رواية اهتديت بحبه الفصل الثالث والثلاثون بقلم ميادة خاطر
رواية اهتديت بحبه الفصل الثالث والثلاثون
القاضي:تبعا لما تقدم من تهم علي المتهم زين محمد جمال الدين حكمت المحكمة حضوريا عليه بالسجن المؤبد مع الشغل
سمر وزين وأبو سمر الكلمه وقعت عليهم عالصاعقه وسمر لسه هتكلم
القاضي:وبعد التحريات المكثفه حكمت المحكمة حضوريا عليه بالسجن سنتين مع ايقاف التنفيذ
سمر مكنتش مصدقه وصدمتها اتحولت لفرحه وسجدت مكانها واعدت تقول:الحمد لله الحمد لله الف حمد وشكر ليك يارب الحمد لله الحمد لله
زين بسعاده؛يحيا العدل يحيا العدل
ابو سمر؛اللهم لك الحمد كما ينبغي لجلال وجهك وعظيم سلطانك
ادام المحكمه سمر وأبوها كانوا واقفين مستنين زين يطلع واول ما طلع سمر بدون وعي جريت عليه وحضنته وقالت:حمدالله عالسلامه يا غالي الف حمدالله عالسلامه
زين بادلها الحضن وقال:الحمد لله الحمد لله
ابو سمر بحده:سمر تعالي هنا
سمر وعيت الي نفسها وبعدت عنه وراحت عند ابوها وقالت؛اسفه يابابا
ابو سمر بجمود؛حسابنا فالبيت وراح سلم الي زين وقال؛حمدالله علي سلامتك يابني
زين باحراج:الله يسلمك يا عمي
ابو سمر ؛يلا نروح وركبوا العربيه وكان لي صمت رهيب ابو سمر بيسوق وزين جنبه وسمر ورا وقلبها هيقف مالرعب ووصلوا البيت وأبو سمر زمر
حور فتحت وهي بترقص وتقول:جدو جه جدو جه واول ما شافت ابوها نازل مصدقتش وقالت بفرحه رهيبه:باباااااااااااااااا وجريت نطت بحضنه وهي مش مصدقه واعدت تقول:بابا حبيبي وحشتني اوي اوي اوي وعيطط
زين:اهدي يارووحي أنا بخير متقلقيش ومش هسيبك تاني ابدا
حور بفرحه:بجد يا بابي
زين:بجد يا قلب بابي
حور حضنته جامد وقالت بفرحه:هااااااااااااااااا بحبك اوي يا بابا
ابو سمر؛يلا يابني اتفضل ودخلوا سمر دخلت الاوضه علطول من غير ولا كلمه
ام سمر؛حمدالله علي سلامتك يا حبيبي
زين؛الله يسلمك يا طنط
ام سمر:عملالكوا صنيه بطاطس بالفراخ وصنيه رز معمر هتاكلوا صوابعكوا وراها يا سمر سمرر
سمر من جوه؛نعم يا ماما
امها:هي دخلت جوه ليه تعالي ساعديني
سمر:حاضر وطلعت وهي بصه فالارض ودخلت المطبخ علطول
امها؛في ايه يابت مالك من ساعه ما دخلتي
سمر:مفيش يا ماما
امها؛هتخبي علي امك
سمر:طب بصي وحكتلها اللي حصل من اول ما راحوا لحد ما جم
امها بضحك؛يا عيني يا عيني الحب ولع فالدره
سمر بكسوف:بس بقا يماما المهم ابويا هيق*تلني
امها:بصي هو لو بيحبك هيطلبك لو مشي ومقالش يبقي تنسيه يا بنتي وتريحي قلبك ونفسك
سمر:بحبه اوي يماما
امها حضنتها:اللي فيه الخير يقدمه ربنا يا حبيبي
سمر:يارب
امها:يلا عشان نطلع الاكل وبدؤا يرصوه عالسفره
زين كان اعد محرج اوي وباصص فالارض وحور كانت بتلعب مع ابو سمر شوكلاته شو 😂
زين اتشجع وقال:عمي أنا
ام سمر؛الاكل جاهز ياابو سمر يلا
ابو سمر؛خلاص يابني نكلم بعد الاكل يلا
زين قام وقال فسره:استغفر الله العظيم يارب أنا ما صدقت اتشجعت
واعدوا
ام سمر:مد ايدك يابني متنحرجش
زين باحراج:حاضر وبدأ ياكل وحور كانت بتاكل وهي علي رجل ابو سمر وسمر كانت باصه فالطبق وبتاكل براحه
زين؛تعالي يا حور متتعبيش جدك
حور بزعل طفولي:لا انا بحب اعد ما جدو
ابو سمر؛سيبها يابني
زين؛عشان تاكل بس
ابو سمر:أنا مرتاح متقلقش
ابو سمر:سمر كلي
سمر انطربت والاكل وقع عليها
امها:حاسبي يا بنتي
زين بخوف؛جرالك حاجه
سمر؛انا تمم هغير هدومي ومشيت
ام سمر بابتسامه محرجه:ايه هروح اشوفها ومشيت
حور:بابا هروح معاهم
زين هز رأسه وهي دخلت وراهم
ابو سمر؛كل يابني متنحرجش
زين؛باكل اهو يا عمي
سمر جريت عالحمام وقلعت العبايه عشان كانت بيضه والأكل بوظها اوي وطلعت بالبيجامه لقت امها وحور واقفين
امها:جرالك حاجه
سمر:لاء انابخير وبدأت تطلع عبايه تانيه
حور:سمر انتي زعلانه ليه
سمر:أنا مش زعلانه يا حوري لي بتقولي كده
حور:لاء انتي بتك*دبي علييه اصلا من ساعه ما جيتي مع بابا وانتي مش زي ما يوم وزعلانه ومش بتكلمي
سمر ابتسمت:لاء يا حبيتي متخفيش أنا بخير والله تعبانه بس شويه
حور:عندك ايه
سمر:مش عندي حاجه بس دماغي مصدع
حور:طب تعالي
سمر باستغراب:اجي فين
حور:انزلي عندي
سمر ضحكت ونزلت لمستواها وقالت :ها عايزه ايه
حور مسكت دماغها وباستها وقالت:يارب يخف وبعدين بصتلها وقالت:خف
سمر ابتسمت وفرحت اوي وحضنتها وقالت:أنا بحبك اوي اوي يا حوري اوي
حور:وانا كمان اضحكي بقا ومتبقيش زعلانه
سمر:حاضر يا قلبي
امها:البسي يلا عشان نطلع
سمر:حاضر ولبست وطلعت واعدوا تاني
زين:الحمد لله خلصت فين الحمام
ام سمر:انت كلت حاجه يابني كل
زين:لاء الحمد لله شبعت
ابو سمر:الحمام هناك
زين:شكرا وقام ودخل وطلع كانت سمر وأمها شالوا الاكل وجابوا الشاي وقعدوا كلهم وبعد وقت مش كتير من الصمت
زين؛تمم الف شكر يجماعه علي تعبكوا معايا وحقيقي مبسوط انكم وقفتوا جنبي
ابو سمر:معملناش حاجه يابني
زين؛ربنا يخليك يارب يلا يا حور
حور:يلا فين
زين؛نروح بيتنا
حور:ماشي يلا يا سمر
زين باحراج:لاء يا حور سمرر مش هينفع تيجي معانا
حور بزعل:لي
زين؛اصل هي بقت مع ماما وبابا بتوعها مش هينفع تسيبهم
حور بغضب:لاء سمر وعدتني انها مش هتسيبني صح يا سمر وبصت لسمر بس سمر كانت باصه فالارض
حور؛سمر ردي جدو وراحت لابو سمر:جدو مش هي وعدتني
ابو سمر:ايوا يا روووحي مانتي تعالي فأي وقت شوفيها
حور؛لاء مش هتسيبني خلاص روح انت يا بابا وانا هخليني
زين:وهتسيبي بابا لوحدو
حور:أنا بحب سمر ومش هسيب سمر هه
زين بعصبية سيكا؛حور يلا
حور بزعيق:لاء يعني لاء سمر انتي مش بتردي ليه سمر واعدت تهزها
سمر مكنتش قدره تكلم واعدت تعيط فصمت
حور بصدمه؛سمر انتي بتعيطي سمر انتي مش عوزه تبقي معايا وعيطط سمر انتي ضحكتي عليا وبدأت تتعصب وتتشنج سمر أنا مش هسيبك سمر
زين جري عليها وحضنها وقالها؛اهدي يا حور اهدي يا حبيتي اهدي سمر الحقي
سمر بصتلها وانصدمت لما لقت وشها احمر د*م وبتعيط اوي وبتتشنج سمر جريت عليها واعدت تدعك ايديها وتقول:اهدي يا حوري اهدي اهدي
حور مسكت دماغها واعدت تقول:لاء يا سمر لاء مش هتسيبيني تاني لاء لاء
ابو وام سمر كانوا مصدومين ماللي شايفينه وام سمر جريت جابت مايه واعدت تبل ايديها وتمسح وش حور وأبو سمر مبقاش عارف يعمل ايه شالها من وسطهم وحضنها جامد واعد يقرأ لها قرأن بصوت عذب وقال بهدوء:هششششش اهدي كل اللي انتي عايزاه هيحصل بس اهدي هششششش وحضنها جامد يجي ربع ساعه والكل باصصله وحاطط ايده علي قلبه بعد شويه حور هديت ونامت وأبو سمر نيمها عالكنبه جنبه
زين براحه؛الحمد لله هديت قبل ما تخش فغيبويه تاني
سمر:فعلا الحمد لله يارب تسلم يا بابا بجد
ام سمر؛قلب امك يا بنتي والله صعبت عليا
ابو سمر بجمود؛هتعمل ايه يا زين
زين بلع ريقه وقال؛والله يا عمي منا عارف مهو مينفعش سمر تعيش معايا لانكم هترفضوا ومينفعش حور تعد هنا علطول
ابو سمر؛كمل
زين؛بصراحه في حل بس مش عارفه هتوافق ولا لا
ابو سمر؛اللي هو
زين بلع ريقه وقال وهو باصص لسمر:وانا وسمر نجوز
ابو سمر ابتسم وفرح من جواه اوي لانه عارف ان سمر بتحب زين وزين بيحب سمر بس الاتنين رافضين يعترفوا
زين وسمر عيونهم كانت متعلقه ببعض
ابو سمر؛متاكد من قرارك ده
زين فاق وقال بثقه؛ايوا يا عمي
ابو سمر؛مبروك عليك بنتي
ام سمر؛لولولولولوولولولولولولولولولوالوولولوللولوولولوللي
سمر كانت طمطمايه خالص بس كانت سعيده اوي وزين كان مبسوط جدااا كمان وفعلا خلاص اسبوع كان تم كتب الكتاب وعملوا حاجه بسيطه عالضيق لان نادر مكنش بقاله كتير مي*ت
في بيت زين وسمر
زين؛خشي برجلك اليمين يا عروسه
سمر ضحكت بخفه ودخلت
حور:هاااااااا سمر بقت ماما سمر بقت ماما ورمت عليها ورد
زين؛مبروك عليا انتي
سمر؛مبروك عليا انت والاتين عنيهم كانت متعلقه ببعضها
حور كانت واقفه وبصالهم وقالت؛مبروك عليكوا أنا وضحكت
سمر وزين فاقوا وضحكوا معاها
زين؛خشي غيري وانا هغير لحور
سمر؛هغيرلها أنا متتعبش نفسك
زين؛لاء متقلقيش
سمر:متأكد
زين؛ايوا
سمر هزت راسها ودخلت
زين؛يلا يا حور
حور:يلا ودخل معاها وغيرلها
حور:يلا نروح عشان ننام
زين باستغراب:ننام فين
حور:مع سمر
زين؛ليه
حور:بابا هنام مع سمر
زين:اه فاهم لي
حور:عشان ننام
زين؛متنامي فقوضتك
حور:لا انا بحب انام فحضن سمر نام فقوضتي انت لو عايز وجريت علي سمر
زين وقف وقال:صبرني يارب
سمر كانت غيرت ولبست بيجامه واعده عالسرير
حور:سمررررر
سمر:حوووور وحضنتها جامد
حور؛شوفي بابا بيقولي نامي فقوضتك لوحدك
سمر بضحك:معليش يا حبيبتي هو ميعرفش أننا بنام مع بعض
زين دخل وكان باين عليه أنه متعصب
سمر نامت عالسرير وحور جنبها وغطوا وشهم
زين:والله نمتوا
حور:تعالي جنبنا لو عايز
سمر بضحك:لو عايز
زين بسخريه؛لاء شكرا مش عايزين ودخل الحمام خد شاور وغير ولبس بيجامه وطلع لاقاهم ناموا بجد
زين؛حور سمر حووور سمرررر
لا رد
زين:انتو نمتوا اوووف هي ليله عسل أنا عارف وراح نام عالكنبه قصادهم،،،،،
💕اللهم صل وسلم وبارك على سيدنا محمد💕
العائله وصلت الساحل بسلام ودخلوا الڤيلا وحطوا حجاتهم ولبسوا ونزلوا عشان يهيصوا ماهما ناموا فالعربيه بقا
سليم:أنا هروح البحر حد يجي
ابوه:أنا هعد عالشط أنا وامك
خديجه بحماس؛انا هاجي معاك
سما؛وانا
علا؛انا هعد مع ماما وبابا عالشط بخاف مالمايه
سيلا؛انا عوزه انزل بس خايفه يا سليم
سليم فهمها وقال؛هتكوني معايا ياروحي متخفيش
سما باستغراب:خايفه من ايه
سليم؛متحطيش فبالك يلا وراحوا الشط الرئيسي وفعلا ابو وام سليم وعلا أعدوا عالشط وسليم خد سيلا علي كتافه ونزل البحر هو وخديجه وسما ووصلوا لحد معين اللي هو آخر سما وخديكه
سما؛مش هطول اكتر من كده هغرق
خديجه:عندك حق القصر خيبه يشباب
سليم بضحك:عليكوا انتوا يا قصيرين وانا هغوط
سيلا؛سليم أنا خايفه
سليم؛متخفيش أنا معاكي وبعدين انتي مشعلقه فوق اهو
سيلا:خايفه طب رجعني مع علا وجدو وتاتا
سليم بجديه؛سيلا متخفيش أنا معاكي بجد
سيلا برعب:لاء المايه شكلها يخوف وديني بره وبدأت تعيط
خديجه باستغراب:سيلا في ايه ما كلنا حواليكي
سما:ايوا يا سيلا مالك وبعدين انتي المايه ملمستكيش اصلا
سيلا بعياط؛سليم والنبي أنا خايفه
سليم لانه عارف وفاهم حالتها؛حاضر يا سيلا وطلع وخديجة وسما وراه
علا باستغراب:رجعتوا ليه في ايه
سيلا نزلت وراحت لابو سليم وحضنتوا وقالت؛جدو أنا هخليني معاك وكانت بتعيط
ابو سليم باستغراب؛مالك يا سيلا في ايه
ام سليم؛في ايه هي مالها
سما؛معرفش وسليم مش راضي يكلم
خديجه:سليم انت اللي فاهممها هي مالها
سليم بزهق:ممكن بس ايه طفله وخائفة مالمايه ايه المريب فكده
سما بشك؛متاكد
سليم ببرود؛ايوا خلاص يا سيلا متخفيش مش هنزلك تاني العبي عالشط هنا جنبهم
سيلا:ماشي
سليم:يلا
سما وخديجة:ماشي ونزلوا فعلا وسليم غوط اوي وسما وخديحه وقفوا عند حته معينه عشان لو غوطوا هيغرقوا وسيلا كانت بره عالشط أعده وبصه للبحر
علا:مالك يا سيلا في ايه
سيلا؛مس بحب اخاف من حاجه سليم قالي اني لازم اكون قويه وانا خايفه كده أنا مش قويه
علا ضحكت واعدت جنبها وقالت؛بصي يا حبيبتي كل انسان لازم يخاف مفيش انسان اسمه مبيخافش كلنا بنخاف بس مش كلنا شبه بعض كل شخص بيخاف من حاجه معينه الخوف مش عيب ولا نقطه ضعف دي حاجه طبيعيه فالبشر فانتي ممكن تواجهي خوفك لكن انك تضايقي وتزعلي لاء اصل مش بمزاجك وبعدين انتي صغيره لسه فطبيعي تخافي بكره انشاء الله تكبري ومش هتخافي من اي حاجه
سيلا بفرحه؛بجد
علا؛ايوا بجد
سيلا؛هاااااااااا
علا:طب ايه رايك نمشي شويه صغيرين مش هنغوط عشان متخافيش
سيلا؛اممم موافقه
وسيلا وقفت ومسكت ايد علا ومشيوا براحه شويه بشويه لحد مالمايه بقت عند بطن سيلا
سيلا؛بس كفايه
علا بتشجيع؛شويه كمان
سيلا؛لاء كفايه
علا؛ماشي مش مشكله والعائله قضت اليوم فالبحر وجه الليل روحوا اشطفوا وغيروا وناموا مالتعب،،،،،،،،
💕سبحان الله وبحمده سبحان الله العظيم💕
هانم فدماغها؛هو أنا مقولتش علي سمر ليه ما هي اللي ساعدتني اني اجيب سما اكيد لو اعترفت عليها هيخففوا الحكم عني وطلعت عند القضبان وقالت:يا شاويش يا شاويش
الشاويش؛في ايه يا مسجونه
هانم؛عايزه الظابط
الشاويش؛ليه
هانم؛عايزه اعترف بحاجه
الشاويش باستغراب:حاجه ايه وبعدين انتي اتحكم عليكي خلاص جايه بعد كل الوقت ده وتقولي هعترف
هانم:بالله عليك والله ممكن يخففولي الحكم
الشاويش؛اوووف يارب صبرني حاضر يا ستي لما يجي
هانم بفرحه:شكرا يا شاويش
الشاويش:العفو خشي بقا
هانم؛حاضر ودخلت واعدت وهي بتخطط بش*ر
مراد كان قاعد فالحبس وعمال يقول فدماغه:يااااااه يا مراد ضيعت عمرك عشان ايه هتعد ١٥ سنه هنا عشان ايه خدت اي انت مالدنيا مشبعتش اهانه وزل وفقر وانت صغير وماصدقت كبرت وبقا معاك فلوس بدل ما تحمد ربنا اتامرت وبقيت تعمل علا*قات محر*مه وتروح الب*ار وخم*ر وقوع*مار وفس*وق واخرتها اديك مرمي فالسجن وهتخليك كده ١٥ سنه لا اجوزت ولا خلفت ولا عملت عائله زي ما كنت بتحلم دايما ااااااه يا زمن فعلا الدنيا دي ملهاش تلاتين لازمه والفلوس دي اكبر كذ*به علي وجه الارض أي حد بيبقي معاه شويه فلوس بيفتكر نفسه حاجه وبياخد مقلب فنفسه وفالاخر بيوقع علي دماغه لا اله الا الله استغفرك ربي و اتوب اليك اني كنت من الظالمين يارب سامحني واغفرلي رضيت بجد وانا استاهل اللي انا في ده وده أقل عقاب يارب يكون العقاب ده تكف*ير عن ذن*بي فالدنيا يارب رحمتك من عذ*اب الاخره يارب يارب خلاص انا من دلوقتي هتوب لربنا ومش هسيب فرض واقرا قرأن دايما واك*فر عن كل اللي عملته ويارب عني وقدملي اللي فيه الخير ونادي الشاويش وقال:يا شاويش
الشاويش؛نعم يا مسجون
مراد:عايز مصليه ومصحف
الشاويش باستغراب:نعم
مراد:مصليه ومصحف
الشاويش؛انت بتكلم جد
مراد:ايوا في ايه
الشاويش:مفيش حاضر وجابله
مراد:الف شكر بجد
الشاويش بابتسامه؛ولا يهمك ومراد دخل الحمام واتوضي واعد فركن وبدأ يصلي وراح فعالم الراحه والطمانينه،،،،،
💕سبحان الله والحمد لله ولا اله الا الله والله اكبر💕
تاني يوم البيت كله صحي علي صراخ سيلا وكله طلع يجري علي اوضتها ووو
يتبع الفصل الرابع والثلاثون اضغط هنا
- الفهرس يحتوي على جميع فصول الرواية كاملة :"رواية اهتديت بحبه" اضغط على اسم الرواية