رواية المغرور والدلوعة الفصل الثالث والاربعون بقلم ميرو محمد
رواية المغرور والدلوعة الفصل الثالث والاربعون
حياه : نعممممم اييييه الانت بتقولو دا.
محروس : السمعتي وياريت تفكري قبل ماهاجر ترجع عشان لو رجعت البيت قبل ماانتي توافقي قولي علي علي نفسك يارحمن يارحيم . انا هخرج دلوقتي وانتي فكري معاكي ساعه كده باي ياقطه . وخرج محروس من الغرفه.
حياه بصدمه ظلت تفكر في الهي فيه وتدعي ربها بان صقر يأتي اليها وينقذها من الهي فيه .
حياه بدموع وانهيار : انت فين ياصقر يارب خليك معايا يارب........
وصل صقر ووليد الي القسم........
صقر بخوف وقلق علي معشوقته : انت يابني ادخل قول لي اسلام باشا ان صقر الهلالي عاوزك.
العسكري الذي يقف امام الباب: حاضر . ودخل العسكري الي الداخل.
صقر بخوف : يارب يارب سترك . يارب تكوني كويسه ياحياه .
حياه بدموع وانهيار: تعالي ياصقر الحقني ونبي هموت من غيرك تعالي يارب يارب اقف معايا يارب ...
صقر : يارب يارب اقف معايا ارجع مراتي.
وليد : اهدا ياصقر اهدا حياه قويه اكيد هي كويسه.
صقر : يارب ياوليد انت عارف ان عندها السكر وياترا حصل ايه فيها ولا عامله اية دلوقتي.
خرج العسكري من الداخل وقال : اتفضل يابيه اسلام باشا منتظرك جوا.
دخل صقر ووليد الي الداخل ......
وصلو البنات الي الشركه .....
كانو يجلسون في مكتب صقر .
بسنت : يارب يارب ترجي ياحياه .
سما بدموع: يارب ارجعي ياحياه يارب اقف معانا .
ميار : بس اكيد البت هاجر دي هي الورا الموضوع .
سما : ايوه وانا كمان حاسه ان هي .
بسنت : فعلا نظرتها لينا امبارح كانت غريبه مش طبيعيه كده .
ميار : احنا تراقبها يابنات من غير متحس يمكن نعرف حاجه توصلنا لحياه .
بسنت : ايوه تعالو ننزل عند المجموعه وهي لو جات هتكون معاهم . ونتعامل عادي ولو سالو نقول ان صقر وحياه اختلفو وان حياه راحت علي الصعيد عشان هي تفكر اننا منعرفش حاجه .
سما : بظبط يلا بينا ننزل . ونزلو البنات الي اسفل ........
في القسم ......
اسلام : صقر باشا عندنا دا حدث غير متوقع خالص .
صقر : غصب عنى والله .
وحضنو بعض جامد وسلمو علي بعض.
اسلام : والغول كمان عندنا لاء لاء مش مصدق .
وليد : ههههه حبيبي وحشني والله. وحضنو بعض وسلمو علي بعض .
اسلام : بس اكيد في حاجه خليتكم تيجو عندي انهارده .
صقر: حياه يااسلام .
اسلام : حياه بنت عمك مالها.
صقر بدموع وانهيار: ومراتي يااسلام اتخطفت . 😢😢
(نعم ياجماعه هذا الحب تقع جميع الحصون امامه الكبرياء والشموخ والغرور حتي كبرياء الرجل يقع من يحب ينسي العالم لااجل حبيبه يبيع العالم لااجل نظرا ابتسامه من الذي يحبه فاهي دنيا تانيه دنيا الحب . وهكذا صقر نسي كل شي غرورو وكبرياؤ لاجل هذه الحبيبه معشوقته هذه الدلوعه التي كسرت غرور الصقر بحبها ودلعها. وانهارت حصون صقر لعدم وجودها بجانبه . نعم فاهذا الحب ياساده 😔☹️)
اسلام : اهدا ياصقر اهدا وفاهمني الحصل .
صقر : مش عارف مش قادر اتكلم والله. احكي انت ياوليد .
وليد بحزن علي صحابه وصديق العمر: اهدا ياصقر اهدا حياه قويه وهترجع بس انت لازم تكون قوي احنا بنستمد القوه منك مينفعش انت تكون كده . بص يااسلام الحصل ان من فتره في رساله جات لحياه من بنت اسمها سلمي بتقول ........ وبداء يحكي وليد الحصل من اول جات في الرساله وعلي ان هاجر عاوزا تموتها ..........
#بقلمي_ميرو_محمد
وصلت هاجر علي الشركه بقلق وخوف ان يكون اكتشف امرها .
دخلت هاجر الشركه وراحت علي المجموعه الاول تشوف في اخبار او اي حد عرف حاجه ولا لاء.
كانت سلمي تجلس هي وفاطمه يشتغلو .
هاجر بقلق: احم صباح الخير.
نظرت فاطمه وسلمي اليها .
سلمي بستغراب: ايه دا انتي سخنه ولا حاجه ياهاجر.
هاجر : نعم ليه بقا يااستاذه سلمي .
فاطمه بضحك علي كلام سلمي: اصل انتي اول مره تدخلي ياهاجر وتقولي صباح الخير.
هاجر : ليه يعني عادي .
سلمي : لاء مش عادي ياهاجر بتدخلي علي طول تزعقي وتكوني متعصبه وبتتكبري علينا حتي ترمي الصباح بتاع ربنا علينا .
هاجر : خلاص ياست سلمي بعد كده هدخل ارمي سلام ربنا عليكو ولا تزعلي .
فاطمه : خلاص يابنات خلاص ياسلمي . متزعليش ياهاجر .
هاجر : احم خلاص مفيش حاجه . هو حد منكم شاف استاذ صقر .
فاطمه : لاء محدش منهم دخلينا انهارده .
هاجر : خلاص انا هقعد معاكم طلاما مجاش .
سلمي بستغراب: انتي مش دلوقتي السكرتيره الخاصه بتاعت استاذ صقر.
هاجر : ايوه بس هو مجاش هقعد معاكم وخلاص .
سلمي : ومين قال مجاش ميمكن جيه فوق وهو مدخلناش .
هاجر : لاء ماهو مجاش اكيد بيدور....🤭
سلمي وهاجر نظرو لبعض بستغراب .
سلمي : بيدور علي ايه وانتي متاكده اوي كده انه مجاش ليه .
هاجر بخوف وقلق : اصل اصل . هو في ايه ياست سلمي هو تحقيق .
فاطمه : خلاص ياهاجر هي بتهزر معاكي .
هاجر : ولا تهزر ولا اهزر انا هروح اجيب حاجه اشربها .
وكانت بسنت وميار وسما يقفون ويسمعون الحديث 😳😳😳.......
#بقلمي_ميرو_محمد
في الحاره عند هاجر............
حسام : مترن علي صقر كده شوف في اي اخبار.
حازم : لاء اصبر يمكن ليسه في القسم مخلصوش لو خلصو كانو رنو علينا .
حسام : يارب نعرف اي حاجه توصلنا لحياه.
حازم : مش النزل دا الواد اخو هاجر المعانا في الصوره .
حسام : ايوه هو . هو رايح فين .
حازم : احنا نمشي ورا يمكن نعرف حاجه .
حسام : طب بسرعه اطلع ورا خلينا نعرف هو رايح فين .
وفعلا طلعو ورا محروس ....
وبعد وقت قصير وصل محروس عند فتحي ..
محروس : عامل ايه ياسطا .
فتحي : كويس ياخويا . غريبه انك افتكرتيني يبقا اكيد عاوز مصلحه .
محروس : ياعم عيب عليك . انا جيبلك بردو مصلحه .
فتحي : خير ياخويا قول مصلحت ايه دي .
محروس : عاوز أئجر المخزن بتاعك اسبوع وخد ٥٠٠ جنيه اي رائيك .
فتحي : لاء ياخويا لو عاوز تأجرو هاخد في ١٠٠٠ جنيه .
محروس : نعممم لاء كتير ياعم .
فتحي : خلاص ياسطا افتحلا .
محروس : في ايه ياعم خد وهات في الكلام .
فتحي : لاء ولا خد ولا هات دا العندي عجبك امين مش عجبك يبقا خلاص .
محروس : خلاص ياخويا ماشي هات المفتاح .
فتحي : خد ياخويا المفتاح اهو . بس انت مقولتليش انت عاوز المخزن ليه .
محروس : ها اصل هحت في بضاعه .
فتحي : انت ياض اوعي تكون بضاعه شمال.
محروس : شمال ايه ياعم دي اجهزا هحطها فيه لحد مابيعها .
فتحي : ماشي ياخويا خد انا همشي انا عشان مش فاضي .
محروس : طريقك اخضر ياسطا سلام . ومشي محروس وفتحي .
حسام : مفتاح ايه دا الخدو الواد دا .
حازم : مش عارف بس ممكن نعرف من الواد دا .
حسام : ازاي بقا .
حازم : هقولك انزل وتعالي نلحقو .نزل حسام وحازم مسرعين ورا فتحي ...........
#بقلمي_ميرو_محمد
في القسم........
وليد : بس وقولنا نجيلك تقولنا نعمل ايه وتعرف لينا رقم العربيه دا بتاع مين .
اسلام : لا اله الا الله ماشي اهدو بقا كده احنا نبعت الاول نعرف العربيه لمين . وبعدها اكيد هنعرف مكان حياه .
صقر بأمل : بجد يااسلام .
اسلام : ايوه ياصقر بس انت اهدا وبعدين انا عندي احتمال كبير ان تكون الاسمها هاجر دي هي الورا الموضوع بعد الحكتو دا .
وليد : وانا عندي نفس الشك والله .
اسلام : طب بصو بقا انت ياصقر تروح الشركه وتتعامل عادي وتراقب البت دي وانا هعرف العربيه بتاعت مين وهاجي علي عندك في الشركه .
صقر : ماشي يااسلام . وسلمو علي بعض وخرج صقر ووليد واتجهو الي الشركه ........
في شقة هاجر عند حياه ......
حياه بتعب جامد وارهاق وعيونها بتقفل : اي حد يرد عليا ونبي هموت حد يرد عليا .
دخل محروس عليها : ها يابطه فكرتي .
حياه : الحقني همو.ت
محروس : بقلق في ايه مالك .
حياه : انا عندي السكر . عاوزا دوا السكر ونبي بسرعه هموت .
محروس : يانهار اسود دنا نسيت حكاية السكر دي . يابنت كل.ب ياهاجر مقلتليش علي العلاج دا .
حياه : ونبي بسرعه بسرعه .
محروس : حاضر حاضر . وخرج مسرعا ونزل الي اسفل علي الصيدليه .
حياه بقلة حيله ودموع وارهاق : يارب قويني يارب يارب خليك معايا انت فين ياصقر .............
ياترا هيحصل ايه حسام وحازم المشيو ورا فتحي عشان يعرفو حاجه .
وبسنت وميار وسما هيعملو ايه مع هاجر .
يتبع الفصل الرابع والاربعون اضغط هنا
- الفهرس يحتوي على جميع فصول الرواية كاملة :"رواية المغرور والدلوعة " اضغط على اسم الرواية