محسن اتصل بأشرف جوز اخته وسأله على شوق وقاله زى ما شوق فهمته
وفعلا اشرف طلع وخبط وشوق خرجت من الحمام
لابسه روب لأنها كانت لسه هتاخد شاور ولما فتحت الباب اتخضت وعملت مكسوفه واترمت فى حضن اشرف وقالت بصوت واطى حقك عليه معلش اتخضيت
وفاطمه خرجت لما سمعت خبطه الباب وشافت شوق فى حضن اشرف
قالت كده عينى عينك يا فاجره انتى والكلب ماشى
اشرف : محسن عاوزك ي شوق وبعدين ياريت ميسألش ع ولادى تانى
شوق : انا هفهمك..
اشرف : لما تخلصى كلمينى
شوق : حاضر عن اذنك وقفلت الباب وشوق قالت فى سرها المهم ان فاطمه الغيره دبت فى قلبها وعرفت ان ليه علاقه بأشرف
فاطمه : انا مالى انا حاسه ان جسمى مكسر اوى ومفيش نوم فى عينى خالص ومحروق دمى اوى انا حاسه انى هرتكب جريمه ومسكت تليفونها واتصلت بأشرف وقالت إنها عاوزه تشوفوا لما شوق تنام وتنزله الشقه بس اشرف قالها مش هينفع وهيخرج يقابلها بكره بس بره البيت علشان يتكلموا براحتهم
وشوق خلصت الشاور ودخلت اوضه نومها وقالت ياااه انا عاوزه انام وقالت لفاطمه مش هتنامى
فاطمه : شويه كده وهنام نامى انتى بس
شوق : تصبحى ع خير
وشوق عامله نفسها نايمه وفاطمه صاحيه والغيره هتاكل قلبها ومع الوقت غمضت عنيها وحاولت تنام بس شوق قامت وقالت بصوت مسموع لأنها عارفه ان فاطمه صاحيه ياااه اخيرا فاطمه نامت لما انزل لحبيبى اشرف وقامت من جمب فاطمه وطبعا فاطمه كانت لسه صاحيه
وسمعت شوق وعملت نفسها نايمه وشوق قامت تتسحب وفتحت الدولاب ولابست روب وقالت بصوت مسموع اشرف بيحب اللون ده وحطت برفان وسرحت شعرها وقالت فى سرها
وخرجت تتسحب ونزلت عالسلم بالراحه ومسكت مفتاح شقه اشرف وفتحت الباب ودخلت وقفلت وراها...
وفاطمه شافت شوق دخلت شقه اشرف اتجننت وجريت ع المطبخ وفتحت الدرج وجابت سكينه وقالت انا لازم اقتله واقتلها محدش هياخد اشرف منى ونزلت تجرى وجت تزق باب الشقه لاقيته مفتوح ودخلت زى المجنونه ع اوضه النوم....
وفاطمه دخلت ع اوضه النوم وكان اشرف نايم عالسرير وبعزم قوتها ضربته بالسكينه لحد ما مات وانهارت
وفضلت تقول قتلته وتضحك بصوت عالى وشوق كانت فى شقه حماتها وخرجت ورجعت تانى وقالت لحماتها وهى مفزوعه الحقى يا ماما باب الشقه بتاع اشرف مفتوح وخايفه لا يكون حرامى
حماتها خرجت مع شوق ودخلوا الشقه وفضلت شوق تدور زى المجنونه فالشقه وكانت طبعا بتمثل انها خايفه وحماتها قالت لها تعالى اوضه النوم مفتوحه ودخلوا الاتنين جرى على اوضه النوم وشافوا فاطمه منهاره ومش فى وعيها وبتقول قتلته
وشوق قالت لها وبكل خباثه عملتى ايه يا مجنونه وقربت منها بس فاطمه بصت لشوق اخر نظره وجريت فتحت البلكونه ورمت نفسها وشوق جريت وبصت من البلكونه وكانت فاطمه غرقانه فى دمها
وحماتها فضلت تصوت على أشرف وشوق اتصلت بمحسن وقالت على كل اللى حصل ان فاطمه قتلت اشرف ورمت نفسها.....
ومحسن بلغ والتحقيق اخد مجراه واتقفلت التحقيقات وطبعا بعد معاينه الجثث وبأقوال شوق قالت ان فاطمه كانت عندها علشان متخانقه مع اخوها ومكانتش تعرف ان فاطمه على علاقه بأشرف وقالت إن اشرف كان بيحذرها كتير من فاطمه لسوء سلوكها
وكمان حماتها شاهده ع كلامها بس شوق كانت بتحب فاطمه زى اختها
وفتحت لها بيتها علشان ظروفها وكانت سايبه بيتها
وفايز اخوها أكد كلام شوق ان هو كان طارد فاطمه من البيت علشان كانت على علاقه بأشرف وهو متجوز ولما عرف طردها وبتشريح جثه فاطمه الطب الشرعى اثبت انها كانت بتتعاطى برشام ومخدارات علشان كده مكانتش فى وعيها ومكنتش بنت بنوت واتقفلت القضيه والتحقيقات لان القاتله ماتت بعد وقوع الجريمه وقتلها لأشرف.......
شوق: ياما سلفتى عيرتنى بعدم الخلفه وانى ارض بور مبخلفش
وكانت حماتى شيلاها ع راسها وانا علشان مش قربيتها او مبخلفش كانت بتعاملنى انى مش ست وكمان سلفى طلع هو واعز اصحابى متفقين عليه
وكمان اشرف السبب فى عدم خلفى من اخوه
طيب وانا مالى انت بتغير من اخوك انا ذنبى ايه
واما فاطمه منها لله كانت سبب فى كل حاجه
وشوق رجعت على بيتها وعايزه ترجع سلفتها لبيتها واولادها
شوق : كلمت محسن وقال إن حالتها كويسها
ولما عرفت ان جوزها كان بيخونها مع فاطمه فاقت لاولادها ورجعت شقتها والحمد لله
وشوق حلفت انها مش هتلجأ لأى حاجه غير ربنا وان معرفتش تاخد حقها غير بالطريقه دى
وراحت شوق على شقتها وبعد مرور سنه ع وفاه اشرف وفاطمه حماة شوق اتوفت
اميره بقت هى وشوق أصحاب
اميره : متزعليش يا شوق بكره ربنا يعوض عليكى انتى فعلا طيبه انا عرفت ده لما فهمت اشرف ع حقيقته كتير كان بيقولى انك اجمل منى وانا زى العبيطه كنت بصدقه واغير منك بجد اسفه
وبعد مرور سنه ونص
احمد رجع من السفر
شوق : حمدالله ع سلامتك نورت بيتك يا حبيبى 😘😍
وبعد مرور شهرين من عودة احمد شوق تعبت وخدتها اميره وراحت للدكتور وهنا كانت المفاجأه انها حامل 🤰
وفرحت اوى واحمد فرح وشكرت ربنا ع عطيته ليها
وان ربك لا يظلم احد وشوق خلفت توأم ولد وبنت
وقالت إن لازم تربيهم على حبهم لبعض ومتفرقش ما بينهم ابدا
وتمت القصه على خير 😍
فى كلمه احب اقولها مفيش واحده عاقله تعمل زى اميره وتسمع كلام جوزها وبرضه مفيش زوج محترم يقول لمراته ان سلفتها احسن منها وأفضل منها وكمان أجمل منها
اكيد مش بيحبك علشان لو بيحبك هيخاف ع زعلك
وهيخاف يجرحك حتى ولو بكلمه
ياريت كل زوج يخلى باله ع مراته حتى ولو بهزار
لان فعلا الغيره بتكون موجوده
وكمان الست بتفرح من اقل كلمه لو مكانتش الكلمه الحلوه ليها معنى وسبب لفرحتك مكانش ربنا خلاها صدقه
وكمان لازم اى ام وأب تعدل بين ولادها فالمعامله ومتفرقش ما بينهم
ده بيولد ما بينهم الغيره والحقد وللأسف الكراهيه
خلوا بالكم من معاملتكم لاوولادكم خلوها واحده علشان يحبوا بعض
ودايما ازرعوا الخير ما بينهم علشان هتحصدوا خير
وتشوفيهم افضل الناس
تمت النهاية .. اقرا ايضا قصة فتاة قبيحة كاملة جميع فصول الرواية حصريا عبر دليل الروايات للقراءة والتحميل
- الفهرس يحتوي على جميع فصول الرواية عبر الرابط: "قصة شوق وسلفتها" اضغط على أسم الرواية