رواية اهتديت بحبه الفصل الثاني عشر بقلم ميادة خاطر
رواية اهتديت بحبه الفصل الثاني عشر
حابه اكتب حاجه قبل ماابدأ البارت الهدف من الروايه دي حاجتين الأولي أن بحاول اكتب فيها معلومات دينيه كتير لعل وعسى تفيد اي حد والتاني اني بكتبها عشان اسلي نفسي ومن وحي خيالي يعني ممكن اكون بأڤور الأحداث سعات بس أنا بحبها وحابه اكتبها وممكن اطولها اوي وشكرا لاي حد بيحبها وبيستناها بيفرق جدا معايا وبجد يسلم كل حد بيكتب كومنت مشجع وانا عرفاهم كلهم وبحبهم جدااا ويسلم كل حد بيقراها ويرات تعذروني الاسبوعين الجاين لان هبدأ امتحانات نصف السنه وهبقي مشغوله اسفه طولت نبدا البارت،،،،
سليم وسما طلعوا علي صوت صويت سيلا ولقوا ابو سليم وام سليم وخديجه طالعين جري من تحت
سليم باستغراب:هي سيلا فين
خديجه:أنا سيباها نايمه فقوضتي
سليم دخل جري وانصدم لما ملقاش سيلا فيها وفتح الحمام ملقهاش ولقا الشباك مفتوح جري بص منه ملقاش حد
سليم ولاول مره الخوف يتمكن منه:سيلا سيلا فين سيلا سيلا اتخط'فت سيلا سيلا
سما:اهدي بس هنلاقيها انشاء الله
خديجه باستغراب:بس ازاي أنا يدوب مكملتش ١٠ دقائق نزله راحت فين
سليم اعد يروح ويجي ووقف مره واحده وقال:جميل
أبوه:جميل مين
سليم طلع الفون ورن عليه
جميل:الووووو
سليم بغضب:جميل وأقسم بالله سيلا لو ما رجعت لقت'لك
جميل باستغراب؛سيلا هي مش معاك
سليم بدأ يتعصب:جميل متهزرش محدش غيرك يعرف اصلا ان سيلا معايا
جميل ببرود:اصلا أنا بره مصر يا حبيبي روح شوف اللي مسؤوله منك راحت فين ده مكملتش يوم معاك وقفل
سليم رزع الفون فالارض واتعصب اوي وقال :طب مييين ازااااااي
سما بصوت عالي:سليم لازم تهدي اذكر الله فقلبك وصلي عالنبي كده
سليم:استغفر الله العظيم من كل زنب عظيم عليه الصلاه والسلام
سما:ايوااا اهدا كده عشان نعرف نتصرف
ابو سليم:أنا هكلم الظابط رؤووف حالا و
خديجه قاطعته وقالت بتذكر؛سليم أنا عرفت هنعرف هي فين ازاي
سليم بلهفه:ازاي
خديجه:أنا قبل ماانزل كنت مشغله اللاب وفاتحه فيديو واعتقد اني سبته مفتوح لاني نزلت بسرعه استني اشوف
سليم جري عاللاب اللي كان محطوط عالترابيزه وفتحه ولقاه مفتوح فيديو فعلا ورجع الفيديو لورا وكلهم حواليه مستنين وهنا كانت الصدمه،،،،،
بعد وقت طويل الدكتور طلع
الدكتور:هو مفيش حد من أهله هنا
الحاج ابو اسماعيل:لاء يابني والله أنا وابني بس هو عامل ايه
الدكتور:للاسف توفي هو اصلا جاي مي'ت بس حاولنا ومقدرناش يرات توصلوا لأهله عشان يستلموا الج'ثه
الحج ابو اسماعيل:لا اله الا الله لله ما أخذ ولله ما اعطى انا لله وانا اليه راجعون انا لله وانا اليه راجعون
اسماعيل:يا حج أنا لقيت الفون بتاعه ده كان فجيبه
أبوه:طب رن علي حد يابني نشوف مين أهله
اسماعيل فتح الفون ورن علي اخر رقم اللي هو رقم ابو سمر
ابو سمر بنوم:الو مين
اسماعيل:حضرتك ابو صاحب الفون ده
ابو سمر فاق وبص فالرقم ولقاه نادر
ابو سمر؛ايوا دابن اخويا لي في اي
اسماعيل:البقاء لله صاحب الفون اتوفي وهو فمستشفي***"يرات تيجي عشان تستلم الج'ثه
ابو سمر بصدمه:ايه وقام بسرعه ولبس ومشي من غير ما حد يحس وجري بالعربيه عالمستشفي وهو مش مستوعب اصلا ووصل
الحج ابو اسماعيل:السلام عليكم البقاء لله يابني
ابو سمر مش مستوعب:البقاء لله ايه انت بتقول ايه نااادر ناااادر
الدكتور:لو سمحت وطي صوتك في مرضي هنا
ابو سمر من صدمته مبقاش حاسس بنفسه:نااادر ده كان معايا من شويه ناااادر نااااااادر وبقا عامل زي الطفل التائه وعمال يقول نااادر بصوت عالي والممرضين مسكوه وادوله حق'نه مهد'ئه وبالفعل هدي واعد وعمال يقول ناااادر واعد يعيط وينادي باسمه (نادر كان قريب جدا من عمه ويعتبروا صحاب ونادر متربي علي ايد عمه وكانوا شغالين مع بعض وكل حاجه مع بعض وكانوا اقرب اتنين لبعض لان اهل نادر متوفين من زمان فعشان كده نادر كان أغلب وقته مع عمه
الحج ابو اسماعيل:البقاء لله يابني هدي نفسك امانه وراحت للي خلقها
ابو سمر مكنش سامع حد وكل اللي فباله أنه نادر ما'ت ومش هيشوفه تاني
وشويه والممرضين طلعوا نادر ابو سمر جري عليه وشال الغطا واعد يقول:اسف يابني حقك عليا أنا السبب حقك عليه ااااااااااااااه ااااااااااااااه يا وجع قلبي عليك يا نااادر كان نفسي اجوزك وافرح بيك اسف يابني ااااااه يا نااااااادر اااااااه واعد يعيط بحرقه واللممرضين بعدوه بالعافيه وخدوا نادر عشان يتغسل وأبو سمر مستحملش واغمي عليه والممرضين خدوه وحطوله محاليل ،،،
سليم رجع الفيديو لورا وشاف حد دخل مالشباك ومغمي وشه وسيلا كانت نايمه وهو شالها وهي صوتت وهو كت'مها وجري بيها مالشباك
سليم وقف الفيديو واعد يقرب فالوش ويدقق لحد ما قال بصدمه: معتز،،،،
سيلا فاقت وبدأت تعيط وتقول:سليم سليم
معتز بزهق:بس يا شطره اسكتي ونامي
سيلا بخوف؛انت مين
معتز:متخفيش مش هعملك حاجه بس لو زنيتي هم'وتك
سيلا خافت اوي وسكتت واعدت تقول فسرها:يارب سليم ينقذني يارب سليم ينقذني يارب
معتز ابتسم؛شطره خليكي ساكته كده،،،
ابو سليم:معتز مين
سليم قام وقت وبان علي وشه الغضب وقال:أنا رايح اجيب سيلا
سما:طب فهمنا طيب مين معتز ده
سليم مشي من غير ما يرد عليهم وهما كلهم علي وشهم علامات استفهام ومش فاهمين
سليم ركب العربيه ومشي وبدأ يفتكر من ٣ سنين قبل ما يسافر امريكا تحديدا فبيت معتز
Flash back
سليم:ايه يا زيزو عامل ايه
معتز:عامل خط وبمشي عليه
سليم:هههههههه ظريف ياض
معتز:أنا يابني شكرا علي ثقتك الغاليه
سليم؛ولا قوم اعملنا ٢ قهوه يلا عشان مش مظبوط
معتز:ليه انت اتش'ليت متقوم انت
سليم؛هتنجز ولا امشي
معتز:دانت قفوش اوي أنا قائم
سليم: شاطر ومعتز دخل وسليم اعد يقلب فالTV
ومره واحده فون معتز رن
سليم:معتز رقم بيرن عليك
معتز:رد يا سليم
سليم؛ا ملحقش يكلم
مريهان:الو ميزو ازيك عامل ايه برن عليك من بدري مش بترد ايه وحشتني اوي بقولك انا فاضيه اجيلك دلوقتي ولا ايه بصراحه المره اللي فاتت انبسطنا اوي عوزين نكررها تاني الو ميزو مش بترد لي الووو معتززز
سليم كان مصدوم والفون وقع منه مش مصدق أن صاحب عمره وأقرب واحد ليه يخ'ونه ومع مين مع حبيبته
معتز جه بالقهوه:مين كان بير ومكملش ولقا قلم نزل عليه وقعه فالارض
معتز بعصبيه: في ايه ياض يابن ***انت اهبل ياض اللي عملته ده
سليم كان بيبصله بصدمه وحزن وكسره وإحساس بالخذلان والخيا'نه وكل حاجه
سليم بلوم:انت يا معتز انت
معتز باستغراب:أنا ايه
سليم؛انت انت تخو'ني ومع مين مع البنت الوحيده اللي حبيتها انت دانت اخر حد جه فبالي انه يعمل كده انت يا صاحب عمري ياللي كل أسراري معاك دانا كنت بقول انك صاحبي واخويا انت يطلع منك كل ده
معتز اتخض وقال:انت انت بتقول ايه
سليم بزعيق وعصبيه:بقول أن ميرهان لسه مكلمه وبتقولك انك وحشتها تجيلك دلوقتي ولا لا وانكوا انبسطوا اوي المره اللي فاتت وعوزه تكررها أنا يا معتز تخو'ني أنا دانا صاحبك أنا
معتز قام وقف وقال:سليم انت فاهم غلط
سليم صوته علي اوي:والله فاهم غلط اومال ايه الصح ايه الصح يا صاحبي ايه انت ازاي كده وبدأ يزقه ازاي ازاي قدرت تعملها ايه مفكرتش شعوري ايه لما اعرف انت ايه ازاي جالك قلب تعمل كده ازاي انت ايه انت شي'طان ياخي الشي'طان ميعملش كده انت ايه
معتز زعق كمان قال:قلتلك انت فاهم غلط أسمع الاول وبعدين اكلم
سليم بصوت يحمل كل الوجع:مش عايز اسمع ومن هنا ورايح لانت صاحبي ولا اعرفك ومشي وسابه وتاني يوم كان مسافر امريكا،،،،،،
سليم زود بنزين العربيه وطار علي بيت معتز
سيلا:عوزه ادخل الحمام
معتز:اوكي الحمام ادامك اهو
سيلا قامت ودخلت وطلعت
معتز أعدها عالكرسي وربطها
سيلا؛ااه بتوجع
معتز:حقك عليا اسكتي بقا انا مبحبش الوش
وشربها عصير وحط لزقه علي بؤها عشان متكلمش وراح اعد يتفرج على الTV
سليم وصل ونزل مالعربيه وهو علي آخره
الحارس:رايح فين يا عسل
سليم زقه بغضب ودخل رزع الباب
معتز ببرود:نورت يا سليم يا انصاري وقام وقف وبصله
سليم كان واقف وعينه بطئ شرار وقال بغضب:سيلا فين
معتز بنفس البرود:مين سيلا
سليم بيحاول يخليه هادي:سيلا فين يا معتز
معتز:اها سيلا قصدك البنت اللي مكملتش يوم معاك
سليم بغضب ؛بالظبط فين بقا
معتز: موجوده فااحفظ وااصون
سليم؛هاتها
معتز:اعد بس الاول نشرب اتنين قهوه فاكر قهوتي يا سليم
سليم عمال يستغفر عشان ميق'تلوش مكانوا:سيلا تطلع دلوقتي هي ملهاش زنب
معتز حط ايده فجيبه:زنبها انك الواصي عليها
سليم:سيلا فين يا معتز مش هقولها تاني
معتز؛وانا مش هقولك الا أما تسمعني
سليم اتعصب وكسر كل حاجه قدامه
معتز ببرود:كسر براحتك فداك
سليم جري عليه ومسكه من رقبته وقاال:واد انت متجبش أخري بقولك سيلا فين
معتز ببرود:هتسمع تاخدها مش هتسمع والله لو كسرت البيت ده طوبه طوبه ما هتلاقيها
سليم استغفر ربنا واعد وقال:ارغي
معتز ابتسم:حلو كده واعد
وبدأ يكلم
بص يا سليم انت ظلمتني وظلمتني اوي ولما جيت عشان اوضحلك كنت سافرت امريكا ونفضت ولا علي بالك وانا كل المده دي مستنيك ترجع ومروحتش عن بالي انت صاحب عمري واكتر من صاحبي كمان وانت عارف كده ومن اول موقف زعلت ومشيت مجاش فبالك أنها تكون بتك'ذب مجاش فبالك أنها تكون بتألف عشان تفرق بنا مجاش فبالك اي حاجه من دي كل اللي جه فبالك اني خن'تك دانت المفروض صاحبي واقرب حد ليا واكتر حد عارفني ازاي صدقت عليه كده يعني دلوقتي لو حد جه قالي سليم سر'ق أو قت'ل أو عمل اصدق علطول واتهمك في حاجه اسمها أن صاحبي ميعملش كده صاحبي عشره عمري ميكونش كده فين الثقه اللي بنا ازاي صدقت أنا كل المده دي مستوعبتش انت ازاي صدقت ومتأكد اني لو كنت رنيت عليك مكنتش هترد ولو كنت جيتلك مكنتش هستمعني وهي دي الطريقه الوحيده أنا كنت ناوي اخد اختك بس لقيت سيلا ادامي فختها وكنت متاكد انك هتعرفني لان شفت الفيديو اللي مفتوح وعشان تعرف اني صادق اسمع ده وفتح تسجيل
مريهان:سليم انا اسفه عالكلام اللي قلته ومفهوش اي حاجه حقيقه أنا كذبت عشان كنت غيرانه من معتز لانك بتحبه اوي وبتهتم بيه وبتعد معاه علطول ودائما هو فالاول وانا لا فكان لازم افرقكوا عن بعض بس الظاهر انها قلبت أنا بعتذر ويرات تسامحني الصوت خلص معتز بيكمل:أنا روحتلها وههدتها انها لو معترفتش بالحقيقه هقت'لها ورفعت عليها المسد'س شفت وصلت معايا لدرجه ايه وزعق أنا رفعت مسد'س علي مر'ه عشانك وانت ولا فارق معاك يا سليم يا انصاري يا صاحب عمري ورزع ايده فالجدار وبعدين اعد وقاله وهو بيدمع سيلا جوه خدها وامشي أنا كنت عايز اعرفك الحقيقه مش اكتر يلا خدها وامشي مش عايز اشوفك
كل ده سليم بيسمع ومصدوم مش مصدق اللي بيسمعه هو بجد ظلم صاحب عمره هو بجد صدق أن صاحبه خا'نه هو ازاي كان مغفل كده هو ازاي بجد صدق البنت دي وكذب صاحبه ازاي ازاي ظلم حد اصلا وحس بخنقه اوي وكر'ه نفسه اوي وقام راحله وقال:معتز أنا
معتز وقفه بإيده من غير ما يبصله وقاله:لو سمحت ملكش دعوه بيه خد البنت وامشي وقام دخل الاوضه وقفلها
سليم زعل اوي ودخل الاوضه لقا سيلا مربوطه بس مش جامد وهي اصلا كانت نايمه شالها ومشي وهو حزين بجد علي اللي عمله من غير ما يحس
(سيلا نامت لان معتز شربها عصير فين منوم)
سليم حطها فالعربيه من ورا وركب ومشي ووصل البيت وكلهم جريوا عليه اداهم سيلا ومشي من غير ولا كلمه ،،،،،،،،،،
ام سمر صحيت وملقتش جوزها جنبها خبطط عالحمام محدش رد لفت الشقه كلها ملقتهوش
سمر كانت لسه صاحيه:في اي يماما
ام سمر:مش لاقيه ابوكي يابنتي معرفش فين
سمر باستغراب:هتلاقيه فالشغل
ام سمر:لاء مش بيمشي إلا أما يقولي أنا قلبي مش مطمن
سمر:طب رني عليه
ام سمر؛فونه هنا نسيه
سمر:طب متقلقيش هتلاقيه انشاء الله
ام سمر:يارب يابنتي اصل انا خايفه عليه اوي
سمر حضنتها:خير ياروووحي متقلقيش
ام سمر: يارب يارب وبعد شويه الفون رن
ام سمر؛الو
مجهول:****
ام سمر بصدمه: ايه
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية اهتديت بحبه" اضغط على اسم الرواية