رواية طفلة غيرت كياني الفصل الخامس 5 بقلم أسماء كمال

  رواية طفلة غيرت كياني الفصل الخامس بقلم أسماء كمال

رواية طفلة غيرت كياني الفصل الخامس 

فريال :-

تتجوز رنا!!! 

ادهم :-

اه ياتنت 

فريال :-

بس دي لسه تانية صيدلة دي مكملتش 20 سنة 

ادهم :-

وماله ياتنت اي المشكلة ولا حضرتك عندك مانع 

فريال :-

لا ياحبيبي مقصدش وهو انا هلاقي زيك فين يا ادهم 

كانت ماجدة مندهشة من طلب ابنها ولم تتحدث 

ادهم :-

خلاص ياتنت وانا اتشرف اني اطلب ايد رنا من حضرتك 

فريال :-

وانتي اي رايك في الموضوع ده ياماجدة 

ماجدة بانتباه :-

اه طبعا واحنا نلاقي زيك ولا زي رنا يافيري 

فريال بابتسامة :-

يبقي خلاص انا موافقة 

-------------

ركن سيارته امام القصر واتي رجلان يبدو من مظهرهما انها الحارسان "بودي جارد" 

وقاما بفتح السيارة له وللسيدة 

كانت غاضبة جدا وذهبت مسرعة الي القصر 

لم يفهم هو سر غضبها فلحق بها بسرعة 

ادهم :-

في اي ياماما شكل حضرتك مدايقة 

ماجدة بغضب:-

في اي... ممكن افهم اي اللي انت عملته ده 

ادهم :-

عملت اي ياماما

ماجدة :-

انت هتعمل عبيط فيها.. ازاي يعني تطلب ايد رنا

ادهم :-

في اي ياماما مش انتي اللي نفسك اتجوز من زمان 

ماجدة :-

فجأة كده من غير ما تقولي ولا حتي تقول لباباك 

ادهم بغيظ :-

ليه هو انا عيل ياماما 

ماجدة :-

ملقتش غير رنا

ادهم :-

مالها رنا 

ماجدة :-

رنا لا شبهنا ولا زينا صحيح أهلها اكابر لكن هي لأ 

ادهم :-

ياماما.. 

قاطعته ماجدة قائلة بغضب :-

رنااا لو اخر واحده في الدنيا مش هتتجوزها يا ادهم فاهم ولالا 

قالت جملتها الاخيرة وتركته وصعدت الدرج متجهه لغرفتها وهي غاضبة بشدة 

------------

هيام :-

معقول اللي بتقوليه ده يامامي 

فريال :-

اه واديني هتصل برنا عشان اخليها تجي من القاهرة

هيام :-

وتفتكري رنا هتوافق دي مش بتطيقه اصلا 

فريال :-

ومين قال اني هاخد رايها انا هبلغها بس 

حاولت فريال الاتصال برنا مرارا وتكرارا ولكن كان هاتفها مغلق 

فريال :-

فونها مقفول ابقي اكلمها بكره 

هيام :-

اوك يامامي انا لازم امشي دلوقتي يوسف جه بره 

فريال :-

ماشي يا حبيبتي خدي بالك من نفسك باي 

هيام :-

بااي يامامي 

---------------

كانت رنا نائمة علي مكتبها والكتب حولها مبعثرة 

افاقت علي صوت رنين هاتفها استقيظت رنا ونظرت الي حالها وتذكرت انها كانت تذاكر دروسها بوقت متأخر ويبدو انها نامت من شدة التعب 

امسكت هاتفها رأت والدتها تتصل بها فاستغربت بشدة 

رنا بصوت يغلبه النعاس :-

الو ايوة يامامي 

فريال :-

اي كل ده نوم 

رنا :-

معلش يامامي كنت بذاكر امبارح وسهرت 

فريال :-

اها ربنا يوفقك 

رنا :-

خير يامامي في حاجه ولا اي 

فريال :-

لا مفيش بس انتي لازم تيجي اسكندرية 

رنا بصدمة :-

اجي فين يا مامي والجامعة والمحاضرات 

فريال :-

لازم تيجي ده موضوع ضروري ومش هينفع نتكلم فيه عالفون 

رنا بقلق :-

هياام جرالها حاجه... بابا كويس.. حضرتك ومازن بخير 

فريال :-

كلنا بخير بس لازم تيجي 

رنا :-

ضروري يعني 

فريال :-

لااازم 

رنا :-

اوك يامامي هظبط اموري واجي 

فريال :-

لأ النهارده هبعتلك السواق جهزي نفسك 

رنا بقلة حيلة :-

ماشي 

اغلقت رنا الهاتف وهي تشعر بالحيرة الشديدة والقلق 

ذهبت لتأخذ حماما وصلت فريضتها ثم قامت بترتيب اغراضها لتلك السفره المفاجئه 

ارتدت ملابسها المكونة من بنطال جينز وتشيرت واطلقت لشعرها العنان وانتظرت السائق 

كانت قلقة جدا ولا تدري لماذا استدعتها والدتها وبتلك السرعة دعت ربها الا يكون هناك مكروه قد اصاب عائلتها 

قطع افكارها صوت رنين الهاتف 

فامسكت هاتفها وقامت بالاجابة 

محمد :-

صباح الخير يا روني 

رنا :-

صباح النور يا محمد 

محمد :-

مالك شكلك مدايقة 

رنا :-

مفيش 

محمد :-

لا مفيش ازاي هو انا مش عارفك يعني

رنا :-

انا مسافرة اسكندرية دلوقتي 

محمد باستغراب :-

ليه؟ لسه معاد سفرك بدري؟ هو ده اللي مدايقك يعني 

رنا :-

لا مش ده اللي مدايقني بس انا قلقانه ماما اتصلت فجأة ودلوقتي تجي وضروري من غير ماتفهمني اي حاجه انا حقيقي خايفة حاسة في حاجة حصلت 

محمد محاولا تلطيف الموقف :-

يابنتي بلاش قلق هيكون في اي يعني 

رنا :-

مش عارفه يامحمد 

محمد :-

ان شاء الله خير 

رنا :-

يارب 

وصلت رنا رسالة من والدتها تخبرها بأن السائق ينتظرها بالاسفل 

رنا :-

محمد انا لازم اقفل دلوقتي السواق وصل 

محمد :-

ماشي يا روني خدي بالك من نفسك وطمنيني لما تروحي هناك باي 

رنا :-

باي 

لملمت رنا اغراضها وغادرت المبني وركبت مع السائق متجهين للاسكندرية 

----------------

دخلت رنا القصر ويبدو علي ملامحها القلق 

وجدت والدتها وشقيقتها التي انتفخ بطنها قليلا بسبب الحمل نظرت لهم كثيرا ولكن لا يبدو عليهم اي تعابير 

رنا :-

خير يا ماما ممكن افهم حضرتك جايباني علي ملا وشي ليه 

فريال :-

اهدي بس ده انتي لسه جاية من سفر 

رنا :-

مش قبل ما اعرف اي الموضوع الضروري اللي حضرتك جبتيني عشانه 

فريال :-

استني سليم ومازن زمانهم في الطريق وهتعرفي كل حاجة 

فضلت رنا الصمت ولكنها كانت قلقة للغاية فهدوء والدتها لا يبشر بخير ابدا 

مرت دقائق ولكن رنا أحستها سنوات 

فُتح باب القصر ودخل سليم وتبعه مازن 

نظر سليم ومازن بدهشة الي رنا وهي نظرت لهما بقلق 

سليم :-

رناا... اي اللي حصل وجيتي امتي من القاهرة 

فريال :-

انا اللي جبتها 

مازن :-

طب ليه 

سليم :-

ممكن نفهم انتي جمعتينا كلنا ليه 

فريال :-

اهدوا بس واقعدوا الاول 

جلس الجميع ولديهم الكثير من الاسئلة ماعدا هيام فهي تعرف كل شيء 

رنا :-

ممكن حد يفهمني فيه اي انا اعصابي مش مستحملة تاني 

فريال :-

اهدي خالص ياحبيبتي 

نظرت لها رنا بصدمة "حبيبتي" منذ متي وهي تعاملها بلطف 

اكملت فريال حديثها :-

في عروسة تبقي متعصبة كده 

صُدم كل من رنا وسليم ومازن 

مازن :-

عروسة

رنا بعدم استعياب :-

عروسة اي انا مش فاهمة حضرتك تقصدي اي 

كان سليم ينظر لفريال نظرات غامضة ولم ينطق بحرف 

فريال :-

انتي العروسة هو فيه غيرك... في واحد خطبك مني وانا وافقت 

رنا بصدمة :-

عروسة وخطوبة انتي بتقولي اي ياماما انا لايمكن اتخطب دلوقتي وازاي حضرتك وافقتي من غير ماتاخدي رايي ويطلع مين ده ان شاء الله 

فريال :-

اي اخد رايك دي انا ادري بمصلحتك 

مازن :-

ماما فهمينا الموضوع.. عريس مين ده ورنا لسه صغيرة 

فريال :-

ادهم الصياد 

رنا بغضب:-

ده لو كان اخر واحد في العالم مش هتجوزه 

فريال :-

انا مبخدش رايك 

رنا بغضب:-

يعني اي مبتاخديش رايي هو انا لعبة تحطوها مطرح مايعجبكم لا ياماما مش هيحصل 

فريال بحدة :-

هيحصل يارنا وغصب عنك كمان 

رنا بغضب :-

يعني اي غصب عني 

اتجهت رنا لوالدها وهي تبكي 

حضرتك موافق عاللي بيحصل ده... حضرتك موافق تجوزني غصب عني.. ولمين لادهم 

لم يجيبها سليم بل كان نظرات غامضة لفريال 

رنا :-

بابا حضرتك ساكت ليه حضرتك موافق عاللي بيحصل ده 

فريال :-

ما ترد ياسليم ساكت ليه 

وكأنه بركان وانفجر نهض سليم واتجه ناحيتها 

كوحش كاسر 

سليم بغضب:-

ارد ليه مانتي حضرتك قررتي كل حاجه جاية دلوقتي بس تبلغينا قرارك طب والله كتر خيرك 

فريال :-

قصدك اي 

سليم بغضب:-

مين اداكي الحق انك تقرري حاجه زي دي 

اي نسيتي ياهانم ان انا ابوها ولا انتي خلاص لغيتي دورنا كلنا انتي عايزه انتي تؤمري وتنهي وتتحكمي في حياة الكل مش مكفيكي المعاملة الزفت اللي بتعامليها لرنا كمان عايزه تجوزيها غصب عنها 

هيام :-

يابابي ماما عايزه مصلحتها 

سليم :-

مصلحتها معايا انا ابوها لكن انتوا عمركوا ما فكرتوا فيها ولا في مصلحتها 

ارتحتي يافريال لما خليتي هيام نسخة منك في غرورك وتكبرك ارتحتي لما عقدتي رنا وكرهتيها في عشيتها بسبب تصرفاتك 

فريال بحنق :-

الكلام ده مش وقته دلوقتي يا سليم 

سليم :-

اوماال امتي وقته اسمعي يافريال انا هقفل عالحوار عشان الكلام مننهوش فايده معاكي 

لكن الجوازة دي علي جثتي انها تتم فاهمة 

فريال بغضب :-

يعني اي انا اديته كلمه خلاص 

سليم :-

مش مشكلتي محدش قالك تتصرفي من دماغك 

فريال :-

ازاي يعني 

سليم :-

ماليش فيه زي ما وافقتي اعتذريلهم بطريقتك 

فريال :-

تقدر تقولي ادهم عيبه 

سليم :-

اي عيبه؟ ده عيل صايع كل يوم مع واحده شكل عايزاني أمنه علي بنتي ازاي... وبعدين حتي لو ملاك مادام رنا مش موافقه مش هجوزها غصب عنها فاهمه ولالا 

كانت رنا تبكي بشدة وتشعر بدوار شديد 

اصبحت الرؤية مشوشة امامها وفقدت الوعي وسقطت ارضا 

انتبه الجميع لرنا 

ماازن :-

رناااااا 

ركض سليم ومازن تجاه رنا وحملها مازن متجهاََ بها الي غرفتها 

سليم :-

عفااااف عفاااف

جاءت عفاف وهي تركض :-

ايوة يابيه 

سليم بغضب :-

الزفت اللي اسمه ادهم الصياد لو جه هنا او اتصل تبلغيني فورا فاهمه 

عفاف :-

حاضر يا بيه 

ذهب سليم مسرعا الي غرفة رنا وجدها استعادت وعيها وتبكي بشدة ذهب اليها فارتمت باحضانه وهي تبكي 

رنا ببكاء :-

بابااا انا مش عايزه اتجوز ادهم عشان خاطري يابابا 

سليم :-

متخافيش ياحبيبتي محدش هيقدر يغصبك علي حاجة وادهم مستحيل اجوزهولك 

مازن :-

اهدي يارنا كلنا جمبك 

رنا ببكاء:-

بابا انا عايزه ارجع القاهرة انا عايزة ارجع جامعتي مش عايزه اقعد هنا 

سليم :-

اهدي ياحبيبتي دلوقتي وكل اللي عايزاه انا هعملهولك 

----------------

كان يشعر بالقلق عليها فهي لم تتحدث معه لم تطمئنه عليها تُري ما الذي حدث معها ولماذا لم تتصل به 

فتحت شقيقته باب الغرفة لتجده يقطع الغرفة ذهابا وايابا بتوتر شديد 

نيرمين :-

مالك يامحمد شكلك متوتر 

محمد :-

مفيش يانيرمين 

نيرمين :-

طيب مش هتجي تتعشي معانا 

محمد :-

لا مش عايز اتعشوا انتوا 

تركته شقيقته وذهبت الي حيث يجلس والديها وشقيقتها 

نجاة :-

محمد مجاش معاكي ليه 

نيرمين :-

معرفش قال مش هاكل بس شكله قلقان من حاجه 

آيات :-

امسكي ابنك ده بس وانا هروح اشوفه 

اخذت نيرمين طفلها الذي لم يكمل ال3 اعوام ووضعته بجانب شقيقته بينما ذهبت آيات لمحمد 

دخلت الغرفة وجدته ليس علي مايرام 

محمد :-

يووه قولت مش عايز اتعشي 

ذهبت شقيقته وجلست بجواره وابتسمت بلطف :-

انا جاية اتطمن عليك فيها حاجه دي 

محمد :-

انا كويس يا آيات 

آيات :-

عليا انا بردو... ماتحكيلي يمكن اقدر اساعدك 

تنهد محمد ونظر للسماء :-

هحكيلك ياآيات يمكن اقدر اهدي شوية 

اما عزيزتي رنا كانت قد نامت من كثرة البكاء او بالاحري ادعت انها نامت لكي يتركها والدها واخيها فهي تريد ان تبقي بمفردها وبالفعل تم ما ارادت 

عندما رأي ابيها واخيها انها غفت تركا الغرفة وذهبا 

-------------------

آيات :-

الموضوع يقلق فعلا 

محمد :-

مش عارف اعمل ايه دلوقتي 

آيات :-

طب اتصل بيها بدل ما انت مستنيها تكلمك يمكن انشغلت 

محمد :-

متردد 

آيات :-

انجز يابني اتطمن عليها واقفل علي طول 

محمد :-

عندك حق 

حاول الاتصال بها كثيرا ولم تجب واخيرا قامت بالرد 

محمد بلهفة :-

الو ايوة يارنا 

نظرت له شقيقته بابتسامة وتركته وذهبت 

رنا بصوت مختنق :-

ايوة يامحمد 

محمد :-

طمنيني عليكي انا هموت من القلق

رنا :-

انا كويسة يامحمد 

محمد :-

رنا متخبيش عليا صوتك مش مظبوط 

رنا :-

متقلقش يامحمد حوار بسيط كده 

محمد :-

بسيط انتي متأكدة... طب حصل اي احكيلي 

رنا :-

بعدين يامحمد لما اشوفك 

محمد :-

طب انتي جاية امتي 

رنا :-

معرفش يامحمد 

محمد :-

ماشي يا رنا خدي بالك من نفسك تصبحي على خير 

رنا :-

وانت من اهل الخير 

----------------

كان سليم يستشيط غضبا وقرر ان ينهي هذه المهزلة بطريقته مرت عدة ايام والحال علي مهو عليه حتي اتي ادهم الي القصر 

عفاف :-

اتفضل يا بيه ثواني واناديلك الهانم 

ذهبت عفاف لتخبر فريال وعندما علم سليم ذهب الي رنا ليتحدث معها 

رنا بتردد :-

بس يابابي 

سليم باصرار :-

اللي قولته تنفذيه بالحرف 

رنا :-

حاضر 

سليم :-

يلا شوية وحصليني 

ذهب سليم حيث يجلس ادهم وفريال 

عندما رأته فريال قلقت مما سيحدث ولكنها استغربته فهو يرحب به كثيرا اذن بالتأكيد يخطط لشئ ما 

سليم بترحاب شديد :-

اهلا اهلا ادهم نورتنا 

ادهم :-

اهلا سليم باشا البيت منور باهله 

سليم :-

باشا اي ياراجل ده احنا خلاص هنبقي اهل مش كده ولا اي يافريال 

فريال بشرود :-

اه اه اكيد 

ادهم :-

ده شرف ليا والله 

رائحة عطر نسائي جذاب ملأت المكان لتنزل رنا علي الدرج بشموخ انثوي وملابس انيقة وكعب عالي رفيع ظل ادهم ينظر اليها نظرات اعجاب 

ذهبت لتجلس بجانب ابيها وتضع قدما فوق الاخري نظر لها سليم وابتسم 

رنا بدلال :-

Bonsoir 

ادهم :-

اهلا ياعروسة 

رنا :-

هاي 

ادهم :-

احنا لازم نقعد ونتعرف بقي من اول وجديد 

رنا بسخرية :-

وماله نتعرف... بس بمناسبة اي

ادهم :-

عشان نحدد خطوبتنا 

رنا :-

ااه صحيح خطوبتنا 

وقفت رنا بشموخ وابعدت تلك الخصلة من علي وجهها 

رنا بجدية :-

خطوبتك دي بقي تحددها لوحدك او ممكن تستعين بتنت ماجدة لان انا لا يمكن ارتبط بيك ولو كنت اخر واحد في الدنيا يلا تشاو يا ادهم متنساش تشرب الكوفي بتاعك  

لوحت رنا بيدها وذهبت من حيث اتت 

كان ادهم يستشيط غضبا وفي تلك اللحظة وقف سليم بوقاره المتعاد ليقول :-

اظن وقت ما تحب ترتبط ببنتي تجي تتكلم معايا انا ولو انا مش موجود اخوها مكاني مش هتجي البيت للستات.... اظن الرد انت سمعته بنفسك من رنا شرفت يابشمهندس 

شعر ادهم بالحرج والغضب الشديد كذلك وترك القصر وهو يتوعد لتلك الغبية فمن تكون لترفض ادهم الصياد 

----------------

وبعد مرور اسبوع بالقاهرة 

محمد :-

يانهار ابيض كل ده حصل 

رنا :-

اه والله 

محمد :-

ههههه بس باباكي ده جبروت 

رنا :-

لولاه الله اعلم كان حصلي اي 

محمد :-

ربنا يخليهولك يارب 

رنا :-

يارب يامحمد 

قطع حديثهم بعض الشباب الفاسدين يتغزلون برنا ويلفظون الفاظ بذيئة 

شعر محمد بالغضب ونهض ليتعارك معهم 

رنا بخضة :-

محمد سيبك منه وتعالي نمشي 

شاب :-

تمشي ليه ياقطة ماتخليكي تسهري معانا شوية 

لم يحتمل محمد اكثر من هذا وحدث بينهما اشتباك ورنا خائفة جدا  فهي السبب بكل ما يحدث استطاع احد الشباب فض هذا الاشتباك 

محمد اخذ رنا ورحل من هذا المكان 

رنا :-

انا اسفه والله العظيم يامحمد اسفه 

محمد :-

اسفه علي اي يابنتي محصلش حاجه 

رنا :-

محصلش حاجة ازاي كنت هتتضرب بسببي وتقول محصلش حاجة

محمد :-

ولا يهمك ياستي انا متعود على كده 

رنا وهي تنظر للسماء بحزن :-

سامحني يارب سامحني انا السبب 

نظر له محمد بتردد فهو يريد ان يسألها سؤالا ولكن لا يستطيع ولكنه عزم امره على سؤالها 

محمد :-

رنا 

رنا بانتباه :-

نعم

محمد :-

مفكرتيش .

يتبع الفصل السادس اضغط هنا 

• الفهرس يحتوي على جميع فصول الرواية كاملة :"رواية طفلة غيرت كياني" اضغط على اسم الرواية