رواية العبقري البارت الواحد والثلاثون 31 بقلم مآهي أحمد
رواية العبقري الفصل الواحد والثلاثون 31
المأذون بقي يقول ويامن ونايا بقوا يقولوا وراه واول ما خلص يامن بقي يحضن نايا جوه قلبه وبقي مغمض عنيه وبقي يفتكر من اول ما قابلها وبقي يحضنها اكتر وكأنها اكبر انجازاته وهو مغمض عنيه ونايا في حضنه بقت تيجي كل ذكرياته معاها وكأن ذكرياتهم شريط سينما بيمر قدام عنيه وهي كمان غمضت عنيها وهي في حضنه وكانت بتفتكر اول يوم شافته عند الجبالي واول مره لمست ايدها ايديه
بقلمي ماهي احمد
نواه : حط ايده علي بوقه وحمحم
نواه : احم .. احم
يامن بص لنواه وابتسم ونايا بعدت عن يامن بس يامن كان ماسك ايديها
نواه : الف مبروك ياعروسه
نايا : ( بابتسامه ) الله يبارك فيك
نواه : الف مبروك ياعريس
يامن اخد نواه في حضنه وحضنه نواه قاله في ودنه
نواه : هخلع انا بقي ياصحبي .
يامن : هاتروح فين
نواه : ماتقلقش عليا هقضي اليومين دوول مع المأذون الطيب ده
نايا : انت بتقول ايه ؟؟ مش هينفع اكيد
نواه : ده انا مايبقاش عندي دم لو قعدت معاكم
نواه سابهم ومشي مع الماذون وبعد عنهم خطوات وراح بص وراه
نواه : يااامن
يامن : في اي
نواه : هتوحشني ياصحبي
يامن استغرب وضم حواجبه كده اللي هو ده هما يومين مش اكتر وهنشوف بعض تاني
نواه : عارف نظرتك دي بس حاسس انك هتوحشني في اليومين دوول ربنا يجمعني بيك علي خير
بقلمي ماهي احمد
يامن : لو مش عايز تمشي بلاش
نواه : ههههه ماقصدش ياصحبي .. يللا .. خللي بالك منه عشان خاطرى يانايا ده انا ماليش غيره في الدنيا
نايا: ( هزت بكتفها كده وهي بتبص ليامن وبتبتسم ) احنا مالناش غيره في الدنيا
نواه : في دي عندك حق
المأذون : يلا بقي يابني انا مابحبش اقعد في البر الغربي ده ابدا ممكن في لحظه المايه تبلعنا وتقوم علينا
بقلمي ماهي احمد
نواه : سلاااااااااااام
يامن : مع السلامه ياصحبي
نواه مشي ويامن بقي يبص عليه وهو بيبعد عنه خطوات قدام ومشالش عينه من عليه وكان مركز معاه لحد ما بعد لدرجه انه اختفي من قدامه
نايا : في اي يايامن مالك
يامن : مش عارف حاسس بحاجه غريبه
نايا : حاجه زي ايه .. قلقتني
(يامن لف وشه وبص لنايا )
يامن : مش عايزك تقلقي خالص وانا معاكي .. اتفقنا ..
نايا 🙁 بابتسامه ) اتفقنا
بقلمي ماهي احمد
يامن مسك ايد نايا ودخلوا المخبىء بيبص لقي المخبيء متغير حرفيا كله ورد وشموع في كل مكان واوضه النوم الورد مغرق السرير وفي طرابيزه عليها كل انواع الاكل اللي يامن بيحبها ومعاها رساله مكتوب فيها
نواه : اتمني الاكل يعجبك ده عمايل اهل قريه المأذون مش ناسيين اللي عملناه معاهم زمان وحبوا يردوا الجميل
بقلمي ماهي احمد
يامن ( ابتسم وهو بيقرا الرساله )
نايا بقت تبص علي المخبىء اللي كله ورد وشموع اتغير ١٨٠ درجه حرفيا وبقي شكله حلو اوي
نايا : نواه بيحبك اوي يايامن
يامن : نواه ده حته من قلبي .. زيك بالظبط
نايا بصت في الارض ويامن رفعلها وشها بأيديه وقرب منها اكتر وقرب شفايفه من شفايفها ولسه هيبوسها نايا رجعت خطوه ورا واتوترت
نايا. : ( بلعت ريقها ) انا .. انا جعانه اوي
يامن فهم انها مكسوفه
يامن : انا كمان جعان وعطشان ومستني شفايفك ترويني
نايا ( ابتسمت اكتر وداست علي شفايفها بسنانها خلت يامن يحس بأثاره اكتر ناحيتها )
نايا : طيب .. انا .. انا هاروح اغير هدومي وناكل اتفقنا
يامن : ( بابتسامه وحط ايده ورا شعره كده بتنهيده ) اتفقنا
بقلمي ماهي احمد
نايا دخلت الحمام واخدت هدوم معاها قميص نوم بروبه وبقت متوتره جدا ومش عارفه تعمل اي
بصت في المرايه وبقت عايزه تبان احلي واحلي قدام يامن مع انها زي القمر بس برضوا كانت عايزه تبان اجمل مو كده قدامه بقت تدور في الحمام لحد ما لاقت صندوق وفي صوره والده يامن وباباه عرفتهم من الشبه اللي بينهم وبين يامن وكانت مامته وشها حلو جدا وملون وتحت الصوره فيه ميكب بقت تبص لوش مامت يامن في الصوره واستنتجت ان الحاجه دي هي اللي بتحطها في وشها وتقريبا الميكب ده بايظ من كتر الركنه وانه ماتفتحش من سنين طويله فتحت قلم الروج وهي مش عارفه تعمل بي ايه بقت تبص في الصوره وتحاول تقلد مامت يامن وبقت تحط في خدودها وفوق عنيها بقلم الروج وبهدلت وشها ولاقت الماسكرا حطيتها علي حواجبها بدل رموشها وبقي شكلها وحش جدا وهي مش عارفه تعمل اي راحت بقت تنفخ وهي ماسكه الماسكرا في ايديها وبقت تعيط ومش عارفه تشيله من علي وشها ازاي
يامن كان بره غير هدومه وبقي مستني نايا تطلع من الحمام
وبقي كل شويه يمد ايده علي الاكل وياكل حته صغننه كده عشان كان جعان جدا
بقلمي ماهي احمد
وفي الاخر زهق نايا اتاخرت جدا راحلها وخبط علي باب الحمام
يامن : ( خبط خبطتين علي الباب وهو مقرب من الباب اوي ) ناااايا .. بتعملي اي كل ده الاكل برد
نايا : _____________
يامن : ( ابتدى يقلق ) نايا .. انتي كويسه
نايا : ___________$
يامن حط ايده علي الاوكره بتاعت الحمام ولسه هيفتح الباب
نايا : لا لا لا لا . اوعي تفتح الباب عشان خاطرى
يامن : في ايه يانايا انتي قلقتيني
نايا بقت تبص لنفسها في المرايه ومكانتش عارفه تمسح الميكب
يامن : ( لسه بره الباب ) لو ماقولتليش حالا فيكي ايه انا هدخل
نايا : اصل .. اصل
نايا قربت من الباب وفتحت ليامن وهي بتعيط علي شكلها
يامن اول ما شافها كده بقي يضحك عليها
نايا : بتضحك ..
يامن : ( وهو بيضحك ) ايه اللي انتي عملاه في وشك ده 😂
نايا : كنت عايزه ابقي حلوه بس معرفتش 😔
يامن قعدها علي طرف السرير وجاب المناديل وقعد جنبها وبقي يمسحلها وشها
ومسك دقن نايا الصغننه بصوابعه وبقي يبصلها ويقولها
يامن : انتي جميله من غير ما تحطي اي حاجه في وشك يانايا .. انتي جميله من بره واجمل من جوه .. انا عمرى ما شوفت بنت في جمالك ولا في لون عنيكي اللي تسحر اي حد لما يشوفهم
وبقي بضهر ايديه يلمس خدها ونايا غمضت عنيها وضربات قلبها زادت اوي وقربت من يامن وبقت بتحاول تلمس شفايفه
يامن قرب منها ولمس شفايفها وباسها كل وشها كان ميكب حرفيا وبقت شفايف يامن حمرا نايا اول ما بعدت عنه بصت علي وشه اللي اتبهدل ميكب زيها وابتسمت
ورجعت ورا علي السرير وقلعت الروب وبقت بالقميص قدامه وقتها يامن كان في شمعه جنبهم منوره الاوضه طفاها وقرب من نايا اكتر وعاشوا مع بعض اجمل ليله يتمنوها هما الاتنين سوا
( في نفس الوقت )
نواه راح القريه مع المأذون
المأذون : وبعدين يانواه هنعمل اي .. كان لازم نقول ليامن علي كل حاجه احنا محتاجينه
نواه : ماينفعش كنا نقوله علي اي حاجه دلوقتي بالذات انا عمرى ما شوفته مبسوط بالشكل ده ولو كنت قولتله ان تيم والقائد والجبالي بيدمروا اي قريه قريبه من المناطق المحرمه التلاته مكانش هيسكت وكان هيفضل معانا وانا عايزه سعيد ولو لمره واحده في حياته بس
كفايه اللي شافه زمان
المأذون : طيب وبعدين هنعمل ايه دلوقتي لازم نتصرف قبل ما ييجوا علينا واكيد هيكتشفوا مكان يامن ومراته
نواه : لا مافتكرش المخبىء محدش يقدر يعرف مكانه ابدا
ولو منسوب المايه بقي اعلي مش هيعرفوا يدخلوا البر الغربي ابدا
المأذون : طيب ياولدي اللي شايفه في مصلحه صاحبك اعمله بس لازم نفكر في حل كلها يوم بالكتير او اتنين وهنلاقيهم عندنا وهيخلصوا علينا ووقتها هيوصلوا للبر الغربي
نواه : ( طبطب علي كتف المأذون) ماتقلقش اكيد ليها حل
المأذون بقي ينادي علي بنته
المأذون : يافرحه .. بت يااااافرحه
فرحه جت تجرى بسرعه والقريه دي من عاداتهم ان البنات تحط بيشه علي وشها
فرحه دخلت وهي حاطه البيشه بأيديها علي وشها
فرحه : نعم ياوالدي
المأذون : يابنتي جايين بقالنا كتيير ماقدمتيش حاجه للضيف
فرحه : حاضر .. حاضر انا اسفه ثواني والاكل يكون جاهز
نواه : انا مش جعان ياعم الشيخ
المأذون : ياسيدي لو انت مش جعان انا جعان واهو نفتح نفس بعض عن اذنك هاروح مشوار وجاي بسرعه
بقلمي ماهي احمد
نواه : لازم نجمع كل اهل القريه بالليل
المأذون : اومال رايح فين دلوقتي ماتقلقش عامل حسابي
وهقولهم واحد واحد
المأذون مشي ونواه طلع بره العشه
بيبص سمع صوت جاي من ورا العشه وبيغني صوت رقيق جدا جدا وناعم اوي الصوت عجبه جدا ومشي وراه لقي فرحه قاعده وماسكه معزه وبتطبطب عليها وبتغنيلها وحاطه طبق تحتيها وبالأيد التانيه بتحاول تحلبها وكانت شايله البيشه من علي وشها
نواه كان واقف بعيد اول ما شافها ابتسم وقال
( بسم الله .. ما شاء الله )
فرحه وقتها اتخضت وقامت بسرعه ونزلت هدومها ونزلت البيشه
فرحه : انت .. انت بتعمل ايه هنا
نواه : صوتك حلو اوي علي فكره
فرحه : انا لازم امشي ..
فرحه كانت ماسكه طبق وفي اللبن اللي حلبته من المعزه ومن كتر ما كانت متوتره بسبب نواه رجليها اتخبطت في صخره وكانت هتقع نواه لحقها بسرعه ومسكها وقربت منه وطبق اللبن اتكب كله علي نواه
نواه وهو ماسك فرحه من وسطها ومقرب منها
نواه : خللي بالك .. كنتي هتقعي
فرحه بعدت عنه ونزلت ايده من علي وسطها
فرحه : انا .. انا اسفه مكنتش اقصد اللبن اتكب كله عليك
نواه : ولا يهمك محصلش حاجه
فرحه : لاء حصل ازاي بقي ماحصلش حاجه
فرحه راحت جابت بسرعه قماشه وبقت تمسح لنواه اللبن من علي ايديه وعلي هدومه ونواه كان مقرب منها ومركز جدا علي لون عنيها من تحت البيشه اللي لابساها
وهي بتمسحله هدومه باباها جه
المأذون : بتعملي اي عندك يافرحه
نواه وفرحه بعدوا عن بعض خطوه بسرعه وفرحه كانت ماسكه القماشه في ايديها
فرحه : ( رفعت القماشه بايديها كده ) اللبن . اللبن وقع عليه وكنت بمسحهوله
بقلمي ماهي احمد
المأذون : ( بصوت حاد ) طيب ادخلي انتي جوه بسرعه
نواه بقي يبص لفرحه وهي ماشيه وداخله العشه
والد فرحه : بتبص علي ايه
نواه : ( اتفزع من صوته ) لا .. لا ابدا ولا حاجه .. هبص علي ايه يعني
بقلمي ماهي احمد
المأذون : طيب يلا.. يلا عشان ناكل عشان واضح كده ان ليلنا طويل
-----------------------بقلمي ماهي احمد ---------------------------
تيم : احنا هنفضل واقفين هنا لحد امتي
القائد : لحد ما الرمله تنشف انتي ايه عايزه تموتي وتموتينا معاكي
تيم : المايه خلاص زمانها رجعت والبحر منسوبه قل
ليه نستني هنا مش اقل من يوم او اتنين لحد ما الرمله تنشف
القائد : احنا هندخل البر الغربي عارفه يعني ايه البر الغربي ولا مش عارفه ياتيم .. يعني من كتر ما الرمله بترفع المايه معاها ممكن الرمله نفسها تبلعنا والرمال المتحركه في المنطقه دي كتير لازم ناخد بالنا كويس اوي من كل خطوه بنخطيها يا اما هنموت
تيم : يوووووووه ما انا مش هستني كل ده
القائد : انتي مقدامكيش حل تاني غير انك تستني معانا
تيم : هو مش انت خايف علي نفسك وعلي رجالتك
القائد : وعليكي انتي كمان
تيم : ( بنرفزه ) لا متخافش عليا انا اعرف احمي نفسي كويس اوي
تيم اخدت المسدس وحطيته في البياده واخدت مسدس تاني وحطيته في وسطها
القائد : رايحه فين يامجنونه انتي
تيم : انا هسيبلك العربيه انت ورجالتك اللي معاك دوول وهاروحها مشي لوحدي ما انا مش هقدر استني اكتر من كده
بقلمي ماهي احمد
تيم لسه هتمشي القائد مسكها من ايدها
القائد : طيب اسمعيني كويس علي بكره الصبح بالكتير
لو الرمله مانشفتش هاجي معاكي برضوا ايه رايك
بلاش تروحي لوحدك
تيم: لو علي بكره الصبح موافقه بس مش اكتر من كده
القائد : موافق
تيم : اعمل حسابك هما اكيد في اقرب قريه للبر الغربي لازم نروحها الاول ونطربقها علي دماغهم حتي لو مكانش مستخبي هناك
القائد : ( بضحكه خبيثه ) ده اكيد طبعا 😈
( في نفس الوقت نايا ويامن وهما نايمين علي السرير )
يامن : تعرفي مبسوط ان عمرى ما غضبت ربنا في يوم وبقيت مع بنت مش حلالي .. عشان تكوني اول بنت اكون معاها وليها في يوم
نايا: ( قفلت الروب بتاعها بأيديها ) انا كمان مبسوطه اني اول بنت في حياتك
يامن : انتي تستاهلي كل حاجه حلوه يانايا
نايا باست يامن من خده ودخلت الحمام عشان تاخد شاور
وفتحت الدش واول ما دخلت بقت تملى البانيو ..
بقلمي ماهي احمد
قعدت في البانيو وحطت صابون في البانيو وبقي كله رغوه ولسه بتقعد يامن جه وقعد معاها وبقي قاعد وراها ورا وهي بقت مدياله ضهرها
يامن : تيجي نلعب لعبه
نايا : لفت وشها ورا
نايا : لعبت ايه
يامن : هرسملك رسمه بالصابون علي ضهرك وانتي من حركه صوباعي تقوليلي دي رسمه ايه
نايا : بابتسامه موافقه
نايا ادت ضهرها ليامن ويامن بقي يحرك صوباعه علي ضهرها وبقي يرسم رسمه
نايا : مممممممم تعبان
يامن : لاء
نايا : طيب جرب تاني بس ارسمه بالراحه
يامن : جرب مره تانيه
وبقي يرسم بايديه علي ضهرها زي دايره وبقي يرسم عنين وبوق وهي بقت تتخيل من. حركه ايديه بيرسم ايه
نايا : ( بصت وراها وضمت حواجبها بالراحه ) انت يترسم طفل
يامن : منك .. نفسي اجيب طفل منك هيبقي زي القمر
بقلمي ماهي احمد
نايا : هيبقي زي القمر عشان انت ابوه
يامن بقي بيزغزغ نايا وبقت تضحك وللمره التانيه قضوا اجمل ليله سوا
------------------------بقلمي ماهي احمد ------------------------
( في نفس الوقت بالليل )
نواه كان متجمع مع رجاله القريه
المأذون : جالنا مرسال بيقول ان القائد وتيم والجبالي بقوا سوا .. وجايين علي قريتنا هيهدوها زي ما هدوا قريه الصيادين
اهل القريه : واحنا في ايدينا اي نعمله هيهدوا وهيقتلوا فينا واللي هيعيش هيبني القريه من جديد
نواه : اي اللي انتوا بتقولوه ده احنا لازم نعمل حاجه
واحد من اهل القريه : حاجه .. حاجه زي ايه . وهنعمل حاجه ازاي من غير يامن
نواه : احنا موجودين بدل يامن لازم تدافعوا عن نفسكم
المأذون : انا اتفقت انا ونواه كل اهل الجاز اللي في بيت كل واحد فيكم هنجمعه وهنحاوط بي القريه واول ما القائد ييجي هنحرقهم بالنار
واحد من اهل القريه : وبعدين هما بقي هيسكتوا
نواه : علي الاقل لو موتنا نموت واحنا بندافع عن نفسنا مش نموت واحنا خايفين وجوبنا
نواه : بدل ما يهدوا العشش ويقتلوكم اقتلوهم حتي لو معندناش الاسلحه اللي معاهم بس علي الاقل نموت واحنا بنحاول
اهل القريه كلهم ااتشجعوا وبقوا يعملوا زي ما نواه يقولهم بالظبط وينفذوا كلامه واي حد معاه حاجه من سلاح او جاز عشان ينور العشه بتاعته كان بيديها لنواه وبدأوا خطتهم والحرب ابتدت
بقلمي ماهي احمد وبعد ما خلصوا اخيرا كل واحد راح لعشته ومحدش من اهل القريه كان عارف ينام اليوم ده من اللي هيحصل بكره
نواه كان قاعد بره ومولع الخشب عشان يدفي
والماذون وبنته نايمين في العشه جوه
راحت فرحه اتسحبت بالراحه جدا وطلعت لنواه
نواه بصلها وهي واقفه
نواه : فرحه
فرحه : انا كنت جايه اشكرك علي اللي عملته مع اهل قريتي
نواه : انا لسه معملتش حاجه
فرحه قعدت جنبه حوالين النار
فرحه : لاء عملت .. انت خليتهم النهارده ايد واحده وبيخافوا علي بعض بعد ما كل واحد كان بيقول يلا نفسي . خليتهم يقفوا في وش القائد وتيم اللي اسمهم يرعب اي حد خليتهم حتي لو هيموتوا فيموتوا وهما بيدافعوا عن نفسهم مش هيموتوا وهما خايفين
نواه : ( بص يمين ليها ومد ايده بالراحه علي وشها ورفعلها البيشه )
فرحه : انت بتعمل اي
نواه : كده احلي
عارفه يافرحه
فرحه : ايه .. لو ليا نصيب وعيشت بكره .. اكيد هنتلاقي تاني
فرحه : ( بلهفه ) هتعيش
نواه : ( بصلها كده وشاف لهفتها عليه في عنيه ) اقصد .. اقصد هتعيش يعني ان شاء الله
نواه ابتسم لها وشاورلها براسه انها تدخل جوه العشه وباباها مايصحاش ويشوفها
فرحه شاورت براسها كده بمعني حاضر ودخلت
تاني يوم ومع اول خيط شمس تيم اتحركت هي وعربيات الرجاله اللي معاها
وبقت تسوق بأسرع ما عندها
( في نفس الوقت )
نواه : يلا يارجاله مش عايزين نضيع لحظه المرسال بيقول انهم اتحركوا
بقلمي ماهي احمد
اهل القريه بقت تجهز نفسها للحرب مع القائد وتيم اخيرا وصلت القريه هي ورجالتها ونزلت من عربيتها بسرعه ولسه جايه تدخل من باب السور
وقفت القائد
تيم : استني
القائد : في اي
تيم : في حاجه غريبه بتحصل
القريه هاديه جدا ومافيهاش صوت ابعت الرجاله قبلنا يشوفوا في اي
القائد بعت الرجاله في اول عربيه وهما داخلين بقوا يضربوا بالرشاشات في كل مكان
واحد من اهل القريه ولع في القش والرجاله داخله ونواه كان حاطط ماده عليهم راحت فجرت الرجاله تيم بعدت بسرعه وعنيها كلها شر
تيم : كنت عارفه وحاسه انهم هنا
تيم وقف علي العربيه وبقت بالرشاش الالي تضرب من بره القريه عليهم وموتت ناس كتير من اهل القريه
فرحه : نواه .. نواه الحقني
نواه كان واقف ورا عشه
نواه : خليكي عندك ما تتحركيش
نواه راح لفرحه واخدها في حضنه وبقي يبعدها عن ضرب النار
بقلمي ماهي احمد
تيم وقفت ضرب ودخلت برجالتها واول ما دخلوا القريه بقت اخل القريه يضريوهم باللي معاه سكينه واللي معاه فاس والتانيين طبعا معاهم اسلحه عشان كده للاسف تيم والقائد انتصروا علي اهل القريه في اقل من ساعه
بقلمي ماهي احمد
تيم بتبص لاقت نواه
وهو بيحاول يخبي فرحه وابوها
تيم : ( بايتسامه شر ) هاتووه
الرجاله جابتهم هما التلاته
تيم : يامن فين يانواه
نواه : ______________
تيم : مش هعيد السؤال مره تانيه فين .. يامن . يانواه
نواه : اقتليني احسنلك بلاش تضيعي وقتك
تيم : تؤ .. تؤ .. انا محتجالك فمش هقتلك بس هقتلها هي
تيم رفعت المسدس علي فرحه ولسه هتضرب عليها نار
ابو فرحه : في البر الغربي يامن في البر الغربي في المخبأ هناك جوه الكهف
تيم : ( بابتسامه شر ظهرت جنب شفايفها ) شكراااااا
وراحت ضربت ابو فرحه طلقه في دماغه مات
فرحه : ابويااااااااااااا
تيم بنفس البرود ضربت فرحه في قلبها وماتت جنب باباها
تيم : هاتووه
نواه : كان باصص لفرحه وابوها زي ما يكون اتصدم لثواني مش مصدق اللي حصل
رجاله القائد بقوا يجروا نواه وضربوه ضربه علي دماغه فقد الوعي في ساعتها وراحوا علي البر الغربي جوه الكهف
بقلمي ماهي احمد
تيم مالقيتش حاجه ومش عارفين يوصلوله
القائد : مافيش حاجه هنا
تيم : هو اكيد هنا بس تحت الارض واكيد الغطا شبه الارض جدا عشان كده مش باينلنا حد يجيبلنا الزفت ده من العربيه بسرعه
الرجاله جابوه نواه بسرعه ورموا عليه جردل مايه فوقوه
بقلمي ماهي احمد
تيم : يامن فين وندخله المخبا ازاي
نواه : ( داس علي سنانه ) يامن هيقتلك مش هيسيب فيكي حته سليمه هيخليكي تشوفي جهنم علي الارض
تيم كانت واقفه فوق المخبأ بالظبط بس ما تعرفش انه تحتها
يامن سمع صوت غريب
نايا : في اي يامن
يامن : سامع صوت نواه
نايا : يبقي اكيد رجع
يامن : هلبس وافتحله علي طول يامن لبس هدومه ونايا كمان طلعت من الحمام وفتح الغطا بتاع المخبأ الارض انشقت وطلع تيم بعدت عن الارض بسرعه
ووقفت ورا ونواه وهما ماسكينه وقاعد علي ركبه في الارض
راحت حطت السكينه علي رقبه نواه
يامن : تيم .. انتي بتعملي ايه .. ابعدي السكينه دي عنه
نايا طلعت ورا يامن وبقت مستخبيه وراه
القائد : اي ده انتوا الاتنين شعركم مبلول ليه . ده انتي طلعتي سافله اوي يانايا
يامن : اخرس قطع لسانك دي مراتي
تيم : ( بغيظ ) مراتك
يامن : ايوه مراتي
تيم : ( رفعت حاجبها اليمين ) حلو اوي الكلام ده .. يبقي هتعملنا الللي احنا عايزينه عشان خاطر مراتك ما تموتش
يامن : علي جثتي اعمل اللي انتي عايزاه ياتيم
تيم : هو مش هيبقي علي جثتك بس هيبقي علي جثه صاحبك
تيم بكل برود مشت السكينه اللي كانت حطاها علي رقبه نواه ودبحته بيها
يامن : نووووووااااااااه
- تابع الفصل التالي عبر الرابط: "رواية العبقري" اضغط على أسم الرواية