رواية زواج عنيف الفصل السابع عشر بقلم منار مجدي
رواية زواج عنيف الفصل السابع عشر
ملك:يوووووووه
حمزه:خلاص انتى إلى طلبتى
حطها على الرخامه
ملك:فى ايه
حمزه وهو بيقرب لوشها:هاكل
ملك: ده على اساس انى سندوتش شاورما قدامك
حمزه:احسن بكتير
ملك زقته ونزلت:بص انا مش مستعده لده دلوقتى
حمزه:نعم يختى ليه أن شاء الله
ملك:ليه امممم اسباب شخصية
جت تمشى مسكها حمزه
حمزه:ايه هى أسبابك الشخصيه
ملك:هقولك عليها لما نرجع
حمزه: دلوقتى تقوليلى والا مش هستنا
ملك بتفكير :اممممم طيب قرب كده
قالتله حاجه في ودنه
حمزه:بجد دلوقتى
ملك:اه شوفت تعبانه ازاى سيبنى انام بقا
حمزه:خلاص نامى جمبى ومش هقربلك.
ملك بفرحه:تمام يالا
حمزه:بجد وافقتى بسرعه
ملك:شويه وهغير رأيى
حمزه: لا لا لا خلاص يالا
دخلت ملك ونامت على طرف السرير بعيد شويه عنه واديته ضهرها عشان هى متضعفش
حمزه:والله
ملك:نام وانت ساكت
حمزه:ماشى
قرب حمزه ببطء ليها وحضنها من ضهرها
ملك ابتسمت وهى بتمثل انها نايمه
تانى يوم صحيو ومشيو على المطار
بعد مده السفر الطويله وصلو مصر وكانو بليل
حمزه: وصلنا
ملك:ايوه لحظه مين هناك
حمزه بص:ده نادر
ملك جريت عليه وحضنته:وحشتنى يا ند'ل الاند'ال
نادر بضحك: وحشتينى يا ام لسان طويل
ملك نزلت:فين حلا
نادر:على فكره انا إلى اخوكى
ملك:أنجز.
حلا بضيق: انا اهو
ملك:ايه ده مالها
نادر بضحك:مش بتكلمنى عشان حامل
ملك ضحكت وراحت لها
حلا بعياط:وحشتينى يا ملك
ملك:لا بلاش عياط بلاش نكد ده انتى وحشانى
حلا حضنتها وضرب'تها براحه على ضهرها:يا بوبى
ملك ضحكت
نادر:طيب يالا بينا
وصلو لفيلا السيناوى
ملك:سلام يا حلا سلام يا نادر
حلا ونادر:سلام
حمزه:سلام
دخل وراها وهى بتلف فى الفيلا بحماس:اناااال وصللللللت يا جماعه فينكم
الجد طلع من المكتب بابتسامه:ملك
ملك جريت عليه وحضنته: وحشتنى اوى يا جدو
الجد:وانتى اكتر يا حبيبت قلبي
ولاء:وانا يا ملك
ملك حضنتها:انتى قلبى امال فين عمتو
ولاء:فوق بس زعلانه منك جامد عشان مشيتى ومقولتيش ليها
ملك:مانا لو قولتها كانت عيطت وانا لغيت السفر بعدها وهو كان هينفخنى
ولاء:روحى قوليها بقا
ملك:اه منك انا واقفه معاكى ليه اساسا
طلعت ملك وحمزه بيبص عليها ومبتسم
الجد:حاسس بحاجه متغيره
حمزه:ها
الجد: متقلقش متغيره للأحسن وله ايه
حمزه بابتسامه:للأحسن أن شاء الله
الجد ابتسم ومشى
ولاء:امممم للأحسن احكيلى احكيلى
حمزه ضحك عليها:تعالى نتطلع لماما
ولاء:مش هتقولى ده انا صديق الكفاح يا ميزو وله ايه
حمزه بضحك وهو سايبها:وله ايه
ولاء:وبتقوله فى وشى كمان
طلع حمزه وولاء وراه
عند ملك
ملك:يا عمتو خلاص والله انا غلطانه
عمتها تصون كرامتها وبتبص الناحيه التانيه
ملك بتلف:عشان خاطرى
عمتها لفت تانى وهى كاتمه ضحكها
ملك قعدت جمبها:طيب عايزانى اعمل ايه عشان تسامحينى
عمتها حطيت إيديها على دقنها بتفكير وبصيت حواليها عينيها جت على التلفزيون ولأنها عاشقه للافلام الهندى شافت مشهد اعتذار والبطل ماسك ودنه وطالع نازل يعتذر يا كبد امه😂
عمتها ابتسمت وشاورت على التلفزيون
ملك بصيت:لا يا عمتو مش للدرجه دى لا انا ارقص زيهم اه لكن اعمل الحركه ديه لا كله الا برستيجى
عمتها قامت عشان تمشى مسكتها ملك
ملك:خلاص يغور البرستيج
عمتها ابتسمت ووقفت قدامها ورفعت ايديها عشان تبدأ ملك
ملك رفعت أيديها عشان تمسك ودانها ونزلتها تانى:عمتو حاجه تانى اللهى تتسترى
عمتها لفت وشها
ملك:خلاص خلاص انتى قفوشه اوى انهارده
عمتها ضحكت وبصيت ليها وشاورت ليها تبدأ
ملك مسكت ودانها ونزلت وطلعت وهى بتقول:حقك عليا انا اسفه
وقفت ملك:ها سامحتينى
عمتها شاورت لها تكمل
ملك:ليه هما كام مره
عمتها رفعت كف ايديها الاتنين
ملك:ايه عشره كامله لا خفضيهالى شويه انا لسه جايه من سفر برضو.
عمتها بتفكير رفعت كف واحد
ملك:وعشان خاطرى
عمتها شاورت لها انها هتمشى
ملك:خلاص خلاص
فضلت ملك طالعه نازله تقول اسفه، اسفه ،انا غلطانه ،متأسفه، مش هعمل كده تانى
وقفت لما سمعت صوت ضحك ولاء
ولاء:اسفه اسفه مقدرتش امسك نفسى
ملك:ولاء سكتم بكتم
ولاء بضحك مثلت انها بتقفل سوسته بقها.
حمزه ضحك براحه على ولاء
ملك:انت كمان شوفتنى ااااه على الاحراج
عمتها حطيت إيديها على كتفها
ملك:على الأقل سامحتينى مش كده
عمتها هويت راسها بلا
ملك مثلت العياط:لاااااا
عمتها ضحكت وشاورت أنها سامحتها
ملك نطيت عليها حضنتها:وحشتينى يا عمتووووووو.
عمتها وهى بتضحك طبطبت على ضهرها
ولاء دخلت وحضنتهم:وانا كمان اريد عناقآ
حمزه حضنها هو كمان:وانا كمان
ملك فتحت عينيها وبصيت لحمزه وهما حضنين مامته حمزه ابتسم ليها ملك غمضت عينيها وهى مبتسمه
بعد فتره دخلو أوضتهم
ملك:كان يوم طويل ولسه مخلصش زمان ريحانه زعلانه اوى نأكلها انهارده تفاح كتير
حمزه:طب وانا
ملك:عايز ايه انت
حمزه:مش هتأكلينى ده انا جعان
ملك:لا اكل نفسك بنفسك انا مش فاضيه
حمزه:تمام
قرب ليها
ملك بعدت:رايح فين انت
حمزه:خلاص بقا
ملك:ها اااااه انت قصدك ...لا يا حبيبى مش انهارده
حمزه:ليه
ملك بتفكير:تعبانه خليها بكره وعد بكره
حمزه: بكره اخر كلام
ملك:وعد اخر كلام بكره
حمزه اتنهد:طيب انا داخل اخد دش
ملك أضايقت :اسفه يا حمزه بس لازم اقولك الحقيقه الاول وبكره هقولك كل حاجه انا انهارده مش مستعده لسه مرتبتش الكلام لازم ارتب كلامى كويس يا رب بس تسامحينى.
بعد فتره كبيره كانت ملك نازله لريحانه
حمزه مسك أيديها:رايحه فين
ملك:رايحه لريحانه تحب تيجى معايا
حمزه ابتسم:طبعا تعالى
شدها ونزلو سوا وهو ماسك إيديها جت تبعد عشان تجيب التفاح
حمزه:رايحه فين جت
ملك:هجيب تفاح يا حمزه ممكن تسيبنى مش هطير يعنى
حمزه بسخريه:وانا ايه يضمنلى
ملك:نعم.
حمزه:ايوه ايه يضمنلى انك مش هطيرى مثلا
ملك ضحكت:حمزه انت بتتلكك عشان تمسك ايدى
حمزه ضحك: يالا بينا
ملك:مشكلتك انى فاهماك.
راحو عند ريحانه وهى بتحفر برجلها عشان حمزه بيقرب
ملك:ريحانه أهدى ماشى أهدى ركزى معايا وانت خد
حمزه مسك التفاحه:اعمل بيها ايه
ملك:حطها على راسى يابنى اكلها
حمزه:لسانك متبرى منك
ملك:انا قليله الادب اساسا انى عايزاها تصاحبك سيب ايدى يالا
حمزه:خلاص خلاص بس براحه
ملك ابتسمت وقربته براحه من ريحانه وحطيت إيديها على راس ريحانه
ملك:شايف بدأت تحبك دلوقتى اديها التفاحه
حمزه رفع ايديه التانيه بالتفاحه إحداها ريحانه وهى بتهز ديلها
ملك:حبتك اهو
حمزه ابتسم:اصلا انا البنات بتمو'ت فيا
ملك:ياعم روح
حمزه قرب وشه ليها:يعنى بزمتك انا مش وسيم
ملك بتوتر:ها احم لا حرام انت وسيم اوى الصراحه
حمزه:طب ايه بقا مش هتيجى
ملك ضحكت:مش هروح
ملك لفت وشدها لريحانه وبقيت بطبطب عليها
ريحانه قربت وشها لحضن ملك
ملك بضحك:وانتى كمان وحشتينى يا ريحانه تيجى لفه
ريحانه رفعت راسها بحماس
ملك:يالا بينا
ركبت ملك ومديت ايديها لحمزه:تعال
حمزه:مش عارف انا مش بحب ركوب الخيل عندى عقده من الطفوله
ملك بضحك:تعال بس متخافش
حمزه:على فكره انا مش خايف خالص
ملك:يبقا تعال
حمزه بتوتر ركب وراها
ملك:أمسك فيا كويس
حمزه:لا لا امشى براحه
ملك ابتسمت:خلاص يا ريحانه بعدين نجرى قولى بقا يا حمزه ايه عقدتك
حمزه:كنت صغير وركبت مره خيل بس وقعنى
ملك:لا لا ملوش حق انت عارف انا وقعت كام مره
حمزه:بجد ريحانه وقعتك
ملك:لا ريحانه لا بس انا مكنتش عايزه أذيها لما اركبها فكنت بروح مكان ادرب خيل الخيول وقعونى واتبهدلت بس كله يهون لما ركبت ريحانه لاول مره كنت حاسه انى طايره وكأنى مثلا اتخرجت من كليه طب كده كان شعور جميل اوى.
حمزه:انتى عارفه احسن حاجه فيكى ايه
ملك:ايه ده هتمدح فيا انطلق يا باشا اصلى بحب المدح اوى
حمزه ضحك:انك مجنونه
ملك:هنبتديها كده ماشى وايه كمان
حمزه:عن'يفه ومعظم الوقت مش بتعرفى تتكلمى كويس
ملك:كل ده مديح لا كفايه كفايه احسن اتغر
حمزه بضحك:بس طيبه وحنينه وقلبك ابيض والأهم انك صريحه وله مره كدبتى وله خبيتى حاجه حتى لو بتعملى مصيبه بتروحى تقوليها .
ملك أضايقت وسكتت
حمزه:سكتى يعنى
ملك وقفت بريحانه:عشان انا كدا'به مش صريحه
حمزه:معظم الوقت الإنسان بيشوف نفسه وحش بس ديه مش حقيقه
ملك نزلت:بجد انا مش كده يا حمزه انا كدبت وعليك
حمزه:ايه
ملك:انا كنت هقولك كل حاجه بكره بس انا مش مستحمله استنى الكدبه لما بتقعد وقت طويل بتكبر وانا مش عايزه ابقى كده مش عايزه اطلع كدابه يا حمزه انا عمرى فى حياتى ما كدبت ويوم ما اكدب اكدب على اكتر شخص حبيته فى حياتى
حمزه مسك أيديها:ملك قوليلى كدبتى فى ايه
ملك:بابا عايش ومفيش ورث
حمزه بصدمه سابعا: ايه
ملك:انا اسفه بجد بس انا .... نزلت راسها لتحت
حمزه:سكتى ليه مش لقيه كلام تقوليه صح
ملك:انا بجد اسفه حقيقى انا الاول مكنتش بحبك كنت عايزه انتقم منك واليك تعرف انك إلى عملته فى عمتى مش عدل أبدآ وكانت مهمتى انى انى
حمزه:تعذبينى مش كده
ملك:بس والله انا معملت كده كنت عايزه أبان كده للكل حتى ليك بس انا عمرى ما عرفت اعذبك افتكر انا مكنتش يجى جمبك غير لما بتضايقنى مش فاكر وكذا مره رجعت لجدو وقولتله مش هكمل بس عشان كنت حاسه بخطر منك بس طلع الخطر ده هو الحب يا حمزه انا بجد حبيتك من كل قلبى تسامحنى
حمزه:مش عارف هقدر وله لا يا ملك انا اكتر حاجه بكرهها هى الكدب وانتى كدبتى عليا وفتره كبيره كمان مش عارف
ملك مسكت أيديه:هتقدر بس حاول
حمزه شد ايديه:شكلى مش هقدر يا ملك انا اسف بس انا زيك بشر مش كل حاجه بقدر اسامح عليها
سابعا ومشى
ملك دمعت ريحانه خبطتها فى ضهرها لفت ملك وحضنتها جامد
رجع حمزه الاوضه وهو متعصب
حمزه:طلعت كل ده عايش فى كدبه يا ترى حبتنى بجد وله كان مجرد كدبه
ملك مشيت مع ريحانه
ملك لريحانه:معاه حق ميسامحنيش انا عمرى ما هسامح نفسى
بس عارفه هفضل وراه واكيد هخليه يسامحنى يا رب يسامحنى يا ريحانه احسن لو مسامحنيش انا مش هسامح نفسى ابدا مكنش لازم ابدا الكنبه ديه من الاول انا اصلا مش بحب الكدب بس عارفه انا تكنيكيا مكدبتش عارفه انا خبيت بس ....لا كدبت كملت المدينه ومصححتهاش ااحسبت عليا كدبه يا ربى ساعدنى
اصالحه.
رجعت ريحانه مكانها وطلعت الاوضه لقيت حمزه نايم ووشه متعصب ومكرمشه
ملك:طب انادى ولاء تجيب مكوى وله ايه
حمزه بإستغراب:مكوى ليه
ملك:عشان تفرد وشك
حمزه غمض عينيه بضيق
ملك اتنهدت ولفت جمبه: حمزه
حمزه:نامى وانتى ساكته
ملك:طب حموزى بقولك
حمزه:امممم
ملك:مش جعان
حمزه:لا شبعان كدب
ملك أضايقت:احسن خليك شبعان
حمزه قفل النور وسكت
ملك:هووووف انت زعلان طيب
حمزه:ايوه خلاص بقا
ملك:احسن اتفلق على فكره مش هممنى خليك زعلان ابو شكلك
حمزه كام ضحكته:نامى يا ملك واخلصى
ملك:هنخمد بس خليك فاكر انا سألتك جعان وله لا وانت قولتلى لا ماشى افتكرها
قامت وفتحت النور
حمزه:وبعدين بقا
ملك:ملكش فيه خليك فى حالك ومتققلش النور انا بقولك اهو
حمزه:هوووف
حط المتحده على وشه ودخلت ملك الحمام واتأخرت حمزه حاله فضول يعرف هى بتعمل ايه شال المخده ولسه هيقوك لقاها خارجه ولابسه بيجاما هوت شورت اسود وتيشيرت احمر كات وشعرها مفرود وحاطه ميكاب خفيف ورشت البرفان بتاعها التحفه وخارجه زى الاميرات وهى بتحرك شعرها الطويل الاسود إلى دايما بيشده.
حمزه قام وفتح بقه بصدمه
ملك ابتسمت ابتسامه داخليه كده ومبينتهاش وراحت مكانها
ملك:اقفل النور دلوقتى بقا عشان انام زى ما قولت
حمزه مين قال
ملك:انت قولت
حمزه:انا خالص محصلش
ملك:لا حصل مش انت مش جعان سيبنى انام بقا الله جايه من سفر انا
حمزه:لا جعان دلوقتى جعان
ملك:لا سورى معندناش شطبنا
حمزه:مش ملاحظه انى انا إلى المفروض زعلان
ملك قامت بعصبية:ومش ملاحظ انى اعتذرت وانت الى مش قابل الاعتذار عايزنى اعملك ايه يعنى اقعد اشحت سامحنى لله
حمزه بغضب:مش قادر عشان اتصدمت فيكى مكنتش اعرف انك كدابه
ملك بعصبية:انا مش كدابه انا بس كنت بحاول اساعد جدو وعمتو وعمرة ما كدبت عليك فى حاجه انا بس حبيت عنك الحقيقه وانا عارفه انى غلطانه واعتذرت
حمزه:وانا مش مسامحك
ملك قفلت النور ونامت:يبقا انت حر
حمزه نفخ بضيق نام
تانى يوم صحيت ملك لقيته حاضنها من ضهرها ودافن وشه فى رقبتها
ملك حسيت أنه بيصحى عملت نفسها نايمه
حمزه:ايه ده ايه جابها هنا وانا كنت بعمل ايه ينهار الوان ديه ممكن (بصوت واطى)ربنا يرحمنى كنت انسان كويس
ملك فتحت عينيها وبصيت ليه:انت ايه جابك هنا الواحد مينفعش ينام جمبك ابدا يعنى
حمزه:عملت ايه يعنى معملتش حاجه وبعدين محدش قالك تنامى جمبى وانتى كده
ملك:والله الأوضه اوضتى من البدايه والسرير بتاعى وانا حره انا زى مانا عايزه
حمزه:ده كان زمان دلوقتى انا جوزك وليا فى الأوضاع زى زيك
ملك بسخرية:جوزى اه جوزى قولتلى
حمزه:اه جوزك وغصب عنك
ملك قربت منه:طيب يا جوزى
حمزه بتوتر:ايه
ملك:مش جعان وانت قمر كده يا خلاثى
حمزه غمض عيونه وداس على شفايفه وبيفكر نفسه أنه زعلان
حمزه شال أيديها وقام:متعمليش كده تانى مبقتش طايقك
مشى وسابها ملك كلمته جرحتها اوى مكنتش تتخيل أنه يزعل منها كده قامت وخرجت ىاوضه كلمتها وباباها إلى بتعرف تعيط فيها براحتها وبعد ما هديت قررت تبعد عنه للابد وأنها متستهلش أنه يسامحها ومش هتحاول تصالحه تانى عشان متتجرحش اكتر وحبها ليه يتحول لكره هى مبسوطه أنه جربت الحب الحقيقى اه مكملش بس كان حقيقى قامت وهى مقرره أنها هتمشى الفجر لما الكل ينام.
فى الاوضه
حمزه: هى راحت فين
دخلت ملك وهى ساكته ومبصتش ليه اصلا
حمزه:كنتى فين كده
ملك:ميخصكش
دخلت تغير وخرجت ونزلت
حمزه:رايحه فين
ملك:ملكش دعوه
حمزه:هو ايه هو ملكش دعوه
ملك:يعنى ملكش دعوه مش زعلان خليك زعلان وابعد عنى بقا
ركبت العربيه ومشيت
حمزه بضيق:احسن
ملك راحت الميتم وسلمت على الكل واديتهم الهدايا إلى جابتها ليهم ولعبت شويه معاهم ورجعت بليل الفيلا راحت لريحانه
ملك:انا عارفه انى لسه واصله امبارح بس انا جيت عشان اقولك انى ماشيه وللأبد خلى بالك من نفسك يا ريحانه ماشى.
..:ماشيه ازاى للأبد
يتبع الفصل الثامن عشر اضغط هنا
- الفهرس يحتوي على جميع فصول الرواية كاملة :"رواية زواج عنيف" اضغط على اسم الرواية