رواية احببتها صدفة الفصل السابع بقلم رحمة محمد
رواية احببتها صدفة الفصل السابع
الشاب : اي القمر كان بيعيط ولا اي
رغد بضيق : نعم؟ حضرتك قولت حاجه
الشاب ضحك : لا ولا حاجه
رغد بصتلو بقرف وسابتو ومشيت
عمرو : الخبطه الى في دماغك دي من اي
ليان بتوتر : دا... دا انا اتخبطت امبارح عادي
ادهم لاحظ توترها وشك انها مخبيه حاجه
ادهم : اتخبطي في اي
ليان اتوترت اكتر : في.... في
قاطع كلامهم خبط علي الباب
هنا : اتفضل
دخل حمزه : السلام عليكي
كلهم : عليكم السلام
ادهم بص لعمرو : دا حمزه صحبي
عمرو : اهلا بيك
حمزه : شكرا
ادهم بص لليان : انا همشي عشان شغلي
هنا بصت لليان وهي مبتسمه
ليان ابتسمت : اتفضل
رغد دخلت : جبت ليكي الفطار يلا ي حبيبتي
ليان ببتسامه : حاضر
رغد بصت لادهم : شكرا انك ساعتنا (وشافت حمزه) انت اي الى جابك هنا
ادهم بستغراب : انتو تعرفو بعض
رغد بضيق : لا خبطت فيه برا وقعد يستظرف
ادهم بص لحمزه
حمزه ضحك : والله كنت بهزر
ادهم : اسف ليكي... يلا ي حمزه
وخرج ادهم وحمزه من الاوضه
عمرو بص لهنا : عندي مشوار وراجع
هنا ببتسامه : ماشي
عمرو خرج من الاوضه
هنا شافت رغد زعلانه : خلاص ي رغد ادهم اتاسف ليكي
رغد بصت لليان : اسر الى عمل فيكي كدا صح
ليان بتوتر : لا... لا دا انا اتخبطت بس
هنا : ليان انتي مبتعرفيش تكدبي هو الى عمل كدا صح
ليان عيونها دمعت وهزت راسها بالايجاب وحكت الى حصل......
رغد : انتي هتفضلي مستحمله لحد ما يموتك صح
هنا بحزن : كفايه عليكي وجع ي ليلو
ليان فضلت تعيط وسكتت
عمرو راح الشركه لاسر وطلب يقابلو ودخل المكتب
عمرو بزعيق : انت لي بتعمل فيها كدا
اسر ببرود : مين دي
عمرو : متستعبطش ي اسر انت عارف اني بتكلم علي ليان وعلي الخبطه الى في دماغها بسببك
اسر : هي الى قالت اني خبطها
عمرو بغضب : دا كل الى همك علي العموم هي في المستشفى دلوقتي ولحد الان لسه بدافع عنك ومش عايزه تقول الى حصل بس انا متاكد انك كنت السبب في الى حصل ليها وصدقني ي اسر لو فعلا طلعت انت الى كنت السبب هدمرك
وسابو وخرج من المكتب
اسر تليفونو رن
اسر : الو
عند ادهم وحمزه في الشغل
حمزه : هي مين الى كانت في المستشفى دي
ادهم : دي ليان جارتي
حمزه : ومين الى اتخانقت معاها
ادهم : صحبتها
حمزه ابتسم : اسمها اي
ادهم بتفكير : سمعتهم بيقولو رغد بس لي بتسال
حمزه : لا مفيش عادي
ادهم ابتسم : لا واضح... هو اي الى حصل
حمزه : مفيش انا شوفتها طالعه من الأوضة بتعيط ومسحت دموعها بسرعه قولت افرفشها شويه
لسه بقول ليها القمر بيعيط لي لقتها بتقولي بشر نعم حضرتك قولت حاجه قولتها لا ولا حاجه
ادهم بضحك : يخربيتك كويس انها سكتت ليك دي باين عليها شريره
حمزه : انا قولت قمر بس
ادهم ضحك : لا مظلوم
حمزه ضحك : اهه شوفت
ادهم : طب يلا نكمل شغل
رجعو تاني يكملو شغل
ليان قاعده بتعيط وهنا ورغد بيحولو يهدوها
ليان بدموع : انا خلاص قررت اطلق
رغد بحزن : طيب اهدي ي ليلو
الباب خبط ودخل اسر وكان جايب ورد احمر لان ليان بتحب الورد الاحمر
اسر ببتسامه : بقيتي كويسه
رغد بغضب : انت اي الى جابلك هنا
هنا : اهدي ي رغد (وبصت لاسر بقرف)
اسر تجاهل كلامها وقرب من ليان وحط الورد جنبها ومسك ايديها
اسر ببتسامه : انا اسف علي كل الى حصل مني
ليان بستغراب وسحبت ايديها : مبقاش لي لزوم الاسف انا خلاص قررت اطلق
اسر بصدمه : تطلقي
ليان بصت في عينو : ايوا
اسر : مش هطلقك ي ليان عايزه تسبيني
هنا شدت رغد وطلعو برا الاوضه وسابوهم
اسر : انا اسف
ليان عيونها دمعت : انت كنت هتموتني ودلوقتي تقولي اسف لي بتعمل معايا كدا طب لي اتجوزتني وانت مش بتحبني لي ي اسر
اسر حضنها : هشش كفايه كلام
ليان حضنتو وفضلت تعيط
اسر باسها من جبينها : كفايه دموع... انا اسف سمحيني
ليان ابتسمت وهزت راسها بالايجاب وحضنتو
اسر ابتسم بخبث وحضنها
الباب خبط ودخل عمرو ومعاه ادهم
ليان بعدت عن اسر : ادهم اتفضل
عمرو بس لاسر بقرف....وادهم مصدوم من الى شافو وحس بخنقه
اسر بستغراب : مين ادهم
ليان : دا جارنا ي اسر وهو الى ساعدني وجبني هنا (وبصت لادهم) دا اسر جوزي ي ادهم
اسر : اهلا بيك
ادهم بصدمه : جوزك
اسر قرب من ادهم : ايوا انا اسر الهواري... باين من لبسك انك ظابط
ادهم هز راسه بالايجاب : انا الرائد ادهم التهامي
اسر : اهلا بيك
ادهم ابتسم بحزن : شكرا... كنت جاي اطمن علي مدام ليان... بعد اذنكو عندي شغل
ليان استغربت من ردت فعله بس هزت راسها بالايجاب وسكتت
ادهم لسه هيخرج من الاوضه
اسر : استني......
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية احببتها صدفة" اضغط على اسم الرواية