رواية فتاتي الضائعة الفصل السادس بقلم ملك نزيه
رواية فتاتي الضائعة الفصل السادس
اللي قاطع كلامهم أنهم دخلوا القصر و اتفاجاوا أن مفيش حرس علي السلم اتخضوا و دخلوا بسرعه ؛ واتفرقوا يدوروا علي الداده لأنها الوحيده اللي في البيت .
حسام : داده اميره انتِ فين ؟
محمد بضحك : داده انا جعان تعالي اعمليلي اكل .
فجأه سمعوا صويت مليكه ؛ محمد و حسام راحوا جري علي مكان الصوت و اول اما دخلوا لقوا دم في كل حته و الداده اميره مرميه علي الارض .
حسام : داده داده في ايه فوقي .
محمد : هو ايه اللي حصل !!
حسام : اتصل بالاسعاف بسرعه .تأليف الكاتبه الصغيره ملك نزيه
محمد : الوا الاسعاف لو سمحت احنا في العنوان (..) و عندنا حد عمال ين*زف .
موظف الاسعاف : حالا يا فندم .
مليكه فضلت عماله تترعش علي الأرض محدش اخد بالوا و بعد اما الإسعاف جت و اخدت الداده حسام اخد باله أن مليكه مش معاهم ؛
حسام : محمد روح انتَ مع الداده و انا هشوف مليكه و اجي وراك بالعربيه .
محمد : تمام .
حسام دخل لقي مليكه منهاره علي الارض .
حسام : مالك فيه ايه ؟
مليكه بعياط : انا خايفه .
حسام : متخافيش انا موجود قومي يلا نلحق نروح علي المستشفي .
مليكه من كتر الخوف عماله تترعش حسام اخدها علي العربيه واول اما وصلوا المستشفى لقوا محمد بيقلهم متخافوش الداده دخلت في غيبوبه بس اكيد بأذن الله هتصحي و الدكتور طمني أن حالتها مستقره ؛ بعد حبه صغيرين وصلت الشرطه لما حسام سال مين اللي عرف الشرطه رد محمد أن هو .
ظابط الشرطة : ازيك يا استاذ حسام ؛ عامل ايه ؟
حسام : تمام الحمدلله .
ظابط الشرطة: طبعا احنا كلنا عارفين انك معندكش وقت نحقق معاك فيه وانتَ شخصيه عامه طبعا و كلنا عارفين انك مبتأذيش حد بس ممكن تقولي ايه اللي حصل .
حسام : حضرتك ممكن تقول انك عايز تستجوبني مفيش مشكله عادي .
مليكه في اللحظه دي كانت مرعوبه أن الظابط يعرف قصتها و يخدها و يدخلها الأحداث .
حسام : حضرتك عايز تعرف ايه ؟
ظابط الشرطة: عايز اعرف بس ايه اللي حصل .
حسام : معرفش انا مكنتش في البيت و لما رجعت شوفت المنظر بتاع الداده ده بس هو ده كل اللي انا اعرفوا .
ظابط الشرطة : هو حضرتك كنت فين .
حسام لسه هيتكلم مليكه قاطعتوا .
مليكه : احنا يا عمو الظابط كنا بنشتري اكل و حلويات .
الظابط: وانتِ بقي مين ؟؟
مليكه : انا انا ..
حسام : دي قريبتي من بعيد جت تقضي معايا يومين و ماشيه .
الظابط : بجد بس ....
حسام : بس ايه يا حضرت الظابط انتَ مينفعش تدخل في حاجتي الخاصه صح .
الظابط : اه أنا آسف معلش
الظابط : طيب حضرتك شاكك في حد معين .
حسام : لاء طبعا .
الظابط مشي و نظراته غريبه جدا اتجاه حسام بس محدش فهم النظرات دي .
حسام و مليكه قعدوا كل يوم يرجعوا البيت يعملوا اكل و يغيروا و يرجعوا تاني المستشفى مليكه تقعد مع الداده و حسام يروح شغلوا .
.....بليل...
حسام : يلا يا مليكه نروح .
مليكه : ماشي يلا بينا .
حسام ركب مليكه العربيه و بدءا حسام و مليكه يتكلموا سوي .
حسام : مليكه أنتِ مش عايزه تعرفي مين اهلك .
مليكه : انا عايزه اعرف بس خايفه .
حسام : خايفه من ايه !!!
مليكه : خايفه أنهم يطلعوا هما اللي بيعني مش مخطوفه .
حسام : طيب هما ليه يبيعوا بنت جميله كده زيك .
مليكه : بجد انتَ اللي جميل شكرا ليك لانك الوحيد اللي دايما بتقف معايا .
حسام ابتسم و معرفش يجاوب فقالها : مليكه اربطي الحزام كويس .
مليكه : في ايه !!
حسام بدأ يجري بالعربيه .
مليكه بصوت عالي : انتَ غبي صح .
حسام : مين ده اللي غبي انا اكبر منك لازم تحترميني .
مليكه : انا اتعلمت كتير من علي البتاع اللي اسموا tope ده
حسام : tope ايه ده و فهمتي منوا ايه .
مليكه : قصدي tube ؛ اتعلمت منوا انك ممكن تخطفني .
حسام ضحك باستهزاء : اسموا YouTube و انا اخطفك ماشي .
مليكه : متضحكش عليا .
حسام : خلاص اسكتي يلا انا صدعت .
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية فتاتي الضائعة" اضغط على اسم الرواية