رواية خادمة العشق الفصل الثاني عشر بقلم رنا احمد عماد
رواية خادمة العشق الفصل الثاني عشر
في شقه جمال ...
كانت تستعد امل للنوم لتقوم بفزع وهي تسمع طرقات الباب من سياتي بذلك الوقت المتاخر لتفتح الباب بفزع .
هند بابتسامه وحنان /اهلين بعروسه ابني الحلوه .
بسمه بابتسامه /معلش ي امل أننا جينا دلوقتي دي خالتي هند والده ادم كانت مسافره ورجعت .
امل بابتسامه وارتياح شديد لها /اهلا وسهلا بحضرتك اتفضلي .
هند وهي تحتضنها بحنان /اهلا بيكي ي نور عيني مشاء الله العيال دول عرفوا ينقوا بصيح تلات بنات يشرحوا القلب يلا ي أمل معانا .
امل باستغراب /علي فين .
عفت بابتسامه/علي الفيلا هنقضي الليله مع بعض بكره فرحنا وهنجهز سواء هو فيه واحده فينا هيجيلها نوم النهارده ده الواحده بتبقا هتموت من الخوف .
بسمه بمرح وهيام/ي حرام مساكين انا بقا حبيبي ارق من النسيم وانا بين ايديه بنسا العالم كله مشاء الله عليه بيعامل الستات بشكل مش معقول .
هند بغيظ /اتحشمي ي بت اتحشمي بلا قله حياه .
عفت بضحك /ههههه ايوه كده ي خالتي هند اديها علي عنيها .
بسمه بمرح /ولا يهمني ده عشق حلال وبعدين انا عارفه انكم متغاظين بسبب قصه حبي الاسطوريه انا وامير .
عفت بمرح /بكره هنبقا كلنا في الهواء سواء ي حلوه .
أمل بارتباك /بس بلاش انا ي مدام هند بكره إن شاء الله هاجي علي الفيلا مش عايزه اسيب ابويا لوحده .
هند وهي تمسك ايديها بحنان/اولا انا حماتك أو ماما وبعدين انتي كده كده هتسيبي والدك لوحده ربنا يديله الصحه وطوله العمر لتحتضنهم بحنان لتتحدث /وبعدين انا عايزه عرايس بنات ولادي في حضني الليله دي وبعدين معاكم عاد هتطلعوا العرق الصعيدي الي جويا وهوريكم شغلكم عاد .
بسمه بمرح /لا وعلي ايه ي خالتي ابوس ايدك ي أمل وافقي .
عفت بابتسامه /وافقي ارجوكي ي أمل عايزين نكون مع بعض علشان خاطرنا .
امل بابتسامه /حاضر هاجي .
هند بابتسامه وهي تحتضنها /ايوه كده ربنا يسعدكم ي بناتي ويوفقكم يارب ....
في فيلا الدميري ..
كانت تقف ملك وهي تعد الطعام الخاص ب فريال لياقاطعها قاسم .
قاسم بسخرية/ايه ده ملك هانم بقت طباخه .
ملك بغيظ /هو انت ايه الي جابك هنا وعايز مني ايه مش رفضت تساعدني لما كنت واقعه في ضيقه .
قاسم وهو ينظر إليها بدقه /وايه الي اتغير لما وقعتي في ضيقه اتغيرتي حمدتي ربنا انك خرجتي منها ابدا معتقدش لسه زي مانتي مغروره وبتبصي للفوق .
ملك بغيظ وحده /لازم ابص لفوق لاني طول عمري عايشه تحت والي كانت شغاله خدامه عندي هي وصاحبتها بقوا هما الكل في الكل وانا خسرت كل حاجه السعاده الي هي عايشه فيها دي كان زماني انا عايشه فيها .
قاسم بحده/عمرك مكنتي هتعيشي سعيده زيها ي ملك عارفه ليه لانك كنتي هتتجوزي امير بيه علشان فلوسه وبس لكن بسمه حبيته بجد وهو كمان حبها لأنها جميله وبريئه اوي حبيته من غير اي مقابل لكن انتي لا ي ملك .
ملك بغيظ وحقد/ي سلام عجباك انت كمان ست بسمه وبعدين انا لازم افكر كده لاني ملك الي تستاهل تعيش في قصور مش تتجوز واحد زيك .
قاسم بغيظ وحزن شديد بداخله/ومين قالك اصلا اني عايز اتجوزك انتي متستهليش واحد زي عن اذنك .
ملك بغيظ شديد/مشاء الله عليكي ي ست بسمه كله شيفاك ملاك ماشي مسيري ادمرلك حياتك واخليكي في نظر الكل ولا حاجه اوووف اما اشوف مين الي علي الباب ..
في المقابر ....
من أمام قبر نصار ....
كان يجلس ادم بدموع وحزن .
/شايف ي بابا شايف مراتك جايه دلوقتي تفتكر ابنها جايه تتداري علي الي عملته زمان انا مش عارف ايه الي رجعها مش عارف .
امير بتنهيده /رجعت علشانك ي ادم .
ادم بدموع والم وصراخ /متقولش علشاني ي امير انا بكرها بكرها .
بدر بحده /بتكرها ليه ليه مش قادر تصدقها دي امك اقربلك من اي حد .
ادم بانهيار وصراخ /عمري مهقدر أصدقها عارف ليه لأني شوفتها بعيني وهي خارجه مع عشيقها ومظبوطين في وضع زباله بعد موت ابويا بشهور وجايه دلوقتي بعد ماخدت كل الي عيزاه وعاشت حياتها جايه تتدور علي ابنها لا ي بدر لا أنا مستحيل اسامحها ومستحيل أصدقها ابدا .
بدر بغضب جحيمي/انا عارف انت مش عايز تصدقها ليه علشان تفضل عايش في دور الضحيه ادم نصار الي كل يوم مع واحده وبيضطر يعمل كده علشان يهرب من معاناته وغلطت أمه مش كده ي ادم بس لا بقا كفايه اوي لحد كده خالتي زي الفل وأشرف من الشرف ومفيش منها ابدا وانت براحتك عايز تصدق صدق مش عايز براحتك ي ادم يلا ي بدر .
بدر بجديه /ها سعادتك جاي معانا ولا ايه .
ادم بعصبية وضيق/اكيد طبعا متنساش أن زفت فرحنا بكره ولازم تحضيرات كتيره يلا بينا .
ليغمز امير الي بدر بابتسامه فهو يعلم أن ادم سيأخذ بعض الوقت لتقبل ما حدث ...
في فيلا الدميري ...
في غرفه امير ....
كانت تقف ملك بغيظ وحقد وهي تمسك فستان بسمه بيديها الذي استلمته من التنظيف لتتحدث بغل وغيظ /فستان غالي زي ده ي بسمه ده انا كنت بعطف عليكي من هدومي القديمه بس وحياتك مش هخليكي تلبسيه ابدا .
لتمسك ذلك الشعله لتشعل به النيران من الخلف لتحدث قطعه منه لتتضع كمان كأن لتخرج وهي تبتسم بحقد وشر ......
في غرفه هند .....
كانت تجلس هند مع الفتيات وهي تعطيهم نصائحها ليعملوا بها في حياتهم الزوجيه ...
/افهموا حديدي ده زين جوي ي بنات علشان هيساعدكم في حياتكم الجايه اجوازكم دول هما سندكم وضهركم هما حضنكم الي هتجروا عليه وقت الضيقه خليكم معاهم كيف نفسهم بالظبط لما يقع في حضنك اسكتي خالص سبيه يقول كل الي جواه اوعاكي تقسي عليه لأنه عمره مهينسهالك واصل خليكم كيف العصافير الي بتلم عشها.....
هند بابتسامه /اظنكم كده عاد فهمتوا أنهم هيكونوا ليكم الضهر والسند وانتوا كمان لازما تكونوا ليهم كده ي بنات .
بسمه بابتسامه وحنان/ربنا يخليكي لينا ي طنط هند.
امل بابتسامه /بجد حضرتك جميله اوي .
عفت بابتسامه/هونتي علينا كل حاجه.
هند بحب وحنان وهي تحتضنهم/انا قولتلكم انكم بناتي وانا امكم فاهمين ويلا دلوقتي علشان حصه الرقص .
بسمه بصدمه /رقص رقص ايه.
هند بغيظ /واه عليكم مش بنات انتوا ولا ايه وبكره دخلتكم افرض اجوزكم طلبوا منكم ترقصولهم هتعملوا ايه عاد .
بسمه باحراج /بصراحه ي خالتي هند احنا متجوزين انا وامير بقالنا فتره ومطلبش مني كده ابدا .
عفت بارتباك /وبصراحه مش عارفه بدر برضه .
هند بغيظ /واه عليكم جرا ايه ي بنات وهو لازما يطلبوا البنت الشاطره هي الي تعرف تتدلع جوزها كيف وبعدين هو انتا هتتجوزوا اي شباب دول مقطعين السمكه وديلها .
امل بغيظ وسخريه /ديلها بس ده ابن نصار مقطع ديلها ورأسها والشوك بتاعها كمان بقولك ي حماتي هند علمي بسمه وعفت انا متشغليش بالك بيا ابن نصار لو عاز واحده ترقصله هيطلبها دليفري ولا ملقاش هيجيب رقاصه بالكهرباء .
هند بضحك /هههههههه قومي ي بت انتي وهي شغلي مزيكا ي عفت .
عفت وهي تمسك الشرائط /ها ي خالتي هند اشغل ايه ام كلثوم ولا عبد الحليم .
هند بمرح /واه عاد هنرقص علي ده كيف ي بت شغلي الست نانسي عجرم اه ونص .
البنات بصدمه /اه ونص ...
وبالفعل قد اندمجوا الفتيات معاها بالرقص والضحك والمرح ف هند أصبحت أما لهم ......
في الجنينه ....
كانوا يجلسون الشباب لترتيب كل شي .
امير وهو يضع الهاتف بزهق /اوووف اظن كده عزمنا كل الناس .
بدر بجديه /لسه فاضل فؤاد المنشاوي .
ادم بزهق /اووف الراجل ده مبينزلش من زور ابدا .
امير بزفر /مينفعش ي ادم هيزعل .
ادم بمرح /ي زعل نص نص .
بدر بضحك/هههههه مشاء الله مركز انت مع الاغنيه .
امير بابتسامه /بجد رجوع خالتي هند هو رجوع الحياه بالنسبه لينا شوفوا سعاده البنات معاها شوفوا سعادتنا احنا كمان .
ادم بغيظ /اتكلموا عن نفسكم .
بدر بغيظ /تصدق بالله لولا أن الفرح بكره كنت عطيتك علقه مقومتش منها ابدا .
امير بابتسامه وهو يحتضنهم بحنان فهو يكبرهم بخمس أعوام لكنه دائما يشعر وكأنهم أبنائه/مبروك ي حبايب اخوكم ..
لينقبض قلبهم علي ذلك الصوت ليسرعوا الي الاعلي ..
في غرفه هند ....
كانت تمسك بسمه الفستان بدموع وصراخ لما حدث به .
هند بمواساه /اهدي ي روحي حصل خير انا هجيبلك غيره .
بسمه بدموع وحرقه/بس انا كنت حابه الفستان ده ي خالتي ازي بس ده حصل فيه .
عفت بحده/انتي بجد مش عارفه مين الي ممكن تكون عملت كده .
امير بغضب /ملك .
عفت بتايد/فعلا ي امير مفيش غيرها الشرانيه هي الي عملت كده .
هند بتذكر /مش ملك دي البنت الي مساعده بتاعه جدتكم .
بدر بغيظ /ايوه ي خالتي بس الواضح أنها مش بس مساعدتها في الأكل والدواء والخطط كمان .
فريال بحده /ايه ده فيه ايه .
امير بغضب وهو يشاور علي ملك /البت دي مش هتقعد ثانيه واحده هنا في الفيلا .
فريال بغضب /وده باماره ايه ي سي امير لازم تعرفوا كلكم أن انا كبيره الفيلا هنا وكل حاجه تمشي بأمر مني وملك هتفضل معايا .
بسمه بغيظ ودمع وهي تمسك الفستان /انتي ليه عملتي كده حرام عليكي يا شيخه انا عملتلك ايه لكل ده .
ملك بحده وغيظ /فستان ايه الي بتتكلمي عنه انا معرفش انتي قصدك ايه .
امير بغضب /لا ي شيخه شكل الي حصل المره الي فاتت مكنش كفايه .
ملك بغيظ/امير بيه انا قولت ل حضرتك اني ماليش علاقه .
فريال بغضب/انا مش فاهمه ايه التفاهه الي انتوا فيها دي فستان وراح التنضيف واتحرق عادي بتحصل يلا ي ملك خلينا ننام بكره يوم طويل .
هند بغيظ /تنام عليكي الحيطه ي شيخه .
امير وهو يحتضنها بعشق/بس ي نور عيني بس دموعك دي بتقتلني .
بسمه بدموع وقهره /انا تعبت ي امير تعبت ليه الدنيا مستكتره عليا الفرحه حتي لو كانت بسيطه .
امير وهو يقبلها بعشق /اهدي ي نور عيني بكره هيكون عندك احلا منه مليون مره وتكوني احلا عروسه ي قلبي .
عفت بابتسامه /خلاص ي بسمه هو الي خلق الفستان ده مخلقش غيره خلاص ملكيش نصيب فيه .
هند بابتسامه /متزعليش ي حبيبتي هنجبلك الي احلا منه .
بسمه بابتسامه وهي تمسح دموعها/ربنا يخليكم ليا يارب .
هند بغيظ وهي تحدث ذاتها /ماشي ي فريال انتي. الحربايه الي معاكي لدفعكم تمن كسره فرحه الغلبانه دي .
ادم بخبث وهمس /ايه الفساتين الجامده دي .
امل باحراج وغيظ /ايه البرود ده ي اخي الي انت فيه ده وقته .
ادم بغمزه /عندك حق بكره هو وقته .
امل بحده وكره /بقولك ايه لو كنت فاكر أن اللعبه دي هتستمر تبقا غلطان انا مضطره اعدي كل حاجه علشان الأمور تمشي ومحدش يحس بحاجه لكن صدقني أن حاسه اني بتدبح كل لحظه تقربني من اني اكون مرائتك .
ادم بغيظ وحده يخفي وجعا والما /وانا كمان بمثل علشان محدش يحس بحاجه اوعي تفتكري انك حاجه بالنسبه الي انتي مجرد غلطه غلطتها وبصلحها عن اذنك .
امل بكسره ووجع/صح غلطه ربنا ينتقم منك ي شيخ انت اكبر غلطه في حياتي .
ليقاطعها ذلك الرساله علي هاتفها من ادهم .
/انا حاسس بالي انتي فيه دلوقتي ي أمل بس افتكري دايما أني جنبك وهفضل جنبك طول الوقت .
امل بتنهيده وحيره/وبعدين انت عايز مني ايه ي ادهم انا مش ناقصه .
في غرفه عامر .....
كان يجلس بدموع وهو يمسك صوره زوجته رحاب ليتحدث بدموع /وحشتني اوي ي رحاب اوي انتي ونصار وحشتوني اوي مش قادر انسا اول لحظه شوفتك فيها وناصر كمان شاف هند وحبها وولادنا كمان وقعوا هما كمان في الحب بس اتمنالهم يكونوا حظهم احسن من حظنا وحشتيني ي رحاب وحشتيني اوي .......
صباحا في اليوم التالي .....
في فيلا الدميري ...
كان الجميع يستعد للذهاب الي فندق خمس نجوم لاقامه حفل زفاف احفاد عائله الدميري ....
في غرفه امير ....
كانت تمسك بسمه الفستان الذي جلبه لها امير مشابها لآخر .....
امير وهو يحتضنها بعشق /ها يروحي مبسوطه .
بسمه وهي تقبل يده/طبعا ي قلبي مبسوطه بس مفيش حاجه ممكن تبسطني قد اني اشوفك قدامي واطمن عليك .
امير بعشق /حبيبه قلبي ي بسمه .
بسمه بعشق /وانا بموت فيك ي روح بسمه يلا زمان الكل جهز تحت .
في الاسفل ....
كان الجميع يقفون وهم يستعدون للذهاب لينفزعوا علي صوت الصراخ .
ملك وهي تمسك قساتنها بحسره /الحقيني ي مدام فريال فستاني ادمر خياطته كلها اتفكت .
هند بخبث ومكر/عادي أن الخياطه تتفك بتحصل .
فريال بغيظ وهي تصعد لاعلي /تعالي اشوفلك فستان قديم تلبسيه .
ملك بغيظ وحقد وهي تتحصر علي فستانها الباهظ الثمن الذي اشترته لها فريال للحضور الحفله .
ليصعدوا الي الاعلي لتخطر علي بال ادم ذلك الفكره الخارقه ليسرع الي المطبخ ..
في غرفه فريال ....
كانت تقف ملك أمام المراه بغيظ شديد من ذلك الفستان الذي يظهر قديما للغايه .
فريال بجديه /اهو ده برضه مش وحش .
ملك بغيظ /بس التاني كان احلا وماركه ..
ادم وهو يحمل أكواب من الليمون /خودي ي جدتي اشربي الليمون ده هيهدي اعصابك اشربي ي ملك .
ملك بابتسامه مزيفه /شكرا اوي ي ادم بيه انا فعلا محتاجه اروق اعصابي .
ليشربوا بالفعل العصير تحت نظراته الماكره وبعد بعض الوقت كانوا يذهبون في ثبات عميق اثر المنوم الذي وضعه ادم في اكواب الليمون ليتحدث بخبث ومكر/ههههه كده تمام مادام جدتي والحربايه بتاعتها مش هيحضروا الفرح يبقا كده اليوم هيعدي علي خير ....
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية خادمة العشق" اضغط على اسم الرواية