رواية حب في مهمة خاصة الجزء الثاني 2 الفصل الخامس بقلم زهراء ياسر
رواية حب في مهمة خاصة الجزء الثاني 2 الفصل الخامس
ودخل أحدهم خفيه الي الغرفه وهو يخفي وجهه
وكان يبكي بحزن
واقترب من ريم قائلا
مجهول : فوقي ي ريم فوقي
سامحيني غصب عني فوقي ارجوكي فوقي
وعندما امسك يدها شعر بها تقبض علي يده وتمسكها بقوه
ريم وهي تستيقظ تدريجيا: زياد زياد
مجهول : فوقي ي ريم
وعندما شعر بأنها علي وشك الاستيقاظ وسيفضح أمره غادر مسرعا
ولكن ريم رأته من ظهره وهي تفوق وعندما نظرت حولها جيدا لم تري أحد في الغرفه
ولكن كانت تعلم بأن زياد هو من كان هنا قبل قليل
واستدعت الممرضه التي أخبرت الطبيب ووالديها بإفاقتها
ريم : بابا زياد كان هنا
والد ريم ببكاء : حبيبتي حمد لله علي سلامتك
ريم: بقولك زياد كان هنا
والد ريم:انتي كنتي بتحلمي ي ريم زياد الله يرحمه
ريم بصراخ : والله العظيم كان هنا متقولش الله يرحمه
والدتها ببكاء: حمدالله علي سلامتك ي حبيبتي
ريم : الله يسلمك ي ماما
الطبيب: انسه ريم حضرتك كويسه حاسه بحاجه
ريم : اه كويسه
الطبيب: طيب ممكن اكشف عليكي علشان اعرف انتي فوقتي بسبب اي
ريم بهدوء عكس الاضطرابات المتواجده بداخلها
ريم: قولتلكم أن زياد كان هنا
ولكن دخل اصدقاء ريم الثلاثه وتبعهم حسام ومازن وأحمد
مليكه وهي تحتضن ريم : حمدالله علي سلامتك ي روحي
ريم : الله يسلمك
لامار وهي تبكي : خضتينا عليكي ي حبيبتي
ريم : أنا تمام
حسام : سلامتك ي سياده الرائد
ريم: الله يسلمك
مازن: سلامتك ي قمر
ريم : مرسي ي مازن
وبعد أن تحمد لها الجميع بالسلامه جلسوا
الطبيب وعندما تأكد أن حالتها جيده ولن تعود إلي الغيبوبه مره اخري قرر مواجهتها
الطبيب: ي انسه واجهي الواقع زياد ده مش موجود دلوقتي لازم تعرفي كده وتتعايشي مع الحقيقه والا هتدخلي في صدمه نفسيه
ريم بصوت عالي : انت مش بتفهم بقولك زياد عايش عايش ي بني ادم أنت وكان موجود هنا أنا حسيت بيه علشان كده فوقت
الطبيب : طيب ازاي دخل المستشفي ومحدش شافه
ريم وهي تستنشق الهواء ولكن توقفت بصدمه
ريم: البرفيوم البرفيوم بتاعه لسه في الجو دي ريحه زياد والله
ولكن الطبيب لم يشم شئ والجميع أيضا
الطبيب: أنا مش شامم حاجه مميزه دي ريحه برفيوم الناس اللي دخلت
ريم: لا أنا متأكدة
الطبيب: ممكن علشان انتي لما لسه فايقه من الغيبوبه حاسه الشم عندك بقت قويه شويه بس مفيش اي ريحه مميزه زي ما قولتلك كله البرفيوم اللي في الجو دلوقتي لأصحابك اللي دخلوا وليا ووالدك
ريم بتعب: طيب انا كويسه اتفضل بره
ورحل الطبيب
حسام : ي ريم أنا عارف أنه صعب عليكي بس تقبلي الواقع زي ما بيقول
ريم : أنا متأكدة سبوني بقي في اعتقادي
وجلس معها الجميع وبعده مده رحلوا
وهي نوت علي فعل شئ
في مكان آخر
اللواء خيري : ارتحت كده اظن مبقالكش حجه صممت تشوفها واهي الحمد لله بقت كويسه
مجهول : تمام
اللواء خيري: استعد للسفر انت هتسافر الليلادي
مجهول : الساعه كام
اللواء خيري : الساعه 12 الضهر هتكون في المطار وخود احتياطك وزي ما قولتلك هما هيعرفوك من الوشم اللي في كتفك علشان هما عارفين أن ابن رأفت عنده العلامه دي
مجهول : أنا مخنوق جدا من حكايه الوشم دي
اللواء خيري: أنا عارف ان الوشم حرام فعلشان كده عاملينلك نفس الرسمه بس بألوان هتفضل معاك ثابته بس يمكن ازالتها بعدين بمحلول مخصص ليها طبعا يعني متقلقش من حاجه
وانت عارف كل الشغل اللي في فرنسا وكله وركز تماما علشان ميشكوش فيك وعلي فكره العلامه اللي عملنهالك في وشك دي الدكتور قال هتختفي بعد شهر بس هي لازم تكون موجوده علشان عرفنا أن ابن رأفت كان عنده وحمه في وشه علي شكل هلال لونها أحمر والوشم اللي في رقبتك ده برضوا هما عارفينه
مجهول : تمام ي فندم
خيري : الساعه 2تكون في باريس وهتلاقي رجالتنا هناك وطبعا مجهزين كل حاجه والساعه 5بالظبط تكون في روسيا والساعه 8 بالليل هتكون مع البوس وطبعا هتلاقي باسبور وورق وبطاقة بأسم روفانيو
مجهول : تمام ي سياده اللواء
اللواء خيري: وانا طبعا متأكد أنك هتنجح في العمليه دي يلا ربنا معاك يا بطل
ثم رحلوا اثنتيهما
عند البيج بوس
رجل : سيدي سيصل ابن رأفت الليله
البيج بوس : هل علمت اسمه
الرجل : نعم سيدي اسمه روفانيو ويحمل الجنسيه الفرنسيه والدته فرنسيه أيضا
البيج بوس: حسنا ولكن تأكدوا جيدا أنه ابن رأفت
الرجل : سيدي لقد قال لنا رأفت من قبل أن ابنه في وشم علي رقبته وقال ايضا انه يوجد في وجهه وحمه صغيره علي شكل هلال لونها احمر في منتصف جبينه
البيج بوس : تمام
الرجل: لقدر أرسل إلينا ايميل بأنه سيأتي الليله
البيج بوس : تأكدوا أنه أتٍ من فرنسا
الرجل : حسنا سيدي سنسأل في المطار وسنأتي به من الطياره
في مكان آخر
اللواء خيري : كله تمام ي فندم
اللواء محمد سامي : كويس جدا الخطه ماشيه بالظبط زي ما احنا عايزين
اللواء خيري : بس انا كده بنت اخويا هتضيع عبال ما المهمه دي تخلص
اللواء محمد سامي : ي خيري اجمد شويه امال والده زياد تعمل اي
خيري : المفروض كان يكون عندهم علم وابسطهم والدته
اللواء محمد سامي: جرا اي ي خيري من أمتي بنراعي المشاعر والعواطف في شغلنا ده أمن البلد وبعدين كلنا بنطلع من بيوتنا وروحنا علي كف أيدينا كل واحد فينا بيبقي خارج ومش عارف هيرجع ولا لأ وبعدين دي أوامر عليا
خيري: انتوا احرار اللي تشوفوه
في فيلا الرائد زذياد شهيد الوطن (مش شهيد اوي يعني😹)
تجلس والدته في غرفته ابنها وهي تحتضن ملابسه وتبكي
( قطعوا قلبك علي الفاضي 😹)
ولكن دخلت ابنتها روان وقطعت عليها وصله البكاء فهي رغم وجعها علي فراق ابنها ولكن تريد أن تظهر بأنها قويه وعكس ما بداخلها لكي لا تسوء حاله روان وراما
روان : بتعملي اي ي ماما دورت عليكي في كل مكان
والده زياد وهي تمسح دموعها بسرعه: أنا اهوه ي حبيبتي
روان وهي تقترب من والدتها وتنظر الي أعينها: انتي كنتي بتعيطي ي ماما
والده زياد بصوت مبحوح من أثر البكاء : لا ي حبيبتي مش بعيط
ولكن مقلتيها نفت كلامها حيث كانت تفيض من أعينها الدموع
ريم ببكاء هي الاخري:ي ماما علشان خاطري كفايه زذياد الله يرحمه لو كان عايش وشافك كده كان هيزعل اوي
والده زياد : الله يرحمه ي حبيبتي بس والله غصب عني مش مصدقه أنه مات
روان : ولا أنا ي ماما مش قادره اتعايش مع الواقع كل يوم اول ما بصحي بدور عليه بس الله يرحمه أنا فرحناله اوي أنه مات شهيد أخويا عاش راجل ومات شهيد
والده زياد:أنا عندي احساس أنه مماتش ي روان
روان: استهدي بالله ي ماما احنا حضرنا الدفنه بنفسنا واخدنا عزاه
والده زياد: بس مشوفناش جثته قبل الدفنه
روان : ما احنا شوفناه في المستشفي بعد العمليه علي طول
والده زياد: بس انا حاسه أنه عايش وانا احساسي ميخيبش ابدا وانتي عارفه ي روان قلب الام لا يمكن يكدب ابدا
روان وهي تحاول أن تخرج والدتها من حالتها هذه
روان: الكلام أخدنا ي ست ماما ونسيت اقولك أن الاكل جاهز
في المشفي
ريم وهي تنهض من فراشها وترتدي ملابس مناسبه للخروج
وأمسكت هاتفها لكي تهاتف النقيب علي
ريم : السلام عليكم النقيب علي معايا
علي : ايوه انا ي فندم مين
ريم: أنا الرائد ريم
علي : اهلا بيكي ي سياده الرائد وحمدلله علي سلامتك
ريم : الله يسلمك بقولك ي سياده النقيب عايزاك تجيلي المستشفي ضروري
علي : تمام عشر دقايق واكون عندك
ريم: تمام هستناك في كافتيريا المستشفى
وبعد مده قليله اتي علي إليها
علي : ازيك ي سياده الرائد
ريم : الله يسلمك احنا بره الشغل بلاش سياده الرائد خليها ريم افضل انت زي أخويا الصغير برضوا وبلاش رسميات
علي : تمام ي ريم
ريم : تشرب ايه الاول
علي : مرسي مش عايز حاجه
ريم وهي تنده للجارسون: اتنين قهوه مظبوطه ي ابني
وبعد قليل اتي الجارسون بالقهوه علي : خير ي ريم عيزاني في اي
ريم: بص ي علي أنا شاكه في حاجه أنا عايزاك تفرغلي كاميرات المستشفي من عند بوابه الدخول لغايه اوضتي
علي بإستغراب: ليه بس وأنتي شاكه في أي
ريم: شاكه أن زياد عايش وانا متأكدة أنه جالي وانا في الغيبوبه علشان كده فوقت وحتي الدكتور قال إني مفوقتش بسبب عامل حيوي لكن بسبب عامل نفسي والعامل النفسي ده هو زياد
علي بصدمه : ....
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية حب في مهمة خاصة" اضغط على اسم الرواية