رواية طفلة غيرت كياني الفصل الاول بقلم أسماء كمال
رواية طفلة غيرت كياني الفصل الاول
في عروس البحر المتوسط مدينة الإسكندرية في منزل يبدو عليه الفخامة
دلفت سيدة في اواخر العقد الرابع من عمرها الي الغرفة واتجهت ناحية النوافذ وقامت بفتح الستائر واتجهت الي السرير لتوقظ تلك الفتاة النائمة
عفاف :-
ياست رنا يا رنا
تمللت رنا في سريرها واشاحت شعرها المنسدل بعيدا عن وجهها
Stop
رنا فتاة تبلغ من العمر ثمانية عشر عاما تدرس بالصف الثالث الثانوي من اسرة شديدة الثراء
رنا شديدة الجمال وملامحها بريئة رنا طيبة القلب ومتواضعة ومتفوفة في دراستها ولكنها وحيدة تحب القراءة والكتابة
Play
رنا بابتسامة :-
صباح الخير ياعفاف
عفاف :-
يسعد صباحك ياست رنا
رنا بضيق :-
وبعدين معاكي ياعفاف انا قولتلك مليون مرة بلاش ست دي اسمي رنا رنا وبس ماشي
عفاف :-
اللي تشوفيه يا
رنا :-
يا اي؟
عفاف بابتسامة :-
يارنا
رنا بمرح :-
ماشي يافوفا روحي انتي دلوقتي انا هروح اخد شاور عشان عندي مذاكره الامتحانات قربت
عفاف :-
ربنا يوفقك ياست البنات ويحقق لك كل اللي بتتمنيه
رنا ناظرة الي السماء :-
ياااارب
عفاف :-
عن اذنك
رنا :-
اتفضلي
تركتها عفاف وذهبت بينما ظلت رنا تنظر الي اللاشئ وهي تفكر بحلمها الذي يلازمها منذ سنوات
رنا بشرود :-
ياتري انت اي حكايتك بالظبط وليه مش بتغيب عن بالي ابدا حتي في احلامي بتجيلي
ابتسمت رنا عندما تذكرت حلمها وشردت تسترجع ما حدث معها منذ 5 سنوات
Flash back
كانت رنا تجلس بمطار القاهرة تنتظر والدتها وشقيقتها عندما رأت شاب يجلس علي احد المقاعد ويضع وجهه بين كفيه ويبدو عليه الحزن الشديد
اشفقت رنا عليه ووجدت نفسها تذهب اليه وتضع يديها الصغيرة علي كتفه
عندما احس الشاب بها نظر اليها باستغراب واعجاب كذلك من هذا الملاك الذي يقف امامه
كانت تنظر اليه ببراءة وخصلاتها تتطاير
محمد باستغراب :-
انتي مين
لم تعرف رنا بماذا تجيبه ولكنها ابتسمت ببراءة شديدة
رنا :-
علي فكرة مفيش حاجة في الدنيا تستاهل انك تزعل عشانها الزعل ده كله كل مشكلة وليها حل
ابتسم محمد من حديث تلك الطفلة الجميلة نعم هي طفلة تبلغ من العمر ثلاثة عشر عاما
محمد :-
بس انتي مين
رنا بابتسامة :-
انا رنا وانت
محمد :-
محمد اسمي محمد
رنا بابتسامة :-
اسمك جميل يامحمد اوع...
ولكن لم تكمل كلامها بسبب سماعها لصوت شقيقتها تناديها لاحظ محمد تغير ملامحها وظهرت ملامح الضيق علي وجهها
هيام :-
رنا رنا رنا انتي يا زفتة اخلصي تعالي هنتأخر
رنا بحزن :-
حاضر يا هيام جاية اهو... ثم نظرت لمحمد ووجهت حديثها اليه انا لازم امشي يلا بااي
محمد :-
بس
رنا مقاطعة :-
يمكن نشوف بعض تاني يلا باي
وتركته رنا وذهبت وظل محمد ينظر اليها حتي غابت عن نظره
Back
عادت رنا الي الواقع من جديد وذهبت لتأخذ حماما دافئا وخرجت ادت فريضتها ثم جلست علي مكتبها واخرجت دفترا وقلم وبدأت تكتب بعض الكلمات
_لماذا لا تغيب عن بالي؟
لماذا لا استطيع ان أتوقف عن التفكير فيك ؟
لماذا تطاردني حتي في احلامي؟
بالرغم اننا لم نتلقي سوي دقائق معدودة ولكنني احسست انني اعرفك منذ زمن
لماذا احسست وكأنك قريب مني؟
لماذا لم اتحمل رؤيتك حزينا تتألم؟
لماذا كل هذا التفكير بك وانا لا اعرف سوي اسمك؟
تري من انت ولماذا كنت حزينا للغاية في ذلك اليوم؟
لا ادري!
اغلقت رنا دفتر مذكراتها وتركت غرفتها لتذهب تتناول طعام الافطار مع والدتها
نزلت رنا علي الدرج لتذهب الي غرفة الطعام
حيث تجلس والدتها واختها
رنا :-
صباح الخير يا مامي
فريال بعدم اكتراث :-
صباح النور
رنا :-
ازيك ياهيام جيتي امتي
هيام :-
مانتي لو صاحية بدري كنتي عرفتي جيت امتى انما حضرتك عروسة صاحية الضهر
رنا :-
انا طول الليل صاحية بذاكر مهو الامتحانات قربت
هيام باستهزاء :-
وياريت هتفلحي في الاخر
نظرت لها رنا بانكسار وحزن عميق ولم تجب بل جلست تتناول طعامها بصمت
Stop..
فريال
سيدة مجتمع من الطبقة الراقية جدا في اوائل العقد الخامس من عمرها تعشق المناسبات كما انها متعجرفة جدا ولا تعرف مايسمي بالحنان والاهتمام باولادها تعامل رنا بجفاء بسبب تواضعها وطيبة قلبها
هيام
شقيقة رنا وهي نسخة طبق الاصل من والدتها
تعشق الموضة والسفر تبلغ من العمر 24 عاما متزوجة ولكنها علي خلافات دائمة مع زوجها بسبب تكبرها وعدم تحملها المسئولية
سليم الشناوى
والد رنا رجل أعمال ناجح جدا ولديه العديد من الشركات رجل حنون ولكنه قلما يتواجد في البيت بسبب اشغاله وبسبب خلافاته مع زوجته بسبب تصرفاتها
مازن شقيق رنا يدير الشركات مع والده متزوج ولديه اريج
هذه عائلة رنا ولكنها عائلة متفككة للغاية بسبب انشغال كل فرد بحياته الخاصة وكانت رنا تعاني من الوحدة بسبب عدم اهتمام عائلتها بها كما ان شقيقتها ووالدتها يعاملونها بجفاء لم يكن لرنا اي أصدقاء لذلك فهي وحيييدة للغاية
Play
انهت رنا طعامها وذهبت لغرفتها بضيق فهي تكره الوقت الذي يجمعها باهلها
جلست رنا علي مكتبها تحاول ابعاد اي افكار عن رأسها لتستطيع ان تذاكر فلم يبقي علي الامتحانات سوي شهر واحد فقط
وفي مكان اخر في القاهرة
كان يقف امام المرآة يستعد ليذهب لعمله عندما دلفت اخته لغرفته
آيات :-
محمد ماما عايزاك بره
نظر لها محمد بصمت ولم يجب
آيات :-
حبيبي مالك انت كويس
محمد :-
انا كويس يا آيات متعرفيش ماما عايزاني ليه
آيات :-
معرفش روح شوفها
محمد :-
طب بقولك اي احمد اخوكي بره
آيات :-
لا منزلش من شقته لسه
محمد :-
احسن بردو
آيات بحزن :-
ربنا يهديكوا
قطع حديثهما صوت رنين هاتف آيات
آيات :-
عن اذنك يا محمد
أومأ لها اخيها فقامت آيات بالرد علي الهاتف وهي تخرج من الغرفة
آيات :-
رنا وحشااني ياجزمة عامله اي
ظهرت ابتسامة علي وجه محمد عندما سمع ذلك الاسم فسرعان ما تذكر رنا خاصته
ولكن مهلا من سمح له ان يقول عليها انها خاصته
خرج محمد من الغرفة ذاهبا لوالدته وبعدها اتجه للعمل
Stop
محمد
شاب من اسرة متوسطة الحال يبلغ من العمر 27 عاما يعمل في احد المطاعم
تخرج من كلية التجارة ولكنه لم يجد عملا مناسبا فقرر العمل في مطعم، محمد متشائم ولا يحب الحياة بتاتا فقد تعرض للكثير من الصدمات في حياته منها العاطفية وغيرها، محمد لديه اخ واختان وبالرغم ان محمد ليس اخا مثاليا ولكن اخوته ووالدته يحبونه اكثر من اخيه
احمد
الاخ الاكبر لمحمد يبلغ من العمر 30 عاما متزوج منذ 4 اشهر
ايمان
زوجة احمد وابنه عمه كانت تريد الزواج بمحمد وعندما رفض النظر اليها تحاول دائما الايقاع بين احمد واهله لا احد يحبها من اهل احمد ولكنها بالنهاية هي زوجه ابنهم
آيات
الاخت الصغري لمحمد وتحبه كثيرا فهم أصدقاء وليس فقط اخوه تبلغ من العمر 20 عاما تدرس بكلية التجارة
نيرمين
اخت محمد تبلغ من العمر 25 عاما ارملة ولديها طفلين تعيش مع والديها بعد وفاة زوجها
نجاة
والدة محمد امراة طيبة القلب تعشق اولادها كثيرا وخاصة محمد
جلال
والد محمد رجل صارم بعض الشئ ولكنه حنون ويحب أسرته
هذه اسرة محمد برغم انها ليست ثرية مثل اسرة رنا ولكنها متماسكة اكثر ويسودها الحب مع وجود بعض المشكلات التي لا تخلو منها اي اسرة
Play
بعد مرور شهرين كان اليوم الموعود نعم فاليوم هو موعد ظهور نتائج الامتحانات كانت رنا متوترة للغاية وهي ممسكة باللابتوب الخاص بها منتظرة ظهور النتيجة ولكنها كانت تشعر بالحزن فلم يكن احد بجوارها في مثل هذا اليوم المهم
كانت تذرف الدموع تارة من قلقها وتارة من وحدتها فهي تريد احد بجوارها يطمنئها ويساندها ويفرح معها بنجاحها او يواسيها ولكن لا احد يهتم
دلفت عفاف الي الغرفة وجدت رنا تنظر إلى اللابتوب بدموع
عفاف بفزع :-
في اي يارنا طمنيني النتيجة ظهرت ولا اي
نظرت لها رنا بابتسامة وسط دموعها :-
لا لسه مظهرتش
عفاف :-
اومال بتعيطي ليه يا حبيبتي
رنا :-
مفيش متوترة بس
اقتربت منها عفاف وضمتها بحنان قائلة :-
متخافيش ياحبيبتي ان شاء الله هتحققي اللي بتتمنيه
رنا بصراخ وهي تنظر للابتوب :-
ظهرت ظهرت يادادة
ابتعدت رنا عن عفاف بسرعة وامسكت اللابتوب بايدي مرتعشه وقامت بكتابة رقم جلوسها وانتظرت عده ثواني مرت عليها وكأنها سنوات
اتسعت عيني رنا وهي تنظر للابتوب بصدمة
وهي تقرأ اسمها لكي تتأكد ان هذه نتيجتها
رنا سليم عبد العزيز الشناوي انا ايوه انا والله
وقفت رنا علي سريرها وهي تقفز وتصرخ :-
يااااااس ياااااس اخيرااا الحمدلله
عفاف بفرحة :-
طمنيني جبتي كام
رنا وهي تقفز وتدور في جميع ارجاء الغرفة :-
98.5 ياااس هدخل صيدلة زي ما بحلم يادادة الحمدلله يارب
خرت رنا ساجدة لله وهي تبكي :-
الف حمد وشكر ليك ياارب
قاطعتها عفاف :-
طب شوفي تليفونك بينور من بدري
نهضت رنا وذهبت لتري هاتفها وجدته صامت وهناك رقم دولي هاتفها اكثر من عشر مرات
رنا :-
ده الفون صامت وفي رقم دولي بيرن ممكن بابا
رن هاتفها مرة اخري بنفس الرقم فقامت رنا بالرد
سليم :-
رنااا طمنيني ياحبيبتي عملتي اي بقالي كتير بتصل مبترديش
لم تجب رنا من فرحتها فابيها يتذكرها برغم سفره ولم ينسها كما فعل الاخرون نزلت دمعه من عين رنا من الفرحة
سليم بقلق :-
رنا انتي مبترديش ليه قلقتيني
رنا بفرحة :-
متقلقش يابابا كله تمام ومعلش اسفه اني مردتش الفون كان صامت مخدتش بالي
سليم :-
مش مهم المهم دلوقتي طمنيني
رنا :-
الحمدلله يابابا 98.5
سليم بفرحة :-
الف الف مبروك يا حبيبتي الف مبروك يادكتورة مش هتدخلي صيدلة بردو ولا انا غلطان
رنا :-
لا يابابا حضرتك صح هدخل صيدلة فعلا
سليم :-
ماشي يا حبيبتي ربنا يوفقك انا لازم اقفل دلوقتي عندي شغل هبقي اكلمك تاني باي
رنا :-
باي
انهت رنا مكالمتها وذهبت تتوضأ لكي تصلي شكرا لله علي كرمه بينما اخبرت عفاف والدتها
فريال بلا مبالاة :-
98.5 طب كويس روحي انتي دلوقتي ياعفاف
عفاف :-
امرك عن اذنك ياست هانم
ذهبت عفاف بينما امسكت فريال هاتفها لكي تخبر ابنتها
وفي المساء كانت رنا تجلس علي الانترنت في غرفتها عندما دلفت والدتها وشقيقتها الي الغرفة
فريال :-
مبروك يادكتورة
رنا :-ميرسي يامامي الله يبارك فيكي
هيام :-
مبروك يارنا هتدخلي طب بقي ولا اي
رنا :-
الله يبارك فيكي انا هدخل صيدلة
هيام :-
وليه مش طب
رنا :-
انا عايزه صيدلة
هيام :-
اوك ثم نظرت الي والدتها وقالت
مامي احنا لازم نعملها بارتي
فريال بتأييد :-
اكيد طبعا انا بدأت اجهز لبارتي كبير يليق بينا
رنا بضيق :-
لازم موضوع البارتي ده
فريال :-
اه طبعا لازم انا نويت وهظبط الدنيا وهبلغك بالمعاد اوك
رنا :-
اوك يا مامي اللي تشوفيه
وفي القاهرة كان محمد يجلس في غرفته يفكر بعدة امور ووجد نفسه يفكر بها ابتسم محمد عندما تذكرها
محمد :-
ياتري انتي فين يارنا... انا نفسي اشوفك تاني... انتي ليه مغبتيش عن بالي طول السنين اللي فاتت دي... انا لازم ادور عليها.. تدور عليها فين يا اهبل هي عيلة تايهه.. وكمان انت متعرفش غير اسمها بس... مش يمكن تكون اصلا سافرت بره مصر
جاايز ليه لأ
وبعد مرور اسبوع كان موعد الحفل الخاص برنا
كانت فيلا سليم الشناوي مليئة بالاقارب والاصدقاء
اما عزيزتي رنا كانت في غرفتها متوترة فهي لاتحب جو الحفلات اطلاقا وكذلك هذا الفستان الموضوع أمامها زادها توترا
امسكته رنا وخرجت مسرعه الي غرفة والدتها
طرقت الباب فسمحت لها والدتها بالدخول
وعندما رأتها والدتها غضبت بشدة
فريال بغضب :-
انتي لسه ملبستيش الناس تحت من بدري
رنا :-
ماما انا مش هلبس الفستان ده
فريال :-
ليه ان شاء الله
رنا :-
الفستان ده قصير ومفتوح اوي وانا كبرت ومش هينفع البس كده
فريال بسخرية :-
وده من امتي بقي ياست الشيخه الفستان هتلبسيه وغصب عنك
رنا باصرار :-
ماما انا مش عايزه البسه انا حره
نهضت فريال وامسكت رنا بغضب من معصمها
تألمت رنا بشدة
فريال :-
انا قولت كلمه وهتتنفذ نص ساعة لو مكنتيش تحت في الحفلة بالفستان ده هخلي يومك اسود فعدي يومك معايا يارنا وبطلي بقي شغل القرف بتاعك ده انتي بنت اكابر ولازم تتعاملي علي هذا الاساس
تحررت رنا من قبضة والدتها وتركتها وركضت الي غرفتها تبكي بشدة فهي تخجل من ارتداء مثل هذا الفستان العاري ولكنها لا تستطيع فعل شئ
سمعت طرقات علي باب غرفتها فمسحت دموعها بسرعة وسمحت للطارق بالدخول
دخل رجل يبدو عليه الوقار والهيبة وكذلك الوسامة برغم كبر سنه
رنا بابتسامة :-
بابا حضرتك جيت امتي
سليم :-
لسه جاية حالا يا حبيبتي...اتفضلي هديتك ويارب تعجبك
احست رنا بفرحة كبيرة لاهتمام والدها بها وحاجه ملحة للارتماء بحضن والدها استجابت لرغبتها واتحضنت والدها بشدة وضمها سليم اليه بحنان
رنا :-
اكيد طبعا هتعجبني ربنا يخليك ليا يابابا
سليم :-
يلا ياحبيبتي اسيبك انا دلوقتي
رنا :-
بابا خليك معايا شوية
سليم :-
معلش ياحبيبتي انا مبحبش حفلات فريال هانم دي جوها مش لطيف وكمان يابابا انا لسه جاي من سفر محتاج ارتاح شوية
رنا بتفهم :-
ماشي يا بابا حمدلله على سلامتك
سليم بابتسامة :-
الله يسلمك يا رنا
تركها سليم وذهب ولكنه لا يعلم انه بحضنه اعطاها القوه لتواجه ضيوف غير محببين الي قلبها
ارتدت رنا الفستان كان فستان من اللون الاسود يصل الي اعلي الركبتين ومفتوح بالظهر وبه خيوط تتشابك مع بعضها مع حذاء ذو كعب عالي واطلقت لشعرها العنان ولم تضع مساحيق تجميل فهي لم تكن تحبه اطلاقا وفي الواقع لم تكن بحاجه اليه فكانت انثي طاغية الجمال
ارتدت رنا قناع القوة والكبرياء ونظرت الي نفسها نظرة اخيرة قبل ان تنزل الي الحفل
_وبالاسفل كان جميع من بالحفل من الطبقة الراقية كانت فريال ترحب بضيوفها
فجأة توقف الجميع عن الحديث ولم يعد هناك صوت سوي صوت الموسيقي الجميع ينظر الي تلك الجميلة التي اتت
كانت جميع الانظار مصوبة تجاهها وخاصة الشباب ينظرون باعجاب شديد اما رنا فكانت تشعر بالخجل من تلك النظرات اليها ولكنها تقف بثبات شموخ انوثي فهي قوية ولن تسمح لاحد بكسرها
تقدمت رنا بشموخ نحو الحاضرين وسط مباركات الجميع وانبهارهم بها
حتي رأت احدهم يتقدم نحوها وهو لا يخجل من نظراته المتفحصة تجاهها
انه ادهم الصياد ويلقبونه بالدنجوان
ادهم شاب وسيم ذو اعين خضراء وبشرة بيضاء وشعر اسود كثيف كانت والدته صديقة فريال المقربة وهو بدوره يحاول التقرب من رنا ليس حبا ولكن غرورا وكبرياء فرنا الفتاة الوحيدة التي لم تنجذب اليه بل وترفض التحدث معه ايضا
ادهم :-
مبروك يا برنسيس
رنا باقتضاب :-
الله يبارك فيك يا ادهم
مد يده اليها فصافحته رنا فانحني ليقبل يدها
اتفاجأت رنا وسحبت يدها بسرعة قبل ان يقبلها
رنا بابتسامة صفراء :-
عن اذنك يا بشمهندس
تركته رنا ورحلت ليغضب ادهم بشدة فمن هي لترفض ادهم الصياد
حدث ادهم نفسه قائلا :-
ماشي يارنا انا وانتي والزمن طويل هنشوف مبن فينا اللي هيضحك في الاخر مش ادهم الصياد
اللي عيلة زيك تشوف نفسها عليه
بعد ساعات انتهى الحفل وشعرت رنا بالسعادة الشديدة لانتهاء هذا الكابوس وصعدت لغرفتها بدون التحدث مع والداتها او شقيقتها
وبعد مرور يومين
استيقظت رنا باكرا وارتدت ملابس الرياضة وذهبت الي النادي
ركضت قليلا ثم ذهبت لتتمرن رياضتها المفضلة
Basketball كرة السلة
فرنا تحب هذه الرياضة كثيرا
وبعد الانتهاء من التمرين
المدرب :-
انا مبسوط منك يارنا انتي كل يوم بتتقدمي اكتر
رنا بابتسامة :-
ميرسي ياكابتن
المدرب :-
صحيح الف مبروك يا دكتورة معلش جات متأخرة
رنا :-
ولا يهمك الله يبارك في حضرتك
المدرب :-
عندك حاجة تاني النهارده
رنا :-
اه عندي كاراتيه
المدرب بالتوفيق ان شاء الله
ذهبت رنا للاستراحة قليلا حتي تستطيع ان تمارس الكاراتيه
جلست في الكافيه وبيديها كتاب تقرأه
حتي سمعت هذا الصوت الذي تبغضه
_ازيك يارنا
رنا :-
اهلا ادهم عامل ايه
ادهم :-
تمام الحمدلله وانتي
رنا :-
تمام عن اذنك
ادهم :-
علي فين اومال
رنا :-
عندي تدريب كاراتيه عندك مانع
ادهم :-
اه طبعا عندي مانع انتي بنوتة رقيقة ودي رياضة خطر ومش مناسبة ليكي
نظرت اليه رنا ورفعت حاجبها بتساؤل :-
رقيقة اه بس مش ضيعفة وانا عارفه كويس اي اللي خطر واي اللي مناسب ومش مناسب وبعدين ممكن افهم انت بتعترض بصفتك اي
ادهم :-
يهمني مصلحتك
رنا بسخرية :-
مصلحتي..؟! لا متقلقش مصلحتي انا عارفاها كويس اوي عن اذنك
تركته رنا وذهب وبعدها انتهت من التمرين وقامت بتبديل ملابسها من ملابس الرياضه الي ملابس عادية وجلست تشرب العصير
كانت رنا تفكر بشئ ما منذ ظهور نتيجة الاختبارات وعزمت اليوم علي تنفيذه
اخرجت هاتفها من حقيبتها واخبرت السائق بأن يستعد فهي ستخرج بعد قليل
لملمت اغراضها وارتدت حقيبتها ووضعت نظارتها الشمسية بشموخ وذهبت الي السيارة
السائق :-
هنروح عالبيت ياست هانم؟
رنا بهدوء :-
اطلع علي الشركة ياعم خليل
السائق :-
شركة سليم بيه
رنا :-
ايوة
وبعد نصف ساعة في الشركة
رنا :-
مستر سليم جوه
السكرتيرة بدلال :-
ايوة هو جوه
رنا باشمئزاز :-
لوحده
السكرتيرة :-
اه لوحده
رنا :-
تمام عن اذنك
اتجهت رنا ناحية مكتب والدها
السكرتيرة :-
اي ياشاطرة هي وكالة من غير بواب
رنا :-
شاطرة!
السكرتيرة :-
استني هنا لما اذنلك تدخلي
رنا :-
وهو انا هاخد الاذن منك مثلا
السكرتيرة بدلال :-
اه طبعا مش السكرتيرة بتاعته ولازم اقرر مين اللي يدخل لسليم بيه
رنا :-
وانا مش محتاجه اذن عشان ادخل لسليم بيه
السكرتيرة :-
ليه تطلعي مين ياشاطرة ان شاء الله
رنا بنظرة نارية :-
رنا سليم الشناوى
قالت رنا جملتها ونظرت بغضب لتلك الفتاة الملونة
واتجهت لتدخل مكتب والدها
طرقت رنا الباب ثم دخلت المكتب
كان سليم منهمك في عمله
سليم :-
خير ياديانا وبعدين مش قولتلك متدخليش غير لما اذنلك
رنا :-
دي انا يابابي
ترك سليم الاوراق التي كانت بيده ونظر لها بابتسامة
سليم بترحاب :-
الشركة كلها نورت تعالي ياحبيبتي واقفه عندك ليه
تقدمت رنا وجلست ونهض سليم ليجلس في المقعد المقابل لها
رنا :-
الشركة منورة بحضرتك يابابا
سليم :-
ها اي سر الزيارة الجميلة دي ولا اقولك تشربي اي الاول
رنا :-
لا يابابا مش عايزه اشرب حاجة انا جاية لحضرتك في موضوع مهم ومش هعطلك كتير
سليم :-
عطليني زي مانتي عايزه ياحبيبتي
خير موضوع اي اللي خلاكي تجي الشركة
رنا بتردد :-
بابا انا عايزة اروح القاهرة
سليم :-
ليه هتعملي Shopping ولا تتفسحي هناك
رنا :-
لا يابابا انا عايزه اسافر القاهرة عايزه اعيش هناك
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية طفلة غيرت كياني" اضغط على اسم الرواية