رواية هوس كاملة بقلم سولييه نصار

 رواية هوس كاملة بقلم سولييه نصار للقراءة والتحميل

رواية هوس الفصل الأول 1

-انا ابقي مرات جوزك يا حبيبتي ...

حسيت الدنيا لفت بيا ...جسمي اترعش ومسكت الترابيزة وانا حاسه نفسي هقع ...لا اكيد ده هزار ...بصيت لمراد وقولت :

-اتكلم يا مراد قول حاجة قول أنها كدا*بة وانها مش مراتك ...

بصلي مراد بتوتر وسكت 

ضحكت البنت وقالت:

-هيقول ايه يا حبيبتي ...

وبعدين طلعت ورقة من شنطتها وقالت بشماتة:

-اتفضلي ورقة جوازنا اهي ...جواز شرعي رسمي علي سنة الله ورسوله ...هو قالي أنه هيقولك علي جوازنا قريب بس كل شوية يأجل لحد ما انا زهقت وقررت انورك وكمان عشان اعيش هنا معاكم بدل ما أنا عايشة في شقة ايجار ومش قادر يوفرلي شقة جديدة زيك !

كنت حاسة نفسي في كابوس...قربت من مراد وانا بصر*خ وقولت:

-كلامها صح ؟!!انت متجوز عليا

اتنهد وقال:

-ايوة الكلام ده صحيح أنا اتجوزت زينب من  اربع شهور  وكنت ناوي اقولك بس ....

بس قبل ما يكمل كلامه صرخت وقولت:

-اه يا وا*طي يا حيوا*ن...أنا 

اتعصب وضر*بني بالقلم جامد لحد ما وقعت علي الارض ...قعد جمبي وقال بعصبية :

-متنسيش نفسك ...أنا جوزك وده حقي وشرع ربنا ...أنا استحملت سنتين من غير عيل ولا غيره وحقي اتجوز واجيب ابن ليا ...وانتي تحطي جز*مة في بوقك ومتتكلميش فاهمة !!

بصيتله بصدمة ....كنت مصدومة ومقهورة منه ...ازاي بعد الحب ده كله يبيعني كده ...

دموعي نزلت فبصلي ببرود وقال:

-من الاخر يا سلوي أنا اتجوزت خلاص ...وزينب هتعيش معانا هنا ...عاجبك ماشي ...مش عاجبك اخبط*ي دماغك في الحيطة ...

قومت وانا بقول بعصبية:

-لا مش عاجبني يا مراد ...أنا مقبلش ضرة 

-يعني ايه ...

-يعني تطلقني ...

-مفيش طلاق 

-لا هتطلقني غصب عنك يا مراد ...

وبعدين دخلت الأوضة عشان احضر شنطتي ...كنت مصممة امشي خلاص ...مش هقعد هنا ثانية واحدة ..

وانا بحط الهدوم في شنطتي قفل عليا مراد بالمفتاح ...جريت علي الباب وانا بخبط واز*عق :

-افتح يا بني ادم انت بتعمل ايه !!!

بس هو قال من ورا الباب بهدوء :

-مفيش طلاق يا سلوي ...لما تعقلي هفتحلك الباب ...

....

-ما تسيبها تمشي هتوفر ونعيش هنا لوحدنا 

قالتها زينب وهي سامعة سلوي بتخبط عشان يخرجها مراد ....

بصلها مراد وخنق*ها وزعق؛

-عندي استعداد ارميكي انتي وابني  اللي  في بطنك ولا اتخلي عنها... فاهمة ولا لا ومتنسيش اني اتفقت أن اللي في بطنك هيكون ابنها هي مش انتي ...

-مراد ...مراد همو*ت

قالتها زينب وهي حاسة نفسها هتتخن*ق ...زق*ها مراد بقر*ف وقام وسابها ...قعدت زينب مكانها وهي حاسة نفسها رخيصة ...بس ليه الاحساس ده هو قالها كل حاجة قبل ما يتجوزها ...

.....

جه الليل وكنت نايمة علي السرير وانا حاسة نفسي منها*رة ...دموعي علي خدي وانا مش مصدقة اللي حصل معايا ...معقول اللي حبيته اكتر من حياتي يخو*ني ويتجوز عليا ...هو قالي بعد ما عرفت اني مبخلفش أنه بيحبني ومكتفي بيا ...فجأة اتفزعت لما لقيته دخل عليا . 

-عايز ايه اطلع برة 

-عايزك 

قالها وعينيه بتلمع وبعدين قرب ومسكني حاولت اهرب منه وقولت:

-وانا بكر*هك مش عاوزاك 

-خلاص يبقي بالعافية 

-ده هيبقي اسمه اغت*صاب 

-مش مهم ...

وبعدين قرب اكتر واعت*دي عليا وسط صراخي!!

يتبع الفصل التالي اضغط هنا